શેર કરો:
ઘરનું નિર્માણ કરવાની માર્ગદર્શિકા
અમારા ઉત્પાદનો
ઉપયોગી સાધનો
ઘરનું નિર્માણ કરવાની માર્ગદર્શિકા
અલ્ટ્રાટૅક બિલ્ડિંગ ઉત્પાદનો
શેર કરો:
સ્પ્રેડ ફૂટિંગ એ એક પ્રકારનો પાયો છે જે ઇમારતના ભારને જમીનની ફેલાયેલી સપાટીમાં વિતરિત કરવામાં મદદ કરે છે, જેથી જમીન પર વધુ પડતું દબાણ અને એક જગ્યા પર બેસી જવાની શક્યતા ન રહે.
આ વધુ વજન ઊંચકી શકે તેવી જમીન પર બાંધવામાં આવેલા સ્ટ્રક્ચર્સ માટે આદર્શ છે અને રેસિડેન્શિયલ, કોમર્શિયલ અને ઇન્ડસ્ટ્રીઅલ બિલ્ડિંગમાં સામાન્ય રીતે ઉપયોગમાં લેવાય છે.
આ પાયો સ્ટ્રકચરના વજનને જમીન પર ફેલાવવાનું કામ કરે છે, નમવાનું કે બેસી જવાનું જોખમ ઘટાડે છે અને લાંબા સમય માટે સ્ટેબિલિટી સુનિશ્ચિત કરે છે.
સ્પ્રેડ ફૂટિંગ એ એક પ્રકારનો છીછરો પાયો છે જેનો ઉપયોગ કૉલમ્સ, દીવાલો અને બીજા સ્ટ્રક્ચરલ કોમ્પોનન્ટના ભારને જમીનના ફેલાયેલા ભાગ પર વિતરિત કરીને ટેકો આપવા માટે થાય છે. તે સ્ટ્રક્ચરની નીચે રિઇનફોર્સ્ડ કોંક્રિટનો સપોર્ટ લંબાવીને બાંધવામાં આવે છે જેથી જમીન પર વધુ પડતું દબાણ અને અનઇવન સેટલિંગ અટકાવી શકાય.
સુઆયોજિત સ્પ્રેડ ફૂટિંગ ફાઉન્ડેશન ડિઝાઇન એવી બિલ્ડીંગ માટે મહત્ત્વપૂર્ણ છે જ્યાં જમીનની વજન ઊંચકવાની ક્ષમતા સારી હોય. તે સ્ટ્રકચરના લોડને જમીન પર અસરકારક રીતે સ્થાનાંતરિત કરવામાં મદદ કરે છે, જ્યારે તિરાડો અથવા સ્ટ્રક્ચરલ શિફ્ટના જોખમને ઘટાડે છે. આ પ્રકારનો પાયો મીડીયમ લોડની જરૂરિયાતોવાળી રેસિડેન્શિયલ, કોમર્શિયલ અને ઇન્ડસ્ટ્રીઅલ બિલ્ડીંગ માટે વ્યાપકપણે ઉપયોગમાં લેવાય છે.
જ્યારે કોઈ સ્ટ્રક્ચર (માળખું) પાયા પર વજન નાખે છે, ત્યારે સ્પ્રેડ ફૂટિંગ લોડને વિશાળ સરફેસ પર વિતરિત કરે છે, જેથી જમીન પરનું દબાણ ઘટે છે. આથી તે બેસતું કે નમતું નથી, અને સ્ટેબિલિટી (સ્થિરતા) આપે છે. ઇજનેરો જમીનના પ્રકાર, ભાર ક્ષમતા અને આબોહવાની પરિસ્થિતિઓના આધારે સ્પ્રેડ ફૂટિંગ્સ ડિઝાઇન કરે છે જેથી કામગીરીને શ્રેષ્ઠ બનાવી શકાય.
આગળ વાંચો: બાંધકામમાં ફૂટિંગ એટલે શું છે? તેના પ્રકાર અને ઉપયોગો
સ્ટ્રકચરની જરૂરિયાતો અને જમીનની સ્ટેબિલિટીના આધારે વિવિધ પ્રકારના સ્પ્રેડ ફૂટિંગનો ઉપયોગ થાય છે. સૌથી સામાન્ય પ્રકારોમાંથી એક નીચે છે:
આઇસોલેટેડ ફૂટિંગ વ્યક્તિગત રીતે એકલ કોલમ્સને ટેકો આપે છે. તે સમાન અંતરે ગોઠવાયેલા કોલમવાળી બિલ્ડીંગ માટે આદર્શ છે જેને એકબીજા સાથે જોડાયેલા ટેકાની જરૂર નથી. આ પ્રકારની સ્પ્રેડ ફૂટિંગ ડિઝાઇન નાના સ્ટ્રક્ચર સ્ટ્રક્ચર માટે સરળ અને કોસ્ટ-ઇફેક્ટિવ છે પરંતુ નબળી જમીનની સ્થિતિ માટે અયોગ્ય છે.
કમ્બાઇન્ડ ફૂટિંગ બે કે તેથી વધુ સ્તંભોને ટેકો આપે છે જ્યારે તેઓ નજીકથી ગોઠવાયેલા હોય. તેનો ઉપયોગ ત્યારે થાય છે જ્યારે જગ્યાની મર્યાદાને કારણે વ્યક્તિગત ફૂટિંગ્સ ઓવરલેપ થઈ શકે છે. કમ્બાઇન્ડ ફૂટિંગ વધુ સારી સ્થિરતા અને ભાર વિતરણ પ્રદાન કરે છે, જોકે ભારને અસરકારક રીતે સંતુલિત કરવા માટે તેને ચોક્કસ ડિઝાઇનિંગની જરૂર પડે છે.
સ્ટ્રીપ ફૂટિંગ એ એક કન્ટિન્યુઅસ ફૂટિંગ છે જે દિવાલો અથવા કોલમોની હરોળને ટેકો આપે છે. તેનો ઉપયોગ સામાન્ય રીતે લોડ ઊંચકતી દિવાલોવાળી બિલ્ડીંગ માટે થાય છે, કારણ કે તે દિવાલની લંબાઈ સાથે લોડને સમાનરૂપે ડિસ્ટ્રીબ્યુટ કરે છે. જોકે, તે લોડ સ્ટ્રક્ચર માટે આદર્શ નથી જેને ઊંડા પાયાની જરૂર હોય.
સ્ટ્રેપ ફૂટિંગ રિઇનફોર્સ્ડ કોંક્રિટ બીમનો ઉપયોગ કરીને બે આઇસોલેટેડ ફૂટિંગ્સને જોડે છે. તે ત્યારે ઉપયોગી છે જ્યારે કૉલમ્સ વચ્ચે જમીનનું દબાણ બદલાય છે કારણ કે તે અન ઇવન લોડ ડિસ્ટ્રીબ્યુશનને બેલેન્સ કરવામાં મદદ કરે છે. જોકે, આ પ્રકારની સ્પ્રેડ ફૂટિંગ ડિઝાઇન એફેક્ટિવનેસ સુનિશ્ચિત કરવા માટે કાળજીપૂર્વક સ્ટ્રક્ચરલ ડિઝાઇનિંગની માંગ કરે છે.
સ્પ્રેડ ફૂટિંગના ઘણા ફાયદાઓ છે, જે તેને ઘણા બાંધકામ પ્રોજેક્ટ્સ માટેની પસંદ બનાવે છે:
ઊંડા પાયાની સરખામણીમાં, સ્પ્રેડ ફૂટિંગને ઓછા ખોદકામ અને ઓછા મટીરિયલની જરૂર પડે છે, જેનાથી બાંધકામનો ખર્ચ ઘટે છે.
ડિઝાઇન અને બાંધકામ પ્રક્રિયા સરળ છે, જે તેને નાની અથવા મીડ-રાઇઝ બિલ્ડીંગ માટે અનુકૂળ પસંદગી બનાવે છે.
લોડને મોટા વિસ્તારમાં ફેલાવીને, આ પાયો જમીન પરનું દબાણ ઓછું કરે છે અને સ્ટ્રક્ચરલ ફેલિયરનું જોખમ ઘટાડે છે.
રહેણાંક ઘરોથી લઈને કોમર્શિયલ સ્પેસ સુધી, સ્પ્રેડ ફૂટિંગ ઉપયોગી છે અને વિવિધ બાંધકામ જરૂરિયાતો માટે અનુકૂળ છે.
એકવાર બાંધકામ થઈ ગયા પછી, સ્પ્રેડ ફૂટિંગ પાયાને ઓછા મેઇન્ટેનન્સની જરૂર પડે છે, જે લાંબા ગાળાની ડ્યુરેબિલીટી સુનિશ્ચિત કરે છે.
તેના ફાયદા હોવા છતાં, સ્પ્રેડ ફૂટિંગમાં કેટલીક મર્યાદાઓ છે જેને ધ્યાનમાં લેવી જોઈએ:
જો જમીનની લોડ બેરિંગ કેપેસીટી ઓછી હોય અથવા તે શિફટિંગ માટે સંવેદનશીલ હોય, તો સ્પ્રેડ ફૂટિંગ પૂરતો ટેકો આપી શકશે નહીં.
આ પ્રકારનો પાયો ઓછીથી મીડ-રાઇઝ બિલ્ડીંગ્સ માટે સારી રીતે કામ કરે છે, પરંતુ તે ઊંચી ઇમારતો અથવા હેવી ઇન્ડસ્ટ્રીઅલ લોડ માટે આદર્શ નથી.
વધુ પડતો ભેજ કે જળભરાવો પાયાને નબળો પાડી શકે છે, જે લાંબા આયુષ્ય માટે યોગ્ય ડ્રેનેજ આવશ્યક બનાવે છે.
મર્યાદિત જગ્યાવાળા શહેરી વિસ્તારોમાં, તેના પહોળા આધારની જરૂરિયાતોને કારણે સ્પ્રેડ ફૂટિંગ શ્રેષ્ઠ વિકલ્પ ન હોઈ શકે.
સ્પ્રેડ ફૂટિંગ એ એક કોસ્ટ-ઇફેક્ટિવ અને વિશ્વસનીય પાયાની પદ્ધતિ છે જે ઇફેક્ટિવ લોડ ડિસ્ટ્રીબ્યુશન દ્વારા સ્ટેબિલિટી સુનિશ્ચિત કરે છે. જોકે, તેનું ટકાઉપણું જમીનની સ્થિતિ, ડિઝાઇનિંગની ચોકસાઈ અને ઉપયોગમાં લેવાતા મટીરિયલની ક્વોલિટી પર આધાર રાખે છે, ખાસ કરીને સિમેન્ટ. તમારું ઘર બનાવવાની તક તમને માત્ર એક જ વાર મળે છે, તેથી શરૂઆતથી જ યોગ્ય પ્રકારનો પાયો પસંદ કરવો તમારા ઘર માટે કાયમી મજબૂતાઈ અને સલામતી સુનિશ્ચિત કરે છે.
સ્પ્રેડ ફૂટિંગ ઈન્ડિવિડ્યુઅલ કૉલમ્સ અથવા દિવાલોને ટેકો આપે છે, લોડને વિશાળ આધાર પર ડિસ્ટ્રીબ્યુટ કરીને. બીજી તરફ, રાફ્ટ ફૂટિંગ લોડને સમગ્ર પાયાના વિસ્તારમાં ફેલાવે છે, જે તેને નબળી જમીનની સ્થિતિ માટે યોગ્ય બનાવે છે.
સ્ટેબલ જમીનવાળી બિલ્ડીંગ માટે સ્પ્રેડ ફૂટિંગ સૌથી વધુ કોસ્ટ-ઇફેક્ટિવ માનવામાં આવે છે, કારણ કે તેને ઓછા ખોદકામ અને મજબૂતીકરણની જરૂર પડે છે. જોકે, નબળી જમીનની સ્થિતિ માટે લાંબા ગાળે રાફ્ટ ફાઉન્ડેશન વધુ સસ્તું હોઈ શકે છે.
સ્પ્રેડ ફૂટિંગ એ છીછરો પાયો છે જે જમીનના મોટા વિસ્તાર પર લોડ ડિસ્ટ્રીબ્યુટ કરે છે જેથી વધુ પડતું બેસી જતા અટકાવી શકાય અને સ્ટેબલ કરી શકાય.
આઇસોલેટેડ ફૂટિંગ સૌથી વધુ ઉપયોગમાં લેવાતો પ્રકાર છે કારણ કે તે ઈન્ડિવિડ્યુઅલ કોલમોને કાર્યક્ષમ રીતે ટેકો આપે છે અને રેસિડેન્શિયલ અને કોમર્શિયલ બિલ્ડીીંગ્સ માટે બાંધકામમાં સરળ છે.
