ଲୁମ୍ବର୍

ଲୁମ୍ବର୍ କହିଲେ କ’ଣ ବୁଝାଏ?

ଲୁମ୍ବର୍ ହେଉଛି ଏକ ପ୍ରକାର କାଠ, ଯାହାକୁ ବିମ୍ ଓ ପଟାରେ ପ୍ରକ୍ରିୟାକରଣ କରାଯାଇଥାଏ ଏବଂ ଏହା ନିର୍ମାଣ କ୍ଷେତ୍ରରେ ଏକ ଅତ୍ୟାବଶ୍ୟକ ସାମଗ୍ରୀ ଅଟେ। ଏହା କୋଠାବାଡ଼ି ନିର୍ମାଣର ମେରୁଦଣ୍ଡ ସଦୃଶ ଏବଂ ଘରର ଢାଞ୍ଚା ପ୍ରସ୍ତୁତ କରିବା ସହ ଆସବାବପତ୍ର ତିଆରିରେ ବ୍ୟବହୃତ ହୁଏ। ଏକ ନୂଆ ଘରର ମଜବୁତ କାନ୍ଥରୁ ଆରମ୍ଭ କରି ବାଡ଼ିପଟ ଡେକର ମୂଳ ଢାଞ୍ଚା ପର୍ଯ୍ୟନ୍ତ, ନିର୍ମାଣ ନକ୍ସାକୁ ବାସ୍ତବ ରୂପ ଦେବାରେ ଲୁମ୍ବର୍ ର ଭୂମିକା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ।

ନିର୍ମାଣ କ୍ଷେତ୍ରରେ କାଠ ଗଣ୍ଡିକୁ ଲୁମ୍ବର୍ ରେ ରୂପାନ୍ତରଣ

କାଠ ଗଣ୍ଡିକୁ ଲୁମ୍ବର୍ ରେ ପରିଣତ କରିବା ହେଉଛି ଏକ ପ୍ରକ୍ରିୟା ଯାହା କଞ୍ଚା ଗଛ ଗଣ୍ଡିକୁ ନିର୍ମାଣରେ ବ୍ୟବହୃତ ପଟା ଏବଂ ବିମରେ ରୂପାନ୍ତରିତ କରେ। ଏହା କାଠ କଟା ସହିତ ଆରମ୍ଭ ହୁଏ, ଯେଉଁଠାରେ ଗଛଗୁଡ଼ିକୁ କାଟି ଏକ କରତ କଳକୁ ପରିବହନ କରାଯାଏ। କରତ କଳରେ, କାଠଗଣ୍ଡିରୁ ଛାଲ କଢାଯିବା ପରେ ପ୍ରକଳ୍ପର ଆବଶ୍ୟକତା ଅନୁଯାୟୀ ତାକୁ ବିଭିନ୍ନ ଆକାରର ଲୁମ୍ବର୍ ରେ ପରିଣତ କରାଯାଏ। କଟା ହେବା ପରେ, ଅତ୍ୟଧିକ ଆର୍ଦ୍ରତା ଦୂର କରିବା ପାଇଁ ଲୁମ୍ବର୍ କୁ ପ୍ରାକୃତିକ ଭାବରେ କିମ୍ବା ସ୍ୱତନ୍ତ୍ର ଶୁଷ୍କକରଣ ଚୁଲିରେ ଶୁଖାଯାଏ। ଏହା ପଚିବା ରୋକିବାରେ ଏବଂ କାଠର ଶକ୍ତି ବଜାୟ ରଖିବାରେ ସାହାଯ୍ୟ କରେ।

ଲୁମ୍ବର୍ ର ପ୍ରକାର

ନିର୍ମାଣରେ ସାଧାରଣତଃ ବ୍ୟବହୃତ ବିଭିନ୍ନ ପ୍ରକାରର ଲୁମ୍ବର୍ ନିମ୍ନରେ ଦିଆଯାଇଛି:

1. ଟିକ୍ (ଟୀକ୍)

2. ଶାଳ

3. ସିଡାର

4. ମହୋଗାନି

5. ଓକ୍

6. ମଲ୍‌ବେରି

7. ଶୀଶମ

ଲୁମ୍ବର୍ ସଂରକ୍ଷଣ କରିବାର ସଠିକ୍ ଉପାୟ କ’ଣ?

ନିର୍ମାଣ ପାଇଁ ବ୍ୟବହୃତ ହେବା ପର୍ଯ୍ୟନ୍ତ ଲୁମ୍ବର୍ ର ଗୁଣବତ୍ତା ବଜାୟ ରଖିବା ପାଇଁ ଏହାକୁ ସଠିକ୍ ଭାବରେ ସଂରକ୍ଷଣ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ। ସଠିକ୍ ସଂରକ୍ଷଣ ସୁନିଶ୍ଚିତ କରିବା ପାଇଁ ଏଠାରେ କିଛି ଟିପ୍ସ ଦିଆଯାଇଛି:

1. ଶୁଷ୍କ ରଖନ୍ତୁ: ଲୁମ୍ବର୍ କୁ ଭୂମି ଉପରୁ ଦୂରରେ ରଖନ୍ତୁ ଏବଂ ବର୍ଷା ଓ ଆର୍ଦ୍ରତାରୁ ରକ୍ଷା କରିବା ପାଇଁ ଏହାକୁ ଏକ ଜଳରୋଧକ ଚାଦରରେ ଘୋଡାନ୍ତୁ।

2. ବାୟୁ ସଞ୍ଚାଳନ ସୁନିଶ୍ଚିତ କରନ୍ତୁ: ଲୁମ୍ବର୍ କୁ ଏପରି ଭାବରେ ଥାକ କରି ରଖନ୍ତୁ ଯେପରି ସମସ୍ତ ପାର୍ଶ୍ୱରେ ବାୟୁ ଚଳାଚଳ କରିପାରିବ ଏବଂ ଛତୁ ସୃଷ୍ଟିକୁ ରୋକାଯାଇପାରିବ।

3. ସିଧାସଳଖ ସୂର୍ଯ୍ୟାଲୋକରୁ ଦୂରେଇ ରଖନ୍ତୁ: ଯଦି ସମ୍ଭବ, ଲୁମ୍ବର୍ କୁ ଏକ ଛାୟା ଯୁକ୍ତ ସ୍ଥାନରେ ରଖନ୍ତୁ ଅସମାନ ଖରାରେ ଶୁଖି ବଙ୍କା ନ ହେବା ପାଇଁ।

ଏହି ପଦକ୍ଷେପଗୁଡ଼ିକୁ ଅନୁସରଣ କରିବା ଲୁମ୍ବର୍ ର ଗୁଣବତ୍ତା ଏବଂ ଶକ୍ତି ବଜାୟ ରଖିବାରେ ସାହାଯ୍ୟ କରେ, ଯାହା ଲୁମ୍ବର୍ ର ସର୍ବୋତ୍ତମ ବ୍ୟବହାର ସୁନିଶ୍ଚିତ କରେ ଏବଂ ଆପଣଙ୍କ ନିର୍ମାଣ ପ୍ରକଳ୍ପର ଆରମ୍ଭରୁ ଶେଷ ପର୍ଯ୍ୟନ୍ତ ଏହା ଏକ ଅବିଚ୍ଛେଦ୍ୟ ଅଂଶ ହୋଇ ରହିବ।