ଏଚ୍ଭିଏସି ସିଷ୍ଟମ୍ କ’ଣ?
ଏକ ଏଚ୍ଭିଏସି ସିଷ୍ଟମ୍ ହେଉଛି ଏକ ସମ୍ପୂର୍ଣ୍ଣ ଗୃହ ଆରାମ ବ୍ୟବସ୍ଥା ଯାହା ଆପଣଙ୍କ ଘରକୁ ଗରମ ଏବଂ ଥଣ୍ଡା କରିପାରିବ ଏବଂ ଏହା ସହିତ ଘର ଭିତରର ବାୟୁ ଗୁଣବତ୍ତା ବୃଦ୍ଧି କରି ଆର୍ଦ୍ରତାକୁ ନିୟନ୍ତ୍ରଣ କରିପାରିବ। ଏଚ୍ଭିଏସି ସିଷ୍ଟମର ଅନେକ ପ୍ରକାର ଅଛି। ସେଗୁଡ଼ିକରେ ଏୟାର କଣ୍ଡିସନର, ହିଟ୍ ପମ୍ପ, ଏୟାର ହ୍ୟାଣ୍ଡଲର୍, ଫର୍ନେସ୍, ଏୟାର କ୍ଲିନର୍, ହ୍ୟୁମିଡିଫାୟର୍ ଏବଂ ଡିହ୍ୟୁମିଡିଫାୟର୍ ପରି ନିର୍ଦ୍ଦିଷ୍ଟ ଉପାଦାନ ଅନ୍ତର୍ଭୁକ୍ତ ହୋଇପାରେ।
ଏଚ୍ଭିଏସି ସିଷ୍ଟମ୍ ଗଠନ କରୁଥିବା ଉପାଦାନଗୁଡ଼ିକ କ’ଣ?
ଏକ ସମ୍ପୂର୍ଣ୍ଣ ଏଚ୍ଭିଏସି ସିଷ୍ଟମରେ ଏକାଧିକ ଉପାଦାନ ରହିଥାଏ। ଏଥିରେ ଅନେକ ସିଷ୍ଟମ୍ ଏବଂ ଅଂଶ ରହିଛି ଯାହା ଆପଣଙ୍କୁ ଆବଶ୍ୟକୀୟ ଘରର ଆରାମ ଯୋଗାଇବା ପାଇଁ ଏକତ୍ର କାର୍ଯ୍ୟ କରେ।
ଏଚ୍ଭିଏସି ସିଷ୍ଟମର ଉପାଦାନଗୁଡ଼ିକ:
ଏୟାର କଣ୍ଡିସନର
ହିଟ୍ ପମ୍ପ
ଫର୍ନେସ୍
ଏୟାର ହ୍ୟାଣ୍ଡଲର୍
ହ୍ୟୁମିଡିଫାୟର୍ସ
ଡିହ୍ୟୁମିଡିଫାୟର୍ସ
ଏୟାର କ୍ଲିନର୍ସ
ଆପଣଙ୍କ ଘର ପାଇଁ ସଠିକ୍ ଏଚ୍ଭିଏସି ସିଷ୍ଟମ୍ ବାଛିବା:
ଗୃହ ନିର୍ମାଣକାରୀଙ୍କ ପାଇଁ, ଶକ୍ତି ଦକ୍ଷତା ଏବଂ ଆରାମ ସୁନିଶ୍ଚିତ କରିବା ପାଇଁ ସଠିକ୍ ଏଚ୍ଭିଏସି ସିଷ୍ଟମ୍ ଚୟନ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏହି କାରକଗୁଡ଼ିକୁ ବିଚାର କରନ୍ତୁ:
ଆକାର ଏବଂ ଦକ୍ଷତା: ଶକ୍ତିର ଉପଯୋଗ ଏବଂ କାର୍ଯ୍ୟଦକ୍ଷତାକୁ ଅପ୍ଟିମାଇଜ୍ କରିବା ପାଇଁ ଏଚ୍ଭିଏସି ସିଷ୍ଟମ୍ ଆପଣଙ୍କ ଘର ପାଇଁ ଉପଯୁକ୍ତ ଆକାରର ହୋଇଛି କି ନାହିଁ ନିଶ୍ଚିତ କରନ୍ତୁ।
ଶକ୍ତି ସଞ୍ଚୟ(ଏନର୍ଜି ସେଭିଂସ): ୟୁଟିଲିଟି ବିଲ୍ ଏବଂ ପରିବେଶ ପ୍ରଭାବ ହ୍ରାସ କରିବା ପାଇଁ ଉଚ୍ଚ ଶକ୍ତି ଦକ୍ଷତା ରେଟିଂ ଥିବା ସିଷ୍ଟମ୍ ଖୋଜନ୍ତୁ।
ସ୍ଥାନୀୟ ଜଳବାୟୁ(ଲୋକାଲ୍ କ୍ଲାଇମେଟ୍): ବର୍ଷସାରା ପ୍ରଭାବଶାଳୀ ଗରମ (ହିଟିଂ) ଏବଂ ଥଣ୍ଡା (କୁଲିଂ) ଯୋଗାଇବା ପାଇଁ ଆପଣଙ୍କ ଅଞ୍ଚଳର ଜଳବାୟୁ ଅନୁକୂଳ ଏକ ସିଷ୍ଟମ୍ ଚୟନ କରନ୍ତୁ।
ରକ୍ଷଣାବେକ୍ଷଣ ଆବଶ୍ୟକତା: ଦୀର୍ଘକାଳୀନ କାର୍ଯ୍ୟଦକ୍ଷତା ଏବଂ ସ୍ଥାୟୀତ୍ୱ ନିଶ୍ଚିତ କରିବା ପାଇଁ କମ୍ ରକ୍ଷଣାବେକ୍ଷଣ ଆବଶ୍ୟକତା ଏବଂ ନିର୍ଭରଯୋଗ୍ୟ ସେବା ବିକଳ୍ପ ଥିବା ସିଷ୍ଟମ୍ ବାଛନ୍ତୁ।
ଘର ଭିତରର ବାୟୁ ଗୁଣବତ୍ତା(ଇଣ୍ଡୋର ଏୟାର କ୍ୱାଲିଟି): ଏୟାର କ୍ଲିନର୍ ଏବଂ ହ୍ୟୁମିଡିଫାୟର୍ କିମ୍ବା ଡିହ୍ୟୁମିଡିଫାୟର୍ସରେ ନିବେଶ କରନ୍ତୁ ଯାହା ଘର ଭିତରର ବାୟୁ ଗୁଣବତ୍ତା ବଢ଼ାଇ ଏକ ସୁସ୍ଥ ବାସସ୍ଥାନକୁ ପ୍ରୋତ୍ସାହିତ କରେ।
ସଠିକ୍ ଏଚ୍ଭିଏସି ସିଷ୍ଟମ୍ ବାଛିବା ଆପଣଙ୍କ ଘରର ଆରାମ ଏବଂ ଶକ୍ତି ଦକ୍ଷତା ଉପରେ ଯଥେଷ୍ଟ ପ୍ରଭାବ ପକାଇପାରେ, ଯାହା ଗୃହ ନିର୍ମାଣରେ ଏକ ଗୁରୁତ୍ୱପୂର୍ଣ୍ଣ ବିଚାରଯୋଗ୍ୟ ବିଷୟ ଅଟେ।