ଘରେ ସକାରାତ୍ମକ ଶକ୍ତି ବୃଦ୍ଧି କରିବା ପାଇଁ ଆପଣଙ୍କ ପୂଜା କୋଠରୀ ପାଇଁ ୬ଟି ଉପଦେଶ

ବାସ୍ତୁ ବିଶେଷଜ୍ଞଙ୍କ ଅନୁସାରେ ପୂଜା କୋଠରୀ ପାଇଁ ବାସ୍ତୁ

ପୂଜା କୋଠରୀ ପାଇଁ ବାସ୍ତୁ ଅଧିକ ମହତ୍ତ୍ୱ ରଖିଥାଏ, କାରଣ ଏହା ସମଗ୍ର ଘରର ଆଭା ଓ ବାସ୍ତୁକୁ ନିର୍ଦ୍ଧାରିତ କରିଥାଏ । ବାସ୍ତୁ ବିଶେଷଜ୍ଞଙ୍କ ମତରେ ଘରର ପୂଜା କୋଠରୀ ସକାରାତ୍ମକ ଶକ୍ତି ଓ ସ୍ପନ୍ଦନର କେନ୍ଦ୍ରସ୍ଥଳ ହୋଇଥାଏ । ତେଣୁ, ଘର ନିର୍ମାଣ ସମୟରେ ପୂଜା କୋଠରୀ ପାଇଁ ବାସ୍ତୁକୁ ଧ୍ୟାନରେ ରଖିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ ।

ପୂଜା କୋଠରୀ ପାଇଁ ବାସ୍ତୁର ମହତ୍ତ୍ୱ

ପୂଜା କୋଠରୀ ଘରେ ସକାରାତ୍ମକ ଏବଂ ଶାନ୍ତି ପ୍ରଦାୟକ ଶକ୍ତିର କେନ୍ଦ୍ରବିନ୍ଦୁ ହୋଇଥାଏ । ଆପଣଙ୍କ ଘରେ ଦେବାଦେବୀଙ୍କ ଉପସ୍ଥିତି କାରଣରୁ ଏହା ଦୈବୀ ଶକ୍ତି ବିଚ୍ଛୁରଣ କରିଥାଏ । ଆପଣଙ୍କ ଘର ଯେତେ ବଡ଼ କିମ୍ବା ଛୋଟ ହୋଇଥାଉ ନା କାହିଁକି, ଦେବାଦେବୀଙ୍କ ପାଇଁ ଗୋଟିଏ ପୃଥକ୍ ଜାଗା ଅର୍ଥାତ୍ ପୂଜା କୋଠରୀ ରଖିବା ଆପଣଙ୍କ ଘର ପାଇଁ ଅତ୍ୟନ୍ତ ମହତ୍ତ୍ୱପୂର୍ଣ୍ଣ ହୋଇଥାଏ । ତା’ସହିତ ସଠିକ୍ ବାସ୍ତୁ ଆପଣଙ୍କ ଘରକୁ ଶାନ୍ତ, ସକାରାତ୍ମକ ଶକ୍ତିକୁ ଆଣିବା ଓ ଆପଣଙ୍କ ଘରେ କେଉଁ ପ୍ରକାର ଶକ୍ତି ପ୍ରବାହିତ ହେବ ତାହା ନିର୍ଦ୍ଧାରଣ କରିବାରେ ଗୁରୁତ୍ୱପୂର୍ଣ୍ଣ ଭୂମିକା ତୁଲାଇଥାଏ ।

ପୂଜା କୋଠରୀ କେବଳ ଯେ ଆପଣଙ୍କ ଘରେ ସକାରାତ୍ମକ ଶକ୍ତିକୁ ଆଣେ ତାହା ନୁହେଁ, ବରଂ ଆପଣଙ୍କୁ ଦୈବୀ ଶକ୍ତିଗୁଡ଼ିକ ସହ ଏକାକାର କରିବାରେ ମଧ୍ୟ ସହାୟକ ହୋଇଥାଏ । ନକାରାତ୍ମକ ଶକ୍ତିକୁ ଦୂର କରିବା ଏବଂ ଘରକୁ ସୁଖ ଓ ଶାନ୍ତିରେ ପରିପୂର୍ଣ୍ଣ କରିବା ପାଇଁ ସଠିକ୍ ବାସ୍ତୁର ପ୍ରୟୋଗ କରାଯିବା ଉଚିତ୍ ।

ପୂଜା କୋଠରୀ ପାଇଁ ବାସ୍ତୁ ଉପଦେଶ

ପୂଜା କୋଠରୀ ପାଇଁ ସଠିକ୍ ବାସ୍ତୁ ସହିତ ଆପଣଙ୍କ ଘରକୁ ସକାରାତ୍ମକ ଏବଂ ଦୈବୀ ଶକ୍ତିର କେନ୍ଦ୍ରସ୍ଥଳରେ ପରିଣତ କରିବା ପାଇଁ ଏଠାରେ ବାସ୍ତୁ ଶାସ୍ତ୍ର ଅନୁଯାୟୀ କେତେକ ଉପଦେଶ ଦିଆଗଲା:

• ୧. ପୂଜା କୋଠରୀର ଅବସ୍ଥିତି:

ପୂଜା କୋଠରୀ ପାଇଁ ବାସ୍ତୁ ଅନୁସାରେ, ପୂଜା କୋଠରୀ ପାଇଁ ପ୍ରସ୍ତାବିତ ପ୍ରତ୍ୟେକ ଦିଗ କିଛି ନା କିଛି ଖାସ୍ ମହତ୍ତ୍ୱ ରଖିଥାଏ । ତେଣୁ ବାସ୍ତୁ ଶାସ୍ତ୍ର ଅନୁଯାୟୀ ପୂଜା କୋଠରୀର ଅବସ୍ଥିତି ନିର୍ଦ୍ଧାରଣ କରିବା ମହତ୍ତ୍ୱପୂର୍ଣ୍ଣ ହୋଇଥାଏ ।

• ଉତ୍ତର ପୂର୍ବ ଦିଗକୁ ପୂଜା କୋଠରୀ ପାଇଁ ସର୍ବୋତ୍ତମ ଦିଗ ବିବେଚନା କରାଯାଏ କାରଣ ତାହାକୁ ପ୍ରଭୁ ଶିବଙ୍କ କ୍ଷେତ୍ର ଭାବେ ବିଚାର କରାଯାଏ, ତେଣୁ ତାହା ସବୁଠାରୁ ଶୁଭ ହୋଇଥାଏ । ତା’ପରେ ଆସିଥାଏ ପୂର୍ବ କିମ୍ବା ଉତ୍ତର ଦିଗ । ଦକ୍ଷିଣ ଦିଗ ଅଭିମୁଖୀ ପୂଜା କୋଠରୀକୁ ବାସ୍ତୁ ଅନୁସାରେ ଅଶୁଭ ମନେ କରାଯାଏ ।

• ସିଡି ତଳେ କିମ୍ବା ୱାଶ୍‌‌ରୁମ୍ ନିକଟରେ ପୂଜା କୋଠରୀ ରଖନ୍ତୁ ନାହିଁ । ଏହିସବୁ ଜାଗାକୁ ପୂଜା କୋଠରୀ ପାଇଁ ଅଶୁଭ ବିବେଚନା କରାଯାଏ ।

• ପୂଜା କୋଠରୀଟି ଯେପରି ତଳ ମହଲା କିମ୍ବା ସର୍ବୋଚ୍ଚ ମହଲାରେ ନ ରହେ ତାହା ସୁନିଶ୍ଚିତ କରନ୍ତୁ । ବାସ୍ତୁ ଅନୁସାରେ ଏପରି ଜାଗାଗୁଡ଼ିକ ପୂଜା କୋଠରୀ ପାଇଁ ଉପଯୁକ୍ତ ନୁହେଁ ।

• ପୂଜା କୋଠରୀର କବାଟ ଓ ଝରକାଗୁଡ଼ିକ ଉତ୍ତର କିମ୍ବା ପୂର୍ବ ଆଡ଼କୁ ଖୋଲୁଥିବା ଉଚିତ୍ ।

• ପୂଜା କୋଠରୀରେ ଏକ ପିରାମିଡ୍ ଆକୃତିର ସିଲିଂ ସୁପାରିସଯୋଗ୍ୟ ଅଟେ । ବାସ୍ତୁ ଅନୁଯାୟୀ ଏହା ସକାରାତ୍ମକ ସ୍ପନ୍ଦନ ଆଣିଥାଏ ।

• ପୂର୍ବମୁହାଁ ଘରଗୁଡ଼ିକ ପାଇଁ ପୂଜା କୋଠରୀ ଉତ୍ତର କିମ୍ବା ପୂର୍ବ କୋଣରେ ଅବସ୍ଥିତ ହେବା ଉଚିତ୍ ।

1. ୨. ଠାକୁର ବା ପ୍ରତିମାର ଅବସ୍ଥାନ :

• ବାସ୍ତୁ ଅନୁସାରେ ପୂଜା କୋଠରୀରେ ଥିବା ଠାକୁର ପ୍ରତିମାଗୁଡ଼ିକ ପରସ୍ପର ଆଡ଼କୁ ମୁହଁ କରି ନ ରହିବା ଉଚିତ୍ ଏବଂ ତାହା କାନ୍ଥର ନିକଟବର୍ତ୍ତୀ ନ ହେବା ଉଚିତ୍ ।

• ପ୍ରତିମାଗୁଡ଼ିକୁ ଉତ୍ତରପୂର୍ବ ଦିଗରେ ରଖାଯିବା ଉଚିତ୍ ।

• ସୁନିଶ୍ଚିତ କରନ୍ତୁ ଯେ ସମସ୍ତ ପ୍ରତିମା ଗୋଟିଏ ଦିଗ ଆଡ଼କୁ ମୁହଁ କରି ରହିବେ, କିନ୍ତୁ କବାଟ ଆଡ଼କୁ ନୁହେଁ ।

• ପ୍ରତିମାଗୁଡ଼ିକୁ କାନ୍ଥରେ ଭରାଦେଇ ରଖାଯିବା ଉଚିତ ନୁହେଁ । ପ୍ରତିମା ଚାରିପଟେ ଯେପରି ଉତ୍ତମ ରୂପେ ପବନ ପ୍ରବାହିତ ହୁଏ ତାହା ସୁନିଶ୍ଚିତ କରନ୍ତୁ ।

• ପୂଜା କୋଠରୀ ପାଇଁ ବାସ୍ତୁ ଉପଦେଶ ଅନୁସାରେ, ପ୍ରତିମାଗୁଡ଼ିକୁ ଭୂମିରୁ ଅତି କମ୍‌‌ରେ ୬ ଇଞ୍ଚ ଉଚ୍ଚତାରେ ରଖାଯିବା ଉଚିତ୍ ।

• କୋଠରୀରେ ମୃତ ବ୍ୟକ୍ତିମାନଙ୍କ ଚିତ୍ର କିମ୍ବା ହିଂସା ଦର୍ଶାଉଥିବା ଛବି ଟଙ୍ଗାନ୍ତୁ ନାହିଁ ।

• ପ୍ରତିମାଗୁଡ଼ିକ ଯେପରି ଖଣ୍ଡିଆ ଖାବରା ନାହିଁ ତାହା ସୁନିଶ୍ଚିତ କରିନିଅନ୍ତୁ ।

• ଦୀପର ଅବସ୍ଥିତି ଦକ୍ଷିଣ ପୂର୍ବ ଦିଗରେ ହେବା ଉଚିତ୍ ।

1. ୩. ପବିତ୍ର ବସ୍ତୁଗୁଡ଼ିକର ଅବସ୍ଥିତି:

• କେବଳ ପବିତ୍ର ବସ୍ତୁ ଏବଂ ଅନ୍ୟାନ୍ୟ ପୂଜା କୋଠରୀ ବସ୍ତୁଗୁଡ଼ିକୁ ଛାଡ଼ି ପୂଜା କୋଠରୀକୁ ଅନ୍ୟ କୌଣସି ବସ୍ତୁ ରଖିବା ପାଇଁ ବ୍ୟବହାର କରାଯିବା ଉଚିତ୍ ନୁହେଁ । କୋଠରୀରେ ଅଳିଆ ଆବର୍ଜନା ନ ରହିବା ଉଚିତ୍ ।

• ପ୍ରତିମାରୁ ଉଚ୍ଚ ସ୍ଥାନରେ କୌଣସି ସାମଗ୍ରୀ ରଖାଯିବା ଉଚିତ ନୁହେଁ ।

• ଦୀପ ଏବଂ ଅଗ୍ନିକୁଣ୍ଡକୁ ଦକ୍ଷିଣପୂର୍ବ ଦିଗରେ ରଖାଯିବା ଉଚିତ୍ ।

1. ୪. ପୂଜା କୋଠରୀରେ କ୍ୟାବିନେଟ୍‌‌ର ଅବସ୍ଥିତି:

• ପୂଜା କୋଠରୀ ପାଇଁ ବାସ୍ତୁ ଅନୁସାରେ, ପୂଜା କୋଠରୀରେ ଯେକୌଣସି କ୍ୟାବିନେଟ୍‌‌କୁ ଦକ୍ଷିଣପୂର୍ବ ଦିଗରେ ରଖାଯିବା ଉଚିତ୍ ଏବଂ ସୂର୍ଯ୍ୟକିରଣ ଯେପରି ପ୍ରତିରୋଧିତ ନ ହୁଏ ତାହା ସୁନିଶ୍ଚିତ କରାଯିବା ଆବଶ୍ୟକ ।

• ପୂଜା ସାମଗ୍ରୀଗୁଡ଼ିକୁ ରଖିବା ପାଇଁ ଆପଣ ଏକ ପିରାମିଡ୍ ଆକୃତିର ଟାୱାର କିମ୍ବା କ୍ୟାବିନେଟ୍ ତିଆରି କରିପାରନ୍ତି କାରଣ ତାହା ସକାରାତ୍ମକ ସ୍ପନ୍ଦନ ଆଣିଥାଏ ।

• ବାସ୍ତୁ ଅନୁଯାୟୀ ପ୍ରତିମାଗୁଡ଼ିକ ଉପରେ କ୍ୟାବିନେଟ୍ ତିଆରି କରାଯିବା ଉଚିତ୍ ନୁହେଁ ।

• ୫. ପୂଜା କୋଠରୀର ରଙ୍ଗ:

• ହାଲୁକା ରଙ୍ଗଗୁଡ଼ିକ ପୂଜା କୋଠରୀ ପାଇଁ ସର୍ବୋତ୍ତମ କାରଣ ତାହା ସକାରାତ୍ମକ ସ୍ପନ୍ଦନ ଆଣିଥାଏ ଏବଂ ପୂଜାପାଠ ଓ ପ୍ରାର୍ଥନା ପାଇଁ ଆଦର୍ଶ ହୋଇଥାଏ ।

• ପୂଜା କୋଠରୀ ପାଇଁ କ୍ରିମ୍ ରଙ୍ଗ ଆଦର୍ଶ ଅଟେ ।

• ହାଲୁକା ନୀଳ, ଧଳା ଏବଂ ହାଲୁକା ହଳଦିଆ ଏକ ଶାନ୍ତ ଏବଂ ଆଧ୍ୟାତ୍ମିକ ପରିବେଶ ସୃଷ୍ଟି କରିଥାଏ ।

• ଉତ୍ତରପୂର୍ବ ଦିଗରେ ଥିବା ପୂଜା କୋଠରୀ ପାଇଁ, ଧଳା ସବୁଠାରୁ ଆଦର୍ଶ ରଙ୍ଗ ଅଟେ ।

ଆହୁରି ମଧ୍ୟ ପଢ଼ନ୍ତୁ: ନିଜ ଘରକୁ ଚିତ୍ତାକର୍ଷକ ଭାବେ କିପରି ରଙ୍ଗ କରିବାର ଉପଦେଶ ଓ କୌଶଳ

• ୬. ପୂଜା କୋଠରୀରେ ଆଲୋକ ବ୍ୟବସ୍ଥା:

• ପୂଜା କୋଠରୀ ପାଇଁ ବାସ୍ତୁ ଅନୁଯାୟୀ, ଦିନବେଳା କୋଠରୀକୁ ଆଲୋକିତ ରଖିବା ପାଇଁ ପୂଜା କୋଠରୀରେ ଅତି କମ୍‌‌ରେ ଗୋଟିଏ ଝରକା ରହିବା ଉଚିତ୍ । ଏହା ସୂର୍ଯ୍ୟଙ୍କ ସକାରାତ୍ମକ ଶକ୍ତି ଓ ସ୍ପନ୍ଦନକୁ ମୁକ୍ତ ଭାବେ ପ୍ରବାହିତ ହେବାକୁ ଦେଇଥାଏ ।

• ସୂର୍ଯ୍ୟାସ୍ତ ପରେ ମଧ୍ୟ କୋଠରୀର ଆଲୋକ ବ୍ୟବସ୍ଥାକୁ ସୁନିଶ୍ଚିତ କରନ୍ତୁ । ପୂଜା କୋଠରୀରେ ଗୋଟିଏ ବତୀ କିମ୍ବା ଦୀପ ଲଗାନ୍ତୁ ।