కాంక్రీట్ క్యూబ్ టెస్ట్ చేసే విధానం (కాంక్రీట్ క్యూబ్ టెస్ట్ ప్రొసీజర్)
1. కాంక్రీట్ మిశ్రమంతో శాంపిల్ను సిద్ధం చేసి, దాన్ని 150 మి.మీ సైజు ఉన్న క్యూబ్ మోల్డ్స్లో పోయాలి.
2. గాలి బుడగలు లేకుండా ఉండటానికి వైబ్రేటింగ్ టేబుల్ లేదా చేతితో కాంపాక్షన్ చేయాలి.
3. కాంక్రీట్ గట్టిపడిన తర్వాత మోల్డ్స్ నుండి క్యూబ్స్ను తీసి, వాటిని 28 రోజుల పాటు నీటిలో ఉంచి క్యూరింగ్ చేయాలి.
4. కంప్రెషన్ టెస్టింగ్ మెషీన్ ఉపయోగించి క్యూబ్స్ పగిలే వరకు ఒత్తిడిని ఇచ్చి, ఆ గరిష్ట బరువును నోట్ చేసుకోవాలి.
5. వచ్చిన బరువును క్యూబ్ వైశాల్యంతో భాగించి కంప్రెసివ్ స్ట్రెంత్ను కనుక్కోవాలి, ఆపై అది ఉండాల్సిన ప్రమాణాలకు అనుగుణంగా ఉందో లేదో చెక్ చేయాలి.
మీరు కాంక్రీట్ క్యూబ్ టెస్టింగ్ ఎందుకు చేయాలి?
1. భద్రత మరియు మన్నిక కోసం కాంక్రీట్కు కావాల్సిన బలం ఉందో లేదో తెలుసుకోవడానికి.
2. భవన నిర్మాణ నిబంధనలు మరియు రూల్స్ పాటించడానికి ఇది సహాయపడుతుంది.
3. కాంక్రీట్ మిశ్రమంలో లేదా క్యూరింగ్లో ఉన్న లోపాలను ముందే గుర్తించి, భవిష్యత్తులో వచ్చే సమస్యలను నివారించవచ్చు.
4. మొదటి నుండే నాణ్యతను పాటించడం ద్వారా తర్వాత అయ్యే భారీ మరమ్మతు ఖర్చులను తగ్గించవచ్చు.
5. భవిష్యత్తులో తనిఖీలకు లేదా అవసరాలకు రిపోర్ట్స్ లాగా ఇవి ఉపయోగపడతాయి.
ప్రభావవంతమైన కాంక్రీట్ క్యూబ్ టెస్టింగ్ కోసం చిట్కాలు
1. తాజా శాంపిల్స్ను వాడటం (యూజ్ ఫ్రెష్ శాంపిల్స్): నిర్మాణంలో వాడే కాంక్రీట్ నుండి తీసిన శాంపిల్స్నే పరీక్షించాలి.
2. ప్రమాణాలను పాటించడం (ఫాలో స్టాండర్డ్స్): సరైన ఫలితాల కోసం నిర్ణీత పద్ధతులను మరియు క్యూరింగ్ సమయాన్ని పాటించాలి.
3. పరికరాలను తనిఖీ చేయడం (చెక్ ఎక్విప్మెంట్): పరీక్ష చేసే మెషీన్లు కరెక్ట్గా ఉన్నాయో లేదో ముందే చూసుకోవాలి.
4. ఫలితాలను నమోదు చేయడం (డాక్యుమెంట్ రిజల్ట్స్): నాణ్యత మరియు ప్రమాణాలను నిర్ధారించడానికి పరీక్షా ఫలితాలను వివరంగా రికార్డు చేయాలి.
కాంక్రీట్ క్యూబ్ టెస్ట్ గురించి అర్థం చేసుకుని మరియు సరైన పద్ధతులను పాటించడం ద్వారా, మీరు ఇంటి వద్దే సిమెంట్ క్యూబ్ టెస్ట్ మరియు కాంక్రీట్ క్యూబ్ టెస్ట్ చేయవచ్చు. దీనివల్ల కాంక్రీట్ పటిష్టంగా, నమ్మదగ్గదిగా మరియు ప్రమాణాలకు అనుగుణంగా ఉండేలా చూసుకోవచ్చు.