Share:
Share:
ଯଦି ଆପଣ ନଦୀ ପାଖରେ କିମ୍ବା ଢିଲା ମାଟିରେ ଘର ତିଆରି କଥା ଚିନ୍ତା କରୁଛନ୍ତି, ତେବେ କେତେକ ଗୁରୁତ୍ୱପୂର୍ଣ୍ଣ କଥାଗୁଡ଼ିକୁ ଆପଣଙ୍କୁ ଧ୍ୟାନରେ ରଖିବାକୁ ପଡ଼ିବ। ନଈକୂଳିଆ ସମ୍ପତ୍ତି ସୁନ୍ଦର ହୋଇଥାଏ, କିନ୍ତୁ ଢିଲା ମାଟି ଉପରେ କିମ୍ବା ତାହା ନିକଟରେ ନିର୍ମାଣ କାର୍ଯ୍ୟ କରିବା ସମୟରେ ଅନନ୍ୟ ଆହ୍ୱାନ ରହିଥାଏ ଯାହାର ମୁକାବିଲା କରିବା ପାଇଁ ଯତ୍ନଶୀଳ ପ୍ଲାନିଂ ଓ ପ୍ରସ୍ତୁତି ଆବଶ୍ୟକ।
ନଦୀ ପାଖରେ ଘର ତିଆରି କରିବା ସମୟରେ, ସମ୍ଭାବ୍ୟ ବନ୍ୟାର ଆଶଙ୍କାକୁ ମୂଲ୍ୟାୟନ କରିବା ଓ ସେଥିପାଇଁ ପ୍ରସ୍ତୁତ ରହିବା ଗୁରୁତ୍ୱପୂର୍ଣ୍ଣ ହୋଇଥାଏ। ନଦୀର ଜଳସ୍ତର ଉପରତଳ ହେବା ଏକ ପ୍ରାକୃତିକ କଥା ଏବଂ ଅତ୍ୟଧିକ ବୃଷ୍ଟିପାତ କାରଣରୁ କେତେକ ନଦୀରେ ବେଳେ ବେଳେ ବନ୍ୟା ଆସିଥାଏ। ଯତ୍ନଶୀଳ ଢାଞ୍ଚାଗତ ଯୋଜନା ସହିତ ଏହା ସହ ଜଡ଼ିତ ବିପଦଗୁଡ଼ିକୁ ଏଡ଼ାଯାଇପାରିବ। ଢିଲା ମାଟିରେ ଘର ତିଆରି ସମ୍ବନ୍ଧୀୟ କେତେକ ଉପଦେଶ ତଳେ ଦିଆଗଲା।
ଘର ନିର୍ମାଣ ପାଇଁ ଏକ ନଦୀ ପାର୍ଶ୍ୱବର୍ତ୍ତୀ କିମ୍ବା ଢିଲା ମାଟି ସାଇଟ୍କୁ ଉପଯୁକ୍ତ ଭାବେ ପ୍ରସ୍ତୁତ କରିବା ସ୍ଥିର ବା ଟାଣ ମାଟିରେ ସାଧାରଣତଃ ନିର୍ମାଣ କରାଯାଉଥିବା ଖର୍ଚ୍ଚ ତୁଳନାରେ ଅଧିକ ହୋଇପାରେ। ସାଇଟ୍ ମୂଲ୍ୟାୟନ, ଗ୍ରେଡିଂ, ଖନନ, ସ୍ୱତନ୍ତ୍ର ଫାଉଣ୍ଡେସନ ଏବଂ ବନ୍ୟା ନିରୋଧୀ ପଦକ୍ଷେପ ଭଳି ଅତିରିକ୍ତ ଖର୍ଚ୍ଚଗୁଡ଼ିକୁ ବଜେଟରେ ସାମିଲ କରାଯିବା ଆବଶ୍ୟକ। ଆପଣଙ୍କ ସାଇଟ୍ର ନିଆରା ଅବସ୍ଥା ଉପରେ ନିର୍ଭର କରି ଖର୍ଚ୍ଚର ପରିମାଣରେ ବ୍ୟାପକ ଭାବେ ଭିନ୍ନ ଭିନ୍ନ ହୋଇପାରେ, ତେଣୁ ତୁଳନା କରିବା ପାଇଁ ଏକାଧିକ କଣ୍ଟ୍ରାକ୍ଟରଙ୍କଠାରୁ କୋଟେସନ୍ ହାସଲ କରନ୍ତୁ। ଆହୁରି ମଧ୍ୟରେ, ନଦୀ ନିକଟରେ ଘର ତିଆରି କରିବା ସମୟରେ, ସମସ୍ୟାଯୁକ୍ତ ମାଟିରେ ନିର୍ମାଣ କାର୍ଯ୍ୟର ସମ୍ଭାବ୍ୟ ଅପ୍ରତ୍ୟାଶିତ ଖର୍ଚ୍ଚଗୁଡ଼ିକ ଲାଗି ମଧ୍ୟ ଆପଣଙ୍କୁ ପ୍ରସ୍ତୁତ ରହିବାକୁ ପଡ଼ିବ। ଆଗୁଆ ପର୍ଯ୍ୟାପ୍ତ ବଜେଟ୍ ସ୍ଥିର କରିବା ଦ୍ୱାରା ଆପଣ ସାଇଟ୍କୁ ସମ୍ପୂର୍ଣ୍ଣ ରୂପେ ପ୍ରସ୍ତୁତ କରିପାରିବେ ଏବଂ କାମର ଗୁଣବତ୍ତା ସହିତ ସାଲିସ୍ ନ କରି ଉପଯୁକ୍ତ ନିର୍ମାଣ ପଦ୍ଧତିକୁ ଅନୁସରଣ କରିପାରିବେ।
ନଈକୂଳିଆ ସମ୍ପତ୍ତି କିମ୍ବା ଢିଲା, ସ୍ଥାନାନ୍ତରଶୀଳ ମାଟିରେ ସଫଳତାର ସହିତ ପ୍ରକଳ୍ପ କାର୍ଯ୍ୟକୁ ସମାପ୍ତ କରିବାରେ ବ୍ୟାପକ ଅଭିଜ୍ଞତା ରଖୁଥିବା ବିଲ୍ଡରଙ୍କୁ ନେଇ କାମ କରିବା ଅତ୍ୟନ୍ତ ପରାମର୍ଶଯୋଗ୍ୟ। ଆପଣଙ୍କ ସାଇଟ୍ର ଖାସ୍ ଆହ୍ୱାନର ମୁକାବିଲା ପାଇଁ ସର୍ବୋତ୍ତମ ପନ୍ଥାର ସୁପାରିସ କରିବା, କୌଣସି ଆବଶ୍ୟକୀୟ ସ୍ୱତନ୍ତ୍ର ଇଞ୍ଜିନିୟରିଂ ଉପକରଣ ପାଇଁ ସମନ୍ୱୟ ରକ୍ଷା କରିବା ଏବଂ ସାଧାରଣ କଣ୍ଟ୍ରାକ୍ଟରମାନେ କରୁତିବା ମହଙ୍ଗା ନିର୍ମାଣ ତ୍ରୁଟିକୁ ଏଡ଼ାଇବା ପାଇଁ ସେମାନଙ୍କ ନିକଟରେ ଜ୍ଞାନ ରହିଥାଏ। ନଦୀ ନିକଟରେ ଘର ନିର୍ମାଣ କରିବା ସମୟରେ, ସମ୍ଭାବ୍ୟ ବିଲ୍ଡରଙ୍କୁ ଆପଣଙ୍କ ସାଇଟ୍ ଭଳି ସମାନ ଧରଣର ସାଇଟ୍ରେ କରାଯାଇଥିବା ପୂର୍ବ ନିର୍ମାଣଗୁଡିକର ଏକାଧିକ ଉଦାହରଣ ପାଇଁ ପଚାରନ୍ତୁ ଏବଂ ନିର୍ମାଣ କାର୍ଯ୍ୟକୁ ନେଇ ସେମାନଙ୍କ ସନ୍ତୁଷ୍ଟି ବିଷୟରେ ତାଙ୍କ ସହିତ ଆଲୋଚନା କରନ୍ତୁ। ସମସ୍ୟାପୂର୍ଣ୍ଣ ସାଇଟ୍ ନିର୍ମାଣରେ ଅଭିଜ୍ଞ ବିଲ୍ଡରମାନେ ଆପଣଙ୍କଠାରୁ ଅଧିକ ଅର୍ଥରାଶି ଦାବି କରିପାରନ୍ତି, କିନ୍ତୁ ସେହି ଖର୍ଚ୍ଚ କରି ଆପଣଙ୍କ ଦୀର୍ଘକାଳରେ ଟଙ୍କା ଏବଂ ମୁଣ୍ଡବିନ୍ଧାରୁ ନିଜକୁ ରକ୍ଷା କରିପାରିବେ।
ନଦୀ ନିକଟରେ କିମ୍ବା ଢିଲା ମାଟିରେ ନିର୍ମାଣ କରିବା ସମୟରେ ଲଟ୍ ଉପରେ ଘରର ଫ୍ଲୋର ପ୍ଲାନ୍କୁ ସୁଦୃଢ଼ କରିବା ଅତ୍ୟନ୍ତ ଜରୁରୀ ଅଟେ । ନଦୀ କୂଳବର୍ତ୍ତୀ ଅଞ୍ଚଳ ପାଇଁ ବନ୍ୟା ବିପଦକୁ କମ୍ କରିବା ନିମନ୍ତେ ନଦୀ କୂଳଠାରୁ ଯଥାସମ୍ଭବ ଦୂରରେ ଘରକୁ ସ୍ଥାନିତ କରାଯିବା ଉଚିତ୍ । ନଦୀ ନିକଟରେ ଘର ନିର୍ମାଣ କରିବା, ଘରକୁ ହିଁ ବନ୍ୟା ଢାଲ ଭାବରେ ବ୍ୟବହାର କରିବା ପାଇଁ ଫ୍ଲୋର ପ୍ଲାନ୍ ସ୍ଥିର କରିବାକୁ ବିଚାର କରନ୍ତୁ। ଢିଲା ମାଟି ପାଇଁ, କମ୍ପାକ୍ଟ ଘର ଲେଆଉଟ୍ଉ ପମାଟିରେ ଫାଉଣ୍ଡେସନ୍ ଆକାର ଏବଂ ଓଜନ ଚାହିଦାକୁ ହ୍ରାସ କରିବାରେ ସାହାଯ୍ୟ କରେ । ଏକ ଛୋଟ ପାଦଚିହ୍ନ ଥିବା ଏକ ଉଚ୍ଚା ଫାଉଣ୍ଡେସନ ଡିଜାଇନ୍ ସ୍ଥାନାନ୍ତରିତ ହେଉଥିବା ମାଟି ସହିତ ମୁକାବିଲା କରିବା ପାଇଁ ସର୍ବାଧିକ ନମନୀୟତା ପ୍ରଦାନ କରେ । ନଦୀ ନିକଟରେ ଘର ନିର୍ମାଣ କରିବା ସମୟରେ ଯୋଜନା ଚୂଡ଼ାନ୍ତ କରିବା ପୂର୍ବରୁ ସର୍ବୋତ୍ତମ ଘର ଆକାର ଏବଂ ଅଭିମୁଖ୍ୟତା ସମ୍ପର୍କରେ ବିଲ୍ଡରଙ୍କ ସହ ପରାମର୍ଶ କରନ୍ତୁ।
ସମସ୍ୟାପୂର୍ଣ୍ଣ ମାଟିରେ ନିର୍ମାଣ କାର୍ଯ୍ୟ କରିବା ସମୟରେ ପ୍ରକଳ୍ପ ସମୟରେଖା ବୃଦ୍ଧି ପାଇବାର ସମ୍ଭାବନାକୁ ବିଚାରକୁ ନିଅନ୍ତୁ। ସାଇଟ୍ ପ୍ରସ୍ତୁତି, ଖନନ, ସ୍ୱତନ୍ତ୍ର ଫାଉଣ୍ଡେସନ ପାଇଁ ଲାଗୁଥିବା ଅତିରିକ୍ତ କାର୍ଯ୍ୟ ଏବଂ ସମ୍ଭାବ୍ୟ ପାଣିପାଗଜନିତ ବିଳମ୍ବ ଘର ନିର୍ମାଣର ସମୟରେଖାକୁ ଦୁଇ କିମ୍ବା ତିନିଗୁଣ ବଢ଼ାଇପାରେ। ଆପଣଙ୍କ ଚୁକ୍ତି ଦସ୍ତାବିଜରେ କଣ୍ଟ୍ରାକ୍ଟରଙ୍କୁ ଆବଶ୍ୟକ ହେଉଥିବା ଅତିରିକ୍ତ ସମୟକୁ ସ୍ପଷ୍ଟ ଭାବେ ରେଖାଙ୍କିତ କରିବା ପାଇଁ କୁହନ୍ତୁ, ଯାହାଫଳରେ ପରେ ଆପଣଙ୍କୁ ଆଚମ୍ବିତ ହେବାକୁ ପଡ଼ିବ ନାହିଁ। ନିଜର ସମୟସୂଚୀ ସ୍ଥିର କରିବା ସମୟରେ ପ୍ରାରମ୍ଭିକ ଆକଳନରୁ ଅତିରିକ୍ତ ୨୦-୩୦% ଅଧିକ ବଫର୍ ରଖିବା ବିଜ୍ଞତାର ପରିଚୟ ଅଟେ। ପ୍ରକଳ୍ପର ଅଗ୍ରଗତି ସହିତ ସମୟରେଖାରେ ପଡ଼ୁଥିବା ପ୍ରଭାବଗୁଡ଼ିକ ସମ୍ପର୍କରେ ନିଜର କଣ୍ଟ୍ରାକ୍ଟରଙ୍କ ସହିତ ନିୟମିତ ଆଲୋଚନା କରନ୍ତୁ।
ନମନୀୟ ନିର୍ମାଣ କୌଶଳ ଆପଣାଇବା ଏବଂ ସ୍ଥାନାନ୍ତରଶୀଳ ମାଟି ଓ ବନ୍ୟା ବିପଦ ପାଇଁ ଉପଯୁକ୍ତ ସାମଗ୍ରୀ ବ୍ୟବହାର କରି ଆପଣ ଏପରି ଏକ ଘର ନିର୍ମାଣ କରିପାରିବେ ଯାହା ଦୀର୍ଘ ମିଆଦରେ ଆପଣଙ୍କ ସାଇଟ୍ ସୃଷ୍ଟି କରୁଥିବା ଆହ୍ୱାନଗୁଡ଼ିକର ମୁକାବିଲା କରିପାରିବ। କେତେକ ଉଦାହରଣ ହେଲା, ରି-ଇନ୍ଫୋର୍ସଡ୍ ଡିପ୍ ପାଇଲ୍ ଫାଉଣ୍ଡେସନ, ଅତିରିକ୍ତ ଗଭୀର ଫୁଟିଂ ସହିତ ଉଚ୍ଚା ଫାଉଣ୍ଡେସନ୍ ୱାଲ୍, ବେସମେଣ୍ଟ ଏବଂ ଫାଉଣ୍ଡେସନ ଚାରିପଟେ ସମ୍ପୂର୍ଣ୍ଣ ୱାଟରପ୍ରୁଫିଙ୍ଗ ଉପଚାର, ଉଇ ଉପଚାର, ପୋତା ଉପଯୋଗିତା ଲାଇନ୍ ଏବଂ ଫ୍ରେଞ୍ଚ ଡ୍ରେନ୍। ଆପଣଙ୍କ ସାଇଟ୍କୁ ସୁହାଇଲା ଭଳି ଉପଯୁକ୍ତ ଏବଂ ସଠିକ୍ ସମାଧାନ ବ୍ୟବହାର କରି ଆପଣ ନିଜର ନଈକୂଳିଆ ଘରର ଢାଞ୍ଚାଗତ ଅଖଣ୍ଡତାକୁ ଦଶନ୍ଧି ଦଶନ୍ଧି ପର୍ଯ୍ୟନ୍ତ ସୁରକ୍ଷିତ କରିପାରିବେ।
ନଦୀ ପାଖରେ କିମ୍ବା ଢିଲା, ସ୍ଥାନାନ୍ତରଶୀଳ ମାଟିରେ ଘର ତିଆରି କରିବା ସ୍ୱତନ୍ତ୍ର ପ୍ଲାନିଂ, ମୂଲ୍ୟାୟନ, ବଜେଟିଂ ଏବଂ ନିର୍ମାଣ ଜ୍ଞାନ କୌଶଳ ଆବଶ୍ୟକ କରିଥାଏ, ଯାହାଦ୍ୱାରା ଆପଣଙ୍କୁ ମିଳିଥାଏ ଏକ ସୁଦୃଢ଼ ଢାଞ୍ଚା। ଅଭିଜ୍ଞ କଣ୍ଟ୍ରାକ୍ଟର ଓ ଇଞ୍ଜିନିୟରଙ୍କ ସହିତ ସହଭାଗିତା କରିବା, ପ୍ରସ୍ତୁତି ପାଇଁ ଆବଶ୍ୟକ ସମୟ ଦେବା, ବନ୍ୟା ଏବଂ ମାଟି ସ୍ଥାନାନ୍ତର ନିରୋଧୀ ସାମଗ୍ରୀ ବ୍ୟବହାର କରିବା ଏବଂ ନିରାପତ୍ତାମୂଳକ ଡିଜାଇନ୍ ଉପାଦାନକୁ କାର୍ଯ୍ୟକାରୀ କରିବା ଦ୍ୱାରା ବିପଦର ଆଶଙ୍କା ନ୍ୟୂନତମ ହୋଇଥାଏ ଏବଂ ଘର ବ୍ୟାପକ ଭାବେ କ୍ଷତିଗ୍ରସ୍ତ ହେବାରୁ ରକ୍ଷା ପାଇଥାଏ। ଉପଯୁକ୍ତ ଯତ୍ନ ଏବଂ ସାଇଟ୍ ପ୍ରସ୍ତୁତି ସହିତ ଆପଣ ଜଳାଧାର ନିକଟରେ କିମ୍ବା ସମସ୍ୟାପୂର୍ଣ୍ଣ ମାଟିରେ ମଧ୍ୟ ନିଜର ସ୍ୱପ୍ନର ଘର ଗଢ଼ିପାରିବେ ଓ ତାହାକୁ ଉପଭୋଗ କରିପାରିବେ।
