ଅଲ୍ଟ୍ରାଟେକ୍ର ପୋର୍ଟଲାଣ୍ଡ ପୋଜ୍ଜୋଲାନା ସିମେଣ୍ଟ ଏହାର କାର୍ଯ୍ୟଯୋଗ୍ୟତା ପାଇଁ ବିଖ୍ୟାତ ଅଟେ । ଗୋଲାକାର ସିମେଣ୍ଟ ଦାନା ଅତି ସରୁ ହୋଇଥାଏ ଏବଂ ଅଧିକ ମୁକ୍ତ ଭାବରେ ପ୍ରବାହିତ ହୋଇଥାଏ, ଯାହାଫଳରେ ରନ୍ଧ୍ରଗୁଡ଼ିକ ଅଧିକ ପ୍ରଭାବୀ ଢଙ୍ଗରେ ପୂରଣ ହୋଇଥାଏ । ବିଶେଷ ଭାବେ ଉତ୍ତପ୍ତ ପାଣିପାଗରେ କଂକ୍ରିଟ୍ର ସ୍ଲମ୍ପ୍ ହାନି ହାରକୁ ମଧ୍ୟ ହ୍ରାସିତ କରିଥାଏ । ପିପିସି ସିମେଣ୍ଟରେ କମ୍ ଜଳୀୟ ଅଂଶ ରହୁଥିବାରୁ ତାହା ବ୍ଲିଡିଂକୁ ମଧ୍ୟ ହ୍ରାସ କରିଥାଏ, ଯାହା ଫଳରେ ବ୍ଲିଡ୍ ୱାଟର ଚ୍ୟାନେଲ୍ ବ୍ଲକ୍ ହୋଇଥାଏ ।
ପିପିସି ସରୁ ପ୍ରକୃତିର ହୋଇଥିବାରୁ ଏହାର ପେଷ୍ଟ୍ ପରିମାଣ ବୃଦ୍ଧି ପାଇଥାଏ, ଯାହା ଫଳରେ କଂକ୍ରିଟ୍ ସହିତ ଷ୍ଟିଲ୍ର ବନ୍ଧନ ଅଧିକ ଉନ୍ନତ ହୋଇଥାଏ । ଏହି ସିମେଣ୍ଟ ପ୍ରାରମ୍ଭିକ ହାଇଡ୍ରେଶନ୍ ସମୟରେ ଚୂନକୁ ମୁକ୍ତ କରିଦେଇଥାଏ, ଯାହା ଫଳରେ ଶୂନ୍ୟ ସ୍ଥାନଗୁଡ଼ିକି ହ୍ରାସିତ ହୁଏ ଏବଂ ପରେ କଂକ୍ରିଟ୍ର ଜଳ-ଭେଦ୍ୟତା କମିଯାଏ ଓ ସ୍ଥାୟିତ୍ୱ ବୃଦ୍ଧି ପାଏ । ଏହା ଷ୍ଟ୍ରକ୍ଚର ବା ଢାଞ୍ଚାରେ ସୂକ୍ଷ୍ମ ଫାଟଗୁଡ଼ିକର ବୃଦ୍ଧିକୁ ପ୍ରତିରୋଧ କରିଥାଏ, ଯାହା ଫଳରେ କଂକ୍ରିଟ୍ର ସୁଦୃଢ଼ତା ବୃଦ୍ଧି ପାଇଥାଏ ।
ଏହାର ଦୀର୍ଘସ୍ଥାୟୀ ପ୍ରକୃତି ଏବଂ ସଲଫେଟ୍, ପାଣି ଓ କେମିକାଲ୍ ଆକ୍ରମଣ ନିରୋଧି ଗୁଣଧର୍ମ ଯୋଗୁଁ, ଏହାକୁ ସମୁଦ୍ର ଉପକୂଳବର୍ତ୍ତୀ ନିର୍ମାଣ, ବନ୍ଧ, ସାମୁଦ୍ରିକ ଢାଞ୍ଚା, ଅଣ୍ଡରୱାଟର ବ୍ରିଜ୍ ପିୟର୍, ଆଡ଼ିବନ୍ଧ ଏବଂ ପ୍ରତିକୂଳ ପରିବେଶରେ ନିର୍ମାଣ କାର୍ଯ୍ୟରେ ବ୍ୟବହାର କରାଯାଇପାରିବ ।.
ସିମେଣ୍ଟ ଯୌଗିକ ଗଠନ ପାଇଁ ପୋର୍ଟଲାଣ୍ଡ ସିମେଣ୍ଟ ଦ୍ୱାରା ମୁକ୍ତ ହୋଉଥିବା କ୍ୟାଲସିୟମ୍ ହାଇଡ୍ରକ୍ସାଇଡ୍ ସହିତ ପୋଜ୍ଜୋଲାନିକ୍ ଉପାଦାନ ପ୍ରତିକ୍ରିୟାଶୀଳ ହେଉଥିବା କାରଣରୁ ପିପିସି କଂକ୍ରିଟ୍ର ଅଭ୍ୟେତା ଏବଂ ଘନତ୍ୱକୁ ବୃଦ୍ଧି କରିଥାଏ । ଏହାକୁ ନିଶ୍ଚିନ୍ତରେ ହାଇଡ୍ରଲିକ୍ ଷ୍ଟ୍ରକ୍ଚର୍, ସାମୁଦ୍ରିକ ନିର୍ମାଣ କାର୍ଯ୍ୟ, ମାସ୍ କଂକ୍ରିଟିଂ ଏବଂ ସେହିଭଳି ଅନେକ ନିର୍ମାଣ କାର୍ଯ୍ୟରେ ବ୍ୟବହାର କରାଯାଇପାରିବ । ଏହା କଂକ୍ରିଟ୍କୁ ଆଲକାଲି-ଏଗ୍ରିଗେଟ୍ ପ୍ରତିକ୍ରିୟା ବିରୁଦ୍ଧରେ ସୁରକ୍ଷା ଯୋଗାଇଥାଏ ।
