Share:
Share:
ଥଣ୍ଡା ଜଳବାୟୁରେ ଏକ ଘରର ଡିଜାଇନ୍ କରିବା ଆହ୍ୱାନପୂର୍ଣ୍ଣ ହୋଇପାରେ, କାରଣ ଏହା ଅନେକ ବିଚାର ଏବଂ ଅନେକ ପ୍ଲାନିଂ ଆବଶ୍ୟକ କରିଥାଏ। ଥଣ୍ଡା ଜଳବାୟୁରେ ଅନନ୍ୟ ସ୍ଥାପତ୍ୟଗତ ଏବଂ ଡିଜାଇନ୍ ଆବଶ୍ୟକତା ଦେଖାଦେଇଥାଏ, ଯାହା ଘରର ସୌନ୍ଦର୍ଯ୍ୟଗତ ଦିଗରୁ ଅତିରିକ୍ତ ହୋଇଥାଏ। ମାତ୍ରାଧିକ ତାପମାତ୍ରା ପରିବର୍ତ୍ତନରୁ ଆରମ୍ଭ କରି ଭଲ କ୍ୱାଲିଟିର ଇନସୁଲେଶନ୍ ଏବଂ ଶକ୍ତି ଦକ୍ଷତାର ଆବଶ୍ୟକତା କାରଣରୁ ଥଣ୍ଡା ଜଳବାୟୁ ପାଇଁ ଘରର ଡିଜାଇନ୍ ଏକ ସ୍ୱତନ୍ତ୍ର ବିଶେଷଜ୍ଞତା କ୍ଷେତ୍ର ଅଟେ, ଯାହାକୁ ଗଭୀର ଭାବେ ବୁଝିବା ଜରୁରୀ ଅଟେ। ଏହି ଜ୍ଞାନ ଉଭୟ ପରିବେଶୀୟ କାରକ ଏବଂ ଭବିଷ୍ୟତ ଘରମାଲିକଙ୍କ ଆବଶ୍ୟକତା ସହ ସମ୍ପର୍କ ରଖିଥାଏ। ଏଭଳି ଥଣ୍ଡା ଜଳବାୟୁର ଘର ପ୍ଲାନିଂର ଲକ୍ଷ୍ୟ ହେଉଛି ଏକ ଉଷ୍ମ, ଶକ୍ତି-ଦକ୍ଷ ଏବଂ ସୁଦୃଢ଼ ବାସସ୍ଥଳୀ ନିର୍ମାଣ କରିବା, ଯେଉଁଥିରେ ଇନସୁଲେଶନ୍, ସୂର୍ଯ୍ୟକିରଣ, ହିଟିଂ ପ୍ରଣାଳୀ ତଥା ଭେଣ୍ଟିଲେସନ୍ ଅନ୍ତର୍ଭୁକ୍ତ ଅଟେ। ଏହି ମାର୍ଗଦର୍ଶିକାରେ ଆମେ ଥଣ୍ଡା ଜଳବାୟୁ ନିମନ୍ତେ ଘରର ଡିଜାଇନ୍ କରିବା ସମ୍ବନ୍ଧିତ ସମସ୍ତ ଗୁରୁତ୍ୱପୂର୍ଣ୍ଣ କାରକ ଏବଂ ରଣନୀତି ସମ୍ପର୍କରେ ଆଲୋଚନା କରିବା।
ଏଭଳି ଜଳବାୟୁ ଏପରି ଡିଜାଇନ୍ ରଣନୀତି ଆବଶ୍ୟକ କରିଥାଏ, ଯେଉଁଥିରେ ଶକ୍ତି ଦକ୍ଷତା, ଆରାମ ଓ ନିରାମୟକୁ ପ୍ରାଧାନ୍ୟ ଦିଆଯାଇଥିବ। କମ୍ ଖରା ଏବଂ ଥଣ୍ଡା ତାପମାତ୍ରା ସାଧାରଣ ହୋଇଥିବା ଅଞ୍ଚଳଗୁଡ଼ିକରେ ଆର୍କିଟେକ୍ଟ ଏବଂ ବିଲ୍ଡରମାନେ ଏପରି ଅଭିନବ ରଣନୀତି ପ୍ରୟୋଗ କରିବା ଜରୁରୀ ହୋଇଥାଏ, ଯାହା ପରିବେଶଗତ ଭାବେ ଦାୟିତ୍ୱସମ୍ପନ୍ନ ଏବଂ ଉଚ୍ଚମାନର ଜୀବନକୁ ସୁନିଶ୍ଚିତ କରୁଥିବା ବାସସ୍ଥଳୀ ସୃଷ୍ଟି କରୁଥିବ।
ଥଣ୍ଡା ଜଳବାୟୁରେ ଆପଣଙ୍କ ଆଟୁଘର ଏବଂ ଛାତରେ ଭଲ ଇନସୁଲେସନ୍ ରହିବା ଗୁରୁତ୍ୱପୂର୍ଣ୍ଣ ଅଟେ, ଯାହା ତାପକୁ ବାହାରକୁ ବାହାରିଯିବାରୁ ପ୍ରତିରୋଧ କରିଥାଏ। ଥଣ୍ଡା ଜଳବାୟୁ ପାଇଁ ସର୍ବୋତ୍ତମ ଛାତ ଡିଜାଇନ୍ ପାଇବା ପାଇଁ ଉଚ୍ଚ ଆର୍-ମୂଲ୍ୟାଙ୍କଯୁକ୍ତ ଉଚ୍ଚ-ମାନର ଇନସୁଲେସନ୍ ସାମଗ୍ରୀ ବ୍ୟବହାର କରନ୍ତୁ। ଏହାବ୍ୟତୀତ, ଯଦି ଆପଣ ତୁଷାରପାତ ହେଉଥିବା ଅଞ୍ଚଳରେ ବାସ କରୁଛନ୍ତି ତେବେ ଛାତରେ ସଠିକ୍ ଗଡ଼ାଣି ଏବଂ ମଜବୁତ ଢାଞ୍ଚାଗତ ସପୋର୍ଟ ତିଆରି କରିବା ଜରୁରୀ ଅଟେ, ଯାହାଦ୍ୱାରା ଛାତରେ ଅତ୍ୟଧିକ ମାତ୍ରାରେ ବରଫ ଜମା ହୋଇ ଛାତକୁ କ୍ଷତି ପହଞ୍ଚାଇପାରିବ ନାହିଁ।
ଥଣ୍ଡା ଜଳବାୟୁରେ ଘର ଡିଜାଇନ୍ କରିବା ସମୟରେ ଥଣ୍ଡା ପବନକୁ ବାହାରେ ହିଁ ରଖିବା ଏବଂ ନିର୍ମାଣରେ ଯେପରି କୌଣସି ଫାଙ୍କା ସ୍ଥାନ ନ ଥାଏ ତାହା ସୁନିଶ୍ଚିତ କରାଯିବା ଜରୁରୀ ହୋଇଥାଏ। ୱେଦର୍ ଷ୍ଟ୍ରିପ୍ ବ୍ୟବହାର କରି ଆପଣ ଝରକା ଓ କବାଟ ଚାରିପଟେ ରହୁଥିବା ଫାଙ୍କଗୁଡ଼ିକୁ ମୁଦିପାରିବେ ଏବଂ ଆବଶ୍ୟକ ଜାଗାରେ କଲ୍କିଂ ପ୍ରୟୋଗ କରିପାରିବେ। ବାୟୁ ଲିକ୍କୁ ଚିହ୍ନଟ କରିବା ଓ ସଜାଡ଼ିବା ପାଇଁ ଆପଣ ବ୍ଲୋ ଡ୍ରାଏର୍ର ସହାୟତା ନେଇପାରନ୍ତି।
ବାହ୍ୟ କାନ୍ଥଗୁଡ଼ିକର କଥା ଆସିଲେ, ଫୋମ୍ ବୋର୍ଡ ଇନସୁଲେଶନ୍ ଅଥବା ଫାଇବରଗ୍ଲାସ୍ ବ୍ୟାଟ୍ସ ଭଳି ଥଣ୍ଡା ପାଗ ପାଇଁ ଉପଯୁକ୍ତ ଇନସୁଲେଶନ୍ ସାମଗ୍ରୀ ବାଛନ୍ତୁ। ଆପଣଙ୍କ ପସନ୍ଦଟି ଆପଣଙ୍କର ସ୍ଥାନୀୟ ଜଳବାୟୁ ଏବଂ ଗୃହନିର୍ମାଣ ଆଇନକାନୁନ ଅନୁଯାୟୀ ହେବା ଆବଶ୍ୟକ। ଏତଦବ୍ୟତୀତ ବେସମେଣ୍ଟ କିମ୍ବା କ୍ରଲ୍ ସ୍ପେଶ୍ ମଧ୍ୟ ଦେଇ ତାପ ଯେପରି ବାହାରି ନ ଯାଏ ତାହା ସୁନିଶ୍ଚିତ କରିବା ପାଇଁ ଫାଉଣ୍ଡେସନକୁ ମଧ୍ୟ ଇନସୁଲେଟ୍ କରନ୍ତୁ। ଏହା ଆପଣଙ୍କର ଶକ୍ତି ଖର୍ଚ୍ଚ ସଞ୍ଚୟ କରିବା ସହିତ ଆପଣଙ୍କର ଅଭ୍ୟନ୍ତରକୁ ଆରାମଦାୟକ ରଖିଥାଏ।
ବାହ୍ୟ କାନ୍ଥଗୁଡ଼ିକର କଥା ଆସିଲେ, ଫୋମ୍ ବୋର୍ଡ ଇନସୁଲେଶନ୍ ଅଥବା ଫାଇବରଗ୍ଲାସ୍ ବ୍ୟାଟ୍ସ ଭଳି ଥଣ୍ଡା ପାଗ ପାଇଁ ଉପଯୁକ୍ତ ଇନସୁଲେଶନ୍ ସାମଗ୍ରୀ ବାଛନ୍ତୁ। ଆପଣଙ୍କ ପସନ୍ଦଟି ଆପଣଙ୍କର ସ୍ଥାନୀୟ ଜଳବାୟୁ ଏବଂ ଗୃହନିର୍ମାଣ ଆଇନକାନୁନ ଅନୁଯାୟୀ ହେବା ଆବଶ୍ୟକ। ଏତଦବ୍ୟତୀତ ବେସମେଣ୍ଟ କିମ୍ବା କ୍ରଲ୍ ସ୍ପେଶ୍ ମଧ୍ୟ ଦେଇ ତାପ ଯେପରି ବାହାରି ନ ଯାଏ ତାହା ସୁନିଶ୍ଚିତ କରିବା ପାଇଁ ଫାଉଣ୍ଡେସନକୁ ମଧ୍ୟ ଇନସୁଲେଟ୍ କରନ୍ତୁ। ଏହା ଆପଣଙ୍କର ଶକ୍ତି ଖର୍ଚ୍ଚ ସଞ୍ଚୟ କରିବା ସହିତ ଆପଣଙ୍କର ଅଭ୍ୟନ୍ତରକୁ ଆରାମଦାୟକ ରଖିଥାଏ।
ଘର ମଧ୍ୟରେ ପବନର ଉପଯୁକ୍ତ ଚଳାଚଳ ପାଇଁ ଭେଣ୍ଟିଲେସନ୍ ଗୁରୁତ୍ୱପୂର୍ଣ୍ଣ ହୋଇଥାଏ। ରଣନୀତି ସହିତ ଘରର ବିପରୀତ ପାର୍ଶ୍ୱରେ ଝରକା ରଖି ପର୍ଯ୍ୟାପ୍ତ କ୍ରସ୍-ଭେଣ୍ଟିଲେସନ୍କୁ ସୁନିଶ୍ଚିତ କରନ୍ତୁ। ବାୟୁପ୍ରବାହକୁ ନିୟନ୍ତ୍ରଣ କରିବା ଏବଂ ଆର୍ଦ୍ରତାର ଜମାଟକୁ ନିୟନ୍ତ୍ରଣ କରିବା ପାଇଁ ଆଡଜଷ୍ଟେବଲ୍ ଭେଣ୍ଟ୍ ବ୍ୟବହାର କରନ୍ତୁ। ଏହା ଥଣ୍ଡା ଏବଂ କୋହଳା ଜଳବାୟୁରେ ଆଭ୍ୟନ୍ତରୀଣ ପରିବେଶକୁ ଅଧିକ ସ୍ୱାସ୍ଥ୍ୟକର ଏବଂ ଅଧିକ ଆରାମଦାୟକ କରିଥାଏ। କେତେକ ଥଣ୍ଡା ଜଳବାୟୁ ଘର ଡିଜାଇନ୍ରେ ହିଟ୍ ରିକଭରୀ ଭେଣ୍ଟିଲେଟର୍ (ଏଚ୍ଆର୍ଭି) କିମ୍ବା ଏନର୍ଜି ରିକଭରୀ ଭେଣ୍ଟିଲେଟର୍ (ଇଆର୍ଭି) ଲଗାଯାଇପାରିବ।
ଇନସୁଲେଶନକୁ ଉନ୍ନତ କରିବା ଏବଂ ତାପ ହାନିକୁ ହ୍ରାସ କରିବା ପାଇଁ ଡବଲ୍ କିମ୍ବା ଟ୍ରିପଲ୍ ଗ୍ଲେଜିଂଯୁକ୍ତ ଝରକା ଲଗାନ୍ତୁ। ଏହି ଝରକାଗୁଡ଼ିକ ଥଣ୍ଡା ବିରୁଦ୍ଧରେ ଏକ ଅତିରିକ୍ତ ଢାଲ ଭଳି କାମ କରିଥାଏ ଏବଂ ଆପଣଙ୍କୁ ଶକ୍ତି ବାବଦୀୟ ଖର୍ଚ୍ଚକୁ ସଞ୍ଚୟ କରିବାରେ ସାହାଯ୍ୟ କରିଥାଏ। ଆହୁରି ମଧ୍ୟ, ସ୍ୱଳ୍ପ-ନିର୍ଗମନକ୍ଷମତା (ଲୋ-ଇ) ଲେପନଯୁକ୍ତ ଝରକା ବାଛିବାର ଚେଷ୍ଟା କରନ୍ତୁ। ଏହି ଲେପନଗୁଡ଼ିକ ତାପକୁ ଭିତରେ ରଖିବା ସହିତ ପ୍ରାକୃତିକ ଆଲୋକକୁ ଭିତରକୁ ଆସିବାକୁ ଦେଇଥାଏ, ଯାହାଫଳରେ ଅତ୍ୟଧିକ ଥଣ୍ଡା ପାଣିପାଗରେ ମଧ୍ୟ ଆପଣଙ୍କ ଘର ଆରାମଦାୟକ ରହିପାରେ।
ଶକ୍ତି ବା ବିଜୁଳିର ବ୍ୟବହାରକୁ କମ୍ କରିବା ପାଇଁ ଶକ୍ତି-ଦକ୍ଷ ଉପକରଣ, ଆଲୋକ ବ୍ୟବସ୍ଥା ଏବଂ ଏଚ୍ଭିଏସି ସିଷ୍ଟମ୍ ଲଗାନ୍ତୁ। ଥଣ୍ଡା ଜଳବାୟୁ ପାଇଁ ଶକ୍ତି-ଦକ୍ଷ ଷ୍ଟାର୍-ରେଟେଡ୍ ଉତ୍ପାଦ ଖୋଜନ୍ତୁ ଏବଂ ଶକ୍ତି-ଦକ୍ଷ ଘର ପ୍ଲାନିଂ କରନ୍ତୁ। ଆପଣ ନିଜର ହିଟିଂ ସିଷ୍ଟମ୍କୁ ଆହୁରି କାର୍ଯ୍ୟଦକ୍ଷ କରିବା ପାଇଁ ପ୍ରୋଗ୍ରାମେବଲ୍ ଥର୍ମୋଷ୍ଟାଟ୍ ମଧ୍ୟ ଲଗାଇପାରନ୍ତି। ତାହା ସମୟସୂଚୀ ଅନୁଯାୟୀ ତାପମାତ୍ରାକୁ ଆଡଜଷ୍ଟ କରିବାରେ ଆପଣଙ୍କୁ ସାହାଯ୍ୟ କରିଥାଏ, ଯାହାର ଅର୍ଥ ବିଜୁଳିର ଉପଯୋଗ କମିଯାଏ।
ଥଣ୍ଡା ଜଳବାୟୁ କାରଣରୁ ଆପଣଙ୍କର ପାଣି ପାଇପ୍ଗୁଡ଼ିକରେ ବରଫ ଜମା ହେବାକୁ ରୋକିବା ପାଇଁ ତାହାକୁ ଇନସୁଲେଟ୍ କରନ୍ତୁ। ବରଫ ଘନୀଭୂତ ପାଇପଗୁଡ଼ିକ ମହଙ୍ଗା କ୍ଷତି ଏବଂ ଅସୁବିଧାର କାରଣ ସାଜିପାରେ। ଉପଯୁକ୍ତ ଇନସୁଲେଶନ୍ ଏକ ନିରବଚ୍ଛିନ୍ନ ଜଳ ଯୋଗାଣକୁ ସୁନିଶ୍ଚିତ କରିଥାଏ। ଥଣ୍ଡା ଜଳବାୟୁ ପାଇଁ ଘର ଡିଜାଇନ୍ ସମ୍ପର୍କରେ ଆଲୋଚନା କରିବା ସମୟରେ ଆପଣଙ୍କର ଗରମ ପାଣିର ଆବଶ୍ୟକତା ପାଇଁ ଅନ୍-ଡିମାଣ୍ଡ ଅଥବା ଟ୍ୟାଙ୍କଲେସ୍ ୱାଟର୍ ହିଟର୍ ଲଗାଇବା କଥା ମଧ୍ୟ ବିଚାର କରନ୍ତୁ। ଏହି ସିଷ୍ଟମ୍ଗୁଡ଼ିକ ଶକ୍ତି-ଦକ୍ଷ ହେବା ସହିତ କେବଳ ଆପଣଙ୍କ ଆବଶ୍ୟକ କଲେ ହିଁ ଗରମ ପାଣି ଦେଇଥାଏ, ଯାହାଫଳରେ ଶକ୍ତି ସଞ୍ଚୟ ହୁଏ ଏବଂ ଥଣ୍ଡା ପାଗରେ ମଧ୍ୟ ଗରମ ପାଣିର ଭରସା ବଜାୟ ରହିଥାଏ।
ଆପଣଙ୍କର ଇନସୁଲେଶନ୍ ଏବଂ ଢାଞ୍ଚାଗତ ଉପାଦାନର କାର୍ଯ୍ୟଦକ୍ଷତାକୁ ଆହୁରି ଉନ୍ନତ କରିବା ପାଇଁ ଅଲ୍ଟ୍ରାଟେକ୍ ବିଲ୍ଡିଂ ସଲ୍ୟୁସନ୍ସ ଉତ୍ପାଦର ବର୍ଗମାଳାକୁ ବ୍ୟବହାର କରିବା କଥା ବିଚାରକୁ ନିଅନ୍ତୁ, ଯାହାଦ୍ୱାରା ଆପଣଙ୍କ ଘର ଆହ୍ୱାନପୂର୍ଣ୍ଣ ପାଣିପାଗ ପରିସ୍ଥିତିରେ ମଧ୍ୟ ଆରାମଦାୟକ ଓ କାର୍ଯ୍ୟକୁଶଳ ରହିପାରିବ।
ଥଣ୍ଡା ଜଳବାୟୁରେ ଘର ଡିଜାଇନ୍ କରିବା ନିମନ୍ତେ ସର୍ବୋତ୍ତମ ସାମଗ୍ରୀ ଚୟନ କରାଗଲେ ଆପଣଙ୍କ ଢାଞ୍ଚାର ଉତ୍ତମ ଇନସୁଲେଶନ୍ ଏବଂ ଶକ୍ତି-ଦକ୍ଷତା ସୁନିଶ୍ଚିତ ହୋଇଥାଏ। ଥଣ୍ଡା ଜଳବାୟୁ ପାଇଁ ସଠିକ୍ ନିର୍ମାଣ ସାମଗ୍ରୀ ଚୟନ କରିବା ଗୁରୁତ୍ୱପୂର୍ଣ୍ଣ ଅଟେ। ନିମ୍ନଲିଖିତ ମହତ୍ତ୍ୱପୂର୍ଣ୍ଣ କଥାଗୁଡ଼ିକୁ ଧ୍ୟାନରେ ରଖନ୍ତୁ:
ଉତ୍କୃଷ୍ଟ ଇନସୁଲେଶନ୍ ଗୁଣଧର୍ମଯୁକ୍ତ ନିର୍ମାଣ ସାମଗ୍ରୀ ବାଛନ୍ତୁ। ଇନସୁଲେଟେଡ୍ କଂକ୍ରିଟ୍ ଫର୍ମ (ଆଇସିଏଫ୍), ଷ୍ଟ୍ରକ୍ଚରାଲ୍ ଇନସୁଲେଟେଡ୍ ପ୍ୟାନେଲ୍ (ଏସ୍ଆଇପି) ଏବଂ ଡବଲ୍ ଷ୍ଟଡ୍ ୱାଲ୍ ଭଳି ବିକଳ୍ପ ଉତ୍କୃଷ୍ଟ ତାପ ପ୍ରତିରୋଧ ଯୋଗାଇଥାଏ, ଯାହାଫଳରେ ଥଣ୍ଡାରୁ ଥଣ୍ଡା ମାସଗୁଡ଼ିକରେ ମଧ୍ୟ ଆପଣଙ୍କ ଘର ଉଷ୍ମ ରହିପାରିଥାଏ।
ଥଣ୍ଡା ଜଳବାୟୁର ଅର୍ଥ ପ୍ରତିକୂଳ ପାଣିପାଗ ପରିସ୍ଥିତି। ଏଭଳି ପାଣିପାଗ ପରିସ୍ଥିତିକୁ ସହିବାରେ ସକ୍ଷମ ଦୀର୍ଘସ୍ଥାୟୀ ସାମଗ୍ରୀର ବିକଳ୍ପ ବାଛନ୍ତୁ। କଂକ୍ରିଟ୍, ଇଟା ଏବଂ ଇସ୍ପାତ ଭଳି ସାମଗ୍ରୀଗୁଡ଼ିକ ଥଣ୍ଡା ପରିବେଶରେ ତାହାର ଦୀର୍ଘାୟୁ ପାଇଁ ବେଶ୍ ପରିଚିତ।
ଉଚ୍ଚ ତାପଜ ବସ୍ତୁତ୍ୱ ଥିବା ସାମଗ୍ରୀ ବ୍ୟବହାର କରିବା ଚିନ୍ତା କରନ୍ତୁ, ଯେପରିକି କଂକ୍ରିଟ୍ କିମ୍ବା ମ୍ୟାସୋନେରୀ। ଥଣ୍ଡା ଜଳବାୟୁ ଘର ନିର୍ମାଣରେ ଏହି ସାମଗ୍ରୀଗୁଡ଼ିକ ଦିନବେଳା ତାପକୁ ସଂରକ୍ଷିତ ରଖିଥାଏ ଏବଂ ରାତିବେଳେ ତାହାକୁ ଧୀରେ ଧୀରେ ମୁକ୍ତ କରିଥାଏ, ଯାହାଫଳରେ ଆଭ୍ୟନ୍ତରୀଣ ତାପମାତ୍ରା ସ୍ଥିର ରହିବା ସହିତ ଘରକୁ ଉଷୁମ କରିବା ବାବଦୀୟ ଖର୍ଚ୍ଚ ହ୍ରାସ ହୋଇଥାଏ।
ଥଣ୍ଡା ଜଳବାୟୁ ପାଇଁ ଘର ଡିଜାଇନରେ ଝରକାର ଚୟନର ପ୍ରଶ୍ନ ଉଠିଲେ, ଟ୍ରିପଲ୍-ଗ୍ଲେଜ୍ଡ ବିକଳ୍ପକୁ ବାଛନ୍ତୁ । ତାହା ଉତ୍କୃଷ୍ଟ ଇନସୁଲେଶନ୍ ଯୋଗାଇବା ସହିତ ତାପ ହାନିକୁ ପ୍ରତିରୋଧ କରେ ଏବଂ ଶକ୍ତି ଉପଯୋଗକୁ ହ୍ରାସ କରେ ଏବଂ ଆରାମକୁ ଉନ୍ନତ କରେ।
ଶକ୍ତି-ଦକ୍ଷ ଇନସୁଲେଶନ୍ ସାମଗ୍ରୀରେ ନିବେଶ କରନ୍ତୁ, ଯେପରିକି ସ୍ପ୍ରେ ଫୋମ୍, କଠିନ ଫୋମ୍ ବୋର୍ଡ କିମ୍ବା ବ୍ଲୋନ୍-ଇନ୍ ଇନସୁଲେସନ୍। ଏହିସବୁ ବିକଳ୍ପଗୁଡ଼ିକ ଉତ୍କୃଷ୍ଟ ତାପ ପ୍ରତିରୋଧ ଯୋଗାଇଥାଏ ଏବଂ ସେଗୁଡ଼ିକୁ ଆପଣଙ୍କ ଘରର ବିଭିନ୍ନ ଜାଗାରେ ବ୍ୟବହାର କରାଯାଇପାରିବ।
ଆପଣଙ୍କ ଅଞ୍ଚଳରେ ସାମଗ୍ରୀର ଉପଲବ୍ଧତାକୁ ମଧ୍ୟ ବିଚାରକୁ ନିଅନ୍ତୁ। ସ୍ଥାନୀୟ ଉତ୍ସରୁ ପ୍ରାପ୍ତ ସାମଗ୍ରୀଗୁଡ଼ିକ ମୂଲ୍ୟ-ସାଶ୍ରୟୀ ହୋଇଥାଏ ଏବଂ ପରିବହନ ବାବଦୀୟ କାର୍ବନ୍ ପଦଚିହ୍ନକୁ ହ୍ରାସ କରିଥାଏ।
ଉପରୋକ୍ତ କାରକଗୁଡ଼ିକ ଉପରେ ଧ୍ୟାନ ଦେଇ ଆପଣ ଥଣ୍ଡା ଅଞ୍ଚଳଗୁଡ଼ିକର ଆହ୍ୱାନଗୁଡ଼ିକୁ ମୁକାବିଲା କରିପାରୁଥିବା ଘରକୁ ସୁନିଶ୍ଚିତ କରିପାରିବେ।
ଏହି ବ୍ଲଗ୍ରେ ଆମେ ଥଣ୍ଡା ଜଳବାୟୁର ଘର ଡିଜାଇନ୍ ପାଇଁ ବିଭିନ୍ନ ରଣନୀତି ସମ୍ପର୍କରେ ଆଲୋଚନା କରିଛୁ। ଏହି ଡିଜାଇନ୍ ରଣନୀତିର ଲକ୍ଷ୍ୟ ହେଉଛି ଉଷ୍ମତାକୁ ବିଲ୍ଡିଂ ମଧ୍ୟରେ ଅଟକାଇ ରଖିବା ସହିତ ଜଳବାୟୁ-ସମ୍ବନ୍ଧିତ ଆହ୍ୱାନଗୁଡ଼ିକୁ ଫଳପ୍ରଦ ଢଙ୍ଗରେ ମୁକାବିଲା କରିବା। ଏହାର ଅର୍ଥ ତାପମାତ୍ରା ପରିବର୍ତ୍ତନର ପ୍ରଭାବକୁ ନ୍ୟୂନତମ କରିବା ତଥା ଏକ ଆରାମଦାୟକ ଅଭ୍ୟନ୍ତର ପରିବେଶକୁ ବଜାୟ ରଖିବାର ଉପାୟମାନ ଖୋଜିବା। ଥଣ୍ଡା ଜଳବାୟୁ ନିମନ୍ତେ ଘର ଡିଜାଇନ୍ ପାଇଁ ଏହିସବୁ ରଣନୀତି ସହିତ ଆପଣଙ୍କ ପାଖରେ ଏବେ ସେହିସବୁ ସାଧନ ଅଛି ଯାହାକୁ ବ୍ୟବହାର କରି ଆପଣ ଏପରି ଏକ ଘର ତିଆରି କରିପାରିବେ, ଯାହା ଆପଣଙ୍କୁ ଆରାମ, ଚିରପୋଷଣ ଏବଂ କାର୍ଯ୍ୟଦକ୍ଷତା ପ୍ରଦାନ କରିବ।
