ସମ୍ପର୍କ କରନ୍ତୁ |
ତୁମର ପ୍ରଶ୍ନର ଉତ୍ତର ପାଅ |
ଏକ ବାସ୍ତୁ ଅନୁକୂଳ ରୋଷେଇଘର ଡିଜାଇନ୍ ପାଇଁ ସହଜ ଟିପ୍ସ
ରୋଷେଇଘର ହେଉଛି ଏପରି ଏକ ସ୍ଥାନ ଯେଉଁଠି ପ୍ରକୃତିର 5ଟି ଉପାଦାନ ମଧ୍ୟରୁ ଗୋଟିଏ - ଅଗ୍ନିର ବାସ ହୋଇଥାଏ । ଏହି ଉପାଦାନର ଭରପୂର ଲାଭ ଉଠାଇବା ପାଇଁ ବାସ୍ତୁ ଅନୁଯାୟୀ ରୋଷେଇଘରର ସ୍ଥାପନା ଗୁରୁତ୍ୱପୂର୍ଣ୍ଣ ଅଟେ, ଅନ୍ୟଥା, ରୋଷେଇଘରେ ଦୁର୍ଘଟଣାର ପ୍ରବଣତା ବୃଦ୍ଧି ପାଇପାରେ ।
ବାସ୍ତୁ ଅନୁଯାୟୀ ରୋଷେଇଘର ନିର୍ମାଣର ମହତ୍ତ୍ୱ
ପୂଜା କକ୍ଷ ପରେ ରୋଷେଇଘରକୁ ଘରର ସବୁଠାରୁ ପବିତ୍ର କକ୍ଷ ଭାବେ ବିବେଚନା କରାଯାଏ, କାରଣ ଏଠାରେ ପୋଷଣ ଓ ଭୋଜନର ଦେବୀ ମା’ ଅନ୍ନପୂର୍ଣ୍ଣାଙ୍କ ବାସ ହୋଇଥାଏ । ରୋଷେଇଘରେ ଆମେ ଆମର ଦୈନନ୍ଦିତ ଭୋଜନ ପ୍ରସ୍ତୁତ କରିଥାଉ, ସେହି ଭୋଜନ ଆମକୁ ଆମର ଦୈନନ୍ଦିନ କାର୍ଯ୍ୟ ସମ୍ପନ୍ନ କରିବାର ଶକ୍ତି ଦେଇଥାଏ, କ୍ଷୁଧାର ମୌଳିକ ଆବଶ୍ୟକତାକୁ ପୂର୍ତ୍ତି କରିଥାଏ ଏବଂ ଆମକୁ ସୁସ୍ଥସବଳ ରଖିଥାଏ ।
ବାସ୍ତୁ ଅନୁଯାୟୀ ଉପଯୁକ୍ତ ରୋଷେଇଘରର ସ୍ଥାପନା ଏକ ସକାରାତ୍ମକ ପରିବେଶ ସହିତ ସୁସ୍ଥ ଜୀବନକୁ ସୁନିଶ୍ଚିତ କରିବା ସହିତ ରୋଗଶୋକକୁ ଆକର୍ଷିତ କରୁଥିବା ନକାରାତ୍ମକ ଶକ୍ତିଗୁଡ଼ିକୁ ଦୂର କରିଥାଏ । ବାସ୍ତୁ ଅନୁସାରେ ତିଆରି ହୋଇ ନ ଥିବା ରୋଷେଇଘର ଆର୍ଥିକ ବୋଝ, ରୋଗ, ପାରିବାରିକ କଳହ ଆଦିକୁ ନିମନ୍ତ୍ରଣ କରିଥାଏ ।
ରୋଷେଇଘର ପାଇଁ ବାସ୍ତୁ ଉପଦେଶ ଓ ମାର୍ଗଦର୍ଶନ
ରୋଷେଇଘରର ଅବସ୍ଥିତି :
ରୋଷେଇଘରର ଅବସ୍ଥିତି :
- ରୋଷେଇଘର ପାଇଁ ବାସ୍ତୁ ଉପଦେଶ ଅନୁସାରେ, ଘରର ଦକ୍ଷିଣପୂର୍ବ ଦିଗ ଅଗ୍ନି ଉପାଦାନର କ୍ଷେତ୍ର ଅଟେ, ତେଣୁ ରୋଷେଇଘର ପାଇଁ ତାହା ହିଁ ପ୍ରକୃଷ୍ଟ ସ୍ଥାନ ଅଟେ ।
- ରୋଷେଇଘର ପାଇଁ ଆଦର୍ଶ ବାସ୍ତୁସମ୍ମତ ଦିଗ ହେଉଛି ଉତ୍ତରପଶ୍ଚିମ ଦିଗ ।
- ଉତ୍ତର, ଉତ୍ତରପୂର୍ବ ଏବଂ ଦକ୍ଷିଣପଶ୍ଚିମ ଦିଗରେ ରୋଷେଇଘର ତିଆରି କରାଯିବା ଉଚିତ୍ ନୁହେଁ କାରଣ ବାସ୍ତୁ ଅନୁସାରେ ଏହି ଦିଗଗୁଡ଼ିକ ରୋଷେଇଘର ପାଇଁ ଶୁଭ ହୋଇ ନ ଥାଏ ।
- ଶୌଚାଳୟ ଏବଂ ରୋଷେଇଘରକୁ ପରସ୍ପର ପାର୍ଶ୍ୱରେ ତିଆରି କରନ୍ତୁ ନାହିଁ; ଏହାକୁ ଏକ ବାସ୍ତୁ ଦୋଷ ଭାବେ ବିବେଚନା କରାଯାଇଥାଏ ।
ପ୍ରବେଶ ଦ୍ୱାର :
ପ୍ରବେଶ ଦ୍ୱାର :
ବାସ୍ତୁ ଅନୁସାରେ ରୋଷେଇଘରର ପ୍ରବେଶ ଦ୍ୱାର ପଶ୍ଚିମ କିମ୍ବା ଉତ୍ତର ଦିଗରେ ରହିବା ଉଚିତ୍ । ରୋଷେଇଘରର ପ୍ରବେଶ ଦ୍ୱାର ପାଇଁ ଏହି ଦିଗଗୁଡ଼ିକୁ ସବୁଠାରୁ ଶୁଭ ଦିଗ ଭାବେ ବିବେଚନା କରାଯାଇଥାଏ । ଯଦି ଏହି ଦୁଇ ଦିଗ ଉପଲବ୍ଧ ନ ଥାଏ, ତେବେ ଦକ୍ଷିଣ-ପୂର୍ବ ଦିଗକୁ ବ୍ୟବହାର କରାଯାଇପାରେ ।
ଗ୍ୟାସ୍ ଷ୍ଟୋଭ୍ :
ଗ୍ୟାସ୍ ଷ୍ଟୋଭ୍ :
- ରୋଷେଇଘର ପାଇଁ ବାସ୍ତୁ ଉପଦେଶ ଅନୁସାରେ ରୋଷେଇଘରର ଦକ୍ଷିଣପୂର୍ବ ଦିଗରେ ଗ୍ୟାସ୍ ଷ୍ଟୋଭ୍ ରଖାଯିବା ଉଚିତ୍ ।
- ଗ୍ୟାସ୍ ଷ୍ଟୋଭ୍ ଏପରି ଭାବେ ରଖାଯିବା ଆବଶ୍ୟକ ଯେପରି ରୋଷେଇ କରିବା ସମୟରେ ଆପଣଙ୍କ ମୁହଁ ପୂର୍ବ ଆଡ଼କୁ ରହିବ ।
କବାଟ ଓ ଝରକା :
କବାଟ ଓ ଝରକା :
- ରୋଷେଇଘରରେ ପ୍ରବେଶ ପାଇଁ କେବଳ ଗୋଟିଏ ଦିଗରେ ପ୍ରବେଶ ଦ୍ୱାର ରହିବା ଆଦର୍ଶ ଏବଂ ପରସ୍ପରର ବିପରୀତ ପାର୍ଶ୍ୱରେ ଦୁଇଟି କବାଟ କଦାପି ତିଆରି କରାଯିବା ଉଚିତ୍ ନୁହେଁ । ଯଦି ଦୁଇଟି କବାଟ ଥାଏ, ତେବେ ଉତ୍ତର କିମ୍ବା ପଶ୍ଚିମ ମୁହାଁ କବାଟକୁ ହିଁ କେବଳ ଖୋଲା ରଖାଯିବା ଆବଶ୍ୟକ ଏବଂ ତାହାର ବିପରୀତ ଦିଗରେ ରହିଥିବା କବାଟକୁ ସର୍ବଦା ବନ୍ଦ କରି ରଖାଯିବା ଉଚିତ୍ ।
- ସଠିକ୍ ବାସ୍ତୁ ଅନୁଯାୟୀ, ରୋଷେଇଘରେ ସୁଖ ଓ ସମୃଦ୍ଧିକୁ ନିମନ୍ତ୍ରଣ କରିବା ପାଇଁ ରୋଷେଇଘରର କବାଟ ଦକ୍ଷିଣବର୍ତ୍ତୀ ଦିଗରେ ଖୋଲିବା ଉଚିତ୍ । ବାମାବର୍ତ୍ତୀ ଦିଗରେ ଖୋଲୁଥିବା କବାଟ ପ୍ରଗତିକୁ ମନ୍ଥର କରିଥାଏ ଓ ସୁଫଳକୁ ବିଳମ୍ବିତ କରିଥାଏ ।
- ରୋଷେଇଘରେ ଝରକା ରହିବା ଅତ୍ୟନ୍ତ ଜରୁରୀ କାରଣ ଏହା ସକାରାତ୍ମକ ଶକ୍ତିର ପ୍ରବାହକୁ ସୁବିଧାଜନକ କରିବା ସଙ୍ଗେ ସଙ୍ଗେ ରୋଷେଇଘରେ ବାୟୁ ଚଳାଚଳ ତଥା ଆଲୋକକୁ ସୁଗମ କରିଥାଏ ।
- ରୋଷେଇଘରର ପୂର୍ବ କିମ୍ବା ଦକ୍ଷିଣ ପାର୍ଶ୍ୱରେ ଝରକା ରଖାଯିବା ଉଚିତ୍, ଯାହାଫଳରେ ସୂର୍ଯ୍ୟର କିରଣ ଏବଂ ପବନ ସହଜରେ ତାହା ମଧ୍ୟକୁ ପ୍ରବେଶ କରିପାରିବ ।
- ରୋଷେଇଘରେ ଦୁଇଟି ଝରକା ଥିଲେ, କ୍ରସ୍-ଭେଣ୍ଟିଲେଶନ୍ କୁ ସୁନିଶ୍ଚିତ କରିବା ପାଇଁ ଛୋଟ ଝରକାଟି ବଡ଼ ଝରକାର ବିପରୀତ ପାର୍ଶ୍ୱରେ ରହିବା ଉଚିତ୍ ।
- ଛୋଟ ଝରକାକୁ ଆଦର୍ଶ ଭାବେ ଦକ୍ଷିଣ ପାର୍ଶ୍ୱ କିମ୍ବା ବଡ଼ ଝରକାର ବିପରୀତ ପାର୍ଶ୍ୱରେ ତିଆରି କରାଯିବା ଉଚିତ୍ ।
କିଚେନ୍ ସ୍ଲାବ୍ :
କିଚେନ୍ ସ୍ଲାବ୍ :
- ବାସ୍ତୁଶାସ୍ତ୍ରର ସୁପାରିସ ଅନୁଯାୟୀ କିଚେନ୍ ସ୍ଲାବ୍ ଗ୍ରାନାଇଟ୍ ପରିବର୍ତ୍ତେ କଳା ମାର୍ବଲ କିମ୍ବା ପଥର ନିର୍ମିତ ହେବା ଉଚିତ୍ ।
- କିଚେନ୍ ସ୍ଲାବ୍ର ରଙ୍ଗ ମଧ୍ୟ ରୋଷେଇଘରର ଦିଗ ଉପରେ ନିର୍ଭର କରିଥାଏ ।
- ଯଦି ରୋଷେଇଘର ପୂର୍ବ ଦିଗରେ ରହିଥାଏ ତେବେ ଶାଗୁଆ କିମ୍ବା ମାଟିଆ ସ୍ଲାବ୍ ସର୍ବୋତ୍ତମ ।
- ରୋଷେଇଘରଟି ଉତ୍ତରପୂର୍ବରେ ରହିଥିଲେ, ହଳଦିଆ ସ୍ଲାବ୍ ଆଦର୍ଶ ହୋଇଥାଏ ।
- ଦକ୍ଷିଣ କିମ୍ବା ଦକ୍ଷିଣ ପୂର୍ବ ଦିଗରେ ଥିବା ରୋଷେଇଘର ପାଇଁ, ବାସ୍ତୁଶାସ୍ତ୍ରରେ ମାଟିଆ, ଗାଢ଼ ନାଲି କିମ୍ବା ଶାଗୁଆ ସ୍ଲାବ୍ର ସୁପାରିସ କରାଯାଇଛି ।
- ରୋଷେଇଘର ପଶ୍ଚିମରେ ରହିଥିଲେ, ଧୂସର କିମ୍ବା ହଳଦିଆ ସ୍ଲାବ୍ ଆଦର୍ଶ ଅଟେ ।
- ଉତ୍ତରପୂର୍ବ ଦିଗରେ ଥିବା ରୋଷେଇଘର ପାଇଁ, ସ୍ଲାବ୍ ଶାଗୁଆ ରଙ୍ଗର ହେବା ଉଚିତ୍, ହେଲେ ବାସ୍ତୁଶାସ୍ତ୍ରରେ ଉତ୍ତର ଦିଗରେ ରୋଷେଇଘର ରଖିବାକୁ ବାରଣ କରାଯାଇଛି ।
କିଚେନ୍ ସିଙ୍କ୍ :
କିଚେନ୍ ସିଙ୍କ୍ :
- ଆଦର୍ଶ ଭାବେ, କିଚେନ୍ ସିଙ୍କ୍ ଉତ୍ତର କିମ୍ବା ଉତ୍ତରପୂର୍ବ ଦିଗରେ ରଖାଯିବା ଉଚିତ୍ ।
- ନିଶ୍ଚିତ କରନ୍ତୁ ଯେପରି ସିଙ୍କ୍ଟି ଷ୍ଟୋଭ୍ର ସମାନ୍ତର ରେଖାରେ କିମ୍ବା ଷ୍ଟୋଭ୍ର ସମାନ ଦିଗରେ ରହୁ ନ ଥାଏ । ବାସ୍ତୁ ଅନୁଯାୟୀ, ଅଗ୍ନି ଓ ଜଳର ଉପାଦାନ ପରସ୍ପର ବିରୋଧୀ ହୋଇଥାନ୍ତି ଏବଂ ଦ୍ୱୟଙ୍କୁ ଏକାଠି ରଖାଗଲେ ନକାରାତ୍ମକ ପ୍ରଭାବ ପଡ଼ିପାରେ ।
- ସିଙ୍କ୍ ଓ ଷ୍ଟୋଭ୍ ଯଦି ଏକାଠି ନିର୍ମିତ ହୋଇଥାଏ, ତେବେ ବାସ୍ତୁ ଶାସ୍ତ୍ରର ଉପଦେଶ ଅନୁଯାୟୀ, କ୍ଷତିକାରକ ପ୍ରଭାବକୁ ଦୂର କରିବା ପାଇଁ, ମଝିରେ ଏକ ବୋନ୍ ଚାଇନାର ଫୁଲଦାନି ରଖାଯିବା ଉଚିତ୍ ।
ପାନୀୟ ଜଳ :
ପାନୀୟ ଜଳ :
- ରୋଷେଇଘର ପାଇଁ ଉଦ୍ଦିଷ୍ଟ ବାସ୍ତୁ ପରାମର୍ଶ ଅନୁସାରେ, ପିଇବା ପାଣି ପାଇଁ ଉଦ୍ଦିଷ୍ଟ ଉପକରଣ ଓ ବାସନକୁସନଗୁଡ଼ିକୁ ମଧ୍ୟ ରୋଷେଇଘର ମଧ୍ୟରେ ରଖାଯିବା ଉଚିତ୍ ।
- ବାସ୍ତୁ ଉପଦେଶ ଅନୁଯାୟୀ, ପାନୀୟ ଜଳର ଉତ୍ସକୁ ରଖିବା ପାଇଁ ଘରର ଉତ୍ତରପୂର୍ବ କିମ୍ବା ଉତ୍ତର କୋଣକୁ ସର୍ବଶ୍ରେଷ୍ଠ ବିବେଚନା କରାଯାଏ ।
- ଉତ୍ତର ଏବଂ ଉତ୍ତରପୂର୍ବ କୋଣ ଉପଲବ୍ଧ ହୋଇ ନ ଥିବା କ୍ଷେତ୍ରରେ ସେଗୁଡ଼ିକୁ ପୂର୍ବ କୋଣରେ ମଧ୍ୟ ରଖାଯାଇପାରେ ।
କିଚେନ୍ ଏପ୍ଲିଆନ୍ସେସ୍ :
କିଚେନ୍ ଏପ୍ଲିଆନ୍ସେସ୍ :
- ରୋଷେଇଘର ପାଇଁ ବାସ୍ତୁ ଉପଦେଶ ଅନୁଯାୟୀ, ରେଫ୍ରିଜରେଟରକୁ ରୋଷେଇଘରର ଦକ୍ଷିଣପଶ୍ଚିମ କୋଣ କିମ୍ବା ଅନ୍ୟ କୌଣସି କୋଣରେ ରଖନ୍ତୁ, କିନ୍ତୁ ତାହାକୁ କଦାପି ଉତ୍ତରପୂର୍ବ କୋଣରେ ରଖନ୍ତୁ ନାହିଁ ।
- ବାସ୍ତୁ ଅନୁସାରେ, ରୋଷେଇଘରଟି ଅବ୍ୟବସ୍ଥିତ ହୋଇ ରହିବା ଉଚିତ୍ ନୁହେଁ, ତେଣୁ ରୋଷେଇଘରର ଦକ୍ଷିଣ କିମ୍ବା ପଶ୍ଚିମ କୋଣରେ ଏକ କ୍ୟାବିନେଟ୍ ମଧ୍ୟରେ ସମସ୍ତ ବାସନକୁସନକୁ ବ୍ୟବସ୍ଥିତ ଢଙ୍ଗରେ ସଜାଇ ରଖନ୍ତୁ ।
- ରୋଷେଇଘରର ସମସ୍ତ ବୈଦ୍ୟୁତିକ ଉପକରଣଗୁଡ଼ିକ ଦକ୍ଷିଣ ପୂର୍ବ କୋଣରେ ରଖାଯିବା ଉଚିତ୍ ଏବଂ ଉତ୍ତରପୂର୍ବ କୋଣକୁ ଏଡ଼ାଯିବା ଉଚିତ୍, କାରଣ ଏହାଦ୍ୱାରା ଏପରି ଉପକରଣଗୁଡ଼ିକ ଅକାମୀ ହୋଇଯାଇଥାଏ ।
ରୋଷେଇଘରର ରଙ୍ଗ :
ରୋଷେଇଘରର ରଙ୍ଗ :
- ବାସ୍ତୁଶାସ୍ତ୍ର ରୋଷେଇଘର ପାଇଁ ହାଲୁକା ରଙ୍ଗର ସୁପାରିସ କରିଥାଏ ।
- ବାସ୍ତୁ ଅନୁସାରେ, ରୋଷେଇଘରେ ନାଲି, ହାଲୁକା ଗୋଲାପୀ, ଏବଂ ଶାଗୁଆ ରଙ୍ଗ ମଧ୍ୟ ବ୍ୟବହାର କରାଯାଇପାରେ ।
- ଗାଢ଼ ରଙ୍ଗ ବ୍ୟବହାର କରିବାରୁ ବିରତ ରୁହନ୍ତୁ କାରଣ ଏପରି ରଙ୍ଗ ରୋଷେଇଘରର ଓ ଏହାର ପରିବେଶକୁ ବିଷଣ୍ଣ କରିଥାଏ ।
ଏକ ବାସ୍ତୁ ଅନୁକୂଳ ରୋଷେଇଘର ତିଆରି କରିବା ଏବଂ ସକାରତ୍ମକ ଶକ୍ତିଗୁଡ଼ିକୁ ନିମନ୍ତ୍ରଣ କରିବା ଏବଂ ନିଜକୁ ତଥା ପରିବାରର ସମସ୍ତ ସଦସ୍ୟଙ୍କୁ ସୁସ୍ଥସବଳ ରଖିବା ପାଇଁ ଆପଣ ଉପରୋକ୍ତ ବାସ୍ତୁ ଉପଦେଶକୁ ଅନୁସରଣ କରିପାରନ୍ତି ।
ପୂଜା କକ୍ଷ ଘରର ଆଉ ଏକ ପବିତ୍ର ସ୍ଥାନ ଅଟେ ଏବଂ ଘରେ ଏକ ଶାନ୍ତ ପରିବେଶକୁ ସୁନିଶ୍ଚିତ କରିବା ପାଇଁ ଏହା ଆପଣଙ୍କର ଚରମ ଧ୍ୟାନ ଓ ଯତ୍ନ ଆବଶ୍ୟକ କରିଥାଏ । ପୂଜା କକ୍ଷ ପାଇଁ ବାସ୍ତୁ ସମ୍ପର୍କରେ ଅଧିକ ପଢ଼ନ୍ତୁ ।
ଗୃହ ନିର୍ମାଣ ପାଇଁ ସାଧନ
