Share:
Share:
ಗಟ್ಟಿಯಾದ ಅಡಿಪಾಯವನ್ನು ನಿರ್ಮಿಸಲು ಬಳಸಲಾಗುವ ವಸ್ತುಗಳನ್ನು ಎಚ್ಚರಿಕೆಯಿಂದ ಆಯ್ಕೆ ಮಾಡುವ ಅಗತ್ಯವಿರುತ್ತದೆ. ಕೆಲವು ಸಾಮಾನ್ಯ ಅಡಿಪಾಯ ಸಾಮಗ್ರಿಗಳನ್ನು ಪರಿಶೀಲಿಸೋಣ ಮತ್ತು ಅವುಗಳ ಗುಣಲಕ್ಷಣಗಳು, ಬಳಕೆಗಳು ಮತ್ತು ಅನುಕೂಲಗಳನ್ನು ಅರ್ಥಮಾಡಿಕೊಳ್ಳೋಣ.
ಮರದ ಅಡಿಪಾಯಗಳನ್ನು ಪ್ರೆಶರ್‌-ಟ್ರೀಟೆಡ್ ಮರಮುಟ್ಟು ಅಥವಾ ಎಂಜಿನಿಯರ್ಡ್‌ ಮರದ ಉತ್ಪನ್ನಗಳನ್ನು ಬಳಸಿ ನಿರ್ಮಿಸಲಾಗುತ್ತದೆ. ಸಣ್ಣ ಶೆಡ್‌ಗಳು, ಕ್ಯಾಬಿನ್‌ಗಳು ಅಥವಾ ಇತರ ಹಗುರವಾದ ಕಟ್ಟಡಗಳಲ್ಲಿ ಇದನ್ನು ಸಾಮಾನ್ಯವಾಗಿ ಬಳಸಬಹುದಾಗಿರುತ್ತದೆ. ಇತರ ಅಡಿಪಾಯದ ಸಾಮಾಗ್ರಿಗಳಿಗೆ ಹೋಲಿಸಿದರೆ ಕಡಿಮೆ ವೆಚ್ಚವು ಇದರ ಪ್ರಮುಖ ಅನುಕೂಲವಾಗಿದೆ.
a) ಇದರೊಂದಿಗೆ ಕೆಲಸ ಮಾಡಲು ಮತ್ತು ನಿರ್ಮಾಣ ಮಾಡಲು ಸುಲಭ
b) ಕಡಿಮೆ ವೆಚ್ಚ
c) ಹೆಚ್ಚಿನ ನೀರು ಹೊಂದಿರುವಂತಹ ಪ್ರದೇಶಗಳಲ್ಲಿ ಇತರ ಅಡಿಪಾಯಗಳನ್ನು ನಿರ್ಮಿಸಲು ಅಸಾಧ್ಯವಾದಾಗ ಇದು ಹೆಚ್ಚು ಸೂಕ್ತವಾಗಿರುತ್ತದೆ.
ಕಲ್ಲಿನ ಅಡಿಪಾಯಗಳನ್ನು ನೈಸರ್ಗಿಕವಾದ ಅಥವಾ ಕತ್ತರಿಸಿದ ಕಲ್ಲುಗಳಿಂದ ತಯಾರಿಸಲಾಗುತ್ತದೆ. ಇದು ಹಳೆಯ ಕಾಲದಲ್ಲಿ ಮನೆಗಳು ಮತ್ತು ಕಟ್ಟಡಗಳಿಗೆ ಅಡಿಪಾಯವನ್ನು ನಿರ್ಮಿಸುವ ಒಂದು ವಿಶಿಷ್ಟ ವಿಧಾನವಾಗಿತ್ತು. ಕಲ್ಲಿನ ಅಡಿಪಾಯಗಳು ಬೇಗನೆ ಹಾಳಾಗುವುದಿಲ್ಲ ಹಾಗೂ ದೀರ್ಘಕಾಲದವರೆಗೆ ಬಾಳಿಕೆ ಬರುತ್ತವೆ. ಆದರೆ ಇವುಗಳಿಗೆ ಆಗ್ಗಾಗ್ಗೆ ನಿರ್ವಹಣೆ ಮತ್ತು ದುರಸ್ತಿಯ ಅಗತ್ಯವಿರುತ್ತದೆ.
a) ಬೇಗನೆ ಹಾಳಾಗುವುದಿಲ್ಲ ಮತ್ತು ದೀರ್ಘಕಾಲ ಬಾಳಿಕೆ ಬರುತ್ತದೆ
b) ಬೆಂಕಿ ನಿರೋಧಕ
c) ತಾಪಮಾನದ ಏರಿಳಿತಗಳ ವಿರುದ್ಧ ಅತ್ಯುತ್ತಮ ಇನ್ಸುಲೇಶನ್ ಒದಗಿಸುತ್ತದೆ
ಅಡಿಪಾಯಕ್ಕೆ ಬಳಸುವ ವಸ್ತುಗಳ ಸಾಮಾನ್ಯ ಪ್ರಕಾರಗಳಲ್ಲಿ ಕಾಂಕ್ರೀಟ್ ಅಡಿಪಾಯಗಳು ಒಂದಾಗಿದೆ. ಈ ಅಡಿಪಾಯಗಳನ್ನು ಮೂಲತಃ ಸಿಮೆಂಟಿನಿಂದ ಮಾಡಲಾಗಿರುತ್ತದೆ ಮತ್ತು ಹೆಚ್ಚು ಒತ್ತಡವನ್ನು ತಡೆದುಕೊಳ್ಳುವ ಶಕ್ತಿಯನ್ನು ಹೊಂದಿರುತ್ತವೆ. ಇದರಿಂದ ಇವು ಗಮನಾರ್ಹ ಪ್ರಮಾಣದ ತೂಕವನ್ನು ತಡೆದುಕೊಳ್ಳಬಲ್ಲವು. ಸಿಮೆಂಟ್ ಅಡಿಪಾಯಗಳು ಎಂದೂ ಕರೆಯಲ್ಪಡುವ ಕಾಂಕ್ರೀಟ್ ಅನ್ನು ಅಡಿಪಾಯವನ್ನು ನಿರ್ಮಿಸುವ ಸ್ಥಳದಲ್ಲಿ ಸುರಿಯಬಹುದು ಅಥವಾ ಬ್ಲಾಕ್‌ಗಳ ರೂಪದಲ್ಲಿ ಪ್ರಿಕಾಸ್ಟ್ ಮಾಡಿ ಬಳಸಬಹುದು. ಇದಲ್ಲದೆ, ಸಿಂಡರ್ ಬ್ಲಾಕ್‌ಗಳು ಎಂದೂ ಕರೆಯಲ್ಪಡುವ ಕಾಂಕ್ರೀಟ್ ಬ್ಲಾಕ್‌ಗಳನ್ನು ಬಳಸುವುದು ಸುರಿದ ಮಾಡುವ ಕಾಂಕ್ರೀಟ್ ಅಡಿಪಾಯಗಳಿಗಿಂತ ಕಡಿಮೆ ವೆಚ್ಚದ ಪರ್ಯಾಯ ವಿಧಾನವಾಗಿದೆ.
a) ಧೃಡವಾಗಿರುತ್ತದೆ ಮತ್ತು ಬಾಳಿಕೆ ಬರುತ್ತದೆ
b) ಬೆಂಕಿ, ತೇವಾಂಶ ಮತ್ತು ಕೀಟಗಳಿಗೆ ಪ್ರತಿರೋಧಕ ಉಂಟುಮಾಡುತ್ತದೆ
c) ಕಡಿಮೆ ನಿರ್ವಹಣೆಯ ಅಗತ್ಯವಿರುತ್ತದೆ
ಜಲ್ಲಿಕಲ್ಲು, ಪುಡಿಮಾಡಿದ ಕಲ್ಲು ಅಥವಾ ಮರುಬಳಕೆ ಮಾಡಿದ ಕಾಂಕ್ರೀಟ್ ನಂತಹ ಅಗ್ರಿಗೇಟ್‌ಗಳನ್ನು ಅಡಿಪಾಯ ವಸ್ತುವಾಗಿ ಬಳಸಬಹುದು. ಹೆಚ್ಚಿನ ನೀರನ್ನು ಹೊಂದಿರುವ ಜೌಗಿನ ಪ್ರದೇಶಗಳಿಗೆ ಇವು ಸೂಕ್ತವಾಗಿವೆ ಏಕೆಂದರೆ ಇವು ಅಡಿಪಾಯದಿಂದ ನೀರನ್ನು ಹೊರಹಾಕುತ್ತವೆ ಮತ್ತು ಮಣ್ಣಿನ ಸವೆತವನ್ನು ತಡೆಯುತ್ತವೆ.
a) ಕಡಿಮೆ ವೆಚ್ಚ
b) ಸರಿಯಾಗಿ ನೀರನ್ನು ಹೊರಹಾಕುತ್ತದೆ
c) ಪರಿಸರ ಸ್ನೇಹಿ
ಕಲ್ಲಿದ್ದಲು ಆಧಾರಿತ ವಿದ್ಯುತ್ ಸ್ಥಾವರಗಳ ಉಪ ಉತ್ಪನ್ನವಾದ ಹಾರು ಬೂದಿ ಅಥವಾ ಫ್ಲೈ ಆ್ಯಶ್‌ ಅನ್ನು ಅದರ ಶಕ್ತಿ ಮತ್ತು ಬಾಳಿಕೆಯಿಂದಾಗಿ ಸಾಮಾನ್ಯವಾಗಿ ಅಡಿಪಾಯ ವಸ್ತುವಾಗಿ ಬಳಸಲಾಗುತ್ತದೆ. ಕಾಂಕ್ರೀಟ್ ಮಿಶ್ರಣಗಳಲ್ಲಿ ಸಿಮೆಂಟ್‌ಗೆ ಬದಲಿಯಾಗಿಯೂ ಸಹ ಇದನ್ನು ಬಳಸಬಹುದು. ಇದು ಪರಿಸರಕ್ಕೆ ಅನುಕೂಲವಾಗುವಂತಹ ಒಂದು ಆಯ್ಕೆಯಾಗಿದೆ.
a) ಸಿಮೆಂಟ್ ಬಳಕೆಯನ್ನು ಕಡಿಮೆ ಮಾಡುತ್ತದೆ
b) ಪರಿಸರ ಸ್ನೇಹಿಯಾಗಿದೆ
c) ಕುಗ್ಗುವಿಕೆ ಮತ್ತು ಬಿರುಕುಗಳು ಉಂಟಾಗುವುದನ್ನು ತಡೆಯುತ್ತದೆ
ಕಡಿಮೆ ನೀರಿರುವ ಮತ್ತು ಸ್ಥಿರವಾದ ಮಣ್ಣು ಇರುವ ಪ್ರದೇಶಗಳಲ್ಲಿ ಬಳಸುವ ಸಾಮಾನ್ಯ ಅಡಿಪಾಯ ವಸ್ತು ಮರಳಾಗಿದೆ. ಇದನ್ನು ಹೆಚ್ಚಾಗಿ ಅಡಿಪಾಯ ಮತ್ತು ಮಣ್ಣಿನ ನಡುವಿನ ಬೆಡ್‌ ಪದರವಾಗಿ ಬಳಸಲಾಗುತ್ತದೆ.
a) ಕೆಲಸ ಮಾಡಲು ಸುಲಭ ಮತ್ತು ಕಾಂಪ್ಯಾಕ್ಟ್ ಆಗಿರುತ್ತದೆ
b) ಸ್ಥಿರವಾದ ಅಡಿಪಾಯವನ್ನು ಒದಗಿಸುತ್ತದೆ
c) ನೀರನ್ನು ಸರಿಯಾಗಿ ಹೊರಹಾಕಲು ಅನುವು ಮಾಡಿಕೊಡುತ್ತದೆ
ಸುದೀರ್ಘ ಬಾಳಿಕೆಯ ದೃಷ್ಟಿಯಲ್ಲಿ ನೋಡಿದಾಗ ಇಟ್ಟಿಗೆಗಳನ್ನು ಅಡಿಪಾಯವಾಗಿ ಬಳಸುವುದು ಕಲ್ಲಿನ ಅಡಿಪಾಯವನ್ನು ಹೋಲುತ್ತವೆ. ಹಿಂದಿನ ಕಾಲದ ಮನೆಗಳು ಮತ್ತು ಕಟ್ಟಡಗಳಿಗೆ ಅವು ಸಾಮಾನ್ಯ ಆಯ್ಕೆಯಾಗಿದ್ದವು.
a) ದೀರ್ಘ ಬಾಳಿಕೆ ಬರುತ್ತದೆ
b) ಬೆಂಕಿ ನಿರೋಧಕ
c) ತಾಪಮಾನದ ಏರಿಳಿತಗಳ ವಿರುದ್ಧ ಅತ್ಯುತ್ತಮ ಇನ್ಸುಲೇಶನ್ ಒದಗಿಸುತ್ತದೆ
ಕಟ್ಟಡ ನಿರ್ಮಾಣ ಉದ್ಯಮದಲ್ಲಿ ಬೇರೆ ಅಡಿಪಾಯಗಳಿಗೆ ಹೋಲಿಸಿದಲ್ಲಿ ಉಕ್ಕಿನ ಅಡಿಪಾಯಗಳು ಸ್ವಲ್ಪ ಹೊಸದು. ಅವುಗಳ ಧೃಡತೆ ಮತ್ತು ಬಾಳಿಕೆಯ ಕಾರಣದಿಂದಾಗಿ ವಾಣಿಜ್ಯ ಮತ್ತು ಕೈಗಾರಿಕಾ ಕಟ್ಟಡಗಳಲ್ಲಿ ಬಳಸಲಾಗುವ ಅಡಿಪಾಯ ಸಾಮಗ್ರಿಗಳಲ್ಲಿ ಜನಪ್ರಿಯ ಆಯ್ಕೆಯಾಗಿದೆ.
a) ದೃಢತೆ ಮತ್ತು ಬಾಳಿಕೆ ಬರುತ್ತದೆ
b) ಹವಾಮಾನ ಮತ್ತು ಕೀಟಗಳಿಗೆ ಪ್ರತಿರೋಧಕ
c) ಕಡಿಮೆ ನಿರ್ವಹಣೆಯ ಅಗತ್ಯವಿರುತ್ತದೆ
ಉತ್ತಮ ಗುಣಮಟ್ಟದ ಅಡಿಪಾಯ ವಸ್ತುಗಳನ್ನು ಆಯ್ಕೆ ಮಾಡುವುದು ಹಲವಾರು ಕಾರಣಗಳಿಗಾಗಿ ಕಟ್ಟಡ ನಿರ್ಮಾಣದಲ್ಲಿ ಅತ್ಯಂತ ಮಹತ್ವವನ್ನು ಹೊಂದಿದೆ. ಉತ್ತಮ ಗುಣಮಟ್ಟದ ವಸ್ತುಗಳಲ್ಲಿ ಹೂಡಿಕೆ ಮಾಡುವುದು ಏಕೆ ನಿರ್ಣಾಯಕ ಎಂಬುದಕ್ಕೆ ಕೆಲವು ಪ್ರಮುಖ ಕಾರಣಗಳು ಇಲ್ಲಿವೆ:
ಉತ್ತಮ-ಗುಣಮಟ್ಟದ ಅಡಿಪಾಯ ವಸ್ತುಗಳನ್ನು ಸುದೀರ್ಘ ಬಾಳಿಕೆ ಬರುವಂತೆ ವಿನ್ಯಾಸಗೊಳಿಸಲಾಗಿರುತ್ತದೆ. ಅವು ಸವೆತಕ್ಕೆ ಹೆಚ್ಚು ಪ್ರತಿರೋಧಕವಾಗಿರುತ್ತವೆ. ಇದು ಅಡಿಪಾಯದ ಮತ್ತು ಒಟ್ಟಾರೆ ಕಟ್ಟಡದ ದೀರ್ಘ ಬಾಳಿಕೆಯನ್ನು ಖಚಿತಪಡಿಸುತ್ತವೆ. ಕಳಪೆ ಗುಣಮಟ್ಟದ ವಸ್ತುಗಳನ್ನು ಆಯ್ಕೆ ಮಾಡುವುದರಿಂದ ಅಡಿಪಾಯವು ಅಕಾಲಿಕವಾಗಿ ಹದಗೆಡಬಹುದು. ಇದು ಕಟ್ಟಡದ ಸ್ಥಿರತೆ ಮತ್ತು ಸುರಕ್ಷತೆಯೊಂದಿಗೆ ರಾಜಿ ಮಾಡಿಕೊಂಡಂತಾಗುತ್ತದೆ.
ಅಡಿಪಾಯವು ಯಾವುದೇ ಕಟ್ಟಡದ ಬೆನ್ನೆಲುಬಾಗಿದೆ. ಅಡಿಪಾಯಕ್ಕಾಗಿ ಉತ್ತಮ ಗುಣಮಟ್ಟದ ವಸ್ತುಗಳನ್ನು ಆಯ್ಕೆ ಮಾಡುವುದರಿಂದ ಅದು ಕಟ್ಟಡದ ತೂಕ ಮತ್ತು ಹೊರೆಯನ್ನು ಉತ್ತಮವಾಗಿ ತಡೆದುಕೊಳ್ಳುವುದನ್ನು ಖಾತ್ರಿಪಡಿಸುತ್ತದೆ. ಕಳಪೆ ವಸ್ತುಗಳನ್ನು ಬಳಸುವುದರಿಂದ ಅಡಿಪಾಯವು ಸೆಟಲ್‌ ಆಗಲು, ಬಿರುಕು ಬಿಡಲು ಅಥವಾ ವಿಫಲಗೊಳ್ಳಲು ಕಾರಣವಾಗಬಹುದು, ಇದು ಕಟ್ಟಡದ ರಚನಾತ್ಮಕ ಸಮಗ್ರತೆಗೆ ಅಪಾಯವನ್ನು ತರುತ್ತದೆ.
ಸಾಮಾನ್ಯವಾಗಿ ತೇವಾಂಶ, ತಾಪಮಾನ ಬದಲಾವಣೆಗಳು ಮತ್ತು ಹುಳಗಳಂತಹ ಪರಿಸರದಿಂದಾಗುವ ಸಮಸ್ಯೆಗಳ ವಿರುದ್ಧ ರಕ್ಷಣೆ ನೀಡುವಂತೆ ಉತ್ತಮ-ಗುಣಮಟ್ಟದ ಸಾಮಗ್ರಿಗಳನ್ನು ವಿನ್ಯಾಸಗೊಳಿಸಲಾಗುತ್ತದೆ. ಈ ವಸ್ತುಗಳು ನೀರಿನಿಂದಾಗುವ ಹಾನಿ, ವಾತಾವಾರಣದಲ್ಲಿ ಹೆಚ್ಚು ತಣ್ಣಗಿನ ಮತ್ತು ಹೆಚ್ಚು ಬಿಸಿಯ ಪರಿಸ್ಥಿತಿಗಳು ಮತ್ತು ಹುಳಗಳು ಅಥವಾ ಗೆದ್ದಲು ದಾಳಿಗಳ ವಿರುದ್ಧ ಉತ್ತಮ ರಕ್ಷಣೆಯನ್ನು ಒದಗಿಸುತ್ತವೆ. ಇದರಿಂದ ದುರಸ್ತಿಗಾಗಿ ತಗುಲುವ ದುಬಾರಿ ವೆಚ್ಚ ಮತ್ತು ಸಂಭಾವ್ಯ ಅಪಾಯಗಳನ್ನು ತಡೆಯುತ್ತವೆ.
ಕಟ್ಟಡ ನಿರ್ಮಾಣದಲ್ಲಿ ಅನುಸರಿಸಬೇಕಿರುವ ಸಂಹಿತೆಗಳು ಮತ್ತು ನಿಬಂಧನೆಗಳು ನಿರ್ಮಾಣ ಸಾಮಗ್ರಿಗಳಿಗಾಗಿ ಕನಿಷ್ಠ ಮಾನದಂಡಗಳನ್ನು ನಿಗದಿಪಡಿಸುತ್ತವೆ. ಉತ್ತಮ ಗುಣಮಟ್ಟದ ಅಡಿಪಾಯ ವಸ್ತುಗಳನ್ನು ಆಯ್ಕೆ ಮಾಡುವುದರಿಂದ ಜಾರಿಯಲ್ಲಿರುವ ಈ ಸಂಹಿತೆಗಳನ್ನು ಅನುಸರಿಸಿದಂತಾಗುತ್ತದೆ. ಇದರಿಂದ ಸುರಕ್ಷತೆಯನ್ನು ಉತ್ತೇಜಿಸಲು ಮತ್ತು ಸಂಭಾವ್ಯ ರಚನಾತ್ಮಕ ವೈಫಲ್ಯಗಳನ್ನು ತಡೆಗಟ್ಟಲು ಸಹಾಯವಾಗುತ್ತದೆ. ಕಟ್ಟಡ ಸಂಹಿತೆಗಳನ್ನು ಅನುಸರಿಸದಿರುವುದು ಕಾನೂನು ಸಮಸ್ಯೆಗಳಿಗೆ ಕಾರಣವಾಗಬಹುದು ಮತ್ತು ಅದರಲ್ಲಿ ವಾಸಿಸುವ ಜನರಿಗೆ ಅಪಾಯಗಳನ್ನುಂಟುಮಾಡಬಹುದು.
ಉತ್ತಮ-ಗುಣಮಟ್ಟದ ವಸ್ತುಗಳಿಗಾಗಿ ಆರಂಭದಲ್ಲಿ ಹೆಚ್ಚಿನ ಹಣವನ್ನು ತೆರಬೇಕಾಗುವ ಅಗತ್ಯಬಿದ್ದರೂ ಹೊಂದಿದ್ದರೂ ಸಹ ಸಾಮಾನ್ಯವಾಗಿ ಅವು ಭವಿಷ್ಯದಲ್ಲಿ ದುಡ್ಡನ್ನು ಉಳಿಸಲು ಕಾರಣವಾಗುತ್ತವೆ. ದೀರ್ಘಬಾಳಿಕೆ ಬರುವ ವಸ್ತುಗಳಲ್ಲಿ ಹೂಡಿಕೆ ಮಾಡುವ ಮೂಲಕ ನೀವು ಪದೇ ಪದೇ ದುರಸ್ತಿ ಮತ್ತು ನಿರ್ವಹಣೆಯ ಅಗತ್ಯವನ್ನು ಕಡಿಮೆ ಮಾಡಿದಂತಾಗುತ್ತದೆ, ಇದರಿಂದ ಕಟ್ಟಡಕ್ಕೆ ತಗುಲುವ ಒಟ್ಟಾರೆ ವೆಚ್ಚಗಳನ್ನು ಕಡಿಮೆ ಮಾಡುತ್ತೀರಿ.
ಕೊನೆಯಲ್ಲಿ, ಉತ್ತಮ ಗುಣಮಟ್ಟದ ಅಡಿಪಾಯ ವಸ್ತುಗಳನ್ನು ಆಯ್ಕೆ ಮಾಡುವುದು ಕಟ್ಟಡ ನಿರ್ಮಾಣದ ನಿರ್ಣಾಯಕ ಅಂಶವಾಗಿದೆ. ಇದು ರಚನಾತ್ಮಕ ಸ್ಥಿರತೆ, ಬಾಳಿಕೆ, ಕಟ್ಟಡ ಸಂಹಿತೆಗಳ ಅನುಸರಣೆ ಮತ್ತು ದೀರ್ಘಕಾಲೀನ ವೆಚ್ಚ ಉಳಿತಾಯಕ್ಕೆ ಕಾರಣವಾಗುತ್ತದೆ. ಉತ್ತಮ-ಗುಣಮಟ್ಟದ ಸಾಮಗ್ರಿಗಳನ್ನು ಬಳಸುವ ಮೂಲಕ, ನಿಮ್ಮ ಕಟ್ಟಡದ ಸುರಕ್ಷತೆ, ದೀರ್ಘಾಯುಷ್ಯ ಮತ್ತು ಕಾರ್ಯಕ್ಷಮತೆಯನ್ನು ಉತ್ತಮಪಡಿಸಿಕೊಳ್ಳಬಹುದು. ಇದು ನಿಮ್ಮ ಕಟ್ಟಡ ನಿರ್ಮಾಣ ಯೋಜನೆಯಲ್ಲಿನ ಒಟ್ಟಾರೆ ಯಶಸ್ಸಿಗಾಗಿನ ಒಂದು ಬುದ್ಧಿವಂತ ಹೂಡಿಕೆಯಾಗಿದೆ.
