ଧଳା ସିମେଣ୍ଟ କେଉଁଥିରେ ତିଆରି
ଧଳା ସିମେଣ୍ଟର ଧଳା ରଙ୍ଗ କମ୍ ଲୁହା ଅଂଶ ଥିବା କଞ୍ଚାମାଲରୁ ଆସିଥାଏ, ସାଧାରଣତଃ ଚୂନପଥର, ମାଟି, ଜିପସମ୍ ଏବଂ ଅନ୍ୟାନ୍ୟ ପଦାର୍ଥର ଏକ ମିଶ୍ରଣ, ଯାହା ଏହାର ଶୁଦ୍ଧତା ଏବଂ ରଙ୍ଗ ବଜାୟ ରଖିବା ପାଇଁ ପ୍ରକ୍ରିୟାକରଣ କରାଯାଇଥାଏ।
ଧଳା ସିମେଣ୍ଟର ଉପଯୋଗ
ଘର ନିର୍ମାଣ ପ୍ରକଳ୍ପରେ ଧଳା ସିମେଣ୍ଟର ଅନେକ ବ୍ୟବହାର ରହିଛି, ବିଶେଷ କରି ଦୃଶ୍ୟ ଆକର୍ଷଣ ବୃଦ୍ଧି ପାଇଁ ପୃଷ୍ଠଭାଗକୁ ଫିନିସିଂ କରିବା ପାଇଁ:
1 . ବର୍ଦ୍ଧିତ ସୌନ୍ଦର୍ଯ୍ୟଗତ ଆକର୍ଷଣ ଧଳା ସିମେଣ୍ଟ ଏକ ଚିକ୍କଣ, ଚକ୍ଚକ୍ ଫିନିସ୍ ସୃଷ୍ଟି କରେ ଯାହା ଉପରସ୍ଥ ରଙ୍ଗର ଉଜ୍ୱଳତା ଏବଂ ରଙ୍ଗକୁ ବଢ଼ାଇଥାଏ।
2. ସ୍ଥାୟୀତ୍ୱ ଏକ ଜଳ-ପ୍ରତିରୋଧକ ସ୍ତର ପ୍ରଦାନ କରେ ଯାହା କାନ୍ଥକୁ ଆର୍ଦ୍ରତାରୁ ରକ୍ଷା କରେ, ଶିଉଳି ଓ ଫିମ୍ପି ବୃଦ୍ଧିକୁ ପ୍ରତିରୋଧ କରେ।
3 . ପ୍ରୟୋଗ କ୍ଷେତ୍ର ଏହା ପ୍ଲାଷ୍ଟର, ଆରସିସି (ରିଇନଫୋର୍ସଡ୍ ସିମେଣ୍ଟ କଂକ୍ରିଟ୍) ଏବଂ କଂକ୍ରିଟ୍ ସମେତ ବିଭିନ୍ନ ପ୍ରକାରର ପୃଷ୍ଠରେ ପ୍ରୟୋଗ କରାଯାଇପାରିବ।
4 . ପିଓପି ଉପରେ ସୁବିଧା ପ୍ଲାଷ୍ଟର ଅଫ୍ ପ୍ୟାରିସ୍ (ପିଓପି) ପରି, ଧଳା ସିମେଣ୍ଟ ପାଣି ଶୋଷିନଥାଏ, ଯାହା ରଙ୍ଗ କରିବା ପୂର୍ବରୁ ପ୍ରାଇମରର ଆବଶ୍ୟକତାକୁ ଦୂର କରେ।
5 . ଫିନିସ୍ ବିକଳ୍ପ ଏହା ଷ୍ଟାଣ୍ଡାର୍ଡ ଏବଂ ମ୍ୟାଟ୍ ଫିନିସରେ ଉପଲବ୍ଧ, ଏହା କ୍ୟୁରିଂ ଆବଶ୍ୟକତା ବିନା ଅସମାନ କାନ୍ଥ ପୃଷ୍ଠକୁ ସମତଳ କରିପାରିବ।
ଧଳା ସିମେଣ୍ଟ କିପରି ମିଶାଇବେ ଓ ପ୍ରୟୋଗ କରିବେ?
1 . ମିଶାଇବା ପାଇଁ ଧଳା ସିମେଣ୍ଟକୁ ପାଣି ସହିତ ମିଶାନ୍ତୁ ଯେପର୍ଯ୍ୟନ୍ତ ଏହା ଏକରୂପ ନହେବା ପର୍ଯ୍ୟନ୍ତ।
2 . ପ୍ରୟୋଗ କରିବା ପାଇଁ ଭଲ ଆଡହିସନ ପାଇଁ ମିଶ୍ରଣକୁ ଏକ ଓଦା ପୃଷ୍ଠରେ ପ୍ରୟୋଗ କରନ୍ତୁ। ଏହାକୁ ଟ୍ରାୱେଲ୍ ବ୍ୟବହାର କରି ସମାନ ଭାବରେ ବିସ୍ତାର କରନ୍ତୁ।
ଧଳା ସିମେଣ୍ଟ ବ୍ୟବହାର କରିବା ସମୟରେ ନିଆଯିବାକୁ ଥିବା ସତର୍କତା
ଧଳା ସିମେଣ୍ଟ ସହିତ କାମ କରିବା ସମୟରେ, ଘର ନିର୍ମାଣ ପ୍ରକଳ୍ପ ପାଇଁ ଏକ ସୁରକ୍ଷିତ ପ୍ରୟୋଗ ଏବଂ ସର୍ବୋତ୍ତମ ଫଳାଫଳ ସୁନିଶ୍ଚିତ କରିବାକୁ ନିମ୍ନଲିଖିତ କଥାଗୁଡ଼ିକୁ ମନେରଖନ୍ତୁ।
1 . ସୁରକ୍ଷାମୂଳକ(ପ୍ରୋଟେକ୍ଟିଭ୍) ଗିୟର ସୂକ୍ଷ୍ମ କଣିକାରୁ ଆପଣଙ୍କ ଚର୍ମ ଓ ଆଖିକୁ ରକ୍ଷା କରିବା ପାଇଁ ଗ୍ଲୋଭସ୍ ଓ ଗୋଗଲ୍ସ ପିନ୍ଧନ୍ତୁ।
2 . ଉପଯୁକ୍ତ ଷ୍ଟୋରେଜ କଠିନ ହେବାରୁ ରକ୍ଷା କରିବା ପାଇଁ ସିମେଣ୍ଟକୁ ଏକ ଶୁଖିଲା ସ୍ଥାନରେ ରଖନ୍ତୁ।
3 . ବାୟୁ ଚଳାଚଳ(ଭେଣ୍ଟିଲେସନ୍) ମିଶ୍ରଣ ଏବଂ ପ୍ରୟୋଗ ସମୟରେ ପର୍ଯ୍ୟାପ୍ତ ବାୟୁଚଳନ ନିଶ୍ଚିତ କରନ୍ତୁ ଯାହା ଦ୍ୱାରା ଧୂଳି ନିଶ୍ୱାସ ନେବାରୁ ରକ୍ଷା ପାଇବ।
