Share:
Share:
நீர் கசிவு என்பது பைப்கள், தொட்டிகள், குழாய்கள் அல்லது ஃபிட்டிங்ஸ் போன்ற ப்ளம்பிங் அமைப்பிலிருந்து தண்ணீர் தவறுதலாக வெளியேறுவதைக் குறிக்கிறது. இது பல்வேறு வடிவங்களில் மற்றும் நிலத்தடியில், சுவர்களுக்குள், அல்லது உங்கள் சொத்தின் வெளிப்புற மேற்பரப்புகளில் உட்பட உங்கள் வீட்டிற்குள் பல்வேறு இடங்களில் ஏற்படுகிறது. சொட்டு சொட்டாக விழுவது முதல் தீவிரமாக, அழிவுகரமாக தண்ணீர் பாய்வது வரை நீர் கசிவின் அளவு வேறுபடலாம். நீண்ட காலம் கசிவுகள் கவனிக்கப்படாமல் அல்லது சரி செய்யப்படாமல் விடப்பட்டால், சொத்து சேதமடைவது, தண்ணீர் பில் அதிகரிப்பது மற்றும் பூஞ்சை தொடர்புடைய உடல்நல பிரச்சனைகள் போன்ற தீவிரமான விளைவுகள் ஏற்பட அதிக வாய்ப்புள்ளது.
நீர் கசிவு பிரச்சனையைக் கையாள்வது கடினமாக இருக்கலாம், ஆனால் அதிர்ஷ்டவசமாக, அதைத் தடுக்க நீங்கள் எடுக்கக்கூடிய பல நடவடிக்கைகள் உள்ளன. சரியான நீர் கசிவு தீர்வுகளைப் பின்பற்றுவதன் மூலம், நீங்கள் உங்கள் சொத்தைப் பாதுகாத்து நீர் கசிவுடன் தொடர்புடைய ஆபத்துகளைக் குறைக்கலாம். நீர் கசிவைத் தடுப்பதற்கான சில படிநிலைகள் இதோ:
உங்களின் ப்ளம்பிங் அமைப்புகளில், சாதனங்களில், மற்றும் ஃபிக்ஸ்சர்களில் கசிவுகளுக்கான எதாவது அறிகுறிகள் உள்ளதா என்று தவறாமல் ஆய்வு செய்யவும். தண்ணீர் சொட்டு சொட்டாக ஒழுகுவதை நீங்கள் கவனித்தாலும் அதை சரி செய்ய வேண்டும், ஏனெனில் அவை காலப்போக்கில் கணிசமான நீர் கசிவு பிரச்சனைகளுக்கு வழிவகுக்கலாம்.
சாக்கடைகளில் அடைப்பு ஏற்படுவது தண்ணீர் பின்னோக்கி வருவதற்கும், உங்கள் வீட்டில் நீர் கசிவு ஏற்படுவதற்கும் வழிவகுக்கலாம். முறையான நீர் ஓட்டத்தை உறுதி செய்வதற்காக உங்களின் சாக்கடையில் குப்பைகள் அல்லது அழுக்குகளைத் தவறாமல் சுத்தம் செய்யவும்.
உங்கள் ரூஃபில் காணாமல் போன அல்லது சேதமடைந்த அக்கிகளையும், உங்கள் சீலிங்கில் தண்ணீர் கறைகள் அல்லது நிறமிழப்பின் எதாவது அறிகுறிகள் உள்ளதா என்பதையும் தவறாமல் ஆய்வு செய்யவும். ரூஃப் பிரச்சனைகளை உடனடியாகச் சரி செய்வதன் மூலம், உங்கள் வீட்டிற்குள் நீர் கசிவதை நீங்கள் தடுக்கலாம்.
குளிர்ச்சியான காலநிலைகளில், உறைந்துபோன பைப்கள் வெடித்து, அதிகமான நீர் சேதத்தை ஏற்படுத்தலாம். வெளியே தெரியும் பைப்களை இன்சுலேட் செய்வதன் மூலம், உறைவதைத் தடுக்க உங்கள் வீட்டை நீங்கள் போதுமான அளவு வெப்பமாக வைக்கலாம்.
வெளியே தெரியும் பைப்களை இன்சுலேட் செய்வது உறைவதைத் தடுப்பதோடு மட்டுமல்லாமல், நீர் வெப்பநிலையை ஒழுங்குபடுத்த உதவி, கண்டென்சேஷன் ஆபத்தையும் கசிவுகளையும் குறைக்கிறது.
ஈரப்பதம் அதிகரிப்பு அல்லது பூஞ்சை வளர்ச்சியின் அறிகுறிகளைத் தவறாமல் சரிபார்க்கவும், அதுவும் குறிப்பாக பேஸ்மெண்ட்கள் மற்றும் குளியலறைகள் போன்ற, ஈரத்தன்மை ஏற்பட வாய்ப்புள்ள இடங்களில். ஈரப்பதம் உள்ள இடங்களைச் சரியான நேரத்தில் கண்டறிவது, அங்கு உள்ள நீர் கசிவு பிரச்சனைகள் பெரிதாவதற்கு முன் அவற்றைச் சரி செய்ய உதவலாம்.
கசிவுக்கான காரணத்தைக் கண்டறிவது அந்த பிரச்சனையைச் சரி செய்வதற்கான முதல் படிநிலை ஆகும். பைப்கள் அல்லது மற்ற கட்டமைப்புகளில் தண்ணீர் பயணிப்பதால் கசிவுகளைக் கண்டுபிடிப்பது சிக்கலானதாக இருக்கலாம். இதனால் தான் நீர் கசிவுக்கான காரணத்தைத் தீர்மானிக்க ப்ளம்பிங் ஃபிக்ஸ்சர்கள், பைப்கள், சுவர்கள், சீலிங், மற்றும் ரூஃபை முறையாக ஆராய்வது அவசியமாகிறது. உங்களால் கசிவைக் கண்டறிய முடியவில்லை என்றால், தொழில் வல்லுநரின் உதவியையும் ஆலோசனையையும் நாடுவது முக்கியமாகும்.
கசிவுக்கான காரணத்தைக் கண்டறிந்த பிறகு, மேலும் நீர் கசிவு ஏற்படாமல் தடுக்க சேதமடைந்த இடத்தைச் சரி செய்யவும். இதில் உடைந்த பைப்களைச் சரி செய்வது, சேதமடைந்த ஃப்ளோரிங்கை மாற்றுவது, அல்லது உங்கள் ரூஃபில் உள்ள ஓட்டைகளை அடைப்பது அடங்கும். சரி செய்யும் செயல்முறை குறித்து நீங்கள் உறுதியில்லாமல் இருந்தால் ப்ளம்பரைத் தொடர்புகொள்ளவும்.
கிராக் ஃபில்லரைப் பயன்படுத்துவதன் மூலம், சுவர்கள், ஃபவுண்டேஷன்கள் மற்றும் ஜன்னல்கள் அல்லது கதவுகளைச் சுற்றியுள்ள இடங்கள் போன்ற, உங்கள் வீட்டின் கட்டமைப்பில் உள்ள கண்ணுக்கு தெரியும் விரிசல்கள் மற்றும் இடைவெளிகளை சீல் செய்யலாம். இது எதிர்கால நீர் கசிவுகளைத் தடுத்து, மழை அல்லது ஈரப்பதத்தால் ஏற்படும் சேதத்தைக் குறைக்கிறது.
வாட்டர்ப்ரூஃபிங் இரசாயன தயாரிப்புகள் என்பது, வெளிப்புற சுவர்கள், ரூஃப்கள், பால்கனிகள் மற்றும் பேஸ்மெண்ட்கள் போன்ற உங்களின் வீட்டின் பல்வேறு மேற்பரப்புகளில், நீர் கசிவு அரணை உருவாக்குவதற்காகப் பூசக்கூடிய நீர் கசிவு தடுப்பு கரைசல்கள் ஆகும். இது நீர் ஊடுருவலைத் தடுத்து, கசிவுகளின் ஆபத்தைக் குறைத்து, உங்கள் வீட்டின் கட்டமைப்பின் ஆயுளை நீட்டிக்க உதவலாம்.
உட்புற காற்றின் ஈரப்பதம் அதிகமாக இருந்தால், ஏற்கனவே உள்ள கசிவுகளை மோசமாக்கி, கண்டன்சேஷனை ஏற்படுத்தி, நீர் சேதம் மற்றும் பூஞ்சை வளர்ச்சிக்கு வழிவகுக்கலாம். காற்றில் ஈரப்பதம் உள்ள இடங்களில், ஈரப்பதம் நீக்கும் சாதனங்கள் அல்லது ஏர் கண்டிஷனரைப் பயன்படுத்துவதன் மூலம், குளியலறைகள், சமயலறைகள் மற்றும் துணி துவைக்கும் அறைகளில் ஈரப்பதத்தின் அளவைக் கட்டுப்படுத்துவதற்காக முறையான காற்றோட்டத்தை நீங்கள் உறுதி செய்யலாம்.
உங்கள் ப்ளம்பிங் அமைப்பு, ரூஃப் மற்றும் வடிகால் அமைப்புகளின் வழக்கமான ஆய்வுகள் மற்றும் பராமரிப்பை மேற்கொள்ளுதல். ஒரு தொழில் வல்லுநரால் சாத்தியமான வீக் பாயிண்ட்களைக் கண்டறிந்து, எதிர்கால நீர் கசிவுகள் மற்றும் சேதத்தைத் தடுப்பதற்கான முறையான நீர் கசிவு தீர்வுகளை வீட்டிற்கு வழங்கலாம்.
வீட்டில் நீர் கசிவு பிரச்சனைகளைச் சரி செய்வது, உங்கள் வீட்டின் கட்டமைப்பு உறுதியைப் பராமரித்து, ஆரோக்கியமான வாழ்க்கை சூழலை உறுதி செய்வதற்கு முக்கியமானதாகும். தவறாமல் ஆய்வு செய்வது முதல் நீர் கசிவி தீர்வுகளைப் பயன்படுத்துவது வரை, பெரிய அளவிலான சேதம் மற்றும் செலவு அதிகமான பழுது பார்த்தலைத் தடுக்கலாம். கசியும் ரூஃபை எப்படி சரி செய்வது என்பதை அறிந்துகொள்வதன் மூலம், இந்த வழிகாட்டுதல்கள் நீர் சேதத்திற்கு எதிராக உங்கள் வீட்டைப் பாதுகாப்பதற்கான உறுதியான ஃபவுண்டேஷனை வழங்குகிறது.
சுவர்களில் உள்ள தண்ணீர் பூஞ்சை வளர்ச்சி, கட்டமைப்பு பிரச்சனைகள், மற்றும் சொத்து மதிப்பின் வீழ்ச்சி போன்ற பல்வேறு சேதங்களுக்கு வழிவகுக்கலாம். இது இன்சுலேஷன், வால்பேப்பர், மற்றும் பெயிண்ட்டைச் சேதப்படுத்தி, துர்நாற்றத்திற்கு வழிவகுக்கலாம்.
வாட்டர்ப்ரூஃபிங் சிமெண்ட் நீர் கசிவுகளை நிறுத்துவதில் திறன்மிக்கதாகும். இது தண்ணீர் ஊடுருவலைத் தடுத்து, நீர் சேதத்திலிருந்து கட்டமைப்புகளைப் பாதுகாக்க உருவாக்கப்பட்டுள்ளது. விரிசல்கள் மற்றும் இடைவெளிகளைச் சீல் செய்து, கட்டிடத்தின் வாட்டர்ப்ரூஃபிங்கை மேம்படுத்த இந்த சிமெண்ட்கள் உதவுகின்றன.
கசிவு எவ்வளவு மோசமாக உள்ளது மற்றும் குறிப்பிட்ட சரி செய்தல் தேவைக்கு ஏற்ப, சரி செய்வதற்கான நேரம் இரண்டு மணி நேரம் முதல் சில நாட்கள் வரை ஆகலாம். சிறு கசிவுகளைச் சரி செய்ய சில மணி நேரம் ஆகலாம், அதே சமயம் மிகவும் சிக்கலான பிரச்சனைகளைச் சரி செய்ய, சேதத்தின் அளவுக்கேற்ப பல நாட்கள் தேவைப்படலாம்.
ஆம், கசிவுகள் ஏற்படுவதைத் தடுக்க, ஒரு வாட்டர்ப்ரூஃப் லேயரை உருவாக்கும் சிறப்பு சீலண்ட்களை டைல்ஸில் பூசலாம். இந்த சீலர்களைப் பூசுவது, டைல்ஸ் வழியே நீர் கசிவதைத் தடுக்கும் ஒரு பாதுகாப்பு லேயரை உருவாக்க உதவுகிறது.
ஆம், நீர் கசிவு சரி செய்து முடிக்கப்பட்டு, மேற்பரப்புகள் சரியாகக் காய்ந்த பிறகு, நீங்கள் பெயிண்ட் அடிக்கலாம். எனினும், ஈரத்தன்மை அல்லது ஈரப்பதத்திற்கான வாய்ப்புள்ள இடங்களுக்கென்று குறிப்பாக வடிவமைக்கப்பட்டுள்ள பெயிண்ட்களைத் தேர்வு செய்ய அறிவுறுத்தப்படுகிறது.
டாம்ப் பாட்ச்கள், நிறமிழப்பு, மற்றும் பெயிண்ட் உறிதல் போன்ற கண்ணுக்கு தெரியும் அறிகுறிகள் ஈரப்பதம் தொடர்பான பிரச்சனைகளைக் குறிக்கலாம். மேலும், ஈரப்பதத்தை அளக்கும் கருவிகள் மற்றும் இன்ஃப்ராரெட் கேமராக்கள் சுவர்களில் ஈரப்பதத்தைக் கண்டறிவதற்கான திறன்மிக்கக் கருவிகள் ஆகும்.
