Share:
Share:
അടിത്തറ നിർമ്മിച്ചതിന് ശേഷം കുഴിച്ച മണ്ണ് വീണ്ടും കിടങ്ങിലേക്കോ അടിത്തറയുടെ മതിലിനുള്ളിലേക്കോ മാറ്റുന്ന പ്രക്രിയയെയാണ് ബാക്ക്ഫില്ലിംഗ് എന്നതുകൊണ്ട് സൂചിപ്പിക്കുന്നത്. ഫൗണ്ടേഷന് ലാറ്ററൽ സപ്പോർട്ട് നൽകൽ, ഡ്രെയിനേജ്, മണ്ണിന്‍റെ ഞെരുക്കം എന്നിവ മെച്ചപ്പെടുത്തുക, കാലക്രമേണ ഫൗണ്ടേഷൻ ഇളകുന്നതിൽ നിന്നോ ഇരിക്കുന്നതിൽ നിന്നോ തടയുക എന്നിവയുൾപ്പെടെ ഒന്നിലധികം ആവശ്യങ്ങൾക്കായി ഇത് പ്രവർത്തിക്കുന്നു. ഈ പ്രക്രിയ ശരിയായി ചെയ്യുന്നത് അടിത്തറയുടെ സ്ഥിരതയും ഈടും ഉറപ്പാക്കുന്നു, ഘടനാപരമായ പ്രശ്നങ്ങളുടെയും ചെലവേറിയ അറ്റകുറ്റപ്പണികളുടെയും സാധ്യതകള്‍ കുറയ്ക്കാനും ഇത് സഹായിക്കും.
കെട്ടിട നിർമ്മാണത്തിലെ ബാക്ക്ഫില്ലിംഗിൽ ഫൗണ്ടേഷനു ചുറ്റും, ഉത്ഖനനത്തിനുള്ളിൽ അനുയോജ്യമായ മെീരിയലുകള്‍ ശ്രദ്ധാപൂർവം സ്ഥാപിക്കുന്നതും കുത്തി ഇറക്കുന്നതും ഉൾപ്പെടുന്നു. ഫൗണ്ടേഷനായുള്ള ബാക്ക്ഫിൽ മെറ്റീരിയൽ അതിന്‍റെ ഗുണങ്ങളും സൈറ്റ് അവസ്ഥകളുമായുള്ള അനുയോജ്യതയും അടിസ്ഥാനമാക്കിയാണ് തിരഞ്ഞെടുക്കുന്നത്. മണ്ണ്, ചരൽ, തകർന്ന കല്ല്, മണൽ എന്നിവയാണ് ഏറ്റവും സാധാരണയായി ഉപയോഗിക്കുന്ന വസ്തുക്കൾ. മണ്ണിന്‍റെ തരം, ഭാരം വഹിക്കാനുള്ള ശേഷി, വെള്ളം ഒഴുകുന്നതിനുള്ള ആവശ്യകതകൾ, പാരിസ്ഥിതിക പരിഗണനകൾ തുടങ്ങിയ ഘടകങ്ങളെ ആശ്രയിച്ചാണ് അവയുടെ തിരഞ്ഞെടുപ്പ്
അടിത്തറ കെട്ടിപ്പടുക്കുന്നതിൽ ഫലപ്രദമായ ബാക്ക്ഫില്ലിംഗ് ഉറപ്പാക്കാൻ നിരവധി ഘടകങ്ങൾ പരിഗണിക്കേണ്ടതുണ്ട്. നമുക്ക് ചില പ്രധാന ഘടകങ്ങൾ പരിശോധിക്കാം.
ബാക്ക്ഫിൽ മെറ്റീരിയലിന്‍റെ തിരഞ്ഞെടുപ്പ് വിവിധ ഘടകങ്ങളെ ആശ്രയിച്ചിരിക്കുന്ന ഒരു നിർണായക തീരുമാനമാണ്. ഒന്നാമതായി, മണ്ണിന്‍റെ തരവും അതിന്‍റെ ഗുണങ്ങളും പരിഗണിക്കേണ്ടതുണ്ട്. ഉദാഹരണത്തിന്, നിലവിലുള്ള മണ്ണിന് മോശം ഡ്രെയിനേജ് ശേഷിയുണ്ടെങ്കിൽ, ചരൽ അല്ലെങ്കിൽ തകർന്ന കല്ല് പോലുള്ള നല്ല ഡ്രെയിനേജ് ഗുണങ്ങളുള്ള ഒരു ബാക്ക്ഫിൽ മെറ്റീരിയൽ തിരഞ്ഞെടുക്കുന്നത് അടിത്തറയ്ക്ക് ചുറ്റും വെള്ളം അടിഞ്ഞുകൂടുന്നത് തടയാൻ നിർണായകമാണ്.
രണ്ടാമതായി, ബാക്ക്ഫിൽ മെറ്റീരിയലിന്‍റെ ലോഡ്-ചുമക്കാനുള്ള ശേഷി വളരെ പ്രധാനമാണ്. അടിത്തറയ്ക്ക് മതിയായ പിന്തുണ നൽകാനും ലോഡ് തുല്യമായി വിതരണം ചെയ്യാനും ഇതിന് കഴിയണം. മെറ്റീരിയൽ തിരഞ്ഞെടുക്കുമ്പോൾ സ്ട്രക്ചറിന്‍റെ തരം, മണ്ണിന്‍റെ അവസ്ഥ, പ്രതീക്ഷിക്കുന്ന ലോഡുകൾ തുടങ്ങിയ ഘടകങ്ങൾ കണക്കിലെടുക്കണം.
മണ്ണിന്‍റെ സാന്ദ്രത ആവശ്യമുള്ള അളവ് കൈവരിക്കുന്നതിന് ബാക്ക്ഫിൽ മെറ്റീരിയലിന്‍റെ ശരിയായ കോംപാക്ഷന്‍ അഥവാ ഒതുക്കൽ അത്യാവശ്യമാണ്. കെട്ടിടനിർമ്മാണത്തിലെ ബാക്ക്ഫില്ലിംഗും ഒതുക്കവും വായു ശൂന്യത ഇല്ലാതാക്കുകയും മണ്ണിന്‍റെ ശക്തി വർദ്ധിപ്പിക്കുകയും മണ്ണ് ഇരിക്കുന്നതിനുള്ള സാധ്യത കുറയ്ക്കുകയും ചെയ്യുന്നു. വൈബ്രേറ്ററി റോളറുകൾ അല്ലെങ്കിൽ പ്ലേറ്റ് കോംപാക്റ്ററുകൾ പോലുള്ള വിവിധ ഉപകരണങ്ങൾ ഉപയോഗിച്ച് കോംപാക്ഷൻ പ്രക്രിയ നടത്താം, ഇത് ബാക്ക്ഫിൽ മെറ്റീരിയലിൽ സമ്മർദ്ദം ചെലുത്തി ഏകതാനതയും സ്ഥിരതയും ഉറപ്പാക്കുന്നു..
ആവശ്യമായ കോംപാക്ഷൻ പ്രയത്നം, ബാക്ക്ഫിൽ മെറ്റീരിയലിന്‍റെ തരം, ഈർപ്പത്തിന്‍റെ അളവ്, ആവശ്യമുള്ള അളവ് കോംപാക്ഷൻ തുടങ്ങിയ ഘടകങ്ങളെ ആശ്രയിച്ചിരിക്കുന്നു. ഉചിതമായ കോംപാക്ഷൻ സാന്ദ്രത കൈവരിക്കുന്നതിന് മാർഗ്ഗനിർദ്ദേശങ്ങളും സവിശേഷതകളും പിന്തുടരുന്നത് നിർണായകമാണ്.
നിർമ്മാണത്തിലെ ബാക്ക്ഫില്ലിംഗ് പ്രക്രിയയുടെ സമയവും കെട്ടിട അടിത്തറയുടെ ശക്തിയിൽ നിർണായക പങ്ക് വഹിക്കുന്നു. അടിത്തറ പണിതുകഴിഞ്ഞാൽ ഉടൻ ഇതിലേക്ക് കടക്കാന്‍ പാടില്ല. പകരം, ബാക്ക്ഫിൽ മെറ്റീരിയലിന്‍റെ ഭാരം താങ്ങാൻ ആവശ്യമായ ശക്തി നേടുന്നതിന് അടിത്തറയ്ക്ക് മതിയായ സമയം നൽകണം. മാത്രമല്ല, കനത്ത മഴയ്ക്ക് സാധ്യതയുള്ള പ്രദേശങ്ങളിൽ, മഴ മൂലമുണ്ടാകുന്ന മണ്ണൊലിപ്പ് കുറയ്ക്കാൻ കഴിയുന്ന സമയത്ത് ഈ ജോലികള്‍ ചെയ്യേണ്ടത് അത്യന്താപേക്ഷിതമാണ്.
പ്രോജക്റ്റ് ആവശ്യകതകളെ അടിസ്ഥാനമാക്കി വിവിധ തരം ബാക്ക്ഫില്ലിംഗ് മെറ്റീരിയലുകൾ ഉപയോഗിക്കാം. ചില പൊതുവായ തരങ്ങൾ ഏതൊക്കെയെന്ന് നോക്കാം:
ചരൽ, ഉടഞ്ഞ കല്ല് തുടങ്ങിയ നാടൻ മണ്ണ് സാധാരണയായി ബാക്ക്ഫിൽ മെറ്റീരിയലായി ഉപയോഗിക്കുന്നു. ഈ വസ്തുക്കൾ മികച്ച ഡ്രെയിനേജ് ഗുണങ്ങള്‍ ഉള്ളവയാണ്. ബാക്ക്ഫിൽ ചെയ്ത പ്രദേശത്തിലൂടെ വെള്ളം സ്വതന്ത്രമായി ഒഴുകാൻ ഇത് അനുവദിക്കുന്നു. അടിത്തറയുടെ സുസ്ഥിരതയും കെട്ടുറപ്പും ഉറപ്പാക്കുന്ന നല്ല ഭാരം വഹിക്കാനുള്ള ശേഷിയും അവ വാഗ്ദാനം ചെയ്യുന്നു.
മണൽ ഉൾപ്പെടെയുള്ള ഫൈൻ-ഗ്രേഡഡ് മണ്ണ്, അവയുടെ ഒതുക്കമുള്ള സവിശേഷതകളും സ്ഥിരമായ അടിത്തറ നിലനിർത്താനുള്ള കഴിവും കാരണം ബാക്ക്ഫില്ലിംഗിന് വ്യാപകമായി ഉപയോഗിച്ചു വരുന്നു. ഈ സാമഗ്രികൾ ഫലപ്രദമായ കോപാക്ഷന് സൗകര്യമൊരുക്കുകയും മണ്ണ് ഇരിക്കുന്നത് കുറയ്ക്കുകയും ചെയ്യുന്നു, ഇത് സ്ട്രക്ചറിന് ഒരു സോളിഡ് സപ്പോർട്ട് സിസ്റ്റം നൽകുന്നു.
ഫ്ലൈ ആഷ്, സ്ലാഗ് തുടങ്ങിയ വാണിജ്യ ഉപോൽപ്പന്നങ്ങൾ ബാക്ക്ഫിൽ മെറ്റീരിയലായി ഉപയോഗിക്കാം. ഈ മെറ്റീരിയലുകൾ നല്ല കോംപാക്ഷന്‍ ഗുണങ്ങൾ വാഗ്ദാനം ചെയ്യുക മാത്രമല്ല, പരിസ്ഥിതി സുസ്ഥിരതയ്ക്ക് സംഭാവന നൽകുകയും ചെയ്യുന്നു. ബാക്ക്ഫില്ലിംഗിൽ ഈ ഉപോൽപ്പന്നങ്ങൾ ഉപയോഗിക്കുന്നത് മാലിന്യങ്ങൾ കുറയ്ക്കുകയും പരിസ്ഥിതി സൗഹൃദ ബദൽ നൽകുകയും ചെയ്യുന്നു.
കണ്‍ട്രോള്‍ഡ് ലോ സ്‌ട്രെംഗ്ത് മെറ്റീരിയൽ (CLSM), ഫ്ലോയബിൾ ഫിൽ എന്നും അറിയപ്പെടുന്നു, ഇത് പ്രത്യേക സാഹചര്യങ്ങളിൽ ഉപയോഗിക്കുന്ന മറ്റൊരു തരം ബാക്ക്ഫിൽ മെറ്റീരിയലാണ്. പോർട്ട്‌ലാൻഡ് സിമന്റ്, ഫ്ലൈ ആഷ്, ചെറിയ മെറ്റല്‍ അഥവ അഗ്രഗേറ്റ്, വെള്ളം എന്നിവയുടെ മിശ്രിതം ആണ് CLSM. ഇതിന് സ്വയം-ലെവലിംഗ് ഗുണങ്ങൾ ഉണ്ട്, ഇത് സങ്കീർണ്ണമായ ജ്യാമിതികളുള്ള വലിയ ഉത്ഖനനങ്ങളും പ്രദേശങ്ങളും നി നിറയ്ക്കുന്നതിന് അനുയോജ്യമാണ്.
ഉപസംഹാരമായി പറയാം, നിർമ്മാണത്തിലെ ശരിയായ ബാക്ക്ഫില്ലിംഗ് കെട്ടിട അടിത്തറയുടെ ഒരു പ്രധാന ഘടകമാണ്. ശരിയായ സാമഗ്രികൾ തിരഞ്ഞെടുത്ത്, അവയെ ഫലപ്രദമായി ഒതുക്കി, സമയബന്ധിതമായി ബാക്ക്ഫിൽ ചെയ്യുന്നതിലൂടെ, കെട്ടിട നിർമ്മാണ പ്രോജക്ടുകൾക്ക് സ്ഥിരത കൈവരിക്കാനും, മണ്ണ് ഇരിക്കുന്നത് തടയാനും, ഘടനാപരമായ പ്രശ്നങ്ങൾ ഒഴിവാക്കാനും കഴിയും. ശരിയായ സാങ്കേതിക വിദ്യകൾ അവഗണിക്കുന്നത് ചെലവേറിയ അറ്റകുറ്റപ്പണികൾക്കും സുരക്ഷയിൽ വീഴ്ചയ്ക്കും ഇടയാക്കും. അതിനാൽ, നിർമ്മാണത്തിൽ ബാക്ക്ഫില്ലിംഗിന് മുൻഗണന നൽകുകയും കാലത്തിന്‍റെ പരീക്ഷണത്തെ ചെറുക്കാൻ കഴിയുന്ന ഒരു സോളിഡ് ബാക്ക്ഫിൽ ഫൌണ്ടേഷൻ ഉറപ്പാക്കാൻ വിദഗ്ധരുമായി സഹകരിക്കുകയും ചെയ്യേണ്ടത് അത്യാവശ്യമാണ്.
