ସମ୍ପର୍କ କରନ୍ତୁ |
ତୁମର ପ୍ରଶ୍ନର ଉତ୍ତର ପାଅ |
ବାହ୍ୟ କାନ୍ଥଗୁଡ଼ିକ ପାଇଁ ରଙ୍ଗ କିପରି ବାଛିବେ?
ନିଜ ଘରର ବାହ୍ୟ ରଙ୍ଗକୁ ନେଇ ଯଦି ଆପଣଙ୍କ ମନରେ ସନ୍ଦେହ କିମ୍ବା ପ୍ରଶ୍ନ ରହିଛି, ତେବେ ଘର ପାଇଁ ବାହ୍ୟ ରଙ୍ଗ ଚୟନ କରିବାର କାର୍ଯ୍ୟକୁ ଏହି ଆଲେଖ୍ୟ ସହଜ ଓ ଦ୍ରୁତତର କରିବ ।
ଘର ଭିତରକୁ ଆସୁଥିବା ଲୋକଙ୍କ ମନରେ ଏକ ଦୀର୍ଘସ୍ଥାୟୀ ଛାପ ସୃଷ୍ଟି କରିବା ପାଇଁ ଆମେ ପ୍ରାୟତଃ ଘରର ଭିତର ବା ଅଭ୍ୟନ୍ତର ରଙ୍ଗ ଉପରେ ବିଶେଷ ଧ୍ୟାନ କେନ୍ଦ୍ରିତ କରିଥାଉ, କିନ୍ତୁ ଉଭୟ ଆମ ଘର ଓ ଆମ ବ୍ୟକ୍ତିତ୍ୱର ପ୍ରଥମ ଛାପ ସୃଷ୍ଟି କରିବାରେ ଘରର ବାହ୍ୟ ରୂପ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥାଏ ଏହା ଆମେ ଭୁଲିଯାଇଥାଉ । ବାହ୍ୟ କାନ୍ଥଗୁଡ଼ିକ ପାଇଁ ରଙ୍ଗ ଚୟନ କରିବା ଏକ ମନକୁ ଆନ୍ଦୋଳିତ ତଥା ଭାବବିହ୍ୱଳିତ କରୁଥିବା ଅନୁଭୂତି ଅଟେ, କାରଣ ଭୁଲ୍ ରଙ୍ଗ ଚୟନ କଲେ, ଘରର ବାହ୍ୟ ରୂପ ମାନ୍ଦା ଓ ଅରୁଚିକର ହୋଇଯାଇପାରେ । ଅନ୍ୟପଟେ, ବାହ୍ୟ କାନ୍ଥଗୁଡ଼ିକ ପାଇଁ ବୋଲ୍ଡ ରଙ୍ଗ ଚୟନ କଲେ ତାହା ଅତି ଲୋକଦେଖାଣିଆ ହୋଇପାରେ, ସ୍ଥାପତ୍ୟଗତ କାର୍ଯ୍ୟକୁ ଅସୁନ୍ଦର କରିପାରେ ଓ ସମ୍ପୃକ୍ତ ଅଞ୍ଚଳର ସ୍ଥାପତ୍ୟଗତ କାର୍ଯ୍ୟ ଓ ଡିଜାଇନକୁ ବିକୃତ କରିପାରେ । କିନ୍ତୁ ନିଜ ଘର ପାଇଁ ଆପଣ ବାହ୍ୟ ପେଣ୍ଟ୍ ରଙ୍ଗ ଚୟନ କରିବା ଜାଣିଥିଲେ ଓ ସର୍ବୋତ୍ତମ ବାହ୍ୟ ପେଣ୍ଟ୍ କମ୍ବିନେଶନ୍ ବାଛିପାରିଲେ, ଆପଣଙ୍କ ଘରର ବାହ୍ୟ ରୂପ ମଧ୍ୟ ଆପଣଙ୍କ ଘରର ଶୋଭା ବଢ଼ାଇପାରିବ ।
ବାହ୍ୟ କାନ୍ଥଗୁଡ଼ିକ ପାଇଁ ରଙ୍ଗ ବାଛିବା ପାଇଁ ଟିପ୍ସ
ନିଜ ଘର ପାଇଁ ରଙ୍ଗ ଚୟନ କରିବା ଆପଣଙ୍କ ଗୃହନିର୍ମାଣ ଯାତ୍ରାର ଏକ ରୋମାଞ୍ଚକର ସୋପାନ ହୋଇଥାଏ । ଆପଣ ବାଛିଥିବା ରଙ୍ଗଗୁଡ଼ିକ ଆପଣଙ୍କ ଘରର ରୂପ ଓ ସୌନ୍ଦର୍ଯ୍ୟକୁ ନିର୍ଦ୍ଧାରଣ କରିଥାଏ । ବାହ୍ୟ ଘର ପେଣ୍ଟ୍ର ରଙ୍ଗର ପସନ୍ଦ ଏବଂ ଦୃଷ୍ଟିକୋଣକୁ ଅନେକ କାରକଗୁଡ଼ିକ ପ୍ରଭାବିତ କରିଥାନ୍ତି । ତେଣୁ, ଠିକ୍ ରଙ୍ଗ ପାଇବା ପାଇଁ ଆମେ ଆପଣଙ୍କ ଧ୍ୟାନରେ ରଖିବା ପାଇଁ କେତୋଟି ଟିପ୍ସ ଉପସ୍ଥାପନ କରୁଛୁ :
- 1. କମ୍ବିନେଶନ୍ : କମ୍ ହିଁ ବେଶୀ
ଏହା ମନେରଖିବା ମହତ୍ତ୍ୱପୂର୍ଣ୍ଣ ଯେ, ଅତ୍ୟଧିକ ସଂଖ୍ୟକ ରଙ୍ଗ ଘରକୁ ଅବ୍ୟବସ୍ଥିତ ରୂପ ଦେଇପାରେ । ତେଣୁ ଏହାକୁ ସରଳ ରଖନ୍ତୁ ଏବଂ ଘରର ବାହ୍ୟ କାନ୍ଥ ପାଇଁ ଗୋଟିଏ କିମ୍ବା ଅତି ବେଶୀରେ ଦୁଇଟି ରଙ୍ଗ ବାଛନ୍ତୁ । ଯଦି ଗୋଟିଏ ରଙ୍ଗ ଆପଣଙ୍କୁ ନିରସ ମନେ ହେଉଥାଏ, ତେବେ ଆପଣ ସମାନ ରଙ୍ଗର ଭିନ୍ନ ଭିନ୍ନ ଗାଢ଼ତା ବା ଶେଡ୍ ମଧ୍ୟ ବ୍ୟବହାର କରିପାରନ୍ତି ।
- 2. ରଙ୍ଗର ପସନ୍ଦ :
ରଙ୍ଗ ପସନ୍ଦ କରିବାର କଥା ଆସିଲେ, ଆପଣ ଅନେକଗୁଡ଼ିକ ବିକଳ୍ପଗୁଡ଼ିକୁ ପରଖିବା ଜରୁରୀ ଅଟେ । ପ୍ରେରଣା ଓ ରେଫରେନ୍ସର ସନ୍ଧାନରେ ରୁହନ୍ତୁ, ଯେଉଁ ବଛା ବଛା ରଙ୍ଗ ଆପଣଙ୍କ ମନକୁ ପାଇବ ତାହାକୁ ନେଇ କମ୍ବିନେଶନ୍ ନିର୍ଦ୍ଧାରଣ କରନ୍ତୁ । କଳା ଏବଂ ସହଜରେ ଧୂଳି ଜମାଟ ବାନ୍ଧୁଥିବା ଗାଢ଼ ରଙ୍ଗରୁ ଦୂରେଇ ରୁହନ୍ତୁ ।
- 3. ଆଲୋକକୁ ଧ୍ୟାନରେ ରଖନ୍ତୁ :
ଶେଡ୍ କାର୍ଡରେ ଆପଣ ପସନ୍ଦ କରିଥିବା ରଙ୍ଗ ଓ ଶେଡ୍ ଆପଣଙ୍କ ଘରର ବାହ୍ୟ କାନ୍ଥରେ ଲାଗିବା ପରେ ବହୁତ ଭିନ୍ନ ଦେଖାଯାଇପାରେ, ଏହା ସମ୍ପୃକ୍ତ କାନ୍ଥ ଉପରେ ପଡ଼ୁଥିବା ଆଲୋକର କ୍ୱାଲିଟି ଓ ପ୍ରକାର ଉପରେ ନିର୍ଭର କରିଥାଏ । ବାହାର କାନ୍ଥଟି ରଙ୍ଗ ହେଲା ପରେ କେମିତି ଦେଖାଯିବ ତାହାର ଧାରଣା ପାଇବା ପାଇଁ ପ୍ରଥମେ କାନ୍ଥରେ କେତୋଟି ରଙ୍ଗ ଓ ଶେଡ୍ ନମୁନା ଭାବେ ଲଗାଇ ଦେଖିନେବା ସବୁଠାରୁ ଭଲ ।
- 4. ପରିପାର୍ଶ୍ୱ ମହତ୍ତ୍ୱ ରଖିଥାଏ :
ଆପଣଙ୍କ ବାହ୍ୟ ଘର ରଙ୍ଗ ଚୟନ କରିବା ସମୟରେ ଆପଣଙ୍କ ଘରର ଅବସ୍ଥିତି ଓ ତା’ ଚାରିପାଖରେ କ’ଣ ଅଛି ତାହାକୁ ବିଚାରକୁ ନିଆଯିବା ଉଚିତ୍ । ଯଦିଓ ଆପଣଙ୍କ ଘର ସମସ୍ତଙ୍କଠାରୁ ଭିନ୍ନ ଦେଖାଯାଉ ଏହା ଆପଣ ଚାହିଁଥାନ୍ତି, କିନ୍ତୁ ଏପରି ଭାବେ ରଙ୍ଗ ବାଛିବା ସୁନିଶ୍ଚିତ କରନ୍ତୁ ଯେପରି ତାହା ଆପଣଙ୍କ ଘରର ପରିପାର୍ଶ୍ୱର ମାହୋଲ ଓ ଜଳବାୟୁ ତଥା ପୃଷ୍ଠପଟ ସହିତ ଖାପ ଖାଉଥିବ ।
- 5. ପେଣ୍ଟ୍ରୁ ଆଗକୁ ବଢ଼ିବାର ଚିନ୍ତା କରନ୍ତୁ :
କେବଳ କବାଟ ଝରକା ବଦଳରେ ଆପଣଙ୍କ ଘରର ବାହ୍ୟ ଅଂଶକୁ ଫର୍ନିଶିଂ, କଳାକୃତି ଏବଂ ବୃକ୍ଷଲତା ସହିତ ଜୀବନ୍ତ କରାଯାଇପାରିବ । ସାମଗ୍ରୀ ଓ ଆଲୋକମାଳାକୁ ଉପଯୁକ୍ତ ଭାବରେ ବାଛନ୍ତୁ, ଯାହାଫଳରେ ଏହା ଆପଣଙ୍କ ବାହ୍ୟ ରଙ୍ଗ ସହିତ ଖାପ ଖାଇପାରିବ । ଟ୍ରିମ୍ ଓ ଆକ୍ସେଣ୍ଟ ରଙ୍ଗ ପାଇଁ ଏକ ଭଲ ରଙ୍ଗ କମ୍ବିନେଶନ୍ ବାଛନ୍ତୁ ।
- 6. ସ୍ଥାୟିତ୍ୱ :
ଆପଣଙ୍କ ଘରର ବାହ୍ୟ ରଙ୍ଗର ରକ୍ଷଣାବେକ୍ଷଣ ମଧ୍ୟ ସମାନ ରୂପେ ଗୁରୁତ୍ୱପୂର୍ଣ୍ଣ ଅଟେ । ରଙ୍ଗ ନିର୍ବିଶେଷରେ, ପେଣ୍ଟ୍ ବାଛିବା ସମୟରେ, ଦୀର୍ଘସ୍ଥାୟୀ ଓ କମ୍ ରକ୍ଷଣାବେକ୍ଷଣ ଆବଶ୍ୟକ କରୁଥିବା ପେଣ୍ଟ୍ ବାଛିବା ସୁନିଶ୍ଚିତ କରନ୍ତୁ । ସାଧାରଣତଃ, ‘‘ସାଟିନ୍’’ ଏବଂ ‘‘ଏଗଶେଲ୍’’ ପେଣ୍ଟ୍ ଭଲ ସ୍ଥାୟିତ୍ୱ ଦେଇଥାଏ ଓ ତାହାକୁ ସଫା କରିବା ସହଜ ହୋଇଥାଏ । ତାହା ଆପଣଙ୍କ ଘରର ରଙ୍ଗକୁ ଭଲ ଫିନିଶ୍ ମଧ୍ୟ ଦେଇଥାଏ ।
- 7. ଥିମ୍ :
ନିଜ ଘର ପାଇଁ ବାହ୍ୟ ପେଣ୍ଟ୍ ରଙ୍ଗ ଚୟନ କରିବାର ମାନସିକ ଗୋଳମାଳରୁ ରକ୍ଷା ପାଇବା ପାଇଁ, ପ୍ରଥମେ ଏକ ଥିମ୍ ସ୍ଥିର କରିବାର କାମ କରନ୍ତୁ । ବାହାର ପାଇଁ ଘର ରଙ୍ଗ ନିମନ୍ତେ ଏକ ଥିମ୍ ସ୍ଥିର କରିବା ଦ୍ୱାରା ଆପଣଙ୍କୁ କେବଳ ଯେ ବାହ୍ୟ କାନ୍ଥ ପାଇଁ ସଠିକ୍ ରଙ୍ଗ ଚୟନ କରିବାରେ ସାହାଯ୍ୟ ମିଳିବ ତାହା ନୁହେଁ, ବରଂ ଏହାଦ୍ୱାରା ଆପଣଙ୍କ ଘରର ରୂପ ଓ ସୌନ୍ଦର୍ଯ୍ୟ ମଧ୍ୟ ବୃଦ୍ଧି ପାଇବ ।
- 8. ଋତୁ :
ବାହ୍ୟ କାନ୍ଥଗୁଡ଼ିକୁ ରଙ୍ଗ କରିବା ଏକ କ୍ଳାନ୍ତିପୂର୍ଣ୍ଣ କାର୍ଯ୍ୟ ଅଟେ, କିନ୍ତୁ ସଠିକ୍ ଋତୁରେ ଏହି କାମ କରାଗଲେ ତାହା ସହଜ ହୋଇଯାଏ । ଗ୍ରୀଷ୍ମଋତୁରେ ରଙ୍ଗ କରାଗଲେ ବାହ୍ୟ ରଙ୍ଗର ଜୀବନକାଳ ବୃଦ୍ଧି ପାଇଥାଏ । ଗ୍ରୀଷ୍ମଋତୁରେ ରଙ୍ଗ ଉପଯୁକ୍ତ ଢଙ୍ଗରେ ଓ ସଠିକ୍ ତାପମାତ୍ରାରେ ଶୁଖିପାରିଥାଏ । ଶୀତଋତୁ କିମ୍ବା ମୌସୁମୀ ସମୟରେ ବାହ୍ୟ କାନ୍ଥକୁ ରଙ୍ଗ କଲେ, ଆପଣଙ୍କୁ ଏହି ବାହ୍ୟ କାନ୍ଥଗୁଡ଼ିକୁ ରଙ୍ଗ କରିବାର ପ୍ରକ୍ରିୟା ବାରମ୍ବାର ଦୋହରାଇବାକୁ ପଡ଼ିପାରେ ।
- 9. ପରୀକ୍ଷା :
ନିଜ ଘରର ବାହ୍ୟ କାନ୍ଥ ପାଇଁ ସଠିକ୍ ରଙ୍ଗର ପେଣ୍ଟ୍ର କେତୋଟି ବିକଳ୍ପ ବାଛିବା ପରେ, ତାହାର ନମୁନା ଆଣନ୍ତୁ ଓ ବାହ୍ୟ କାନ୍ଥଗୁଡ଼ିକରେ ତାହାକୁ ଲଗାନ୍ତୁ । ଦିନର ଭିନ୍ନ ଭିନ୍ନ ସମୟରେ ସେହି ନମୁନାଗୁଡ଼ିକୁ ଦେଖନ୍ତୁ । ଏହି ନମୁନା ରଙ୍ଗଗୁଡ଼ିକୁ ଖରାରେ ଓ ଛାଇରେ ଦେଖନ୍ତୁ; ଏହାଦ୍ୱାରା ଆପଣଙ୍କ ବାହ୍ୟ କାନ୍ଥ ପାଇଁ ସଠିକ୍ ରଙ୍ଗ ବାଛିବାରେ ସହାୟତା ମିଳିବ । ଆପଣଙ୍କ ଘର ପାଇଁ କେଉଁ ବାହ୍ୟ ରଙ୍ଗ ସର୍ବୋତ୍ତମ ଏଇ କଥାକୁ ନେଇ ଯଦି ଆପଣ ତଥାପି ସନ୍ଦେହରେ ରୁହନ୍ତି, ତେବେ ଆପଣ ଜଣେ ପେସାଦାର ଡିଜାଇନରଙ୍କ ସହାୟତା ନେଇପାରନ୍ତି କିମ୍ବା କୌଣସି ବନ୍ଧୁଙ୍କ ସହାୟତା ଲୋଡ଼ିପାରନ୍ତି ।
ବିଶେଷଜ୍ଞଙ୍କ ସହାୟତା ନିଅନ୍ତୁ
ଏକ ତ୍ରୁଟିମୁକ୍ତ ପେଣ୍ଟିଂ ଅନୁଭୂତି ପାଇଁ ସହାୟତା ଏବଂ ମାର୍ଗଦର୍ଶନ ନିମନ୍ତେ ଅଲଟ୍ରାଟେକ୍ର ବିଲଡିଂ କଣ୍ଟ୍ରାକ୍ଟରଙ୍କ ସହ ସମ୍ପର୍କ କରନ୍ତୁ ।
ଏହି ଗାଇଡ୍ ସାହାଯ୍ୟରେ ଆପଣ ନିଜ ଘରର ବାହ୍ୟ ରୂପକୁ ସୁନ୍ଦର କରିପାରିବେ, ହେଲେ ଅଭ୍ୟନ୍ତର ଅଂଶ ପାଇଁ କ’ଣ କରିବେ? ନିଜ ଇଣ୍ଟେରିୟର୍ ବା ଅଭ୍ୟନ୍ତରକୁ ନିଆରା ରୂପ ଦେବା ପାଇଁ, ଆପଣ ବିଭିନ୍ନ ୱାଲ୍ ଫିନିଶ୍ ସହ ପରୀକ୍ଷା ନିରୀକ୍ଷା କରି ଦେଖିନେବା ଜରୁରୀ । ଅଧିକ ଜାଣିବା ପାଇଁ ବ୍ଲଗ୍ - ଏକ ସୁନ୍ଦର ଇଣ୍ଟେରିୟର୍ ପାଇଁ ୱାଲ୍ ଫିନିଶିଂର ପ୍ରକାରଭେଦ - ପଢ଼ନ୍ତୁ ।
ଗୃହ ନିର୍ମାଣ ପାଇଁ ସାଧନ
