Share:
Share:
ପାଣି ପରେ କଂକ୍ରିଟ୍ ପୃଥିବୀର ସବୁଠାରୁ ବ୍ୟାପକ ଭାବେ ବ୍ୟବହାର କରାଯାଉଥିବା ନିର୍ମାଣ ସାମଗ୍ରୀ ଅଟେ । ଏହାର କାରଣ ହେଉଛି କଂକ୍ରିଟ୍ ମଜଭୁତ, ଦୀର୍ଘସ୍ଥାୟୀ ହେବା ସହିତ ବିଭିନ୍ନ କାର୍ଯ୍ୟରେ ବ୍ୟବହାର ପାଇଁ ଉପଯୋଗୀ ହୋଇଥାଏ । ବିଲ୍ଡିଂରୁ ଆରମ୍ଭ କରି ସେତୁ, ସଡ଼କରୁ ଆରମ୍ଭ କରି ନଦୀବନ୍ଧ ପର୍ଯ୍ୟନ୍ତ ଏହାର ବହୁଳ ବ୍ୟବହାର କରାଯାଇଥାଏ । କିନ୍ତୁ କଂକ୍ରିଟ୍ କ’ଣ? ଏହି ବ୍ଲଗ୍ରେ ଆମେ କଂକ୍ରିଟ୍ର ସର୍ବବ୍ୟାପୀ ପ୍ରକୃତିକୁ ଆବିଷ୍କାର କରିବୁ ଏବଂ କଂକ୍ରିଟ୍ର ବିଭିନ୍ନ ପ୍ରକାରଭେଦ, ତାହାର ସଂରଚନା, ଗୁଣଧର୍ମ ଏବଂ ଏହି ଅତ୍ୟାବଶ୍ୟକ ନିର୍ମାଣ ସାମଗ୍ରୀର ଉପଯୋଗଗୁଡ଼ିକୁ ବୁଝିବୁ ।
କଂକ୍ରିଟ୍ ଆପଣଙ୍କ ଚାରିଆଡ଼େ ଦେଖିବାକୁ ମିଳିଥାଏ । ସାଇଡ୍ୱାକ୍, ସଡ଼କ କିମ୍ବା ବିଲ୍ଡିଂରେ ତାହା ବ୍ୟବହୃତ ହୋଇଥାଏ । ସରଳ ଭାଷାରେ କହିବାକୁ ଗଲେ, କଂକ୍ରିଟ୍ ହେଉଛି ସିମେଣ୍ଟ, ପାଣି ଏବଂ ଏଗ୍ରିଗେଟ୍ (ବାଲି ଓ ଗୋଡ଼ି ଭଳି)ର ଏକ ମିଶ୍ରଣ ଅଟେ । ସମୟ ସହିତ ଏହା ଟାଣ ହୋଇ ଏକ ନିଦା, ମଜଭୁତ ପଦାର୍ଥରେ ପରିଣତ ହୋଇଥାଏ । ଏହାର ସୁଲଭତା, ଦୀର୍ଘସ୍ଥାୟୀ ଗୁଣ ଏବଂ ଯେକୌଣସି ଆକୃତିରେ ଢଳିବାର ଏହାର କ୍ଷମତା କାରଣରୁ କଂକ୍ରିଟ୍କୁ ସବୁ ପ୍ରକାର ନିର୍ମାଣ କାର୍ଯ୍ୟରେ ବ୍ୟବହାର କରାଯାଇଥାଏ । ସିମେଣ୍ଟ, ଏଗ୍ରିଗେଟ୍ ଏବଂ ପାଣିର ସଠିକ୍ ଅନୁପାତକୁ ମିଶାଇ ଏହି ନିର୍ମାଣ ସାମଗ୍ରୀକୁ ତିଆରି କରାଯାଇଥାଏ ।
ଏ ପ୍ରକାର କଂକ୍ରିଟ୍କୁ ଷ୍ଟିଲ୍ ଛଡ଼ କିମ୍ବା ଜାଲି ଦ୍ୱାରା ସୁଦୃଢ଼ୀକୃତ କରାଯାଇଥାଏ, ଯାହା ଫଳରେ ତାହାର ପ୍ରସାରଣ କ୍ଷମତା ଏବଂ ସ୍ଥାୟିତ୍ୱ ବୃଦ୍ଧି ହୋଇଥାଏ । ଏହାକୁ ସାଧାରଣତଃ ସୁଉଚ୍ଚ ଅଟ୍ଟାଳିକା, ସେତୁ ଏବଂ ଅଧିକ ସୁଦୃଢ଼ତା ଓ ସ୍ଥିରତା ଆବଶ୍ୟକ କରୁଥିବା ଅନ୍ୟାନ୍ୟ ଢାଞ୍ଚାର ନିର୍ମାଣରେ ବ୍ୟବହାର କରାଯାଇଥାଏ ।
ଏହାର ନାମ ସୂଚାଉଥିବା ଅନୁଯାୟୀ, ଏ ପ୍ରକାର କଂକ୍ରିଟ୍ ସାଧାରଣ କଂକ୍ରିଟ୍ ତୁଳନାରେ ହାଲୁକା ହୋଇଥାଏ । ଓଜନ ବା ଭାର ମହତ୍ତ୍ୱ ରଖୁଥିବା ନିର୍ମାଣ କାର୍ଯ୍ୟ ପାଇଁ ଏହି କଂକ୍ରିଟ୍ ଆଦର୍ଶ ଅଟେ । ଏହାକୁ ୱାଲ୍ ପ୍ୟାନେଲ୍, ଛାତର ସ୍ଲାବ୍ ଏବଂ ପେଭିଂ ବ୍ଲକ୍ ଭଳି ପ୍ରିକାଷ୍ଟ୍ କଂକ୍ରିଟ୍ ଉପାଦାନ ତିଆରି କରିବା ପାଇଁ ବ୍ୟବହାର କରାଯାଏ ।
ଏ ପ୍ରକାର କଂକ୍ରିଟ୍ର କମ୍ପ୍ରେସିଭ୍ ଶକ୍ତି ୪୦ ଏମ୍ପିଏରୁ ଅଧିକ ହୋଇଥାଏ ଏବଂ ଅତିରିକ୍ତ ସୁଦୃଢ଼ତା ଆବଶ୍ୟକ କରୁଥିବା ଢାଞ୍ଚାର ନିର୍ମାଣରେ ଏହା ବ୍ୟବହୃତ ହୋଇଥାଏ । ଉଦାହରଣସ୍ୱରୂପ: ବହୁମହଲା କୋଠା, ସେତୁ ଏବଂ ନଦୀବନ୍ଧ ।
ଏହି ବିଶେଷ ଭାବେ ଉପଯୋଗୀ ଧରଣର କଂକ୍ରିଟ୍ରେ ଉଚ୍ଚ ସ୍ଥାୟିତ୍ୱ, ବର୍ଦ୍ଧିତ ଶକ୍ତି ଏବଂ ଅତ୍ୟଧିକ ତାପମାତ୍ରା ଓ ପରିବେଶୀୟ ପ୍ରଭାବକୁ ସହନ କରିବାର କ୍ଷମତା ଭଳି ବୈଶିଷ୍ଟ୍ୟ ରହିଥାଏ । ଏହାକୁ ସାଧାରଣତଃ ଆଣବିକ ଶକ୍ତି କାରଖାନା, ସମୁଦ୍ର ମଧ୍ୟରେ ନିର୍ମିତ ଢାଞ୍ଚା ଏବଂ ଅନ୍ୟାନ୍ୟ ହାଇ-ଟେକ୍ ପ୍ରକଳ୍ପଗୁଡ଼ିକରେ ବ୍ୟବହାର କରାଯାଏ ।
ଏ ପ୍ରକାର କଂକ୍ରିଟ୍କୁ ନିର୍ମାଣ କାର୍ଯ୍ୟ ହେଉଥିବା ଜାଗାରୁ ଦୂରରେ ଥିବା ଅନ୍ୟ କୌଣସି ସ୍ଥାନରେ ନିର୍ମାଣ କରାଯାଇଥାଏ ଓ ପରେ ତାହାକୁ ନିର୍ମାଣସ୍ଥଳକୁ ପରିବହନ କରାଯାଇଥାଏ । ୱାଲ୍ ପ୍ୟାନେଲ୍, କଲମ୍, ବିମ୍ ଏବଂ ସିଡି ଭଳି ପ୍ରିକାଷ୍ଟ କଂକ୍ରିଟ୍ ଉପାଦାନର ନିର୍ମାଣ ପାଇଁ ଏ ପ୍ରକାର କଂକ୍ରିଟ୍ ବ୍ୟବହୃତ ହୋଇଥାଏ । ନିର୍ମାଣସ୍ଥଳରେ ପ୍ରସ୍ତୁତ କରାଯାଉଥିବା ପାରମ୍ପରିକ କଂକ୍ରିଟ୍ ତୁଳନାରେ ଏହାର ଅନେକ ଫାଇଦା ରହିଥାଏ । କେତୋଟି ଉଦାହରଣ ହେଲା: ନିର୍ମାଣ ସମୟ ହ୍ରାସିତ ହୁଏ ଏବଂ ଗୁଣବତ୍ତା ନିୟନ୍ତ୍ରଣ ଅଧିକ ଉନ୍ନତ ହୁଏ ।
କଂକ୍ରିଟ୍ ତିନିଟି ମୁଖ୍ୟ ଉପାଦାନରେ ତିଆରି ହୋଇଥାଏ - ସିମେଣ୍ଟ, ଏଗ୍ରିଗେଟ୍ (ବାଲି, ଗୋଡ଼ି ବା ବଜୁରି) ଏବଂ ପାଣି । ସିମେଣ୍ଟ ବନ୍ଧନ ସୃଷ୍ଟିକାରୀ ଉପାଦାନ ବା ବାଇଣ୍ଡିଂ ଏଜେଣ୍ଟ ଅଟେ ଯାହା କଂକ୍ରିଟ୍କୁ ବାନ୍ଧି ରଖିଥାଏ । ଏବଂ ବାଲି ଓ ଗୋଡ଼ି ଭଳି ଏଗ୍ରିଗେଟ୍ କଂକ୍ରିଟ୍କୁ ସୁଦୃଢ଼ତା ଏବଂ ଆୟତନ ଯୋଗାଇଥାଏ ।
ପାଣିର ସଂସ୍ପର୍ଶରେ ଆସିବା ପରେ ସିମେଣ୍ଟର ରାସାୟନିକ ପ୍ରତିକ୍ରିୟା ଆରମ୍ଭ ହୁଏ ଏବଂ ତାହା କଂକ୍ରିଟ୍କୁ ଟାଣ କରିବାକୁ ଲାଗେ । ଏହି କାରଣରୁ, କଂକ୍ରିଟ୍ର ସୁଦୃଢ଼ତା ଏବଂ ସ୍ଥାୟିତ୍ୱ ନିର୍ଦ୍ଧାରଣ ପାଇଁ ସିମେଣ୍ଟ ସହିତ ପାଣିର ଅନୁପାତ ଅତ୍ୟନ୍ତ ମହତ୍ତ୍ୱପୂର୍ଣ୍ଣ ହୋଇଥାଏ । ସର୍ବପ୍ରଥମେ, ପାଣି ଓ ସିମେଣ୍ଟର ସଠିକ୍ ଅନୁପାତ ହିସାବ କରାଯିବା ଉଚିତ୍ । କାରଣ ମିଶ୍ରଣରେ ସିମେଣ୍ଟ ଅନୁପାତରେ ପାଣିର ମାତ୍ରା ଅଧିକ ହେଲେ ଦୁର୍ବଳ, କମ୍ ସ୍ଥାୟିତ୍ୱ ବିଶିଷ୍ଟ କଂକ୍ରିଟ୍ ତିଆରି ହୋଇଥାଏ, ଯେଉଁଥିରେ ଫାଟ ଓ କ୍ଷୟ ହେବାର ସମ୍ଭାବନା ଅଧିକ ରହିଥାଏ ।
ଏହି ତିନିଟି ମୁଖ୍ୟ ଉପାଦାନ ବ୍ୟତୀତ, କଂକ୍ରିଟ୍ରେ ଅନ୍ୟାନ୍ୟ ଗୁଣବର୍ଦ୍ଧକ ଉପାଦାନ (ଆଡିଟିଭ୍) ରହିପାରେ । ଏଭଳି ଉପାଦାନଗୁଡ଼ିକ କଂକ୍ରିଟ୍ର ସୁକାର୍ଯ୍ୟତା, ସୁଦୃଢ଼ତା ଓ ସ୍ଥାୟିତ୍ୱ ବୃଦ୍ଧିରେ ସହାୟକ ହୋଇଥାଏ । ଏହି ଆଡିଟିଭ୍ଗୁଡ଼ିକ ମଧ୍ୟରେ ଫ୍ଲାଏ ଆଶ୍, ସିଲିକା ଫ୍ୟୁମ୍ ଏବଂ ପ୍ଲାଷ୍ଟିସାଇଜର୍ ଓ ଆହୁରି ଅନେକ ପଦାର୍ଥ ଅନ୍ତର୍ଭୁକ୍ତ ଅଟେ ।
କଂକ୍ରିଟ୍ରେ ରହିଥିବା ଅନେକ ଗୁଣଧର୍ମ ଏହାକୁ ବ୍ୟାପକ ବର୍ଗର କାର୍ଯ୍ୟ ପାଇଁ ଆଦର୍ଶ ନିର୍ମାଣ ସାମଗ୍ରୀରେ ପରିଣତ କରିଥାଏ । କଂକ୍ରିଟ୍ର କେତେକ ଅତି ଗୁରୁତ୍ୱପୂର୍ଣ୍ଣ ଗୁଣଧର୍ମ ତଳେ ଦିଆଗଲା:
ଏହା କଂକ୍ରିଟ୍କୁ ମିଶ୍ରଣ କରିବା, ପରିବହନ କରିବା ଓ ତାହାର ଚୂଡ଼ାନ୍ତ ସ୍ଥିତିରେ ଢଳାଯିବାର ସହଜତାକୁ ସୂଚାଇଥାଏ । ଆପଣ ଚାହୁଁଥିବା ଆକୃତି ଓ ଫିନିଶ୍ର କଂକ୍ରିଟ୍ ପାଇବା ପାଇଁ ତାହାର ସୁକାର୍ଯ୍ୟତାର ମାତ୍ରା ଉଚ୍ଚ ରହିବା ଜରୁରୀ ହୋଇଥାଏ ।
କଂକ୍ରିଟ୍ ଏହାର ସୁଦୃଢ଼ତା ବା ଶକ୍ତି ପାଇଁ ପରିଚିତ ଅଟେ । ଏହା ଭାରି ଓଜନ ଏବଂ ଚାପକୁ ସହନ କରିପାରିଥାଏ । କଂକ୍ରିଟ୍ର ସଂରଚନା ଏବଂ କିଓରିଂ ସମୟ ଆଧାରରେ କଂକ୍ରିଟ୍ର କମ୍ପ୍ରେସିଭ୍ ଷ୍ଟ୍ରେଂଥ୍ ଭିନ୍ନ ଭିନ୍ନ ହୋଇପାରେ ।
କଂକ୍ରିଟ୍ ଅତି ଦୀର୍ଘସ୍ଥାୟୀ ହୋଇଥାଏ ଏବଂ ଏହା ପାଣି, ପବନ ଏବଂ ଅତ୍ୟଧିକ ପରିବେଶୀୟ ପ୍ରଭାବର ସଂସ୍ପର୍ଶକୁ ସହନ କରିବାରେ ସକ୍ଷମ ହୋଇଥାଏ । ଉପଯୁକ୍ତ କିଓରିଂ ଏବଂ ରକ୍ଷଣାବେକ୍ଷଣ ଦ୍ୱାରା କଂକ୍ରିଟ୍ ଢାଞ୍ଚାର ଜୀବନକାଳକୁ ବୃଦ୍ଧି କରାଯାଇପାରିବ ।
ଏହା ସମୟ ସହିତ ଅନବରତ ଭାର କାରଣରୁ ଧୀରେ ଧୀରେ କଂକ୍ରିଟ୍ରେ ସୃଷ୍ଟି ହେଉଥିବା ବିକୃତିକୁ ସୂଚାଇଥାଏ । ଡିଜାଇନ୍ ଓ ନିର୍ମାଣ ପ୍ରକ୍ରିୟା ସମୟରେ ଏଥିପ୍ରତି ଧ୍ୟାନ ଦିଆ ନ ଗଲେ କ୍ରିପ୍ ଢାଞ୍ଚାକୁ କ୍ଷତି ପହଞ୍ଚାଇପାରେ ।
କଂକ୍ରିଟ୍ ଶୁଖିବା ସମୟରେ ସଙ୍କୁଚିତ ହେବାକୁ ଲାଗେ । ଏହାଫଳରେ ଫାଟ ଓ ଅନ୍ୟାନ୍ୟ କ୍ଷତି ସୃଷ୍ଟି ହୋଇଥାଏ । ଉପଯୁକ୍ତ ରିଇନ୍ଫୋର୍ସମେଣ୍ଟ (ଷ୍ଟିଲ୍ ଛଡ଼ ବା ଜାଲି) ଏବଂ କିଓରିଂ ମାଧ୍ୟମରେ ସଙ୍କୁଚନର ପ୍ରଭାବକୁ ହ୍ରାସ କରାଯାଇପାରିବ ।
କଂକ୍ରିଟ୍ର ୟୁନିଟ୍ ଓଜନ ତାହାର ଘନତ୍ୱକୁ ସୂଚାଇଥାଏ ଏବଂ କଂକ୍ରିଟ୍ର ସଂରଚନା ଏବଂ ସୁଦୃଢ଼ତା ଭିତ୍ତିରେ ତାହା ଭିନ୍ନ ହୋଇପାରେ । ଉଚ୍ଚତର ୟୁନିଟ୍ ଓଜନର ଅର୍ଥ ଅଧିକ ସୁଦୃଢ଼ ଏବଂ ଅଧିକ ଦୀର୍ଘସ୍ଥାୟୀ କଂକ୍ରିଟ୍ ।
ଏହା କଂକ୍ରିଟ୍ର ନମନୀୟ ମାନକ ଏବଂ କଂକ୍ରିଟ୍ର ବଳ ବୃଦ୍ଧି ପାଇଁ ବ୍ୟବହୃତ ହୋଇଥିବା ଷ୍ଟିଲ୍ ରିଇନ୍ଫୋର୍ସମେଣ୍ଟ ମଧ୍ୟରେ ରହିଥିବା ସମ୍ପର୍କକୁ ସୂଚାଇଥାଏ । ଉଚ୍ଚର ମଡ୍ୟୁଲାର୍ ଅନୁପାତର ଅର୍ଥ ଅଧିକ ସୁଦୃଢ଼, ଅଧିକ ଦୀର୍ଘସ୍ଥାୟୀ ଢାଞ୍ଚା ।
କୌଣସି ସାମଗ୍ରୀର ପ୍ରସାରଣ ଓ ସଙ୍କୁଚନ ସମୟରେ ତାହାର ପାର୍ଶ୍ୱିକ ଚାପ ଓ ଅକ୍ଷୀୟ ଚାପର ଏହା ଏକ ମାପକ ଅଟେ । ପଏସନ୍ସ ଅନୁପାତ କଂକ୍ରିଟ୍ ଢାଞ୍ଚାର ସାମଗ୍ରିକ ସୁଦୃଢ଼ତା ଏବଂ ସ୍ଥିରତାକୁ ପ୍ରଭାବିତ କରିପାରେ ।
କଂକ୍ରିଟ୍ର ସ୍ଥାୟିତ୍ୱ, କମ୍ ରକ୍ଷଣାବେକ୍ଷଣ ଆବଶ୍ୟକତା ଏବଂ ବହୁ-ଉପଯୋଗିତା କାରଣରୁ ଡ୍ରାଇଭ୍ୱେ ତଥା ପେଟିଓ ବା ଅଗଣା ନିର୍ମାଣ ପାଇଁ ଏହା ଏକ ଆଦର୍ଶ ନିର୍ମାଣ ସାମଗ୍ରୀ ଅଟେ । ଆଖପାଖ ଅଞ୍ଚଳର ସୌନ୍ଦର୍ଯ୍ୟ ସହ ମେଳ ଖୁଆଇବା ପାଇଁ କଂକ୍ରିଟ୍ରେ ଛାପ କିମ୍ବା ରଙ୍ଗ ଦିଆଯାଇପାରିବ । ତେଣୁ ଘରମାଲିକଙ୍କ ପାଇଁ ଏହା ଏକ ଆକର୍ଷଣୀୟ ବିକଳ୍ପ ଅଟେ । ଅତିରିକ୍ତ ଭାବେ, କଂକ୍ରିଟ୍ ଭାରି ଓଜନ ବହନ କରିପାରିଥାଏ ଏବଂ ଫାଟର ପ୍ରତିରୋଧି ହୋଇଥାଏ । ତେଣୁ ଏହା ଏକ ଦୀର୍ଘସ୍ଥାୟୀ ଏବଂ ଭରସାଯୋଗ୍ୟ ବିଳକ୍ପ ଅଟେ ।
କଂକ୍ରିଟ୍ର ସୁଦୃଢ଼ତା, ସୁଲଭତା ଏବଂ ସ୍ଥାପନରେ ସହଜତା ପାଇଁ ସାଇଡ୍ୱାକ୍ ନିର୍ମାଣ ନିମନ୍ତେ ଏହା ଏକ ଲୋକପ୍ରିୟ ବିକଳ୍ପ ଅଟେ । କଂକ୍ରିଟ୍ ସାଇଡ୍ୱାକ୍ ବହୁ ପରିମାଣର ଚଲାବୁଲାକୁ ସହିପାରିଥାଏ ଏବଂ କ୍ଷତିଗ୍ରସ୍ତ ହେଲେ ତାହାକୁ ସହଜରେ ମରାମତି କରିହୁଏ । ଏହା କମ୍ ରକ୍ଷଣାବେକ୍ଷଣ ମଧ୍ୟ ଆବଶ୍ୟକ କରିଥାଏ ଏବଂ ପାଣିପାଗର ପ୍ରଭାବ ଓ କ୍ଷୟକୁ ସହିବାରେ ସକ୍ଷମ ହୋଇଥାଏ ।
କଂକ୍ରିଟ୍ର ସୁଦୃଢ଼ତା ଏବଂ ସ୍ଥାୟିତ୍ୱ କାରଣରୁ ଏହାକୁ ସାଧାରଣ ଭାବେ ପାର୍କିଂ ଲଟ୍ଗୁଡ଼ିକରେ ବ୍ୟବହାର କରାଯାଇଥାଏ । କଂକ୍ରିଟ୍ ନିର୍ମିତ ପାର୍କିଂ ଲଟ୍ ବହୁ ପରିମାଣର ଟ୍ରାଫିକ୍କୁ ସହିବା ଏବଂ ଉପଯୁକ୍ତ ରକ୍ଷଣାବେକ୍ଷଣ ସହିତ ଅନେକ ବର୍ଷ ଧରି ବଜାୟ ରହିପାରେ । ଅତିରିକ୍ତ ଭାବେ, କଂକ୍ରିଟ୍ ଖସଡ଼ା ନିରୋଧୀ ଅଟେ ଏବଂ ଲୋକଙ୍କ ସୁରକ୍ଷା ପାଇଁ ତାହା ଉପରେ ବିଭିନ୍ନ ସତର୍କତା ଚିହ୍ନଗୁଡ଼ିକୁ ପେଣ୍ଟ୍ କରାଯାଇପାରିବ ।
କଂକ୍ରିଟ୍ର ସ୍ଥାୟିତ୍ୱ, ଖସଡ଼ା ନିରୋଧୀ ଗୁଣ ଏବଂ ଉଚ୍ଚ ଓଜନ ବହନ କ୍ଷମତା କାରଣରୁ ତାହା ପକ୍କା ସଡ଼କ ବିଛାଇବା ପାଇଁ ଏକ ପସନ୍ଦଯୋଗ୍ୟ ସାମଗ୍ରୀ ଅଟେ । କଂକ୍ରିଟ୍ ନିର୍ମିତ ସଡ଼କଗୁଡ଼ିକ କମ୍ ରକ୍ଷଣାବେକ୍ଷଣ ଆବଶ୍ୟକ କରିଥାଏ ଏବଂ ଉପଯୁକ୍ତ ଯତ୍ନ ସହିତ ତାହା ଦୀର୍ଘଦିନ ଧରି ବଜାୟ ରହିପାରେ । ତାହା ତେଲ ଓ ଗ୍ୟାସ୍ ଉଛୁଳା ନିରୋଧୀ ହୋଇଥାଏ, ତେଣୁ ବହୁ ପରିମାଣରେ ଗାଡ଼ିମଟର ଯା’ଆସ କରୁଥିବା ସଡ଼କ ପାଇଁ କଂକ୍ରିଟ୍ ଏକ ଆଦର୍ଶ ବିକଳ୍ପ ଅଟେ ।
କଂକ୍ରିଟ୍ର ସୁଦୃଢ଼ତା, ସ୍ଥାୟିତ୍ୱ ଏବଂ ଜଳନିରୋଧୀ କ୍ଷମତା ଯୋଗୁଁ ତାହାକୁ ସାଧାରଣତଃ ବିଲଡିଂର ଫାଉଣ୍ଡେସନ୍ ଓ ଫୁଟିଂରେ ବ୍ୟବହାର କରାଯାଇଥାଏ । କଂକ୍ରିଟ୍ ଫାଉଣ୍ଡେସନ୍ ବିଲ୍ଡିଂର ଭାରକୁ ବହନ କରିପାରିଥାଏ ଏବଂ ତାହାକୁ ଆର୍ଦ୍ରତା ଓ ପାଣି ଜନିତ କ୍ଷୟକ୍ଷତିକୁ ନିରାପଦ ରଖିଥାଏ । ଆହୁରି ମଧ୍ୟ, ଷ୍ଟିଲ୍ ଛଡ଼ ବ୍ୟବହାର କରାଯାଇ କଂକ୍ରିଟ୍ର ସୁଦୃଢ଼ତାକୁ ଆହୁରି ଅଧିକ ବୃଦ୍ଧି କରାଯାଇପାରିବ ।
କଂକ୍ରିଟ୍ର ସୁଦୃଢ଼ତା, ସ୍ଥାୟିତ୍ୱ ଏବଂ ଭୂମିକମ୍ପ ଓ ବାତ୍ୟା ଭଳି ପ୍ରାକୃତିକ ବିପର୍ଯ୍ୟୟକୁ ସହନ କରିବାର କ୍ଷମତା କାରଣରୁ ତାହା ମଧ୍ୟମ-ଉଚ୍ଚତା ଏବଂ ସୁଉଚ୍ଚ ଅଟ୍ଟାଳିକା ନିର୍ମାଣ ପାଇଁ ଏକ ଆଦର୍ଶ ସାମଗ୍ରୀ ଅଟେ । ରିଇନ୍ଫୋର୍ସଡ୍ କଂକ୍ରିଟ୍ ଢାଞ୍ଚାଗୁଡ଼ିକ ଜୋର୍ ପବନ ଏବଂ ଭୂଚଳନକୁ ସହିପାରିଥାଏ । ତେଣୁ ଉଚ୍ଚ ଅଟ୍ଟାଳିକା ନିର୍ମାଣ ପାଇଁ ତାହା ଏକ ଭରସାଯୋଗ୍ୟ ପସନ୍ଦ ଅଟେ । ଆହୁରି ମଧ୍ୟ, କଂକ୍ରିଟ୍ ବିଲଡିଂଗୁଡ଼ିକୁ ବିଶେଷ ଭାବେ ଶକ୍ତି-ଦକ୍ଷ (ବିଜୁଳି କମ୍ ଖର୍ଚ୍ଚ କରୁଥିବା) ଭାବେ ଡିଜାଇନ୍ କରାଯାଇପାରିବ ଏବଂ ଉପଯୁକ୍ତ ରକ୍ଷଣାବେକ୍ଷଣ ସହିତ ତାହାର ଆୟୁକୁ ଦୀର୍ଘ କରାଯାଇପାରିବ ।
ସାରାଂଶରେ, କଂକ୍ରିଟ୍ ଏକ ବହୁ-ଉପଯୋଗୀ ଏବଂ ଦୀର୍ଘସ୍ଥାୟୀ ନିର୍ମାଣ ସାମଗ୍ରୀ ଅଟେ, ଯାହା ଅନେକ ଶତାବ୍ଦୀ ଧରି ବ୍ୟବହୃତ ହୋଇଆସିଛି । ଚୂଡ଼ାନ୍ତ ନିର୍ମାଣ କାର୍ଯ୍ୟରେ ଆପଣ ଚାହୁଁଥିବା ସୁଦୃଢ଼ତା, ସ୍ଥାୟିତ୍ୱ ଏବଂ କାର୍ଯ୍ୟଦକ୍ଷତା ହାସଲ କରିବା ପାଇଁ କଂକ୍ରିଟ୍ କ’ଣ, କଂକ୍ରିଟ୍ର ପ୍ରକାରଭେଦ, ତାହାର ସଂରଚନା ଏବଂ କଂକ୍ରିଟ୍ର ଗୁଣଧର୍ମକୁ ବୁଝିବା ଜରୁରୀ ଅଟେ । କଂକ୍ରିଟ୍ ଯେପରି ଆବଶ୍ୟକ କରାଯାଉଥିବା ମାନକ ଏବଂ ବିନିର୍ଦ୍ଦିଷ୍ଟତା ଅନୁରୂପ ଅଟେ ତାହା ସୁନିଶ୍ଚିତ କରିବା ପାଇଁ ନିୟମିତ କଂକ୍ରିଟ୍ ପରୀକ୍ଷଣ ପଦ୍ଧତିକୁ ବ୍ୟବହାର କରାଯାଇପାରିବ । କଂକ୍ରିଟ୍ ପରୀକ୍ଷଣ ପଦ୍ଧତିଗୁଡ଼ିକ ସମ୍ପର୍କରେ ଅଧିକ ଜାଣିବା ପାଇଁ, ‘କଂକ୍ରିଟ୍ ପରୀକ୍ଷଣ’ ଉପରେ ପର୍ଯ୍ୟବସିତ ଏହି ସହାୟକ ଭିଡିଓଟିକୁ ଦେଖନ୍ତୁ ।
