ଖନନ

ଗଭୀର ଖନନ କ’ଣ?

ଖନନ ହେଉଛି ନିର୍ମାଣ ପ୍ରକ୍ରିୟାର ପ୍ରଥମ ଏବଂ ସର୍ବାଧିକ ଗୁରୁତ୍ୱପୂର୍ଣ୍ଣ ପର୍ଯ୍ୟାୟ। ଏଥିରେ ଢାଞ୍ଚାର ମୂଳଦୁଆ ପକାଇବା ପାଇଁ ଉପକରଣ, ଯନ୍ତ୍ରପାତି କିମ୍ବା ବିସ୍ଫୋରକ ସାହାଯ୍ୟରେ ମାଟି, ପଥର କିମ୍ବା ଅନ୍ୟାନ୍ୟ ସାମଗ୍ରୀକୁ ହଟାଯାଏ। ଖନନ ଦ୍ୱାରା କୋଠା ମୂଳଦୁଆ, ଜଳଭଣ୍ଡାର ଏବଂ ରାଜପଥ ନିର୍ମାଣ କରାଯାଏ।

ନିର୍ମାଣରେ 10 ପ୍ରକାରର ଖନନ ହେଉଛି:

• ଉପରିଭାଗ ମାଟି ଅପସାରଣ(ଟପ୍ ସଏଲ୍ ରିମୁଭାଲ୍): ନିର୍ମାଣ ପାଇଁ ସ୍ଥଳ ପ୍ରସ୍ତୁତି ନିମନ୍ତେ ମାଟିର ଉପର ସ୍ତରକୁ ଅପସାରଣ କରିବା।

   

• ପଥର ଅପସାରଣ(ରକ୍ ରିମୁଭାଲ୍): ମୂଳଦୁଆ ଅଞ୍ଚଳକୁ ଅବରୋଧ କରୁଥିବା ବଡ଼ ପଥର ଓ ଶିଳାଖଣ୍ଡର ଅପସାରଣ।

   

• ଫୁଟିଙ୍ଗ ଖନନ(ଏକ୍ସକାଭେସନ୍): ମୂଳଦୁଆକୁ ସମର୍ଥନ କରିବା ଏବଂ ତଳକୁ ଦବିଯିବାକୁ ରୋକିବା ପାଇଁ ଫୁଟିଙ୍ଗ୍ ସ୍ଥାପନ କରିବା ଲାଗି ଖାଲ ଖୋଳିବା।

• ମାଟି ଅପସାରଣ(ଅର୍ଥ ରିମୁଭାଲ୍): ଉପରିଭାଗ ମାଟି ତଳୁ ଖନନ କରି ମୂଳଦୁଆ, ବନ୍ଧ କିମ୍ବା ନାଳ ପାଇଁ ସ୍ଥାନ ସୃଷ୍ଟି କରିବା।

   

• କଟା ଓ ଭରଣା: ଉଚ୍ଚ ଅଞ୍ଚଳରୁ ମାଟି କାଢ଼ି ନିମ୍ନ ଅଞ୍ଚଳକୁ ସମତଳ କରିବା ପାଇଁ ଭରିବା।

• ଟ୍ରେଞ୍ଚିଙ୍ଗ: ପାଇପ୍ କିମ୍ବା କେବୁଲ୍ ପରି ଜରୁରୀ ସେବା ସ୍ଥାପନା ପାଇଁ ସରୁ ଓ ଗଭୀର ଖାଲ ଖୋଳିବା।

   

• ଡ୍ରେଡିଙ୍ଗ: ଜଳାଶୟରୁ ପଙ୍କ ବାହାର କରି ଜାହାଜ ଚଳାଚଳ ପାଇଁ ସ୍ପଷ୍ଟ ମାର୍ଗ ସୁନିଶ୍ଚିତ କରିବା ଏବଂ ଜଳପଥର ରକ୍ଷଣାବେକ୍ଷଣ କରିବା।

   

• ପଙ୍କ ନିଷ୍କାସନ: ନିର୍ମାଣ ପାଇଁ ଏକ ଦୃଢ଼ ଭିତ୍ତିଭୂମି ପ୍ରଦାନ କରିବାକୁ କାଦୁଅ ବା ଅସ୍ଥିର ମାଟିକୁ ସଫା କରିବା।

   

• ବେସମେଣ୍ଟ ଖନନ: ଭୂମି ସ୍ତର ତଳେ ଖୋଳି, ବେସମେଣ୍ଟ କିମ୍ବା ଅନ୍ୟାନ୍ୟ ଭୂତଳ ଢାଞ୍ଚା ସୃଷ୍ଟି କରିବା।

• ଆହରଣ ଖନନ: ନିର୍ମାଣ ସ୍ଥଳକୁ ଭରିବା କିମ୍ବା ସମତଳ କରିବା ପାଇଁ ଅନ୍ୟ ସ୍ଥାନରୁ ମାଟି ଆମଦାନୀ କରିବା।

ନୂତନ ଘର ନିର୍ମାଣ ବେଳେ ଖନନ କାର୍ଯ୍ୟ କିପରି କରାଯାଏ

1. ସ୍ଥଳ ପ୍ରସ୍ତୁତି: ଭୂମିରୁ ସମସ୍ତ ଉଦ୍ଭିଦ, ଆବର୍ଜନା ଏବଂ କୌଣସି ବିଦ୍ୟମାନ ଢାଞ୍ଚାର ଅପସାରଣ।

    

2. ସ୍ଥଳ ସର୍ବେକ୍ଷଣ: ସମ୍ପତ୍ତିର ସୀମା, ମାଟିର ଅବସ୍ଥା ଏବଂ ଭୂତଳ ସୁବିଧା ନିର୍ଣ୍ଣୟ କରିବା।

    

3. ଲେଆଉଟ ଚିହ୍ନଟ: ମୂଳଦୁଆର ଆକାର ଚିହ୍ନିବା ପାଇଁ ଖୁଣ୍ଟ ଏବଂ ସୂତା ବ୍ୟବହାର କରିବା।

    

4. ଖୋଳିବା(ଡିଗିଙ୍ଗ): ମୂଳଦୁଆ ପାଇଁ ଆବଶ୍ୟକ ଗଭୀରତା ପର୍ଯ୍ୟନ୍ତ ମାଟି ହଟାଇବା। ଏଥିରେ ପ୍ରାୟତଃ ଖନନକାରୀ ପରି ଭାରୀ ଯନ୍ତ୍ରପାତି ବ୍ୟବହୃତ ହୁଏ।

    

5. ଗ୍ରେଡିଂ: ଉତ୍ତମ ଜଳ ନିଷ୍କାସନ ଓ ମୂଳଦୁଆ ସମର୍ଥନ ପାଇଁ ଖନନ ହୋଇଥିବା ଅଞ୍ଚଳର ସମତଳୀକରଣ।

    

6. ସେବା ସଂସ୍ଥାପନ(ୟୁଟିଲିଟି ଇନ୍ସଟଲେସନ୍): ଜଳ, ପରିମଳ ଏବଂ ବିଦ୍ୟୁତ ଲାଇନ ପାଇଁ ଖାଲ ଖୋଳିବା।

7. ମାଟି ଅପସାରଣ(ସଏଲ୍ ରିମୁଭାଲ୍): ଖନନ କରାଯାଇଥିବା ମାଟିକୁ ଏକ ନିର୍ଦ୍ଦିଷ୍ଟ ଅଞ୍ଚଳକୁ ପରିବହନ କରିବା କିମ୍ବା ପୁନଃଚକ୍ରଣ କରିବା।