વૉટરપ્રૂફિંગ કૉટઃ ઘરની બહારથી અને અંદરથી વૉટરપ્રૂફિંગ કરવા માટે

ભેજ તમારા ઘરના કોઈ પણ હિસ્સામાંથી પ્રવેશી શકે છે. તે છત અને દિવાલોમાંથી પ્રવેશી શકે છે અને એકવાર ઘરમાં પ્રવેશ્યાં પછી તે ઝડપથી ફેલાય છે. તે તમારા ઘરના પાયામાંથી પણ પ્રવેશી શકે છે અને ત્યારબાદ તે દિવાલો મારફતે ફેલાય છે.

ભેજને કારણે સ્ટીલ ખવાઈ જાય છે અને જેના પગલે આરસીસીમાં તિરાડો પડી જાય છે, જે આખરે તમારા ઘરના માળખાંની મજબૂતાઈ ઘટાડી દે છે. તે તમારા ઘરના માળખાંને અંદરથી ખોખલું પાડી છે અને નબળું બનાવી દે છે, જે આખરે તેના ટકાઉપણાને પ્રભાવિત કરે છે. કમનસીબે જ્યારે ભેજ દેખાવા લાગે છે, ત્યારે નુકસાન પહેલેથી જ થઈ ચૂક્યું હોય છે.

ભેજ એ એક પ્રકારનો અસાધ્ય રોગ છે, જે તમારા ઘરના અંદરથી ખોખલું અને નબળું બનાવી દે છે. એકવાર ભેજ પ્રવેશી જાય તે પછી તેમાંથી છુટકારો મેળવવો લગભગ અશક્ય બની જાય છે. વૉટરપ્રૂફિંગ, પેઇન્ટ કે ડિસ્ટેમ્પરનું પાતળું સ્તર ઝડપથી નીકળી જાય છે અને તે ભેજની સામે લાંબા સમય સુધી રક્ષણ પૂરું પાડતું નથી. ફરીથી પ્લાસ્ટર કરાવવું અને રંગકામ કરાવવું એ અત્યંત ખર્ચાળ અને અસગવડભર્યું હોવાની સાથે-સાથે તે તમને ફક્ત કામચલાઉ રાહત આપે છે. આથી, તમારા ઘરની મજબૂતાઈને ભેજથી બચાવવા માટે નિવારક ઉકેલોનો ઉપયોગ કરવો એ શાણપણભર્યું છે.