Share:
Share:
जमीनीवरील फरश्यांना तडा जाणे म्हणजे आपल्या जमीनीवरील फरश्यांमध्ये भेग, फ्रॅक्चर(भंजन) किंवा ब्रेक(खंडीतता)ची उपस्थिती. ह्या तडा केवळ फरश्यांच्या पृष्ठभागावर परिणाम करणार्‍या लहान, लक्षात न येण्याजोग्या फटांपासून फरश्यांमध्ये खोलवर जाणार्‍या मोठ्या, लक्षात येण्याजोग्या भेगांपर्यंत असू शकतात. केवळ सौंदर्यदृष्ट्या अप्रसन्न असण्यापलीकडे, काही प्रकरणांमध्ये, ह्या तडा मूलभूत संरचनात्मक समस्या दर्शवू शकतात ज्या संभाव्यत: आपल्या घराच्या किंवा व्यवसायाच्या बांधकामाच्या अखंडतेस मोठा धोका निर्माण करू शकतात.
आपल्या फरश्यांमधील, अगदी केसांइतक्या बारीक तडा देखील केवळ सौंदर्यबाबतच्या समस्येपेक्षा अधिक काही असू शकते. त्या आपल्या जमीनीवरील फरश्यांच्या खाली ओलाव्याला प्रवेश करण्यासाठी प्रवेशद्वार म्हणून कार्य करू शकतात, ज्यामुळे बुरशीची वाढ होऊ शकते. शिवाय, कालांतराने, ह्या तडा देखील अधिक खोल होऊ शकतात, ज्यामुळे आपल्या जागेत अडखळून पडण्याचे धोके निर्माण होतात. इपॉक्सी ग्राऊट सारख्या योग्य उपायांनी फरश्यांमध्ये तडा/भेगा भरून त्यांच्या त्वरित दुरुस्तीसाठी आणि प्रतिबंधासाठी या तडांचे कारण समजून घेणे महत्वाचे आहे.
जमीनीवरील फरश्यांना तडा जाण्यामध्ये अनेक घटक कारणीभूत ठरू शकतात. जमीनीवरील फरश्यांना तडा जाण्यापासून प्रभावीपणे रोखण्यासाठी ही कारणे समजून घेणे महत्वाचे आहे. हे आहेत सर्वात सामान्य अपराधी :
फरश्यांना तडा जाण्याचे एक प्राथमिक कारण म्हणजे कठोर आघात. जेव्हा जड वस्तू फरश्यांवर पडते किंवा जेव्हा फरश्यांवर तीव्र आघात होतो तेव्हा त्यांना त्वरित तडा जाऊ शकतात किंवा कालांतराने त्या कमकुवत होऊ शकतात. फरश्यांचे नुकसान होऊ नये म्हणून फरश्या बसवलेल्या पृष्ठभागावर फर्निचर किंवा इतर जड वस्तू हलवताना सावधगिरी बाळगणे आवश्यक आहे.
खराब प्रतिष्ठापणा पद्धतींमुळे फरश्यांना तडा जाऊ शकतात. अपुरे आसंजक(अधेसिव्ह) व्याप्ती, अयोग्य ग्राऊटिंग किंवा अपुरी अध:स्तर तयारी ह्या सामान्य प्रतिष्ठापणा चुका आहेत ज्यामुळे फरश्यांना तडा जाऊ शकतात. अशा समस्या टाळण्यासाठी योग्य प्रतिष्ठापणा तंत्रांचे अनुसरण करणार्‍या एखाद्या व्यावसायिक फरश्या बसवणार्‍याची नेमणूक करणे महत्वाचे आहे.
फरश्यांवर जास्त वजन किंवा दबावामुळे त्यांना तडा जाऊ शकतो, विशेषत: अपुऱ्या संरचनात्मक आधार असलेल्या भागात. जेव्हा जड वस्तू थेट फरश्यांवर ठेवल्या जातात किंवा जेव्हा विशिष्ट जागांवर केंद्रित वजन असते तेव्हा हे होऊ शकते. आपल्या फरश्या बसवलेल्या पृष्ठभागावरील वजन वितरणाबद्दल सावध रहा आणि तडा जाणे टाळण्यासाठी योग्य आधार वापरा.
अध:स्तर किंवा खाली असलेला पृष्ठभाग फरशांच्या टिकाऊपणात महत्त्वपूर्ण भूमिका बजावतो. जर अध:स्तर खराब झाला असेल, त्याला तडा गेल्या असतील किंवा तो समतल नसेल तर यामुळे वरील फरश्यांवर ताण येऊ शकतो, ज्यामुळे त्यांना तडा जाऊ शकतात. फरशी बसविण्यापूर्वी अध:स्तर चांगल्या स्थितीत असल्याची खात्री करा आणि कोणत्याही संरचनात्मक समस्यांचे त्वरित निराकरण करा.
कंट्रोल जॉइंट (नियंत्रण जोड) किंवा एक्स्पांशन जॉइंट(प्रसरण जोड) हे नैसर्गिक हालचाल आणि बांधकाम मटेरियलच्या प्रसारणास अनुमती देण्यासाठी डिझाइन केलेले असता. फरशी बसवताना करताना या जॉइंटकडे दुर्लक्ष केल्यास फ्लोअरिंग(तळाची-स्लॅबची)ची हालचाल मर्यादित होऊ शकते, ज्यामुळे फरशीवर ताण येतो आणि परिणामी फरशीला तडा जातात आणि फरश्या उखडून बाहेर येतात. कंट्रोल जॉइंट कडे लक्ष द्या आणि एक्स्पांशन(प्रसरण) आणि कॉंट्रॅक्शन(आकुंचन) समायोजित करण्यासाठी योग्य फरशी बसवणी पद्धतींचे अनुसरण करा.
तडा गेलेल्या फरश्या टाळण्याची वेळ येते तेव्हा प्रतिबंध हा महत्वाचा आहे. काही सक्रिय उपाय योजना करून, आपण जमीनीवरील फरश्यांना तडा जाण्याचा धोका कमी करू शकता आणि तडा गेलेल्या फरश्या दुरुस्त करण्याचा त्रास टाळू शकता. तडा गेलेल्या फरश्या टाळण्यासाठी खालील टिपा अंमलात आणण्याचा विचार करावा:
पोर्सिलेन फरश्या अत्यंत टिकाऊ आणि भेगांना/तडांना प्रतिकार करणार्‍या असतात. या प्रकारच्या फरश्यांची निवड केल्यास फरश्यांना तडा जाण्याची शक्यता लक्षणीयरित्या कमी होऊ शकते. पोर्सिलेन फरश्या त्यांची मजबूती आणि जड वापराचा सामना करण्याच्या क्षमतेसाठी ओळखल्या जातात, ज्यामुळे त्या उच्च-रहदारीच्या क्षेत्रांसाठी एक उत्कृष्ट निवड बनतात
फरश्यांना तडा जाणे टाळण्यासाठी सबफ्लोअर व्यवस्थित तयार करणे आवश्यक आहे. फरश्यांसाठी स्थिर आणि समतल पृष्ठभाग तयार करण्यासाठी प्लायवूड आणि काँक्रीट अध:स्तर वापरा. हे वजन समानपणे वितरित करण्यास मदत करते आणि अस्थिर पायामुळे तडा जाण्याचा धोका कमी करते.
"फरश्या बसविण्यापूर्वी, कोणत्याही पोकळ किंवा असमतल भागासाठी सबफ्लोअरची नीट तपासणी करा. हे ""डेड स्पॉट"" फरश्यांना कमकुवत करू शकतात आणि त्यांना तडा जाण्याची शक्यता वाढवू शकता. फरश्या बसविण्यापूर्वी सबफ्लोअर मजबूत करून किंवा दुरुस्त करून कोणत्याही समस्येचे निराकरण करा."
मोठ्या भागात किंवा जागा ज्या तापमानातील चढ-उतार अनुभवतात, तेथे एक्स्पांशन जॉइंट देऊ करणे महत्वाचे आहे. हे जॉइंट फरशांच्या नैसर्गिक हालचालींना सामावून घेतात, आणि तणाव-प्रेरित तडा टाळतात. एक्स्पांशन जॉइंटमधील योग्य अंतर आणि त्यांचे स्थान निश्चित करण्यासाठी व्यावसायिक इन्स्टॉलरचा सल्ला घ्या किंवा औद्योगिक मार्गदर्शक तत्त्वांचे अनुसरण करा.
तडा गेलेल्या किंवा तुकडे झालेल्या फरश्यांना हाताळणे त्रासदायक ठरू शकते, परंतु त्यामागील कारणे समजून घेऊन आणि प्रतिबंधात्मक उपायांची अंमलबजावणी केल्यास आपला वेळ, पैसा वाचू शकतो आणि वैफल्यापासून बचाव होऊ शकतो . या ब्लॉगमध्ये नमूद केलेल्या मार्गदर्शक तत्त्वांचे अनुसरण करून, आपण तडा-मुक्त आणि दीर्घकाळ टिकणार्‍या फरशा लावलेल्या पृष्ठभागांचा आनंद घेण्याच्या मार्गावर असाल. अधिक सखोल फरश्या बसवणी टिपा आणि तंत्रांसाठी, फरश्या बसवणी टिपावरील आमचा व्हिडिओ पहा जो योग्य फरश्या बसवणी पद्धतींमध्ये मौल्यवान अंतर्दृष्टी प्रदान करतो.
