ବିମ୍ 

ନିର୍ମାଣରେ ବିମ୍ କ’ଣ? 

ବିମ୍ ହେଉଛି ନିର୍ମାଣରେ ଏକ ମୌଳିକ ଗଠନଗତ ଉପାଦାନ ଯାହା ଆଡ଼ଭାଙ୍ଗ ଭାବରେ ବିସ୍ତାରିତ ହୋଇ ଓଜନ ବଣ୍ଟନ କରି ଏବଂ କାନ୍ଥ, ଚଟାଣ ଓ ଛାତକୁ ସହାୟତା କରି ଏକ ସ୍ଥିର ଗଠନ ସୃଷ୍ଟି କରେ। ବିମ୍ ସାଧାରଣତଃ ଭୂଲମ୍ବ ମାଧ୍ୟାକର୍ଷଣ ଶକ୍ତି ବହନ କରେ କିନ୍ତୁ ଏହା ଭୂସମାନ୍ତର ଭାର (ଯେପରିକି ଭୂକମ୍ପ କିମ୍ବା ପବନ ଯୋଗୁଁ ଭାର) ମଧ୍ୟ ବହନ କରିପାରେ। ବିମ୍‌ର ଡିଜାଇନ୍, ଆକାର ଏବଂ ସାମଗ୍ରୀ ଅଟ୍ଟାଳିକା ଏବଂ ପୋଲ ଭଳି ଅନ୍ୟାନ୍ୟ ଗଠନର ଅଖଣ୍ଡତା ଓ ସ୍ଥାୟୀତ୍ୱରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରେ। 

ନିର୍ମାଣରେ ବିମ୍‌ର ବିଭିନ୍ନ ପ୍ରକାର 

ନିର୍ମାଣରେ କିଛି ସାଧାରଣ ପ୍ରକାରର ବିମ୍ ହେଉଛି: 

• ସିମ୍ପଲି ସପୋର୍ଟେଡ୍ ବିମ୍: ଏକ ଲୋକପ୍ରିୟ ପସନ୍ଦ ଯାହା ଉଭୟ ପ୍ରାନ୍ତରେ ସପୋର୍ଟ ଉପରେ ରହିଥାଏ କିନ୍ତୁ ଲମ୍ବା ଭାବରେ ଗତି କରିବାକୁ ମୁକ୍ତ। 

• କ୍ୟାଣ୍ଟିଲିଭର ବିମ୍: ଗୋଟିଏ ପ୍ରାନ୍ତରେ ଠିକ୍ ହୋଇ ରହିଥାଏ ଯେତେବେଳେ ଅନ୍ୟ ପ୍ରାନ୍ତ ମୁକ୍ତ ଥାଏ, ଓଭରହ୍ୟାଙ୍ଗିଂ ଗଠନ ପାଇଁ ଆଦର୍ଶ। 

• ଫିକ୍ସଡ୍ ବିମ୍: ଉଭୟ ପ୍ରାନ୍ତ ନିୟନ୍ତ୍ରିତ ହୋଇଥାଏ, ଯାହା ଏହାକୁ ଏକ ସିମ୍ପଲି ସପୋର୍ଟେଡ୍ ବିମ୍ ଠାରୁ ଅଧିକ ଶକ୍ତ ଏବଂ ସ୍ଥିର କରିଥାଏ। 

• କଣ୍ଟିନୁଅସ୍ ବିମ୍: ଦୁଇଟିରୁ ଅଧିକ ସପୋର୍ଟ ଉପରେ ବିସ୍ତାରିତ ହୋଇଥାଏ, ଭାର ଏବଂ ମୋମେଣ୍ଟର ଉନ୍ନତ ବଣ୍ଟନ ପ୍ରଦାନ କରେ। 

• ଟି-ବିମ୍: ଏକ ଟି-ଆକୃତିର କ୍ରସ୍-ସେକ୍ସନ୍ ଦର୍ଶାଇଥାଏ, ଅତିରିକ୍ତ ଶକ୍ତି ପ୍ରଦାନ କରେ ଏବଂ ଚଟାଣ ଓ ପୋଲ ଉପରେ ବହୁଳ ଭାବରେ ବ୍ୟବହୃତ ହୁଏ। 

ସଠିକ୍ ବିମ୍ ଚୟନର ଗୁରୁତ୍ୱ 

ଆପଣଙ୍କ ନିର୍ମାଣ ପ୍ରକଳ୍ପ ପାଇଁ ଉପଯୁକ୍ତ ପ୍ରକାରର ବିମ୍ ଚୟନ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସଠିକ୍ ବିମ୍ ଚୟନ କାହିଁକି ଗୁରୁତ୍ୱପୂର୍ଣ୍ଣ, ଏଠାରେ ଦିଆଯାଇଛି: 

1) ଗଠନଗତ ଅଖଣ୍ଡତା(ଷ୍ଟ୍ରକ୍ଚରାଲ୍ ଇଣ୍ଟିଗ୍ରିଟି): ବିମ୍ ଗୁରୁତ୍ୱପୂର୍ଣ୍ଣ ଭାରକୁ ସହାୟତା କରେ। ସଠିକ୍ ଚୟନ ସୁନିଶ୍ଚିତ କରେ ଯେ ଘର ବିପଦ ବିନା ଏହାକୁ ସହ୍ୟ କରିପାରିବ। 

2) ସାମଗ୍ରୀର ଉପଯୁକ୍ତତା(ମ୍ୟାଟେରିଆଲ ସୁଇଟାବିଲିଟି): ବିମ୍ କାଠ, ଷ୍ଟିଲ୍ ଏବଂ କଂକ୍ରିଟ୍ ଭଳି ସାମଗ୍ରୀରେ ଆସିଥାଏ, ପ୍ରତ୍ୟେକଟି ବିଭିନ୍ନ ଡିଜାଇନ୍ ଆବଶ୍ୟକତା ଏବଂ ବଜେଟ୍ ପାଇଁ ସର୍ବୋତ୍ତମ ଅନୁକୂଳ। 

3) ସୌନ୍ଦର୍ଯ୍ୟଗତ ପ୍ରଭାବ(ଆସ୍ଥେଟିକ୍ ଇମ୍ପ୍ୟାକ୍ଟ): ବିମ୍ ଚୟନ ଘରର ଦୃଶ୍ୟମାନ ଆକର୍ଷଣକୁ ପ୍ରଭାବିତ କରେ, ପ୍ରତ୍ୟେକ ସାମଗ୍ରୀ ଭିନ୍ନ ଶୈଳୀଗତ ଗୁଣ ପ୍ରଦାନ କରେ। 

4) ନିୟାମକ ଅନୁପାଳନ(ରେଗୁଲେଟ୍ରି ଆଡ୍ହିୟରେନ୍ସ): ନିର୍ମାଣ କୋଡ୍ ସହିତ ଅନୁପାଳନ ବାଧ୍ୟତାମୂଳକ, ଯାହା ନିରାପତ୍ତା ଏବଂ କାର୍ଯ୍ୟଦକ୍ଷତା ମାନଦଣ୍ଡ ପୂରଣ କରିବା ପାଇଁ ବିମ୍ ଚୟନକୁ ପ୍ରଭାବିତ କରେ।