Share:
ನಿಮ್ಮ ಮನೆಯಲ್ಲಿ ಸಸ್ಯಗಳನ್ನು ಇರಿಸಿರುವ ಸ್ಥಳವು ಶಕ್ತಿಯ ಹರಿವಿಗೆ ಗಮನಾರ್ಹವಾಗಿ ಪರಿಣಾಮ ಬೀರುತ್ತದೆ. ಸಸ್ಯಗಳ ವಾಸ್ತುಶಾಸ್ತ್ರದ ಪ್ರಕಾರ ಸರಿಯಾದ ದಿಕ್ಕಿನಲ್ಲಿ ಸಸ್ಯಗಳನ್ನು ಇರಿಸುವುದು ಸಕಾರಾತ್ಮಕತೆ ಹೆಚ್ಚಿಸುತ್ತದೆ, ಆರೋಗ್ಯ ಸುಧಾರಿಸುತ್ತದೆ ಮತ್ತು ಸಂಪತ್ತನ್ನು ಆಕರ್ಷಿಸುತ್ತದೆ.
ನೆಡುವ ಸಸ್ಯಗಳಿಗೆ ಸೂಕ್ತವಾದ ದಿಕ್ಕು ಆಯ್ಕೆ ಮಾಡಿಕೊಳ್ಳುವುದು ವಾಸ್ತುಶಾಸ್ತ್ರದಲ್ಲಿ ಬಹಳ ಮುಖ್ಯವಾಗಿದೆ. ವಿವಿಧ ಸಸ್ಯಗಳ ಶಿಫಾರಸು ಮಾಡಲಾದ ದಿಕ್ಕುಗಳು ಕೆಲವು ಇಲ್ಲಿವೆ:
ಕೆಲ ಸಸ್ಯಗಳನ್ನು ಗೃಹವಾಸ್ತುವಿನಲ್ಲಿ ಅದೃಷ್ಟ ಎಂದು ಭಾವಿಸಲಾಗುತ್ತದೆ ಮತ್ತು ಅವುಗಳು ಉತ್ತಮ ಸಂಪತ್ತು, ಆರೋಗ್ಯ ಮತ್ತು ಸಮೃದ್ಧಿ ತರುತ್ತವೆ ಎಂದು ನಂಬಲಾಗುತ್ತದೆ. ನಿಮ್ಮ ಮನೆಗೆ ಭರವಸೆಯ ವಾಸ್ತು ಸಸ್ಯಗಳು ಕೆಲವು ಇಲ್ಲಿವೆ:
1. ತುಳಸಿ: ಹಿಂದೂ ಸಂಸ್ಕೃತಿಯಲ್ಲಿ ಪೂಜಿಸುವ ತುಳಸಿಯು ಶಾಂತಿ, ಗಾಳಿಯಲ್ಲಿ ಸ್ವಚ್ಛತೆ ಮತ್ತು ಪಾಸಿಟಿವ್ ಶಕ್ತಿಯನ್ನು ತರುತ್ತದೆ ಎಂದು ನಂಬಲಾಗುತ್ತದೆ.
2,ಮನಿಪ್ಲಾಂಟ್: ಸಂಪತ್ತು ಮತ್ತು ಆರ್ಥಿಕ ಸ್ಥಿರತೆಯನ್ನು ಆಕರ್ಷಿಸಲು ಹೆಸರಾದ ಇದನ್ನು ಆಗ್ನೇಯ ಮೂಲೆಯ ಒಳಾಂಗಣದಲ್ಲಿ ಇರಿಸಲಾಗುತ್ತದೆ.
3. ಅರೇಕಾ ಪಾಮ್: ಈ ಸಸ್ಯವು ಗಾಳಿಯ ಗುಣಮಟ್ಟ ಹೆಚ್ಚಿಸುತ್ತದೆ ಮತ್ತು ಸ್ಥಳಕ್ಕೆ ಉಜ್ವಲ ಶಕ್ತಿ ತರುತ್ತದೆ. ಇದನ್ನು ಪೂರ್ವ ಅಥವಾ ಆಗ್ನೇಯ ದಿಕ್ಕಿನಲ್ಲಿರಿಸಬಹುದು.
4. ಬಿದಿರಿನ ಸಸ್ಯ: ಅದೃಷ್ಟ ಮತ್ತು ಸಂಪತ್ತನ್ನು ಸಂಕೇತಿಸುತ್ತದೆ; ಇದು ಪೂರ್ವ ಅಥವಾ ಆಗ್ನೇಯ ದಿಕ್ಕಿನಲ್ಲಿರಿಸಲು ಸೂಕ್ತವಾಗಿದೆ.
5. ಜೇಡ್ ಪ್ಲಾಂಟ್: ಸಂಪತ್ತಿನ ಸಂಕೇತವಾದ ಇದು ಪೂರ್ವ ದಿಕ್ಕಿಗೆ ಸೂಕ್ತವಾಗಿದೆ ಮತ್ತು ಕೆಲವೊಮ್ಮೆ ಪ್ರವೇಶ ದ್ವಾರದಲ್ಲಿರಿಸುವ ಮೂಲಕ ಸಂಪತ್ತನ್ನು ಆಕರ್ಷಿಸಲಾಗುತ್ತದೆ.
6. ಸ್ನೇಕ್ ಪ್ಲಾಂಟ್: ಗಾಳಿಯನ್ನು ಶುದ್ಧೀಕರಿಸುವ ಮತ್ತು ಋಣಾತ್ಮಕ ಶಕ್ತಿಗಳಿಂದ ರಕ್ಷಿಸುವ ಈ ಸಸ್ಯವು ಆಗ್ನೇಯ ದಿಕ್ಕಿಗೆ ಸೂಕ್ತವಾಗಿದೆ.
ಹಲವಾರು ಸಸ್ಯಗಳು ಸಕಾರಾತ್ಮಕ ಶಕ್ತಿ ತಂದುಕೊಟ್ಟರೆ ವಾಸ್ತುಶಾಸ್ತ್ರದ ಪ್ರಕಾರ ಕೆಲ ಸಸ್ಯಗಳು ಮನೆಯಲ್ಲಿರಿಸಲು ಸೂಕ್ತವಲ್ಲ. ನೀವು ಮನೆಯಲ್ಲಿ ನೆಡಬಾರದ ಕೆಲ ಮರಗಳು ಇಲ್ಲಿವೆ:
1. ಬೊನ್ಸಾಯ್ ಮರಗಳು ಕುಂಠಿತ ಬೆಳವಣಿಗೆ ಮತ್ತು ಸಂಘರ್ಷವನ್ನು ಬಿಂಬಿಸುತ್ತವೆ. ವಾಸ್ತು ಪ್ರಕಾರ ಅವುಗಳನ್ನು ಮನೆಯಲ್ಲಿರಿಸಲು ಶಿಫಾರಸು ಮಾಡಲಾಗುವುದಿಲ್ಲ.
2. ಕಾಕ್ಟಸ್ ಮತ್ತು ಮುಳ್ಳಿನ ಗಿಡಗಳು: ಈ ಸಸ್ಯಗಳು ಋಣಾತ್ಮಕ ಶಕ್ತಿ ಮತ್ತು ಸಂಘರ್ಷದೊಂದಿಗೆ ಸಂಪರ್ಕ ಹೊಂದಿವೆ, ಆದ್ದರಿಂದ ಅವುಗಳನ್ನು ಒಳಾಂಗಣಗಳಲ್ಲಿ ಇರಿಸಬಾರದು. ಅವುಗಳನ್ನು ಇರಿಸಿದರೂ ನೈಋತ್ಯ ದಿಕ್ಕಿನಿಂದ ಹೊರಗಡೆ ಇರಿಸಬೇಕು.
3. ಹುಣಸೆ ಮತ್ತು ಹೊಳೆ ದಾಸವಾಳ (ಮರ್ಟಲ್) ಮರಗಳು: ಇವುಗಳು ಋಣಾತ್ಮಕ ಶಕ್ತಿಯನ್ನು ಆಕರ್ಷಿಸುತ್ತವೆ ಎಂದು ನಂಬಲಾಗುತ್ತದೆ ಮತ್ತು ವಸತಿ ಪ್ರದೇಶಗಳ ಹತ್ತಿರ ಇವುಗಳನ್ನು ಬೆಳೆಸಬಾರದು.
4. ಬಬುಲ್(ಅಕೇಷಿಯಾ): ಅಪವಿತ್ರ ಎಂದು ಪರಿಗಣಿಸಲಾಗುತ್ತದೆ, ಇದು ಕುಟುಂಬ ಸದಸ್ಯರ ನಡುವೆ ಆತಂಕ ಮತ್ತು ಬಿಕ್ಕಟ್ಟುಗಳನ್ನು ಆಹ್ವಾನಿಸುತ್ತದೆ.
5. ಹತ್ತಿ ಮತ್ತು ರೇಷ್ಮೆ ಗಿಡಗಳು: ಇವುಗಳು ಹಣಕಾಸಿನ ಬಿಕ್ಕಟ್ಟುಗಳು ಮತ್ತು ಆರೋಗ್ಯ ಸಮಸ್ಯೆಗಳನ್ನು ತರುತ್ತವೆ ಎಂದು ನಂಬಲಾಗುವುದರಿಂದ ಮನೆಗಳ ಬಳಿ ಈ ಸಸ್ಯಗಳನ್ನು ಇರಿಸಬೇಡಿ.
ಸಸ್ಯಗಳು ಮತ್ತು ಮರಗಳ ವಾಸ್ತು ಶಾಸ್ತ್ರವು ಹಸಿರಿನ ವಾತಾವರಣದ ಸೂಕ್ತ ಸ್ಥಳವನ್ನು ಆಯ್ಕೆ ಮಾಡುವುದಕ್ಕೆ ಒತ್ತು ನೀಡುವ ಮೂಲಕ ಸಕಾರಾತ್ಮಕ ಶಕ್ತಿಯ ಹರಿವನ್ನು ನಿಮ್ಮ ಮನೆ ಮತ್ತು ಸುತ್ತಮುತ್ತಲಿನಲ್ಲಿ ನೀಡಲು ಆದ್ಯತೆ ನೀಡುತ್ತದೆ. ನಿಮ್ಮ ಮನೆಗೆ ಬಹಳಷ್ಟು ಪ್ರಮುಖ ವಾಸ್ತು ಮರಗಳು ಮತ್ತು ಸಸ್ಯಗಳ್ನು ಆಯ್ಕೆ ಮಾಡುವುದು ಮತ್ತು ಅವುಗಳನ್ನು ಸೂಕ್ತ ದಿಕ್ಕಿನಲ್ಲಿರಿಸುವುದು ನಿಮ್ಮ ಮನೆಯ ಆರೋಗ್ಯ, ಸಂಪತ್ತು ಮತ್ತು ಸಾಮರಸ್ಯಕ್ಕೆ ಗಮನಾರ್ಹವಾಗಿ ಪರಿಣಾಮ ಬೀರುತ್ತದೆ.
ಸ್ನೇಕ್ ಪ್ಲಾಂಟ್ ಅನ್ನು ಆಗ್ನೇಯ ದಿಕ್ಕಿನಲ್ಲಿರಿಸಿದರೆ ಗಾಳಿಯನ್ನು ಶುದ್ಧಗೊಳಿಸುತ್ತದೆ ಮತ್ತು ಋಣಾತ್ಮಕ ಶಕ್ತಿಗಳಿಂದ ರಕ್ಷಿಸುತ್ತದೆ.
ವಾಸ್ತುಶಾಸ್ತ್ರದ ಪ್ರಕಾರ ಮನಿಪ್ಲಾಂಟ್ ಅನ್ನು ಮನೆಯ ಆಗ್ನೇಯ ಮೂಲೆಯಲ್ಲಿರಿಸಿದರೆ ಸಂಪತ್ತು ಮತ್ತು ಹಣಕಾಸು ಸ್ಥಿರತೆಯನ್ನು ಆಕರ್ಷಿಸುತ್ತದೆ.
ವಾಸ್ತು ಪ್ರಕಾರ ತುಳಸಿ, ಜೇಡ್, ಅರೇಕಾ ಪಾಮ್, ಬಿದಿರು ಮತ್ತು ಮನಿಪ್ಲಾಂಟ್ ನಂತಹ ಸಸ್ಯಗೆಳನ್ನು ಪವಿತ್ರ ಎಂದು ಪರಿಗಣಿಸಲಾಗುತ್ತದೆ ಮತ್ತು ಸಕಾರಾತ್ಮಕ ಶಕ್ತಿ ಮತ್ತು ಸಂಪತ್ತು ತರುತ್ತವೆ.
ವಾಸ್ತು ಶಾಸ್ತ್ರದ ಪ್ರಕಾರ ತುಳಸಿ, ಅರೇಕಾ ಪಾಮ್, ಸ್ನೇಕ್ ಪ್ಲಾಂಟ್ ಮತ್ತು ಅಲೋ ವೆರಾಗಳು ಉತ್ತಮ ಆರೋಗ್ಯ ತರುತ್ತವೆ. ಅವು ಗಾಳಿಯನ್ನು ಶುದ್ಧೀಕರಿಸುತ್ತವೆ ಮತ್ತು ಮನೆಯ ಒಟ್ಟಾರೆ ವಾತಾವರಣ ಉನ್ನತೀಕರಿಸುತ್ತವೆ.
ವಾಸ್ತು ಶಾಸ್ತ್ರದ ಪ್ರಕಾರ ಬೊನ್ಸಾಯ್ ಗಿಡಗಳು ಒಳಾಂಗಣದಲ್ಲಿ ಇರಿಸಲು ಸೂಕ್ತವಲ್ಲ, ಅವು ಕುಂಠಿತ ಪ್ರಗತಿ ಮತ್ತು ಸಂಘರ್ಷವನ್ನು ಪ್ರತಿನಿಧಿಸುತ್ತವೆ. .
ವಾಸ್ತು ಪ್ರಕಾರ ಅಶೋಕ ವೃಕ್ಷವು ಸಮೃದ್ಧಿಯನ್ನು ತರುತ್ತದೆ ಮತ್ತು ದುಃಖವನ್ನು ಹೋಗಲಾಡಿಸುತ್ತದೆ ಎಂಬ ನಂಬಿಕೆ ಇರುವುದರಿಂದ, ಅದನ್ನು ಮನೆಯ ಮುಂದೆ ನೆಟ್ಟರೆ ಮಂಗಳವನ್ನು ಉಂಟು ಮಾಡುತ್ತದೆ ಎಂದು ಪರಿಗಣಿಸಲಾಗುತ್ತದೆ.
