ଘର କିପରି ତିଆରି କରିବେ ଆମ ସହିତ ଯୋଗାଯୋଗ କରନ୍ତୁ

ଅଲଟ୍ରାଟେକ୍ ବିଲଡିଂ ପ୍ରଡକ୍ଟସ୍

ବ୍ୟବସାୟ

 ଅଲଟ୍ରାଟେକ୍ ଭାରତର ସବୁଠାରୁ ବଡ଼ ସିମେଣ୍ଟ କମ୍ପାନୀ ଓ ବିଶ୍ୱ ସ୍ତରରେ ସିମେଣ୍ଟର ପ୍ରମୁଖ ଉତ୍ପାଦକଙ୍କ ମଧ୍ୟରୁ ଅନ୍ୟତମ ଅଟେ ।  ଏହା ଦେଶର ସବୁଠାରୁ ବଡ଼ ହ୍ୱାଇଟ୍ ସିମେଣ୍ଟ ଓ ରେଡି ମିକ୍ସ କଂକ୍ରିଟ୍ ବିନିର୍ମାତା ଅଟେ । 

କମ୍ପାନୀର ଗ୍ରେ ସିମେଣ୍ଟର ବାର୍ଷିକ 116.75 ମିଲିୟନ ଟନ୍ (MTPA)ର ସ୍ଥାପିତ କ୍ଷମତା* ଅଛି । ଅଲଟ୍ରାଟେକ୍ ସିମେଣ୍ଟର 23ଟି ସମନ୍ୱିତ କାରଖାନା, 1ଟି କ୍ଲିଙ୍କରାଇଜେଶନ୍ ୟୁନିଟ୍, 26ଟି ଗ୍ରାଇଣ୍ଡିଂ ୟୁନିଟ୍, 7 ବଲକ୍ ଟର୍ମିନାଲ, 1ଟି ହ୍ୱାଇଟ୍ ସିମେଣ୍ଟ କାରଖାନା, 2ଟି ୱାଲକେୟାର୍ ପୁଟ୍ଟି କାରଖାନା ଏବଂ 100+ ରୁ ଅଧିକ ଆରଏମସି କାରଖାନା ରହିଛି ଯାହା ଭାରତ, ୟୁଏଇ, ବାହରିନ ଏବଂ ଶ୍ରୀଲଙ୍କାରେ ଅବସ୍ଥିତ । ଅଲଟ୍ରାଟେକ୍ ସିମେଣ୍ଟ, ସିମେଣ୍ଟ ଓ କ୍ଲିଙ୍କରର ଭାରତର ସବୁଠାରୁ ବଡ଼ ରପ୍ତାନିକାରୀ ମଧ୍ୟ ଅଟେ ଏବଂ ଭାରତୀୟ ମହାସାଗର, ଆଫ୍ରିକା, ୟୁରୋପ ତଥା ମଧ୍ୟପ୍ରାଚ୍ୟରେ ଏହି ଉତ୍ପାଦଗୁଡ଼ିକର ଚାହିଦାକୁ ପୂରଣ କରିଆସୁଛି । (*ସେପ୍ଟେମ୍ବର 2020 ସୁଦ୍ଧା କମିଶନିଂ ଅଧୀନରେ ଥିବା 2 MTPA ସମେତ)

ଉତ୍ପାଦ

ଅଲଟ୍ରାଟେକ୍, ଫାଉଣ୍ଡେସନରୁ ଫିନିଶ୍ ପର୍ଯ୍ୟନ୍ତ, ନିର୍ମାଣର ବିଭିନ୍ନ ଆବଶ୍ୟକତାକୁ ପୂରଣ କରୁଥିବା ବ୍ୟାପକ ଶୃଙ୍ଖଳାର ଉତ୍ପାଦ ଯୋଗାଇଥାଏ । ଏହା ମଧ୍ୟରେ ସାଧାରଣ ପୋର୍ଟଲାଣ୍ଡ ସିମେଣ୍ଟ, ପୋର୍ଟଲାଣ୍ଡ ବ୍ଲାଷ୍ଟ ଫର୍ନେସ୍ ସ୍ଲାଗ୍ ସିମେଣ୍ଟ, ପୋର୍ଟଲାଣ୍ଡ ପୋଜ୍ଜାଲାନା ସିମେଣ୍ଟ, ହ୍ୱାଇଟ୍ ସିମେଣ୍ଟ, ରେଡି ମିକ୍ସ କଂକ୍ରିଟ୍, ବିଲଡିଂ ପ୍ରଡକ୍ଟସ୍ ଏବଂ ଅନ୍ୟାନ୍ୟ ଅନେକ ଧରଣର ବିଲଡିଂ ସଲ୍ୟୁସନ୍ସ ଅନ୍ତର୍ଭୁକ୍ତ । ସିମେଣ୍ଟ ‘ଅଲଟ୍ରାଟେକ୍, ଅଲଟ୍ରାଟେକ୍ ପ୍ରିମିୟମ୍ ଏବଂ ବିର୍ଲା ସୁପର’ ବ୍ରାଣ୍ଡ ଅଧୀନରେ ବିକ୍ରି ହୋଇଥାଏ । ସେହିଭଳି, ହ୍ୱାଇଟ୍ ସିମେଣ୍ଟ ‘ବିର୍ଲା ହ୍ୱାଇଟ୍’ ବ୍ରାଣ୍ଡ ନାମରେ, ରେଡି ମିକ୍ସ କଂକ୍ରିଟ୍ ‘ଅଲଟ୍ରାଟେକ୍ କଂକ୍ରିଟ୍’ ନାମରେ ଏବଂ ନୂତନ ଯୁଗର ବିଲଡିଂ ପ୍ରଡକ୍ଟସ୍ ‘ଏକ୍ସଟ୍ରାଲାଇଟ୍, ଫିକ୍ସୋବ୍ଲକ୍, ସିଲ୍ ଆଣ୍ଡ ଡ୍ରାଏ  ଏବଂ ରେଡିପ୍ଲାଷ୍ଟ’ ନାମରେ ବିନିର୍ମିତ ହୋଇଥାଏ । ଅଲଟ୍ରାଟେକ୍ ବିଲଡିଂ ସଲ୍ୟୁସନ୍ସ ଏକ ଖୁଚୁରା ପ୍ରାରୂପ ଅଟେ, ଯାହା ଗୋଟିଏ ଛାତ ତଳେ ବିଭିନ୍ନ କିସମର ପ୍ରାଥମିକ ନିର୍ମାଣ ସାମଗ୍ରୀ ଯୋଗାଇ ଗ୍ରାହକଙ୍କ ଆବଶ୍ୟକତାଗୁଡ଼ିକୁ ପୂରଣ କରିଥାଏ ।