ବାସ୍ତୁ ଅନୁଯାୟୀ ଶୟନର ଆଦର୍ଶ ଦିଗ

ଉତ୍ତର, ପୂର୍ବ କିମ୍ବା ପଶ୍ଚିମକୁ ମୁଣ୍ଡ ରଖି ଶୋଇବାର ପ୍ରଭାବ

ଯଦିଓ ଦକ୍ଷିଣ ଦିଗକୁ ମୁଣ୍ଡ ରଖି ଶୋଇବାର ସର୍ବାଧିକ ପରାମର୍ଶ ଦିଆଯାଏ, ତେବେ ଅନ୍ୟ ଦିଗକୁ ମୁଣ୍ଡ ରଖି ଶୋଇଲେ କ’ଣ ହେବ? ଉତ୍ତର, ପୂର୍ବ କିମ୍ବା ପଶ୍ଚିମ ଦିଗକୁ ମୁଣ୍ଡ ରଖି ଶୋଇବାର ସମ୍ଭାବ୍ୟ ପ୍ରଭାବ ଏବଂ ଉକ୍ତ ଦିଗଗୁଡ଼ିକ କେବଳ କିଛି ନିର୍ଦ୍ଦିଷ୍ଟ ବ୍ୟକ୍ତିଙ୍କୁ ହିଁ କାହିଁକି ସୁହାଇଥାଏ ତାହାର ବର୍ଣ୍ଣନା ମଧ୍ୟ ବାସ୍ତୁଶାସ୍ତ୍ରରେ ରହିଛି ।

୧. ଉତ୍ତର ଆଡ଼କୁ ମୁଣ୍ଡ ରଖି ଶୋଇବା

ବାସ୍ତୁରେ ଉତ୍ତର ଆଡ଼କୁ ମୁଣ୍ଡ ରଖି ଶୋଇବାରୁ ବାରଣ କରାଯାଇଛି କାରଣ ଏହା ଶରୀରର ପ୍ରାକୃତିକ ଶକ୍ତି ପ୍ରବାହରେ ବ୍ୟାଘାତ ସୃଷ୍ଟି କରିଥାଏ । ପୃଥିବୀର ଚୁମ୍ବକୀୟ କ୍ଷେତ୍ର ଉତ୍ତରରୁ ଦକ୍ଷିଣକୁ ପ୍ରବାହିତ ହୋଇଥାଏ ଏବଂ ନିଜର ମୁଣ୍ଡକୁ ଉତ୍ତରକୁ ରଖି ଶୋଇଲେ ତାହା ନିଦ୍ରାହୀନତା, ଅଧୀରତା, ଏପରିକି ରକ୍ତଚାପ ଓ ହୃଦଯନ୍ତ୍ର ସମ୍ବନ୍ଧୀୟ ସମସ୍ୟାର କାରଣ ସାଜିପାରେ ।

୨. ପୂର୍ବ ଆଡ଼କୁ ମୁଣ୍ଡ ରଖି ଶୋଇବା

ପୂର୍ବ ଦିଗକୁ ଏକ ଭଲ ବିକଳ୍ପ ଭାବେ ବିବେଚନା କରାଯାଏ । ବାସ୍ତୁ ଅନୁସାରେ, ପୂର୍ବ ଆଡ଼କୁ ନିଜର ମୁଣ୍ଡ ରଖି ଶୋଇବା ଦ୍ୱାରା ସ୍ମୃତିଶକ୍ତି ବଢ଼ିଥାଏ, ଏକାଗ୍ରତାରେ ଉନ୍ନତି ଆସିଥାଏ ଏବଂ ମାନସିକ ଶାନ୍ତି ପ୍ରାପ୍ତ ହୋଇଥାଏ । ଏହି ଦିଗଟି ବିଶେଷକରି ବିଦ୍ୟାର୍ଥୀ ଏବଂ ନିଜର ଦୈନନ୍ଦିନ କାର୍ଯ୍ୟକଳାପରେ ମାନସିକ ଏକାଗ୍ରତା ଓ ସ୍ପଷ୍ଟତା ଆବଶ୍ୟକ କରୁଥିବା ବୃତ୍ତିଜୀବୀଙ୍କ ପାଇଁ ଲାଭଦାୟକ ହୋଇଥାଏ ।

୩. ପଶ୍ଚିମ ଆଡ଼କୁ ମୁଣ୍ଡ ରଖି ଶୋଇବା

ପଶ୍ଚିମ ଦିଗଟି କିଛିଟା ନିରପେକ୍ଷ ଦିଗ ହୋଇଥାଏ । ଯଦିଓ ଏହାକୁ କ୍ଷତିକାରକ ଭାବେ ବିବେଚନା କରାଯାଇ ନ ଥାଏ, କିନ୍ତୁ ଏହା ଦକ୍ଷିଣ କିମ୍ବା ପୂର୍ବକୁ ମୁଣ୍ଡ ରଖି ଶୋଇବା ଭଳି ଲାଭଦାୟକ ମଧ୍ୟ ନୁହେଁ । ପଶ୍ଚିମକୁ ମୁଣ୍ଡ ରଖି ଶୋଉଥିବା ଲୋକମାନେ ମିଶ୍ରିତ ପ୍ରଭାବ ଅନୁଭବ କରିପାରନ୍ତି, ଯେପରିକି ଅପର୍ଯ୍ୟାପ୍ତ ବିଶ୍ରମ ଓ ବେଳେବେଳେ ଶୋଇ ଉଠିବା ପରେ ଅସନ୍ତୁଷ୍ଟି ।

ବାସ୍ତୁ ଅନୁଯାୟୀ ଶୟନର ସଠିକ୍ ବା ସର୍ବଶ୍ରେଷ୍ଠ ଦିଗ ଆପଣଙ୍କର ବ୍ୟକ୍ତିଗତ ଆବଶ୍ୟକତା ଉପରେ ନିର୍ଭରଶୀଳ ହୋଇଥାଏ, ହେଲେ ଦକ୍ଷିଣ ଓ ପୂର୍ବ ଦିଗର ସକାରାତ୍ମକ ପ୍ରଭାବ ପାଇଁ ସାଧାରଣତଃ ସେହି ଦିଗଗୁଡ଼ିକୁ ସୁପାରିସ କରାଯାଏ ଓ ଉତ୍ତର ଦିଗକୁ ଏଡ଼ାଇବାର ପରାମର୍ଶ ଦିଆଯାଏ ।

ସ୍ୱାସ୍ଥ୍ୟ ଓ କଲ୍ୟାଣ ଉପରେ ଶୟନ ଦିଗର ପ୍ରଭାବ

ବାସ୍ତୁ ଅନୁଯାୟୀ ଶୟନର ଦିଗ ଆପଣଙ୍କ ଶାରୀରିକ ଓ ମାନସିକ ସ୍ୱାସ୍ଥ୍ୟ ଉଭୟ ଉପରେ ବିଶେଷ ରୂପେ ପ୍ରଭାବ ପକାଇଥାଏ । ସଠିକ୍ ଦିଗରେ ଶୋଇବା ଦ୍ୱାରା ଆପଣଙ୍କର ସାମଗ୍ରିକ କଲ୍ୟାଣରେ ଉନ୍ନତି ଆସୁଥିବା ବେଳେ, ଭୁଲ୍ ସ୍ଥିତିରେ ଶୋଇଲେ ସମୟ ସହିତ ବିଭିନ୍ନ ସ୍ୱାସ୍ଥ୍ୟ ସମସ୍ୟା ସୃଷ୍ଟି ହୋଇଥାଏ । ଜାଣନ୍ତୁ କେମିତି:

୧. ଶାରୀରିକ ସ୍ୱାସ୍ଥ୍ୟ

ପୂର୍ବରୁ ଦର୍ଶାଯାଇଥିବା ଭଳି, ଦକ୍ଷିଣ ଆଡ଼କୁ ନିଜର ମୁଣ୍ଡ ରଖି ଶୋଇବା ଦ୍ୱାରା ଆପଣଙ୍କର ରକ୍ତ ସଂଚାଳନ ଉନ୍ନତ ହୋଇଥାଏ, ଯାହା ଆପଣଙ୍କର ହୃତପିଣ୍ଡର ସ୍ୱାସ୍ଥ୍ୟକୁ ଉନ୍ନତ କରିଥାଏ । ଏହା ଶରୀରର ପ୍ରାକୃତିକ ଶକ୍ତି ସହ ମଧ୍ୟ ସୁସଙ୍ଗତ ହୋଇଥାଏ, ଯାହା ମୁଣ୍ଡବିନ୍ଧା, ଚାପ ଓ ନିଦ୍ରାହୀନତାର ଆଶଙ୍କାକୁ ହ୍ରାସ କରିଥାଏ ।

ଅନ୍ୟାନ୍ୟ ଦିଗରେ ଶୋଇବା, ବିଶେଷ କରି ଉତ୍ତର ଆଡ଼କୁ ଶୋଇବା ଦ୍ୱାରା ଏହି ପ୍ରକ୍ରିୟାଗୁଡ଼ିକରେ ବ୍ୟାଘାତ ପହଞ୍ଚିିଥାଏ ଏବଂ କ୍ଳାନ୍ତି ଓ ଉଚ୍ଚ ରକ୍ତଚାପ ଭଳି ସ୍ୱାସ୍ଥ୍ୟ ସମସ୍ୟା ଉପୁଜିଥାଏ ।

୨. ମାନସିକ ସ୍ୱାସ୍ଥ୍ୟ

ଶୟନ ବାସ୍ତୁର ସର୍ବୋତ୍ତମ ଦିଗ କେବଳ ଶାରୀରିକ ସ୍ୱାସ୍ଥ୍ୟ ଉପରେ ପର୍ଯ୍ୟବସିତ ନୁହେଁ, ବରଂ ତାହା ମାନସିକ ସ୍ପଷ୍ଟତା ଓ ଭାବାତ୍ମକ ସନ୍ତୁଳନକୁ ମଧ୍ୟ ପ୍ରଭାବିତ କରିଥାଏ । ଉତ୍ତର କିମ୍ବା ପୂର୍ବ ଦିଗ ଆଡ଼କୁ ମୁଣ୍ଡ ରଖି ଶୋଇଲେ ମାନସିକ ଶକ୍ତି ପ୍ରୋତ୍ସାହିତ ହେବା ସହ ଦୁଃଶ୍ଚିନ୍ତା ହ୍ରାସିତ ହୋଇଥାଏ ଏବଂ ଉତ୍ତର ଭଳି ଅନୁପଯୁକ୍ତ ଦିଗକୁ ମୁଣ୍ଡ ରଖି ଶୋଇବା ଦ୍ୱାରା ଅଧୀରତା, ବିରକ୍ତିଭାବ ଏବଂ ନକାରାତ୍ମକ ସ୍ୱପ୍ନ ଭଳି ସମସ୍ୟା ସୃଷ୍ଟି ହୋଇପାରେ ।

ଆପଣଙ୍କର ବିଛଣାର ସ୍ଥିତି ପାଇଁ ବାସ୍ତୁ ମାର୍ଗଦର୍ଶିକାକୁ ଅନୁସରଣ କଲେ ଏକ ସନ୍ତୁଳିତ ମନୋସ୍ଥିତି, ସୁସ୍ଥସବଳ ଶରୀର ଏବଂ ଉତ୍ତମ ଭାବାତ୍ମକ ସ୍ଥିରତା ସୁନିଶ୍ଚିତ ହୋଇପାରିବ ।

ନିଜର ଶୟନକକ୍ଷ ପାଇଁ ସଠିକ୍ ଶୟନ ଦିଗ ବାଛିବା ନିମନ୍ତେ ବାସ୍ତୁ ଉପଦେଶ

ନିଜର ବେଡରୁମ୍ ଡିଜାଇନ୍ କରିବା ସମୟରେ ବାସ୍ତୁ ସିଦ୍ଧାନ୍ତଗୁଡ଼ିକ ପ୍ରତି ଧ୍ୟାନ ଦିଆଗଲେ ଉତ୍ତମ ନିଦ୍ରା ଓ ସମ୍ପୃକ୍ତ ଜାଗାରେ ସାମଗ୍ରିକ ସୌହାର୍ଦ୍ଦ୍ୟ ଉନ୍ନତ ହୋଇଥାଏ । ନିମ୍ନଲିଖିତ ପ୍ରମୁଖ ଉପଦେଶକୁ ଅନୁସରଣ କରି ବାସ୍ତୁ ମାର୍ଗଦର୍ଶନ ଅନୁସାରେ ନିଜର ଶଯ୍ୟା ଓ ଶୟନକକ୍ଷକୁ ସୁସଙ୍ଗତ କରନ୍ତୁ:

୧. ଆପଣଙ୍କ ଖଟର ମୁଣ୍ଡପଟକୁ କୋଠରୀର ଦକ୍ଷିଣ କିମ୍ବା ପୂର୍ବ କାନ୍ଥ ଆଡ଼କୁ ରଖନ୍ତୁ । ବାସ୍ତୁ ଅନୁଯାୟୀ ଏହା ଶୟନର ସର୍ବୋତ୍ତମ ଦିଗ ହୋଇଥାଏ ଏବଂ ଏହା ଉତ୍ତମ ଶକ୍ତି ପ୍ରବାହକୁ ସୁନିଶ୍ଚିତ କରିବାରେ ସହାୟକ ହୋଇଥାଏ ।

୨. ଅନାବୃତ ସିଲିଂ ବିମ୍ ତଳେ ରଖାଯାଇଥିବା ଖଟଗୁଡ଼ିକୁ ବାସ୍ତୁରେ ଅଶୁଭ ବିବେଚନା କରାଯାଇଥାଏ । ତାହା ଚାପ ଓ ଉଦବିଗ୍ନତାର ଅନୁଭୂତି ଦେଇଥାଏ ଏବଂ ଏକ ଆରାମଦାୟକ ନିଦ୍ରା ପ୍ରାପ୍ତିକୁ କଷ୍ଟକର କରିଥାଏ ।

୩. ଆଦର୍ଶ ଭାବେ, ବାସ୍ତୁ ଅନୁଯାୟୀ ଖଟର ସ୍ଥିତି ଦ୍ୱାରଠାରୁ ଦୂରରେ ରହିବା ଉଚିତ ଏବଂ ତଥାପି ଏପରି ସ୍ଥାନରେ ରହିବା ଉଚିତ ଯେଉଁଠାରୁ ଆପଣ ଶୋଇବା ସମୟରେ ଦ୍ୱାରକୁ ଦେଖିପାରୁଥିବେ । ଏହାଦ୍ୱାରା ସୁରକ୍ଷାର ଅନୁଭୂତି ପ୍ରାପ୍ତ ହୋଇଥାନ୍ତି ଏବଂ ବିଶ୍ରାନ୍ତିକୁ ପ୍ରୋତ୍ସାହନ ମିଳିଥାଏ ।

୪. ଏକ ଅପରିଚ୍ଛନ୍ନ ଶୟନ କକ୍ଷ ଶକ୍ତି ପ୍ରବାହରେ ବାଧା ସୃଷ୍ଟି କରେ ଏବଂ ଆପଣଙ୍କ ନିଦ୍ରାର ଗୁଣବତ୍ତାକୁ ପ୍ରଭାବିତ କରିପାରେ। ନିଶ୍ଚିତ କରନ୍ତୁ ଯେ ଆପଣଙ୍କ ଶୋଇବା ଘର, ବିଶେଷ କରି ଆପଣଙ୍କ ଶଯ୍ୟା ଚାରିପାଖଟି ପରିଷ୍କାର, ସଂଗଠିତ ଏବଂ ଅନାବଶ୍ୟକ ବସ୍ତୁରୁ ମୁକ୍ତ ଅଟେ ।

ବାସ୍ତୁ ଅନୁଯାୟୀ, ଶଯ୍ୟାର ସ୍ଥିତି ଏବଂ ଶୋଇବାର ଦିଗ ଆପଣଙ୍କ କୋଠରୀର ସାମଗ୍ରିକ ଲେଆଉଟ୍ ଏବଂ ପରିବେଶ ପରି ଗୁରୁତ୍ୱପୂର୍ଣ୍ଣ । ଏହି ଟିପ୍ସ ଅନୁସରଣ କରିବା ନିଶ୍ଚିତ କରେ ଯେ ଆପଣଙ୍କର ଶୋଇବା ସ୍ଥାନ ବାସ୍ତୁ ନୀତି ସହିତ ସୁସଙ୍ଗତ ଅଟେ ।