Share:
ಸ್ಟ್ರಿಪ್ ಫೂಟಿಂಗ್ ಎಂದರೆ ಆಳವಿಲ್ಲದ ಅಡಿಪಾಯವಾಗಿದ್ದು ಕಟ್ಟಡದ ಭಾರದ ಸಮನಾದ ಹಂಚಿಕೆಗಾಗಿ ವಿನ್ಯಾಸಗೊಂಡಿದ್ದಾಗಿದೆ.
ಇದು ಗಟ್ಟಿ ನೆಲ ಮತ್ತು ನಿರಂತರ ಭಾರ ಹೊರುವ ಗೋಡೆಯನ್ನು ಹೊಂದಿದ ಮನೆಗಳಿಗೆ ಸೂಕ್ತವಾಗಿದೆ.
ಈ ವಿಧದ ಅಡಿಪಾಯವು ಕಡಿಮೆ ವೆಚ್ಚದ್ದಾಗಿದ್ದು, ನಿರ್ಮಾಣದಲ್ಲಿ ಸರಳತೆ ಮತ್ತು ಕಟ್ಟಡಕ್ಕೆ ಸಾಮರ್ಥ್ಯವನ್ನು ಒದಗಿಸುತ್ತದೆ.
ಸ್ಟ್ರಿಪ್ ಫೂಟಿಂಗ್ ಎಂಬುದು ಆಳವಿಲ್ಲದ ಅಡಿಪಾಯದ ವ್ಯವಸ್ಥೆಯಾಗಿದ್ದು ಭಾರ ತಡೆಯುವ ಗೋಡೆಗಳ ಅಥವಾ ಒಟ್ಟಿಗೆ ಇರುವ ಕಂಬಗಳ ತೂಕವನ್ನು ಒಂದು ಉದ್ದನೆಯ ನೆಲದ ಪಟ್ಟಿಯ ಮೇಲೆ ಹಂಚಿಕೆಯಾಗುವಂತೆ ವಿನ್ಯಾಸಗೊಂಡಿರುತ್ತದೆ. ಇದು ಭಾರವನ್ನು ಸಮನಾಗಿ ಹಂಚುವುದಲ್ಲದೆ ಮನೆಯ ಸಮತೋಲನವನ್ನು ಕಾಯ್ದುಕೊಳ್ಳಲು ನೆರವಾಗುತ್ತದೆ.
ಈ ಬಗೆಯ ಅಡಿಪಾಯವು ಸಾಮಾನ್ಯವಾಗಿ ಸರಳತೆ,ಕಡಿಮೆ ವೆಚ್ಚ ಮತ್ತು ಬೇರೆ ಬೇರೆ ಬಗೆಯ ಮಣ್ಣಿಗೆ ಹೊಂದಿಕೊಳ್ಳುವದಕ್ಕೆ ಹೆಸರಾಗಿದೆ.
ಸ್ಟ್ರಿಪ್ ಫೌಂಡೇಷನ್ಗಳು ಯಾವಾಗ ಸೂಕ್ತವೆಂದರೆ:
ಸ್ಥಿರವಾದ ಮಣ್ಣಿನ ಸ್ಥಿತಿ: ಭಾರವನ್ನು ಸಮನಾಗಿ ಹೊರುವ ಸಾಮರ್ಥ್ಯವಿರುವ ಮಣ್ಣಿನಲ್ಲಿ ಇದು ಉತ್ತಮ.
ನಿರಂತರ ಭಾರ ತಡೆಯುವ ಗೋಡೆಗಳು: ಭಾರ ಹೊತ್ತಿರುವ ಗೋಡೆಗಳು ಮತ್ತು ಒತ್ತೊತ್ತಾಗಿ ಇರುವ ಕಂಬಗಳಿರುವ ಮನೆಗಳಿಗೆ ಇದು ಸೂಕ್ತ.
ನಿಮ್ಮ ಮನೆಯ ನಿರ್ಮಾಣ ಒಂದೇ ಬರಿ ನಡೆಯುವ ಪ್ರಕ್ರಿಯೆ - ಅದನ್ನು ಸರಿಯಾಗಿ ಮಾಡಲು ಇರುವುದು ಒಂದೇ ಅವಕಾಶ. ಸರಿಯಾದ ಅಡಿಪಾಯದ ಆಯ್ಕೆ ಸುದೀರ್ಘ ಸ್ಥಿರತೆ ಮತ್ತು ಮನಶ್ಶಾಂತಿಯನ್ನು ಒದಗಿಸುತ್ತದೆ.
ಸ್ಟ್ರಿಪ್ ಫೂಟಿಂಗ್ ಫೌಂಡೇಷನ್ ನಿರ್ಮಿಸುವ ವಿಧಾನವನ್ನು ತಿಳಿಯುವ ಮುನ್ನ ನಿಮ್ಮ ಮನೆಯನ್ನು ನೀವು ಒಂದೇ ಬಾರಿ ಕಟ್ಟುವುದು, ಆದ್ದರಿಂದ ಆ ಪ್ರಕ್ರಿಯೆಯು ಪರಿಪೂರ್ಣವಾಗಿರಬೇಕೆಂಬ ಸ್ಪಷ್ಟ ಅರಿವು ನಿಮಗಿರಲಿ.
ಮಣ್ಣಿನ ವಿಧ ಮತ್ತು ಭಾರ ಹೊರುವ ಸಾಮರ್ಥ್ಯವನ್ನು ಪರಿಶೀಲಿಸಿ ಅಡಿಪಾಯದ ನಿರ್ಮಾಣಕ್ಕೆ ಅದು ಎಷ್ಟು ಸೂಕ್ತವೆಂದು ಅರಿಯಿರಿ.
ಕಟ್ಟಡ ವಿನ್ಯಾಸದ ಅಗತ್ಯಕ್ಕೆ ಅನುಗುಣವಾಗಿ ಬೇಕಾದ ಅಗಲ ಮತ್ತು ಆಳದ ಕಂದಕಗಳನ್ನು ತೆಗೆಯಿರಿ, ಸಮನಾದ ಭಾರ ಹಂಚಿಕೆಗೆ ಅಗತ್ಯವಾದ ಸಮತಟ್ಟಾದ ತಳ ಇರುವುದನ್ನು ಖಾತ್ರಿಪಡಿಸಿಕೊಳ್ಳಿ.
ಕಾಂಕ್ರೀಟನ್ನು ತುಂಬಲು ಕಂದಕದ ಉದ್ದಕ್ಕೂ ಮರದ ಅಥವಾ ಲೋಹದ ಅಚ್ಚುಗಳನ್ನು ಅಳವಡಿಸಿ.
ಬಿರುಕುಗಳನ್ನು ತಡೆಯಲು ಮತ್ತು ವಿಸ್ತರಣಾ ಸಾಮರ್ಥ್ಯವನ್ನು ವರ್ಧಿಸಲು ಕಂದಕದಲ್ಲಿ ಸ್ಟೀಲ್ ರೀಇನ್ಫೋರ್ಸ್ಮೆಂಟ್ಗಳನ್ನು ಇರಿಸಿ.
ಉತ್ತಮ ಗುಣಮಟ್ಟದ ಕಾಂಕ್ರೀಟನ್ನು ಅಚ್ಚುಗಳಲ್ಲಿ ಸುರಿಯಿರಿ ಮತ್ತು ರಂಧ್ರಗಳನ್ನು ತೆಗೆಯಲು ಕಾಂಪ್ಯಾಕ್ಟ್ ಮಾಡಿ ಹಾಗೂ ೭ರಿಂದ ೨೮ ದಿನಗಳ ಕಾಲ ಕ್ಯೂರಿಂಗ್ ಮಾಡುವ ಮೂಲಕ ದೀರ್ಘಬಾಳಿಕೆ ಮತ್ತು ಧೃಡತೆಯನ್ನು ಖಾತ್ರಿಪಡಿಸಿಕೊಳ್ಳಿ.
ಪ್ರತಿಯೊಂದು ವಿನ್ಯಾಸವೂ ಅದರದ್ದೇ ಆದ ಲಾಭಗಳನ್ನು ಹೊಂದಿದೆ ಮತ್ತು ನಿರ್ಮಾಣ ಪ್ರಕ್ರಿಯೆಯ ವಿವಿಧ ಅವಶ್ಯಕತೆಗಳನ್ನು ಪೊರೈಸುತ್ತದೆ. ನಿಮ್ಮ ಮನೆಗೆ ಬೇಕಾದ ಸೂಕ್ತ ವಿನ್ಯಾಸವನ್ನು ಪರಿಣಿತರ ಸಹಾಯದಿಂದ ನಿರ್ಧರಿಸಬಹುದು. ಸಾಮಾನ್ಯವಾಗಿ ಬಳಕೆಯಾಗುವ ಕೆಲವು ಸ್ಟ್ರಿಪ್ ಫೂಟಿಂಗ್ ವಿಧಗಳು ಇಂತಿವೆ:
ಈ ವಿಧವು ಸ್ಥಿರವಾದ ಮಣ್ಣಿನ ಮೇಲೆ ಕಟ್ಟಿದ ಸಣ್ಣ ಮನೆಗಳು ಅಥವಾ ಕಡಿಮೆ ಎತ್ತರದ ಕಟ್ಟಡಗಳಿಗೆ ಸೂಕ್ತ. ಇದು ಕಡಿಮೆ ವೆಚ್ಚದ ವಿಧಾನವಾಗಿದ್ದು, ಕಟ್ಟಡದ ಭಾರವನ್ನು ಮಣ್ಣು ಸಹಜವಾಗಿಯೆ ತಡೆದುಕೊಳ್ಳುವುದರಿಂದ ಹೆಚ್ಚಿನ ರೀಇನ್ಫೋರ್ಸ್ಮೆಂಟ್ ಅಗತ್ಯವಿರುವುದಿಲ್ಲ.
ಹೆಚ್ಚಿನ ಭಾರ ಅಥವಾ ಮಣ್ಣಿನ ಸ್ಥಿತಿ ಸವಾಲಿನಿಂದ ಕೂಡಿದ ಜಾಗಗಳಿಗೆ ಇದನ್ನು ರೂಪಿಸಲಾಗಿದೆ, ಇದರಲ್ಲಿ ಬಲ ಮತ್ತು ಬಾಳಿಕೆಯನ್ನು ಹೆಚ್ಚಿಸಲು ಸ್ಟೀಲ್ ರೀಇನ್ಫೋರ್ಸ್ಮೆಂಟ್ಗಳನ್ನು ಬಳಸಲಾಗುತ್ತದೆ. ಇದನ್ನು ಸಾಮಾನ್ಯವಾಗಿ ಬೃಹತ್ ಕಟ್ಟಡಗಳು ಅಥವಾ ಮಣ್ಣಿನ ಭಾರ ತಡೆಯುವ ಸಾಮರ್ಥ್ಯ ಕಡಿಮೆಯಿದ್ದಾಗ ಬಳಸಲಾಗುತ್ತದೆ.
ಸಮತಟ್ಟಾಗಿಲ್ಲದ ನೆಲದಲ್ಲ್ಲಿ ಸ್ಟೆಪ್ಡ್ ಸ್ಟ್ರಿಪ್ ಫೂಟಿಂಗನ್ನು ಬಳಸುವುದರಿಂದ ಅಸಮ ನೆಲದಲ್ಲೂ ಸಮನಾದ ಭಾರ ಹಂಚಿಕೆ ಸಾಧ್ಯ. ಈ ವಿನ್ಯಾಸವು ವಿಶೇಷವಾಗಿ ಇಳಿಜಾರು ನಿವೇಶನಗಳಿಗೆ ಉಪಯುಕ್ತವಾಗಿದ್ದು ಕಟ್ಟಡದ ಮೇಲಿನ ಒತ್ತಡವನ್ನು ತಡೆಯುವುದಲ್ಲದೆ ಸ್ಥಿರತೆಯನ್ನು ಕಾಯ್ದುಕೊಳ್ಳುತ್ತದೆ.
ಉತ್ತಮ ದರ್ಜೆಯ ಸಿಮೆಂಟಿನಿಂದ ನಿರ್ಮಾಣವಾದ ಧೃಡವಾದ ಅಡಿಪಾಯವು ನಿಮ್ಮ ಮನೆಯು ಬಲಿಷ್ಠ ಮತ್ತು ಸುಭದ್ರವಾಗಿರುವುದನ್ನು ಖಾತ್ರಿಗೊಳಿಸುತ್ತದೆ ಮತ್ತು ಮನೆಯ ಬಾಳಿಕೆ ಮತ್ತು ವಿಶ್ವಾಸಾರ್ಹತೆಯನ್ನು ಹೆಚ್ಚಿಸುತ್ತದೆ. ಇದರ ಪ್ರಮುಖ ಅನುಕೂಲಗಳು ಇಂತಿವೆ:
೧. ಕಡಿಮೆ ವೆಚ್ಚ: ಬೇರೆ ಫೌಂಡೇಶನ್ ವಿಧಗಳಿಗೆ ಹೋಲಿಸಿದರೆ ಆರ್ಥಿಕತೆಯ ದೃಷ್ಟಿಯಿಂದ ಉತ್ತಮ ಆಯ್ಕೆ.
೨. ಕಟ್ಟಡದ ಸಾಮರ್ಥ್ಯ: ಭಾರದ ಸಮನಾದ ಹಂಚಿಕೆಗೆ ಸಹಕಾರಿ, ಕಟ್ಟಡದ ಮೇಲಿನ ಒತ್ತಡವನ್ನು ಕಡಿಮೆ ಮಾಡುತ್ತದೆ.
೩. ಸರಳತೆ : ಕಟ್ಟುವ ಪ್ರಕ್ರಿಯೆಯಲ್ಲಿ ಸಂಕೀರ್ಣತೆ ಕಡಿಮೆಯಿರುವುದರಿಂದ ಕಟ್ಟಲು ಸುಲಭ.
೪. ಮೆಟಿರಿಯಲ್ನ ಹೊಂದಿಕೊಳ್ಳುವಿಕೆ: ಕಾಮಗಾರಿಯ ಅಗತ್ಯಕ್ಕೆ ತಕ್ಕಂತೆ ರೀಇನ್ಫೋರ್ಸ್ಡ್ ಅಥವಾ ಪ್ಲೇನ್ ಕಾಂಕ್ರೀಟಿನೊಂದಿಗೆ ಹೊಂದಿಕೊಳ್ಳಬಲ್ಲುದಾಗಿದೆ.
೫. ಹೊಂದಿಕೊಳ್ಳುವಿಕೆ: ಬೇರೆ ಬೇರೆ ಮಣ್ಣಿನ ವಿಧಗಳಿಗೆ ಮತ್ತು ರಚನೆಗಳಿಗೆ ತಕ್ಕಂತೆ ಬದಲಾಯಿಸಬಹುದಾಗಿದ್ದು ಎಲ್ಲಾ ಬಗೆಯ ನಿರ್ಮಾಣ ಕಾರ್ಯಕ್ಕೆ ತಕ್ಕುದಾಗಿದೆ.
೬. ಬಾಳಿಕೆ: ಉತ್ತಮ ಗುಣಮಟ್ಟದ ಸಿಮೆಂಟಿನಿಂದ ನಿರ್ಮಿಸಿದಾಗ ಸ್ಟ್ರಿಪ್ ಫೂಟಿಂಗ್ ಬಹುಕಾಲ ಉಳಿಯಬಲ್ಲುದಾಗಿದ್ದು ನಿಮ್ಮ ಮನೆಯನ್ನು ಸಧೃಡಗೊಳಿಸುತ್ತದೆ.
ಸ್ಟ್ರಿಪ್ ಫೂಟಿಂಗ್ ಕೆಲವು ಅನಾನುಕೂಲಗಳನ್ನು ಹೊಂದಿದ್ದರೂ ಜಾಗರೂಕತೆಯಿಂದ ಯೋಜನೆಯನ್ನು ರೂಪಿಸಿದಲ್ಲಿ ಮತ್ತು ಉತ್ತಮ ಸಾಮಗ್ರಿಗಳನ್ನು ಬಳಸಿದಲ್ಲಿ ಅನಾನುಕೂಲಗಳನ್ನು ತಗ್ಗಿಸಬಹುದು.
೧. ದುರ್ಬಲ ಮಣ್ಣಿಗೆ ಸೂಕ್ತವಲ್ಲ: ಮಣ್ಣಿನ ಪರಿಸ್ಥಿತಿ ದುರ್ಬಲವಾಗಿದ್ದರೆ ಇದು ಪರಿಣಾಮಕಾರಿಯಲ್ಲ.
೨. ಭಾರ ಕ್ಷಮತೆಯ ಮಿತಿ: ಎತ್ತರದ ಮತ್ತು ಭಾರೀ ಕಟ್ಟಡಗಳಿಗೆ ಸೂಕ್ತವಲ್ಲ.
೩. ನೈಸರ್ಗಿಕ ವಿಕೋಪಗಳಿಗೆ ಒಳಗಾಗುವ ಸಾಧ್ಯತೆ: ಅಂತರ್ಜಲ ಮೇಲ್ಮಟ್ಟದಲ್ಲಿದ್ದರೆ ಅಥವಾ ಭೂಕಂಪನವಾಗುವ ಸ್ಥಳವಾಗಿದ್ದರೆ ಸ್ಥಾನಪಲ್ಲಟವಾಗುವ ಸಾಧ್ಯತೆಯಿದೆ.
೪. ಅಸಮತೋಲನದ ಸಾಧ್ಯತೆ: ಮೇಲ್ಮಟ್ಟದ ಅಂತರ್ಜಲ ಅಥವಾ ಭೂಕಂಪ ಪೀಡಿತ ಜಾಗಗಳಲ್ಲಿ ಸ್ಟ್ರಿಪ್ ಫೂಟಿಂಗ್ ಸ್ಥಾನಪಲ್ಲಟವಾಗುವ ಅಥವಾ ಕುಸಿಯುವ ಸಾಧ್ಯತೆಯಿದೆ.
೫. ಹೊಂದಿಕೊಳ್ಳುವಿಕೆಯ ಮಿತಿ: ಈ ಬಗೆಯ ಅಡಿಪಾಯವು ಭಾರದ ಬದಲಾವಣೆ ಅಥವಾ ಭವಿಷ್ಯದ ವಿಸ್ತರಣೆಗಳಿಗೆ ಹೊಂದಿಕೊಳ್ಳುವ ಸಾಧ್ಯತೆ ಬೇರೆ ವಿಧಗಳಿಗೆ ಹೋಲಿಸಿದರೆ ಕಡಿಮೆ.
೬. ನಿರ್ವಹಣೆಯ ಸವಾಲು: ಸರಿಯಾಗಿ ಕಟ್ಟದಿದ್ದಲ್ಲಿ ಸ್ಟ್ರಿಪ್ ಫೂಟಿಂಗ್ನಲ್ಲಿ ನೀರು ಒಳನುಗ್ಗುವ ಅಥವಾ ಕುಸಿಯುವ ಸಾಧ್ಯತೆಯಿರುವುದರಿಂದ ಪದೇ ಪದೇ ನಿರ್ವಹಣೆಯ ಅಗತ್ಯವಿದೆ.
ನೀವು ನಿಮ್ಮ ಮನೆಯನ್ನು ಒಮ್ಮೆ ಮಾತ್ರ ಕಟ್ಟುವುದರಿಂದ ಅದರ ಅಡಿಪಾಯ ಸರಿಯಾಗಿ ನಿರ್ಮಿಸುವ ವಿಷಯದಲ್ಲಿ ರಾಜಿಯಾಗಕೂಡದು. ಸ್ಟ್ರಿಪ್ ಫೂಟಿಂಗ್ ಕಡಿಮೆ ವೆಚ್ಚದ ಮತ್ತು ಪ್ರಾಯೋಗಿಕವಾದ ಅಡಿಪಾಯವಾಗಿದ್ದು ಮನೆಗೆ ಸ್ಥಿರತೆ ಮತ್ತು ಸಮನಾದ ಭಾರದ ಹಂಚಿಕೆಯನ್ನು ಒದಗಿಸುತ್ತದೆ. ಇದು ಸ್ಥಿರವಾದ ಮಣ್ಣಿಗೆ ಸೂಕ್ತವಾಗಿದ್ದು, ದುರ್ಬಲ ಮಣ್ಣಿಗೆ ಅಥವಾ ಭಾರೀ ಕಟ್ಟಡಗಳಿಗೆ ಸೂಕ್ತವಲ್ಲ. ಸರಿಯಾದ ಅಡಿಪಾಯ ಮತ್ತು ಸಾಮಗ್ರಿಗಳ ಆಯ್ಕೆ ಸುಭದ್ರ ಮತ್ತು ದೀರ್ಘಬಾಳಿಕೆಯ ಮನೆಗಳಿಗೆ ನಿರ್ಣಾಯಕ.
ಸ್ಟ್ರಿಪ್ ಫೂಟಿಂಗ್ ಎಂದರೆ ಆಳವಿಲ್ಲದ ಅಡಿಪಾಯವಾಗಿದ್ದು, ಕಟ್ಟಡದ ಭಾರವನ್ನು ನೆಲಕ್ಕೆ ವರ್ಗಾಯಿಸುತ್ತದೆ.
ಭಾರ ಹೊರುವ ಗೋಡೆಗಳು ಸ್ಥಿರವಾದ ನೆಲದ ಮೇಲೆ ಇರುವಂತಹ ಕಟ್ಟಡಗಳಲ್ಲಿ ಇದನ್ನು ಬಳಸಬಹುದು.
ನಿರಂತರ ಫೂಟಿಂಗ್ ಭಾರವನ್ನು ವಿಸ್ತಾರವಾದ ಜಾಗಕ್ಕೆ ಹರಡಿದರೆ, ಸ್ಟ್ರಿಪ್ ಫೂಟಿಂಗ್ ಉದ್ದನೆಯ ಗೋಡೆಗಳು ಅಥವಾ ಕಂಬಗಳ ಸಾಲಿಗೆ ಆಧಾರ ನೀಡುತ್ತದೆ.
ಮಣ್ಣಿನ ಸಾಮರ್ಥ್ಯ, ಕಟ್ಟಡದ ಭಾರ ಮತ್ತು ವಿನ್ಯಾಸದ ನಿರ್ದಿಷ್ಟ ಅವಶ್ಯಕತೆಗಳ ಮೇಲೆ ಗಾತ್ರವು ಅವಲಂಬಿತವಾಗಿದೆ. ಇಂಜಿಯರರ ಸಲಹೆ ಪಡೆದು ಮುಂದುವರೆಯುವುದು ಸೂಕ್ತ.
ಸಾಮಾನ್ಯವಾಗಿ ೧೫೦ ಮಿಮೀ ಮತ್ತು ೩೦೦ ಮಿಮೀ ನಡುವೆ ಇದ್ದು, ವಿನ್ಯಾಸ ಮತ್ತು ಮಣ್ಣಿನ ಸ್ಥಿತಿಗತಿಯ ಆಧಾರದಲ್ಲಿ ಬದಲಾಗುತ್ತದೆ.
