கான்கிரீட் பக்குவப்படுத்தும் நேரத்தைப் புரிந்துகொள்வது முக்கியம், ஏனெனில் இதுதான் வீடு எவ்வளவு வலிமையாகவும் நீடித்தும் இருக்கும் என்பதைத் தீர்மானிக்கிறது. இந்தப் படியைத் தவிர்த்தாலோ அல்லது அவசரமாகச் செய்தாலோ, சீக்கிரமே விரிசல்கள் ஏற்படலாம். அதனால்தான் இதைப் பற்றித் தெரிந்துகொள்வது அவசியமாகும்.
கான்கிரீட் பக்குவப்படுத்தும் நேரம் என்றால் என்ன?
கான்கிரீட் வலிமை பெறத் தேவையான காலமே இதுவாகும். எளிமையாகச் சொல்ல வேண்டுமென்றால், கான்கிரீட்டைச் சில நாட்களுக்கு ஈரப்பத்தோடு வைத்திருப்பதன் மூலம், நீர் சிமெண்ட்டை உள்ளிருந்து மெதுவாக இறுகச் செய்யும். எவ்வளவு அதிக காலம் பக்குவப்படுகிறதோ, அவ்வளவு வலிமை பெறும்.
கான்கிரீட் பக்குவப்படுத்துவதற்கான குறைந்தபட்ச காலம்
கான்கிரீட் உடனே முழு வலிமையை அடையாது. அதன் பெரும் பகுதி வலிமை முதல் 7 நாட்களில் கிடைக்கிறது, ஆனால் 28 நாட்கள் வரை அது தொடர்ந்து வலிமை பெற்றுக்கொண்டே இருக்கும். சரியான காலம் வரை பக்குவப்படுத்துவது கான்கிரீட் ஸ்லாப்பை வலிமையாக்கி, அதிக எடையைப் பாதுகாப்பாகத் தாங்க உதவும்.
கான்கிரீட் பக்குவப்படும் நேரத்திற்கான அட்டவணை
கான்கிரீட் போட்ட உடனே பார்க்க கடினமாகத் தெரிந்தாலும், உள்ளுக்குள் இன்னும் மென்மையாகத் தான் இருக்கும். எனவே தண்ணீர் ஊற்றியோ அல்லது ஈரத் துணியால் மூடியோ சில நாட்களுக்கு வைத்திருந்தால் அதற்குத் தேவையான வலிமை கிடைக்கும். இதோ கால அட்டவணையுடன் கூடிய கான்கிரீட் பக்குவப்படுத்தும் நேரம் பற்றிய ஒரு எளிய விளக்கம்:
1. நாள் 1–3: கான்கிரீட் மிகவும் மென்மையாக இருக்கும், கவனமாக இருக்க வேண்டும்.
2. நாள் 4–7: வலிமை கிடைக்க ஆரம்பிக்கும், ஈரப்பத்தோடு வைத்திருங்கள்.
3. நாள் 8–14: வலிமை கூடும், இருப்பினும் கவனிப்பு தேவை.
4. நாள் 15–28: கிட்டத்தட்ட முழு வலிமை வந்துவிடும், சாதாரண எடையைத் தாங்கும்.
கான்கிரீட் பக்குவப்படும் நேரத்திற்கான எளிய குறிப்புகள்
கான்கிரீட் சரியாகப் பக்குவப்பட சில எளிய குறிப்புகள்:
கான்கிரீட் மேற்பரப்பைத் தண்ணீர் ஊற்றியோ அல்லது ஈரத் துணியாலோ ஈரப்பத்தோடு வைத்திருங்கள்.
முதல் ஒரு வாரத்திற்கு அதன் மேல் நடப்பதைத் தவிர்க்கவும்.
வெயில் அதிகமாக இருந்தால் பிளாஸ்டிக் தாள்கள் கொண்டு மூடி வைக்கவும்.
மிக விரைவாக அதன் மேல் அதிகப் பளுவை ஏற்றுவதைத் தவிர்க்கவும்.
இதையும் படியுங்கள்: கான்கிரீட் என்றால் என்ன? அதன் வகைகள், கலவை, பண்புகள் மற்றும் பயன்கள் யாவை?
நேரம் செல்லச் செல்ல வலிமை அதிகரிக்கும்
கான்கிரீட் பக்குவப்படும் நேரமும் அதன் வலிமையும் ஒன்றோடு ஒன்று தொடர்புடையவை. கான்கிரீட் சரியாகப் பக்குவப்பட எவ்வளவு அதிக நேரம் கொடுக்கிறோமோ, அவ்வளவு வலிமையாகவும் நீடித்தும் இருக்கும். கான்கிரீட்டை கவனமாகக் கையாண்டால், அது பல ஆண்டுகளுக்கு வலிமையாக இருக்கும்.
