ଘର କିପରି ତିଆରି କରିବେ ଆମ ସହିତ ଯୋଗାଯୋଗ କରନ୍ତୁ
First slide [800x400] First slide [800x400]

ଆପଣଙ୍କର ଦୀର୍ଘସ୍ଥାୟୀ ଘର ତିଆରି କରିବା ପାଇଁ ଆପଣ ଜଣେ ଭଲ ଷ୍ଟ୍ରକ୍ଚରାଲ୍ ଇଞ୍ଜିନିୟର୍ କାହିଁକି ଆବଶ୍ୟକ କରିଥାନ୍ତି

ଆପଣଙ୍କ ଘର ଆପଣଙ୍କ ଜୀବନର ସବୁଠାରୁ ବଡ଼ ଉପକ୍ରମଗୁଡ଼ିକ ମଧ୍ୟରୁ ଗୋଟିଏ ହୋଇଥାଏ ଏବଂ ତାହାର ଦୀର୍ଘସ୍ଥାୟିତା ତାହାର ସ୍ଥାୟିତ୍ୱ ଉପରେ ନିର୍ଭର କରିଥାଏ । ଆପଣ ଯେପରି ପିଢ଼ି ପରେ ପିଢ଼ି ଯାଏଁ ବଜାୟ ରହୁଥିବା ଘର ତିଆରି କରନ୍ତି, ତାହା ଜଣେ ଷ୍ଟ୍ରକ୍ଚରାଲ୍ ଇଞ୍ଜିନିୟର୍ ସୁନିଶ୍ଚିତ କରିଥାନ୍ତି । ଜଣେ ଷ୍ଟ୍ରକ୍ଚରାଲ୍ ଇଞ୍ଜିନିୟରଙ୍କୁ ନିୟୋଜିତ ନ କରିବା ଦ୍ୱାରା, ଆପଣ ନିଜ ଘରର ଦୀର୍ଘସ୍ଥାୟିତା ପ୍ରସଙ୍ଗରେ ରିସ୍କ ନିଅନ୍ତି ।

ତେବେ, ଷ୍ଟ୍ରକ୍ଚରାଲ୍ ଇଞ୍ଜିନିୟର୍ କିଏ?

ସରଳ ଭାଷାରେ କହିଲେ, ଷ୍ଟ୍ରକ୍ଚରାଲ୍ ଇଞ୍ଜିନିୟର ହେଉଛି ଜଣେ ସିଭିଲ ଇଞ୍ଜିନିୟର, ଯିଏ ଆପଣଙ୍କ ଘରର ସଂରଚନାତ୍ମକ ଅଖଣ୍ଡତାକୁ ଆକଳନ କରିବାରେ ନିପୁଣ ହୋଇଥାନ୍ତି । ସେ ଫାଉଣ୍ଡେଶନ୍ ର ସୁଦୃଢ଼ତା, କାନ୍ଥଗୁଡ଼ିକର ସ୍ଥିରତା ଓ ଭାର-ବହନ କ୍ଷମତା, ଏବଂ ବ୍ୟବହୃତ ନିର୍ମାଣ ସାମଗ୍ରୀ: ସିମେଣ୍ଟ, ଷ୍ଟିଲ୍, ଗୋଡ଼ି ଇତ୍ୟାଦିର ଗୁଣମାନ ଭଳି ଗୁରୁତ୍ୱପୂର୍ଣ୍ଣ ଦିଗଗୁଡ଼ିକୁ ବିଶ୍ଳେଷଣ କରିଥାନ୍ତି ।

ଆପଣ ଜଣେ ଷ୍ଟ୍ରକ୍ଚରାଲ୍ ଇଞ୍ଜିନିୟର୍କା
ହିଁକି ଆବଶ୍ୟକ କରନ୍ତି?

ପ୍ରଥମତଃ, ସଂରଚନାତ୍ମକ ଇଞ୍ଜିନିୟର୍ ବିଭିନ୍ନ ନିର୍ମାଣ ସାମଗ୍ରୀର କ୍ଷମତାକୁ ବୁଝନ୍ତି । ଆପଣଙ୍କ ବଜେଟକୁ ଧ୍ୟାନରେ ରଖି, ସେ ଆପଣଙ୍କୁ ସର୍ବୋତ୍ତମ ସମ୍ଭବ ଗୁଣବତ୍ତା ପ୍ରାପ୍ତ କରିବାରେ ସାହାଯ୍ୟ କରିପାରନ୍ତି ।

ସେ ସଂରଚନା ଉପରେ ପରିବେଶଗତ ପରିସ୍ଥିତିଗୁଡ଼ିକର ଦୀର୍ଘକାଳୀନ ପ୍ରଭାବକୁ ବୁଝିଥାନ୍ତି । ସଠିକ୍ ସାମଗ୍ରୀ ଓ ସଂରଚନାତ୍ମକ ଯୋଜନାକୁ ବ୍ୟବହାର କରି, ସେ ଭବିଷ୍ୟତର ଅନେକ ଖର୍ଚ୍ଚକୁ ସଞ୍ଚୟ କରିବାରେ ଆପଣଙ୍କୁ ସାହାଯ୍ୟ କରିପାରିବେ ।

ଷ୍ଟ୍ରକ୍ଚରାଲ୍ ଇଞ୍ଜିନିୟର ରାଜ୍ୟର ବିଲଡିଂ କୋଡ୍ ଏବଂ ଦିଗନିର୍ଦ୍ଦେଶକୁ ଅନ୍ୟ ସମସ୍ତଙ୍କ ତୁଳନାରେ ଅଧିକ ଭଲଭାବେ ଜାଣିଥାନ୍ତି, ଏବଂ ଆପଣଙ୍କ ଘର ଯେପରି ସେହି ଅନୁଯାୟୀ ନିର୍ମାଣ ହୁଏ ଏହା ସୁନିଶ୍ଚିତ କରିପାରନ୍ତି ।

ଆପଣଙ୍କ ଘର ଏକ ମହତ୍ତ୍ୱପୂର୍ଣ୍ଣ ଦୀର୍ଘକାଳୀନ ନିବେଶ ଅଟେ ଏବଂ ଜଣେ ଷ୍ଟ୍ରକ୍ଚରାଲ୍ ଇଞ୍ଜିନିୟରଙ୍କ ବିଶେଷଜ୍ଞତା ଭବିଷ୍ୟତରେ ଏହା ପାଇଁ ହିତକର ସାବ୍ୟସ୍ତ ହୋଇଥାଏ ।

ଶେଷରେ, ଏବଂ ସବୁଠାରୁ ମହତ୍ତ୍ୱପୂର୍ଣ୍ଣ କଥା, ଜଣେ ଷ୍ଟ୍ରକ୍ଚରାଲ୍ ଇଞ୍ଜିନିୟର୍ ଏହା ସୁନିଶ୍ଚିତ କରିବେ ଯେ, ଆପଣଙ୍କ ଘର ଆପଣ ଓ ଆପଣଙ୍କ ପରିବାର ପାଇଁ ଯେପରି ସୁଦୃଢ଼ ଓ ସୁରକ୍ଷିତ ଭାବେ ନିର୍ମିତ ହୁଏ ।

ଜଣେ ସଠିକ୍ ଷ୍ଟ୍ରକ୍ଚରାଲ୍ ଇଞ୍ଜିନିୟରଙ୍କ
ଚୟନ କିପରି କରିବେ?

ସେ ଲାଇସେନ୍ସପ୍ରାପ୍ତ କି? 
ଜଣେ ଲାଇସେନ୍ସପ୍ରାପ୍ତ ଇଞ୍ଜିନିୟରଙ୍କ ଦ୍ୱାରା ଆପଣଙ୍କ ବ୍ଲୁପ୍ରିଣ୍ଟ ସ୍ୱାକ୍ଷରିତ ଓ ମୋହରବଦ୍ଧ ହେବା ପରେ ହିଁ କେବଳ ରାଜ୍ୟ ସରକାର ଆପଣଙ୍କୁ ବିଲଡିଂ ପର୍ମିଟ୍ ଦେଇଥାନ୍ତି । 

ସମସ୍ତଙ୍କୁ ପଚାରନ୍ତୁ । ଜଣେ ଷ୍ଟ୍ରକ୍ଚରାଲ୍ ଇଞ୍ଜିନିୟରଙ୍କ ବିଶେଷଜ୍ଞତା ବିଷୟରେ ତାଙ୍କର ପୂର୍ବବର୍ତ୍ତୀ ଗ୍ରାହକମାନଙ୍କର ପ୍ରତିକ୍ରିୟା ସବୁକିଛି କହିଦେଇଥାଏ । ପରିବାର, ସାଙ୍ଗସାଥୀ ଏବଂ ଜ୍ଞାତି ପରିଜନ ଭଳି ନିଜର ଭରସାଯୋଗ୍ୟ ଲୋକମାନଙ୍କର ସୁପାରିସ ଉପରେ ଧ୍ୟାନ ଦେବା ବୁଦ୍ଧିମତାର ପରିଚୟ ଅଟେ ।

ତାଙ୍କ ଅଭିଜ୍ଞତା ବିଷୟରେ ଖୋଲତାଡ଼ କରନ୍ତୁ । ଆପଣ ତାଙ୍କର ଅତୀତର ପ୍ରକଳ୍ପଗୁଡ଼ିକ ଉପରେ ନଜର ପକାଇ ଏହା କରିପାରିବେ ।

ସେ ଆଶାନୁରୂପ କାମ କରିଥିଲେ କି?

ସେ ସମୟୋଚିତ ଭାବେ ଓ ବଜେଟ ମଧ୍ୟରେ କାମ ସମାପ୍ତ କରିଥିଲେ କି?

ଆପଣ ସଂରଚନାତ୍ମକ ଭାବେ ଏକ ସୁରକ୍ଷିତ ଓ ଦୀର୍ଘସ୍ଥାୟୀ ଘର ତିଆରି କରୁଛନ୍ତି - ଏହି ମାନସିକ ଶାନ୍ତିରୁ ବଡ଼ କିଛି ନାହିଁ । ତେଣୁ, ଆଗକୁ ବଢ଼ନ୍ତୁ ଏବଂ ଏହି ବିନ୍ଦୁଗୁଡ଼ିକ ସହାୟତାରେ ଜଣେ ସଠିକ୍ ଷ୍ଟ୍ରକ୍ଚରାଲ୍ ଇଞ୍ଜିନିୟରଙ୍କୁ ନିୟୋଜିତ କରନ୍ତୁ ।

ଏପରି ଅଧିକ ଟିପ୍‌ସ ପାଇଁ, ଅଲଟ୍ରାଟେକ୍ ସିମେଣ୍ଟର #BaatGharKi କୁ ଅନୁସରଣ କରିବା ଜାରି ରଖନ୍ତୁ