ଆପଣଙ୍କ ଠିକାଦାରଙ୍କ ସହିତ ରାଜିନାମା ସ୍ୱାକ୍ଷର କରିବାର ଗୁରୁତ୍ୱ
ମାର୍ଚ୍ଚ 25, 2019
ନିଜ ଠିକାଦାରଙ୍କଠାରୁ ଉତ୍ତରଦାୟିତାକୁ ସୁନିଶ୍ଚିତ କରିବାର ସର୍ବୋତ୍ତମ ଉପାୟ ହେଉଛି ତାଙ୍କ ସହିତ ଏକ ରାଜିନାମା ସ୍ୱାକ୍ଷରିତ କରିବା । ଠିକାଦାର ତାଙ୍କ ସମୟରେଖାକୁ ଅନୁସରଣ କଲେ ଓ ସମୟୋଚିତ ଢଙ୍ଗରେ ନିଜର ଦାୟିତ୍ୱକୁ ସମ୍ପନ୍ନ କଲେ, ଆପଣ ନିଜର ବଜେଟ୍ ମଧ୍ୟରେ ରହିଥାନ୍ତି । ଅଧିକନ୍ତୁ, ରାଜିନାମାରେ ସ୍ୱାକ୍ଷର ଦ୍ୱାରା ଭବିଷ୍ୟତର ବିବାଦଗୁଡ଼ିକୁ ଏଡ଼ାଇବାରେ ମଧ୍ୟ ସହାୟତା ମିଳିପାରିବ ।
ରାଜିନାମା କାଗଜପତ୍ର ପ୍ରସ୍ତୁତ କରିବା ପୂର୍ବରୁ, ନିଜର ଘର ତିଆରି କରିଥିବା ଆପଣଙ୍କର ସମ୍ପର୍କୀୟ, ପରିଜନ ଏବଂ ପଡ଼ୋଶୀମାନଙ୍କ ସହିତ କଥା ହୁଅନ୍ତୁ । ଠିକାଦାରଙ୍କ ସହିତ ଭବିଷ୍ୟତରେ ଉପୁଜିବାର ସମ୍ଭାବନା ଥିବା ପ୍ରସଙ୍ଗଗୁଡ଼ିକ ବିଷୟରେ ସେମାନେ ସେମାନଙ୍କର ଅଭିଜ୍ଞତାରୁ ଆପଣଙ୍କୁ ଉପଦେଶ ଦେଇପାରିବେ । ରାଜିନାମାରେ ଯେପରି ନିମ୍ନଲିଖିତ ଅନ୍ତର୍ଭୁକ୍ତ ହୁଏ ଏହା ସୁନିଶ୍ଚିତ କରନ୍ତୁ:
• ସେବାର ମୂଲ୍ୟ ଅର୍ଥାତ୍ ଠିକାଦାରଙ୍କ ପାଉଣା ଏବଂ ମଜୁରି ଖର୍ଚ୍ଚ
• ଶ୍ରମିକ ନିୟୋଜନ ଏବଂ ସମୟରେଖା
• ନିର୍ମାଣ ସମ୍ପୂର୍ଣ୍ଣ ହେବାର ତାରିଖ
• ଅପ୍ରତ୍ୟାଶିତ ଆବଶ୍ୟକତାଗୁଡ଼ିକ ପାଇଁ ଆପାତକାଳୀନ ପାଣ୍ଠି
ସମ୍ଭବ ହୋଇଥିଲେ ଜଣେ ଆଇନ ବିଶେଷଜ୍ଞଠାରୁ ଦସ୍ତାବିଜକୁ ଯାଞ୍ଚ କରାଇବା ପରେ ହିଁ ସେଥିରେ ଦସ୍ତଖତ କରନ୍ତୁ । ଉଭୟ ଠିକାଦାର ଓ ଆପଣ ଦସ୍ତଖତ କରିବା ପରେ, ଦୟାକରି ରାଜିନାମାକୁ ନୋଟାରାଇଜ୍ କରାଇନିଅନ୍ତୁ ।
ସମ୍ପର୍କ କରନ୍ତୁ |
ତୁମର ପ୍ରଶ୍ନର ଉତ୍ତର ପାଅ |
