ଫାଉଣ୍ଡେଶନ୍ ବିଛାଇବା ସମୟରେ ତଦାରଖ କାହିଁକି ଜରୁରୀ ହୋଇଥାଏ

ମାର୍ଚ୍ଚ 25, 2019

ମଜବୁତ ଘରର ରହସ୍ୟ ହେଉଛି ମଜବୁତ ଫାଉଣ୍ଡେଶନ୍ । ତେଣୁ, ଫାଉଣ୍ଡେଶନ୍ ବିଛାଯିବାର ତତ୍ତ୍ୱାବଧାନ ସମୟରେ ଆପଣଙ୍କୁ ସତର୍କ ରହିବା ଜରୁରୀ ଅଟେ । ଅଭ୍ୟନ୍ତର କାର୍ଯ୍ୟ ବିପରୀତ, ଫାଉଣ୍ଡେଶନ୍ ଥରେ ବିଛାହୋଇଗଲେ, ତାହାକୁ ବଦଳାଯାଇପାରିବ ନାହିଁ ।

ଆପଣଙ୍କ ଘରର ଫାଉଣ୍ଡେଶନ୍ ଆପଣଙ୍କ ପ୍ଲଟ୍ ର ମାଟି (ଟାଣ କିମ୍ବା ନରମ) ଏବଂ ଘରର ଉଚ୍ଚତା ଉପରେ ନିର୍ଭର କରିଥାଏ । ଏହାକୁ ଭଲ ଭାବେ ବୁଝିବା ପାଇଁ, ଆପଣ ନିଜ ଆର୍କିଟେକ୍ଟଙ୍କ ସହିତ ପରାମର୍ଶ କରିବା ଉଚିତ୍ ।

ସର୍ବପ୍ରଥମେ, ପ୍ଲଟ୍ ରୁ ସମସ୍ତ ବୁଦା ଓ ଅନାବନା ଗଛଗୁଡ଼ିକୁ ହଟାଯିବା ଆବଶ୍ୟକ । କାନ୍ଥ, ସ୍ତମ୍ଭ ବା ପିଲାର୍ ପାଇଁ ଫାଉଣ୍ଡେଶନ୍ ମାର୍କିଂ ସେଗୁଡ଼ିକର ଭାର ବହନ କ୍ଷମତା ବୃଦ୍ଧି ଲାଗି ଉପଯୁକ୍ତ ବ୍ୟବଧାନରେ କରାଯିବା ଆବଶ୍ୟକ । ଖନନ ପରେ, ଠିକାଦାରଙ୍କୁ କୌଣସି ଫମ୍ପା ସ୍ଥାନ ଅଛି ନାହିଁ ଯାଞ୍ଚ କରିନେବା ପାଇଁ କୁହନ୍ତୁ ଓ ତାହା ଥିବା କ୍ଷେତ୍ରରେ ସେଗୁଡ଼ିକୁ କଂକ୍ରିଟ୍ ରେ ଭରିଦିଅନ୍ତୁ ।

ସ୍ତମ୍ଭଗୁଡ଼ିକର ସଳଖତା (ଆଲାଇନମେଣ୍ଟ)କୁ ସୁନିଶ୍ଚିତ କରନ୍ତୁ । ଏହି ସ୍ତମ୍ଭ ବା ପିଲାର୍ ଗୁଡ଼ିକର ନିର୍ମାଣ ପରେ, ପୁଣିଥରେ ଫମ୍ପା ସ୍ଥାନଗୁଡ଼ିକ ପାଇଁ ଯାଞ୍ଚ କରନ୍ତୁ । ଫାଉଣ୍ଡେଶନ୍ ରେ ସାତରୁ ଚଉଦ ଦିନ ପର୍ଯ୍ୟନ୍ତ କିଓରିଂକୁ ସୁନିଶ୍ଚିତ କରନ୍ତୁ ।

ଖନନ ପରେ ଏବଂ ଫାଉଣ୍ଡେଶନ୍ ସମ୍ପୂର୍ଣ୍ଣ ହେଲା ପରେ ଉଇ ନିରୋଧୀ ଉପଚାର କରାଯାଇପାରିବ ।