Share:
ಸ್ಟ್ರಾಪ್ ಫೂಟಿಂಗ್ ಎನ್ನುವುದು ಒಂದು ಅಡಿಪಾಯದ ವಿಧಾನವಾಗಿದ್ದು ಇದರಲ್ಲಿ ಎರಡು ಅಥವಾ ಹೆಚ್ಚು ಪ್ರತ್ಯೇಕವಾದ ಅಡಿಪಾಯಗಳು ಒಂದು ಸ್ಟ್ರ್ಯಾಪ್ ಬೀಮ್ ನಿಂದ ಜೋಡಿಸಲ್ಪಟ್ಟಿರುತ್ತದೆ. ಈ ಸಂಪರ್ಕವು ಅಡಿಪಾಯಗಳ ನಡುವೆ ಭಾರವನ್ನು ಸಮನಾಗಿ ಹಂಚುವುದರಿಂದ ಕಟ್ಟಡವು ಸ್ಥಿರ ಮತ್ತು ಸುರಕ್ಷಿತವಾಗಿರಲು ಸಹಾಯ ಮಾಡುತ್ತದೆ.
ಇದು ನಿರ್ದಿಷ್ಟವಾಗಿ ಕಷ್ಟಕರ ಭೂಪ್ರದೇಶಗಳಲ್ಲಿ ಹಾಗೂ ಕಟ್ಟಡದ ಭಾರವು ಸಮನಾಗಿ ಹಂಚಿಕೆಯಾಗದ ಸಂದರ್ಭಗಳಲ್ಲಿ ಸಹಾಯಕವಾಗಿದೆ. ಸ್ಟ್ರಾಪ್ ಫೂಟಿಂಗ್ ಸಂಕೀರ್ಣ ನಿರ್ಮಾಣದ ಪರಿಸ್ಥಿತಿಗಳಲ್ಲೂ ಸಮಾನವಾದ ಭಾರ ಹಂಚಿಕೆಯ ಮೂಲಕ ಕಟ್ಟಡಕ್ಕೆ ಸ್ಥಿರತೆ ಮತ್ತು ಸುರಕ್ಷತೆಯನ್ನು ಒದಗಿಸುತ್ತದೆ. ಇದು ಸೀಮಿತವಾದ ಜಾಗವಿರುವಾಗ ಅಥವಾ ಅಸಹಜ ಲೇ ಔಟ್ ಗಳ ಜೊತೆ ವ್ಯವಹರಿಸುವಾಗ ಉತ್ತಮ ಪರಿಹಾರವಾಗಿದೆ.
ಒಂದು ಮನೆಯ ಅಡಿಪಾಯವನ್ನು ರಚಿಸುವಾಗ ದೀರ್ಘ ಕಾಲದ ಸ್ಥಿರತೆಗಾಗಿ ಸರಿಯಾದ ಅಡಿಪಾಯದ ವಿಧವನ್ನು ಆರಿಸುವುದು ಬಹುಮುಖ್ಯವಾಗಿದೆ. ಬಹಳ ಸಂದರ್ಭಗಳಲ್ಲಿ ಪ್ರಮಾಣಿತ ಅಡಿಪಾಯಗಳು ಸರಿಯಾಗಿ ಕೆಲಸ ಮಾಡಿದರೂ ಅಸಮ ಮಣ್ಣು, ನೆಲ ಅಥವಾ ಜಾಗದ ನಿರ್ಬಂಧವಿರುವಂತಹ ಸವಾಲಿನ ಸನ್ನಿವೇಶಗಳಲ್ಲಿ ಇನ್ನೂ ಹೆಚ್ಚಿನ ವಿಶಿಷ್ಟ ಪರಿಹಾರ ಬೇಕಾಗುತ್ತದೆ. ಸ್ಟ್ರಾಪ್ ಫೂಟಿಂಗ್ ಪ್ರಾಯೋಗಿಕವಾಗಿಯೂ ಹಾಗೂ ಬಾಳಿಕೆಯ ವಿಷಯದಲ್ಲಿಯೂ ಉತ್ತಮ ಪರಿಹಾರವಾಗಿದೆ.
ಸ್ಟ್ರಾಪ್ ಫೂಟಿಂಗ್ ವಿಶೇಷವಾಗಿ ಮಣ್ಣಿನ ಸ್ಥಿತಿಗತಿ ಅಥವಾ ಕಟ್ಟಡದ ವಿನ್ಯಾಸಕ್ಕೆ ಸಂಬಂಧಿಸಿದ ಸವಾಲುಗಳನ್ನು ನಿವಾರಿಸಲು ರೂಪುಗೊಂಡಿರುವ ಅಡಿಪಾಯದ ವಿಧವಾಗಿದೆ. ಇದು ರೀಇನ್ಫೋರ್ಸ್ಡ್ ಕಾಂಕ್ರೀಟ್ ಪಟ್ಟಿಯಿಂದ ಜೋಡಿಸಲ್ಪಟ್ಟ ಎರಡು ಅಥವಾ ಅದಕ್ಕಿಂತ ಹೆಚ್ಚು ಫೂಟಿಂಗ್ಗಳನ್ನು ಹೊಂದಿದ್ದು, ನೆಲದ ಮೇಲೆ ಭಾರದ ಸಮನಾದ ಹಂಚಿಕೆಗೆ ನೆರವಾಗುತ್ತದೆ. ಸಾಂಪ್ರದಾಯಿಕ ಫೂಟಿಂಗ್ ವಿನ್ಯಾಸಗಳಂತೆ ಇದು ಭಾರವನ್ನು ನೇರವಾಗಿ ಮಣ್ಣಿಗೆ ವರ್ಗಾಯಿಸುವುದಿಲ್ಲ, ಬದಲಾಗಿ ಇದು ಸೇತುವೆಯಂತೆ ಕೆಲಸ ಮಾಡಿ, ಫೂಟಿಂಗ್ಗಳ ನಡುವೆ ಸಮತೋಲನ ಮತ್ತು ಹೊಂದಾಣಿಕೆಯನ್ನು ಕಾಯ್ದುಕೊಳ್ಳುತ್ತದೆ.
ಈ ವಿಧಾನವು ವಿಶೇಷವಾಗಿ ಕಂಬಗಳು ಗಡಿರೇಖೆಗೆ ಅತೀ ಹತ್ತಿರದಲ್ಲಿದ್ದು ಪ್ರತ್ಯೇಕ ಫೂಟಿಂಗ್ ಸಾಧ್ಯವಾಗದಂತಹ ಕಡೆಗಳಲ್ಲಿ ಉಪಯೋಗವಾಗುತ್ತದೆ. ಫೂಟಿಂಗ್ಗಳನ್ನು ಒಟ್ಟಿಗೆ ಜೋಡಿಸುವ ಮೂಲಕ ಸ್ಟ್ರಾಪ್ ಫೂಟಿಂಗ್ ಅಡಿಪಾಯದ ಮೇಲೆ ಅನಗತ್ಯ ಒತ್ತಡವನ್ನು ಹೇರದೆ ಕಟ್ಟಡದ ಭಾರವನ್ನು ಸಮರ್ಥವಾಗಿ ನಿಭಾಯಿಸುತ್ತದೆ.
ನೀವು ನಿಮ್ಮ ಮನೆಯನ್ನು ಒಮ್ಮೆ ಮಾತ್ರ ಕಟ್ಟುವುದರಿಂದ ಅಡಿಪಾಯವನ್ನು ಸರಿಯಾಗಿ ಹಾಕುವುದು ಕಟ್ಟಡದ ಬಾಳಿಕೆಯ ದೃಷ್ಟಿಯಿಂದ ನಿರ್ಣಾಯಕ. ಸ್ಟ್ರಾಪ್ ಫೂಟಿಂಗನ್ನು ಸಾಮಾನ್ಯವಾಗಿ ಜಾಗದ ಪರಿಮಿತಿ ಅಥವಾ ಅಸಮ ಮಣ್ಣಿನ ಸ್ಥಿತಿಯಿಂದಾಗಿ ಇತರೆ ಫೂಟಿಂಗ್ ವಿಧಾನಗಳು ಸರಿಹೊಂದದೆ ಇರುವಾಗ ಬಳಸಲಾಗುತ್ತದೆ. ಈ ಕೆಳಗಿನ ಸನ್ನಿವೇಶಗಳಿಗೆ ಸ್ಟ್ರಾಪ್ ಫೂಟಿಂಗ್ ಅತ್ಯುತ್ತಮ ಪರಿಹಾರವನ್ನು ಒದಗಿಸುತ್ತದೆ:
೧. ಪರಿಮಿತ ಜಾಗ: ಕಂಬದ ಅಡಿಪಾಯವು ಸ್ವತ್ತಿನ ಗಡಿಗೆ ಹತ್ತಿರದಲ್ಲಿದ್ದಾಗ ಪ್ರತ್ಯೇಕ ಫೂಟಿಂಗ್ ಬಾಗುವಿಕೆಗೆ ಕಾರಣವಾಗಬಹುದು. ಸ್ಟ್ರಾಪ್ ಫೂಟಿಂಗ್ ಇದನ್ನು ಇನ್ನೊಂದು ಫೂಟಿಂಗ್ನೊಂದಿಗೆ ಜೋಡಿಸುವ ಮೂಲಕ ಸಮತೋಲನವನ್ನು ಸ್ಥಾಪಿಸಿ ಸಮಸ್ಯೆಯನ್ನು ಬಗೆಹರಿಸುತ್ತದೆ.
೨. ಅಸಮ ಮಣ್ಣಿನ ಸ್ಥಿತಿ: ಮಣ್ಣು ಹಿಡಿದಿಟ್ಟುಕೊಳ್ಳುವ ಸಾಮಥ್ಯವು ಹೆಚ್ಚು ಕಮ್ಮಿಯಾಗುವಂತಹ ಜಾಗಗಳಲ್ಲಿ ಸ್ಟ್ರಾಪ್ ಫೂಟಿಂಗ್ ಭಾರದ ಸಮನಾದ ಹಂಚಿಕೆಗೆ ನೆರವಾಗಿ ಅಡಿಪಾಯದ ಕುಸಿತವನ್ನು ತಡೆಯುತ್ತದೆ.
೩. ಅಕ್ಕಪಕ್ಕದ ಕಟ್ಟಡಗಳು: ಈಗಾಗಲೇ ಇರುವ ಕಟ್ಟಡದ ಪಕ್ಕದಲ್ಲಿ ಇನ್ನೊಂದನ್ನು ಕಟ್ಟುವಾಗ, ಸ್ಟ್ರಾಪ್ ಫೂಟಿಂಗ್ ನೆರೆಯ ಕಟ್ಟಡದ ಅಡಿಪಾಯಕ್ಕೆ ಹಾನಿಯುಂಟು ಮಾಡದಂತೆ ಹೊಸ ಕಟ್ಟಡಕ್ಕೆ ಸ್ಥಿರತೆಯನ್ನು ಕೊಡುತ್ತದೆ.
ಈ ಎಲ್ಲಾ ಸ್ಥಿತಿಗತಿಗಳನ್ನು ಅರ್ಥೈಸಿಕೊಳ್ಳುವ ಮೂಲಕ ನಿರ್ಮಾಣಕಾರರು ಇಡೀ ಕಟ್ಟಡದ ಬಲ ಮತ್ತು ಬಾಳಿಕೆಗೆ ಆಧಾರವಾಗಬಲ್ಲ ಘನವಾದ ಅಡಿಪಾಯವನ್ನು ನಿರ್ಮಿಸಬಹುದು.
ಸ್ಟ್ರಾಪ್ ಫೂಟಿಂಗ್ ಮಣ್ಣಿನ ಸ್ಥಿತಿ ಬದಲಾಗುವಾಗ ಮತ್ತು ಫೂಟಿಂಗ್ಗಳು ಹೆಚ್ಚು ಅಂತರದಲ್ಲಿರುವಾಗ ಸಾಂಪ್ರದಾಯಿಕ ಫೂಟಿಂಗ್ ವಿನ್ಯಾಸಗಳಿಗಿಂತ ಉತ್ತಮ ಆಯ್ಜೆಯಾಗಿದೆ.
| ಸಾಂಪ್ರದಾಯಿಕ ಫೂಟಿಂಗ್ | ಸ್ಟ್ರಾಪ್ ಫೂಟಿಂಗ್ |
|---|---|
| ಪ್ರತಿಯೊಂದು ಅಡಿಪಾಯವನ್ನೂ ಭಾರ ಬಿಂದುವಿನಡಿಯಲ್ಲಿ ಪ್ರತ್ಯೇಕವಾಗಿ ವಿನ್ಯಾಸಗೊಳಿಸಲಾಗುತ್ತದೆ. | Iಇದರಲ್ಲಿ ಅನೇಕ ಅಡಿಪಾಯಗಳನ್ನು ಸಂಪರ್ಕಿಸುವ ಒಂದು ಸ್ಟ್ರ್ಯಾಪ್ ಬೀಮ್ ಇದ್ದು, ಅದು ಎಲ್ಲವೂ ಒಟ್ಟಿಗೆ ಕೆಲಸ ಮಾಡುವಂತೆ ನೋಡಿಕೊಳ್ಳುತ್ತದೆ. |
| ಇದು ಭಾರವು ಸಮನಾಗಿ ಹಂಚಲ್ಪಟ್ಟಾಗ ಮತ್ತು ಸ್ಥಿರವಾದ ಮಣ್ಣಿನ ಪರಿಸ್ಥಿತಿಗಳಲ್ಲಿ ಉತ್ತಮವಾಗಿದೆ. | ಅಸಮ ಹಾಗೂ ಸವಾಲಿನ ಮಣ್ಣಿನ ಪರಿಸ್ಥಿತಿಗಳಲ್ಲಿ ಅಡಿಪಾಯಗಾಳು ದೂರದ ಅಂತರದಲ್ಲಿ ಇರಬೇಕಾಗುತ್ತದೆ. ಇಂತಹ ಸಂದರ್ಭಗಳಲ್ಲಿ ಅನುಕೂಲವಾಗಿದೆ. |
| ಒಂದಕ್ಕೊಂದು ಹೊಂದಿಕೊಂಡಿರುವ ವ್ಯವಸ್ಥೆಗಳಿಲ್ಲವಾದ್ಧರಿಂದ ಅಡಿಪಾಯಗಳು ಪ್ರತ್ಯೇಕವಾಗಿ ಕಾರ್ಯನಿರ್ವಹಿಸುತ್ತವೆ. | ಸ್ಟ್ರ್ಯಾಪ್ ಬೀಮ್ ಭಾರವನ್ನು ಅಡಿಪಾಯಗಳ ನಡುವೆ ಸಮನಾಗಿ ಹಂಚುವುದರಿಂದ ಒಂದೇ ಅಡಿಪಾಯದ ಮೇಲೆ ಭಾರ ಬೀಳುವುದನ್ನು ತಪ್ಪಿಸಬಹುದು. |
ಸಾಂಪ್ರದಾಯಿಕ ಅಡಿಪಾಯ ವಿನ್ಯಾಸಗಳು ವಿಫಲವಾಗುವಂತಹ ಅಸಮ ಅಥವಾ ದುರ್ಬಲ ಮಣ್ಣಿರುವ ಸಂದರ್ಭಗಳಲ್ಲಿ ಸ್ಟ್ರ್ಯಾಪ್ ಫೂಟಿಂಗ್ ಉತ್ತಮವಾಗಿದೆ. ಸ್ಟ್ರ್ಯಾಪ್ ಬೀಮ್ ಭಾರವನ್ನು ಸಮನಾಗಿ ಹಂಚಿ, ನೆಲೆಗೊಳ್ಳುವ ಅಥವಾ ಪಲ್ಲಟಗೊಳ್ಳುವ ಅಪಾಯವನ್ನು ತಪ್ಪಿಸುತ್ತದೆ. ಹೆಚ್ಚು ಅಂತರದಲ್ಲಿ ಭಾರಬಿಂದುಗಳಿರುವಾಗ ಈ ವ್ಯವಸ್ಥೆಯು ಲಾಭಕಾರಿಯಾಗಿದೆ ಏಕೆಂದರೆ ಸಂಕೀರ್ಣ ವಿನ್ಯಾಸಗಳಿರುವಾಗ ಸ್ಟ್ರ್ಯಾಪ್ ಅನೇಕ ಅಡಿಪಾಯಗಳನ್ನು ಜೋಡಿಸುವುದರ ಮೂಲಕ ಸಮತೋಲನವನ್ನು ಕಾಯ್ದುಕೊಳ್ಳುತ್ತದೆ.
ಸ್ಟ್ರ್ಯಾಪ್ ಬೀಮ್ ಭಾರವನ್ನು ಸಮನಾಗಿ ಮರುಹಂಚಿಕೆ ಮಾಡುವುದರ ಮೂಲಕ ಒಂದೇ ಅಡಿಪಾಯದ ಮೇಲೆ ಅತಿಯಾದ ಭಾರ ಬೀಳುವುದನ್ನು ತಪ್ಪಿಸಿ ಅಡಿಪಾಯದ ವೈಫಲ್ಯ ಅಥವಾ ಅಸಮ ನೆಲೆಗೊಳ್ಳುವಿಕೆಯ ಅಪಾಯವನ್ನು ಕಡಿಮೆ ಮಾಡುತ್ತದೆ. ಸ್ಟೀಲ್ ರೆಬರ್ ನಂತಹ ಬಲಿಷ್ಟ ಕಾಂಕ್ರೀಟ್ ಸ್ಟ್ರ್ಯಾಪ್ ಫೂಟಿಂಗನ್ನು ಧೃಡಗೊಳಿಸಿಅಡಿಪಾಯದ ದೀರ್ಘಬಾಳಿಕೆ ಹಾಗೂ ಸ್ಥಿರತೆಯನ್ನು ಕಾಯ್ದುಕೊಂಡು ಭವಿಷ್ಯದ ತೊಂದರೆಗಳನ್ನು ತಪ್ಪಿಸುತ್ತದೆ.
ಸ್ಟ್ರ್ಯಾಪ್ ಫೂಟಿಂಗ್ ಗೆ ಹೆಚ್ಚಿನ ಆರಂಭಿಕ ಹೂಡಿಕೆ ಬೇಕಾದರೂ ಇವು ಮುಂದೆ ಬರಬಲ್ಲ ವೆಚ್ಚದಾಯಕ ರಿಪೇರಿಗಳನ್ನು ತಡೆಯುವುದಲ್ಲದೇ ಸಂಕೀರ್ಣ ಅಡಿಪಾಯದ ಪರಿಹಾರ ಬೇಕಾಗುವುದನ್ನು ಕಡಿಮೆಗೊಳಿಸುತ್ತದೆ.ಅವುಗಳ ಒಗ್ಗುವಿಕೆಯ ಗುಣವು ಆಯತಾಕಾರವಲ್ಲದ ಹಾಗೂ ಅಸಮ ಜಾಗಗಳಲ್ಲಿ ಸಮನಾದ ಭಾರ ಹಂಚಿಕೆ ಮಾಡುವುದರ ಮೂಲಕ ಮನೆಯ ವಿನ್ಯಾಸದಲ್ಲಿ ಯಾವುದೇ ರಾಜಿ ಮಾಡಿಕೊಳ್ಳುವ ಅವಕಾಶ ಕೊಡುವುದಿಲ್ಲ.
ಸ್ಥಿರ ಹಾಗೂ ಸಮನಾದ ತಳಹದಿಯನ್ನು ಒದಗಿಸುವುದರ ಮೂಲಕ ಸ್ಟ್ರ್ಯಾಪ್ ಫೂಟಿಂಗ್ ಗೋಡೆಯ ಬಿರುಕುಗಳನ್ನೂ, ಸರಿಯಾಗಿ ಜೋಡಿಸದ ಕಿಟಕಿ/ಬಾಗಿಲುಗಳನ್ನೂ ಹಾಗೂ ಅಡಿಪಾಯದ ಚಲನೆಯಿಂದ ಕುಸಿಯುವ ನೆಲಗಳಿಂದುಂಟಾಗುವ ತೊಂದರೆಗಳನ್ನು ತಡೆದು ಮನೆಯನ್ನು ವೆಚ್ಚದ ರಿಪೇರಿಗಳಿಂದ ತಪ್ಪಿಸುತ್ತದೆ.
ಪ್ರತಿಯೊಂದು ವಿಧವೂ ನಿರ್ದಿಷ್ಟವಾದ ಉದ್ದೇಶಗಳಿಗೆ ಬಳಸಲಾಗುವುದರಿಂದ ನಿಮ್ಮ ಜಾಗದ ಅವಶ್ಯಕತೆಗಳನ್ನು ಮೊದಲು ತಿಳಿದುಕೊಳ್ಳಬೇಕು. ಒಂದೇ ತರಹದ ಸ್ಟ್ರ್ಯಾಪ್ ಫೂಟಿಂಗನ್ನು ಎಲ್ಲ ಸಮಯದಲ್ಲಿ ಬಳಸಲಾಗದು. ಅವಶ್ಯಕತೆಗಳಿಗೆ ತಕ್ಕಂತೆ ವಿಧಗಳು ಇಲ್ಲಿವೆ.
ಸಮತೋಲಿತ ಸ್ಟ್ರ್ಯಾಪ್ ಫೂಟಿಂಗ್ ಜಾಗದೆಲ್ಲೆಡೆ ಭಾರವು ಸಮನಾಗಿ ಹಂಚಿಕೆಯದಾಗ ಬಳಸಲಾಗುತ್ತದೆ. ಇದರಲ್ಲಿ ಒಂದು ಸೆಂಟ್ರಲ್ ಬೀಮ್ ನಿಂದ ಜೋಡಿಸಲ್ಪಟ್ಟ ಎರಡು ಪ್ರತ್ಯೇಕ ಅಡಿಪಾಯಗಳಿರುತ್ತವೆ. ಈ ವಿನ್ಯಾಸವು ಎರಡು ಅಡಿಪಾಯಗಳ ಮಧ್ಯೆ ಭಾರವು ಸಮನಾಗಿ ಹಂಚಿಕೆಯಾಗುವಂತೆ ಮಾಡುತ್ತದೆ ಹಾಗೂ ನಿರ್ಮಾಣಕ್ಕೆ ಸ್ಥಿರವಾದ ಬೆಂಬಲವನ್ನು ಒದಗಿಸಿ ಅಸಮ ನೆಲೆಗೊಳ್ಳುವಿಕೆಯನ್ನು ತಪ್ಪಿಸುತ್ತದೆ. ಇದು ಸಮವಾದ ಮಣ್ಣಿರುವ ಪರಿಸ್ಥಿತಿಗಳಲ್ಲಿ ಬಲಸಲಾಗುತ್ತದೆ.
ಕಟ್ಟಡದ ಮೇಲೆ ಅಸಮವಾದ ಭಾರವಿದ್ದಾಗ ಕ್ಯಾಂಟಿಲಿವರ್ ಸ್ಟ್ರ್ಯಾಪ್ ಫೂಟಿಂಗ್ ಬಳಸಲಾಗುತ್ತದೆ. ಉದಾಹರಣೆಗೆ, ಕಟ್ಟಡದ ಒಂದು ಭಾಗ ಇನ್ನೊಂದು ಭಾಗಕ್ಕಿಂತ ಭಾರವಿದ್ದಾಗ ಅಥವಾ ಕಟ್ಟಡದ ವಿನ್ಯಾಸ ಅಸಮವಿತವಿದ್ದಾಗ ಕ್ಯಾಂಟಿಲಿವರ್ ಸ್ಟ್ರ್ಯಾಪ್ ಫೂಟಿಂಗ್ ಕ್ಯಾಂಟಿಲಿವರ್ ಬೀಮ್ ಅನ್ನು ಬಳಸಿ ಭಾರದ ಸಮತೋಲನವನ್ನು ಕಾಯ್ದುಕೊಳ್ಳುತ್ತದೆ. ಮಣ್ಣಿನ ಸ್ಥಿತಿ ದುರ್ಬಲವಾಗಿದ್ದು ಒಂದು ಕಡೆಯಲ್ಲಿ ಬೇಕಾದಷ್ಟು ಬೆಂಬಲವಿಲ್ಲದಿದ್ದಾಗಲೂ ಈ ಥರದ ಫೂಟಿಂಗ್ ಸಹಾಯಕವಾಗಿದೆ.
ಓವರ್ ಹ್ಯಾಂಗಿಂಗ್ ಸ್ಟ್ರ್ಯಾಪ್ ಫೂಟಿಂಗ್ ಅಡಿಪಾಯದ ಸಾಮಾನ್ಯ ಮಿತಿಗಿಂತ ಹೆಚ್ಚು ವಿಸ್ತರಿಸಿರುತ್ತದೆ. ಇಲ್ಲಿ ಭಾರದ ಸಮತೋಲನ ಕಾಯ್ದುಕೊಳ್ಳಲು ಒಂದು ಬೀಮ್ ಅಡಿಪಾಯದ ತುದಿಗಿಂತಲೂ ಮುಂದೆ ಚಾಚಿಕೊಂಡಿರುತ್ತದೆ. ಈ ವಿನ್ಯಾಸ ಹೆಚ್ಚಾಗಿ ಕಿರಿದಾದ ಜಾಗ ಇರುವಾಗ ಹಾಗೂ ಕಟ್ಟಡದ ಅಡಿಯಲ್ಲಿ ಸಂಪೂರ್ಣ ಅಡಿಪಾಯ ಹಾಕಲು ಜಾಗವಿಲ್ಲದ ಸಂದರ್ಭಗಳಲ್ಲಿ ಬಳಕೆಯಾಗುತ್ತದೆ. ಮುಂದಕ್ಕೆ ಚಾಚುವಂತಹ ಗುಣವಿರುವ ಈ ಅಡಿಪಾಯ ಹೆಚ್ಚು ಜಾಗವನ್ನು ಬಳಸದೇ ಭಾರವನ್ನು ಸಮನಾಗಿ ಹಂಚುತ್ತದೆ.
ಸ್ಟ್ರ್ಯಾಪ್ ಫೂಟಿಂಗ್ ನ ವಿನ್ಯಾಸವು ವಿಜ್ಞಾನ ಮತ್ತು ತಂತ್ರದ ಮಿಶ್ರಣವಾಗಿದೆ. ಮುಖ್ಯಾಂಶಗಳು:
ಮಣ್ಣಿನ ವಿಧವನ್ನು ಅರಿಯುವುದು ಮತ್ತು ಅದರ ಭಾರ ಹೊರುವ ಸಾಮರ್ಥ್ಯವನ್ನು ತಿಳಿದುಕೊಳ್ಳುವುದು ಬಹು ಮುಖ್ಯ. ಮಣ್ಣನ್ನು ಆಮೂಲಾಗ್ರವಾಗಿ ಪರಿಶೀಲಿಸುವುದರಿಂದ ನಿಮ್ಮ ಕಟ್ಟಡದ ಭಾರವನ್ನು ಮಣ್ಣು ತಡೆಯಬಲ್ಲುದೇ ಎಂಬುದನ್ನು ತಿಳಿಯಬಹುದು, ಇದು ಫೂಟಿಂಗ್ನ ಆಳ ಮತ್ತು ವಿನ್ಯಾಸದ ಮೇಲೆ ಪರಿಣಾಮ ಬೀರುತ್ತದೆ.
ಸ್ಟ್ರಾಪ್ ಬೀಮ್ ಅಡಿಪಾಯದ ಉದ್ದಕ್ಕೂ ಭಾರವನ್ನು ಸಮರ್ಥವಾಗಿ ಹಂಚಬೇಕು. ಸರಿಯಾದ ಭಾರದ ಹಂಚಿಕೆಯಿಂದ ಬಲವು ಸಮನಾಗಿ ಹರಡಿಕೊಂಡು ಕಟ್ಟಡದ ಮೇಲೆ ಅನಗತ್ಯ ಒತ್ತಡ ಅಥವಾ ಕುಸಿತವನ್ನು ತಡೆಯುತ್ತದೆ.
ವಿಶೇಷವಾಗಿ ಕಾಂಕ್ರೀಟ್ ಮತ್ತು ರೀಇನ್ಫೋರ್ಸ್ಮೆಂಟಿಗೆ ಅತ್ಯುತ್ತಮ ದರ್ಜೆಯ ಸಾಮಗ್ರಿಗಳನ್ನು ಆಯ್ಕೆಮಾಡಿಕೊಳ್ಳುವುದು ಅತ್ಯಗತ್ಯ. ಹೆಚ್ಚು ಬಾಳಿಕೆ ಬರುವ ಸಾಮಗ್ರಿಗಳನ್ನು ಬಳಸುವುದರಿಂದ ಅಡಿಪಾಯವು ಸ್ಥಿರ, ಸಧೃಡವಾಗುವುದಲ್ಲದೇ ಸುಲಭವಾಗಿ ಹಾನಿಗೊಳಗಾಗುವುದಿಲ್ಲ - ಅಗ್ಗದ ಸಾಮಗ್ರಿಗಳನ್ನು ಬಳಸುವುದು ಭವಿಷ್ಯದಲ್ಲಿ ಸಮಸ್ಯೆಗಳನ್ನು ತಂದೊಡ್ಡಬಹುದು.
ಈ ಹಂತಗಳನ್ನು ಅನುಸರಿಸುವುದರಿಂದ ನಿಮ್ಮ ಮನೆಗೆ ಸಧೃಡ ಮತ್ತು ವಿಶ್ವಾಸಾರ್ಹ ಅಡಿಪಾಯವನ್ನು ನಿರ್ಮಿಸಬಹುದು.
ಮಣ್ಣಿನ ಭಾರ ಹೊರುವ ಸಾಮರ್ಥ್ಯವನ್ನು ತಿಳಿಯಲು ಮೊದಲು ಮಣ್ಣು ಪರೀಕ್ಷೆಯಿಂದ ಆರಂಭಿಸಿ. ಮಣ್ಣಿನ ಧೃಡತೆಯನ್ನು ತಿಳಿಯುವುದರಿಂದ ನಿಮ್ಮ ಮನೆಯ ಭಾರವನ್ನು ಅಡಿಪಾಯ ತಡೆಯಬಲ್ಲುದೇ ಎಂದು ತಿಳಿಯಬಹುದು ಮತ್ತು ಭವಿಷ್ಯದಲ್ಲಿ ಕುಸಿತದ ಅಥವಾ ಪಲ್ಲಟದ ಅಪಾಯವನ್ನು ತಡೆಯಬಹುದು.
ಫೂಟಿಂಗ್ ಮತ್ತು ಸ್ಟ್ರಾಪ್ ಬೀಮ್ನ ಜಾಗವನ್ನು ನಿರ್ದಿಷ್ಟವಾಗಿ ಗುರುತಿಸಿ. ಸರಿಯಾದ ವಿನ್ಯಾಸವನ್ನು ಯೋಜಿಸುವುದರಿಂದ ನಿಮ್ಮ ಕಟ್ಟಡದ ರೂಪುರೇಷೆಯೊಂದಿಗೆ ಅಡಿಪಾಯದ ಹೊಂದಿಕೆ ಮತ್ತು ಭಾರದ ಸಮನಾದ ಹಂಚಿಕೆಯನ್ನು ಖಾತ್ರಿಗೊಳಿಸಬಹುದು.
ಅಡಿಪಾಯದ ವಿನ್ಯಾಸಕ್ಕೆ ಅನುಗುಣವಾಗಿ ಕಂದಕಗಳನ್ನು ತೆಗೆಯಿರಿ. ಫೂಟಿಂಗ್ ಮತ್ತು ಬೀಮ್ಗಳು ಸರಿಯಾದ ಆಳ ಮತ್ತು ಜಾಗದಲ್ಲಿ ನೆಲೆಯಾಗಿ ಸರಿಯಾದ ಆಧಾರವನ್ನು ಒದಗಿಸಲು ಪಾಯವನ್ನುನಿಖರವಾಗಿ ತೆಗೆಯಬೇಕು.
ಅಗೆದ ಕಂದಕಗಳಲ್ಲಿ ಸ್ಟೀಲ್ ರೀಬಾರ್ಗಳನ್ನು ಇರಿಸಿ. ಫೂಟಿಂಗ್ಸ್ ಮತ್ತು ಬೀಮ್ಗಳನ್ನು ರೀಬರ್ನೊಂದಿಗೆ ರೀಇನ್ಫೋರ್ಸ್ ಮಾಡುವುದರಿಂದ ಕಾಂಕ್ರೀಟ್ ಧೃಡವಾಗಿ, ಅಡಿಪಾಯದ ಮೇಲೆ ಕಾಲಕ್ರಮದಲ್ಲಿ ಬೀಳಬಹುದಾದ ಒತ್ತಡ ಮತ್ತು ಭಾರವನ್ನು ತಡೆಯಲು ಶಕ್ತವಾಗುತ್ತದೆ.
ರೀಇನ್ಫೋರ್ಸ್ಮೆಂಟ್ ಒಮ್ಮೆ ಇರಿಸಲ್ಪಟ್ಟ ನಂತರ ಉತ್ತಮ ದರ್ಜೆಯ ಕಾಂಕ್ರೀಟನ್ನು ಕಂದಕದಲ್ಲಿ ಸುರಿಯಿರಿ. ಈ ಹಂತವು ಅಡಿಪಾಯದ ಬಲ, ಬಾಳಿಕೆ ಮಾತ್ರವಲ್ಲದೆ ಪಲ್ಲಟ ಅಥವಾ ಬಿರುಕು ನಿರೋಧಕವಾಗಲು ಅತ್ಯವಶ್ಯ.
ಕಾಂಕ್ರೀಟನ್ನು ಕನಿಷ್ಠ ೭ ದಿನಗಳ ಕಾಲ ಕ್ಯೂರ್ ಆಗಲು ಬಿಡಿ. ಸರಿಯಾದ ಕ್ಯೂರಿಂಗಿನಿಂದ ಕಾಂಕ್ರೀಟ್ ಧೃಡತೆ ಮತ್ತು ಸ್ಥಿರತೆಯನ್ನು ಪಡೆಯುತ್ತದೆ ಹಾಗೂ ಇದು ದೀರ್ಘಬಾಳಿಕೆಗೂ ಸಹಕಾರಿ.
ನಿಮ್ಮ ಮನೆ ನಿಮ್ಮ ಗುರುತು, ಮತ್ತು ಅದರ ಅಡಿಪಾಯವು ಸ್ಥಿರತೆ ಮತ್ತು ದೀರ್ಘಬಾಳಿಕೆಯಲ್ಲಿ ಪ್ರಮುಖ ಪಾತ್ರವಹಿಸುತ್ತದೆ. ಸ್ಟ್ರಾಪ್ ಫೂಟಿಂಗ್ ವಿಶೇಷವಾಗಿ ಜಾಗದ ಪರಿಮಿತಿ ಅಥವಾ ಅಸಮ ಮಣ್ಣಿನಂತಹ ಸ್ಥಿತಿಗಳನ್ನು ನಿಭಾಯಿಸುವಾಗ ಪರಿಣಾಮಕಾರಿಯಾಗಿದ್ದು, ನಿಮ್ಮ ಮನೆಯ ಸ್ಥಿರತೆಯನ್ನು ಕಾಪಾಡಲು ಉತ್ತಮ ಮಾರ್ಗವಾಗಿದೆ. ಸ್ಟ್ರಾಪ್ ಫೂಟಿಂಗನ್ನು ಆಯ್ದುಕೊಳ್ಳುವುದರಿಂದ ನಿಮ್ಮ ಮನೆಯು ದೀರ್ಘಕಾಲ ಧೃಡವಾಗಿರುವುದಲ್ಲದೆ, ತಲೆಮಾರುಗಳ ಕಾಲ ಭದ್ರತೆಯನ್ನು ನೀಡುತ್ತದೆ.
ಕಟ್ಟಡದ ಅವಶ್ಯಕತೆಗಳು ಮತ್ತು ಮಣ್ಣಿನ ವಿಧವನ್ನು ಆಧರಿಸಿ ಬಲವಾದ ಫೂಟಿಂಗ್ ಯಾವುದು ಎಂದು ನಿರ್ಧರಿತವಾಗುತ್ತದೆ. ಸಂಕೀರ್ಣ ನಿವೇಶನಗಳಿಗೆ ಸ್ಟ್ರಾಪ್ ಫೂಟಿಂಗ್ ಅದರ ಭಾರ ಹಂಚಿಕೆಯ ವಿನ್ಯಾಸದಿಂದಾಗಿ ಅತ್ಯುತ್ತಮ ಆಯ್ಕೆ.
ಫೂಟಿಂಗ್ನ ಆಳ ಮಣ್ಣು ಮತ್ತು ಭಾರದ ಆಧಾರದಲ್ಲಿ ಬದಲಾಗುತ್ತದೆ, ಸಾಮನ್ಯವಾಗಿ ೧.೫ರಿಂದ ೩ ಮೀಟರ್ ತನಕ ಇರುತ್ತದೆ.
ಫೂಟಿಂಗ್ಗಳು ಕಟ್ಟಡದ ಭಾರವನ್ನು ನೆಲದ ಮೇಲೆ ಹಂಚಿ ಅಸಮ ನೆಲೆಗೊಳ್ಳುವಿಕೆಯನ್ನು ತಡೆದು ಕಟ್ಟಡಕ್ಕೆ ಆಧಾರ ಒದಗಿಸುತ್ತವೆ.
ಸ್ಟ್ರಾಪ್ ಫೂಟಿಂಗ್ನ ಆಳ ಮಣ್ಣಿನ ವಿಧ ಮತ್ತು ಕಟ್ಟಡದ ಅವಶ್ಯಕತೆಗಳ ಮೇಲೆ ಅವಲಂಬಿತವಾಗಿದೆ. ಇಂಜಿನಿಯರ್ರ ಸಲಹೆ ಪಡೆಯುವುದು ಎಂದಿಗೂ ಜಾಣತನದ ನಡೆ.
ಸ್ಟ್ರಾಪ್ ಫೂಟಿಂಗ್ಗಳು ಅಸಮ ಮಣ್ಣಿನ ಮೇಲೆ ಕಟ್ಟಡವನ್ನು ಸ್ಥಿರಗೊಳಿಸುತ್ತವೆ, ಜಾಗದ ಪರಿಮಿತಿಯನ್ನು ನಿರ್ವಹಿಸುತ್ತದೆ ಮತ್ತು ಭಾರದ ಸಮತೋಲಿತ ಹಂಚಿಕೆಗೆ ಸಹಕಾರಿ.
