First slide [800x400] First slide [800x400]

ଘର ୱାଟରପ୍ରୁଫିଂ ପାଇଁ ସୋପାନ-କ୍ରମିକ ମାର୍ଗଦର୍ଶିକା

ଆପଣଙ୍କ ଘର ଆପଣଙ୍କ ପରିବାର ପାଇଁ କେବଳ ଏକ ଆଶ୍ରୟସ୍ଥଳୀ ନୁହେଁ, ଏହା ତା’ଠାରୁ କାହିଁ କେତେ ଅଧିକ । ଏହା ଆପଣଙ୍କର ଏକ ସୁରକ୍ଷିତ ଠିକଣା ଅଟେ । ଏହା ଆପଣଙ୍କୁ ଆରାମ ଯୋଗାଇବା ସହିତ ଆପଣଙ୍କୁ ଖରା, ବର୍ଷା ଓ ଶୀତରୁ ନିରାପତ୍ତା ପ୍ରଦାନ କରିଥାଏ । ଏହି କାରଣ ପାଇଁ, ଆପଣ ଏପରି ଏକ ଘର ତିଆରି କରିବା ପାଇଁ ଅନେକ ସମୟ, ଟଙ୍କା ଓ ଶକ୍ତି ଖର୍ଚ୍ଚ କରନ୍ତି, ଯାହା ଭବିଷ୍ୟତ ପିଢ଼ି ପାଇଁ ବଜାୟ ରହିବ ।

ଆଉ ଏତେ ଯତ୍ନ ଓ ଧ୍ୟାନ ସହିତ ଗଢ଼ୁଥିବା ଆପଣଙ୍କ ଘର ଆର୍ଦ୍ରତା ଓ ସ୍ଲାବ୍ ଲିକ୍ କାରଣରୁ ବାଧାବିଘ୍ନର ସମ୍ମୁଖୀନ ନ ହେବା ଆବଶ୍ୟକ । କାରଣ ଏହା ଆପଣଙ୍କ ଘରର ସ୍ଥାୟିତ୍ୱ ଉପରେ ଗମ୍ଭୀର ପ୍ରଭାବ ପକାଇବା ସହିତ ତାହାର ମୋଟମୋଟି ସୁଦୃଢ଼ତା ପ୍ରତି ବିପଦ ସୃଷ୍ଟି କରିପାରେ ।
ଆର୍ଦ୍ରଦା କାହିଁକି ଘଟିଥାଏ?
ଆର୍ଦ୍ରଦା କାହିଁକି ଘଟିଥାଏ?

ଆର୍ଦ୍ରତା ବା ଡ୍ୟାମ୍ପନେସ୍ ଘଟିବା ପାଇଁ କୌଣସି ଗୋଟିଏ କାରଣକୁ ଦାୟୀ କରାଯାଇପାରିବ ନାହିଁ, କିନ୍ତୁ ସାବଧାନତାରେ ସାମାନ୍ୟ ଅବହେଳା ଏହାର କାରଣ ସାଜିପାରେ ଏବଂ ଆପଣଙ୍କ ଢାଞ୍ଚାର ସୁଦୃଢ଼ତା ପ୍ରତି ଗମ୍ଭୀର ବିପଦ ସୃଷ୍ଟି କରିପାରେ । ଆର୍ଦ୍ରତାର ପ୍ରମୁଖ କାରଣଗୁଡ଼ିକ ହେଲା:

1
ଦୁର୍ବଳ ବାୟୁ ଚଳାଚଳ (ଭେଣ୍ଟିଲେଶନ୍)
2
ଘରେ ଅପର୍ଯ୍ୟାପ୍ତ ଉତ୍ତାପ

3
କାନ୍ଥଗୁଡ଼ିକର ଦୁର୍ବଳ ଇନସୁଲେଶନ୍ 
4
ଜଳ ଉତ୍ସ, ଯେପରି ଓଦା କପଡ଼ା,
ଗଛ, ରୋଷେଇ କାର୍ଯ୍ୟ ଏବଂ ବାଥରୁମ୍ 
5
କାନ୍ଥ ଫାଟରୁ ବର୍ଷାଜଳ ପ୍ରବେଶ କରିବା, ଛାତ
ଓ ଝରକାରୁ ପାଣି ଗଳିବା
6
କାନ୍ଥ ଓ ଚଟାଣରୁ ପାଣି ଭେଦିବା,
ଯାହା ଉପରମୁହାଁ ଆର୍ଦ୍ରତା ନାମରେ ମଧ୍ୟ ଜଣାଶୁଣା
 
ସ୍ଲାବ୍ ଲିକ୍ କ’ଣ?

ଛାତର ଅନୁପଯୁକ୍ତ ଗଡ଼ାଣି କିମ୍ବା ଅବରୋଧିତ ବର୍ଷାଜଳ ନିଷ୍କାସନ ପାଇପ୍ କାରଣରୁ ଛାତ ସ୍ଲାବ୍ ଗୁଡ଼ିକରେ ପାଣି ଜମିଲେ ସ୍ଲାବ୍ ଲିକ୍ ଘଟିଥାଏ । ନିମ୍ନ ମାନର କଂକ୍ରିଟ୍ ଏହି ସମସ୍ୟାକୁ ଆହୁରି ସଙ୍ଗିନ କରିଥାଏ । ସମୟ ସହିତ, ଜମାଟ ବାନ୍ଧୁଥିବା ଏହି ପାଣି କଂକ୍ରିଟ୍ ମଧ୍ୟରେ ଭେଦିବାକୁ ଲାଗେ, ଓ ତାହା ମଧ୍ୟରେ ଥିବା ଷ୍ଟିଲ୍ କୁ କ୍ଷତିଗ୍ରସ୍ତ କରିବାକୁ ଲାଗେ ଓ ଧୀରେ ଧୀରେ ଆର୍ଦ୍ରତା ଭିତର ପର୍ଯ୍ୟନ୍ତ ପହଞ୍ଚିଯାଏ । ଏହାଫଳରେ, କଂକ୍ରିଟ୍ ର ବିଘଟନ ବା ସେଥିରେ ଫାଟ ସୃଷ୍ଟି ହେବାକୁ ଲାଗିଥାଏ । ଏହି ସମସ୍ୟାକୁ ଏଡ଼ାଇବା ପାଇଁ ସ୍ଲାବ୍ କାଷ୍ଟିଂ ବା ଛାତ ଢଳେଇ ସମୟରେ ବିଶେଷ ଯତ୍ନ ନିଆଯିବା ଆବଶ୍ୟକ ଏବଂ ବର୍ଷାଜଳ ନିଷ୍କାସନ ପାଇପ୍ ଯୋଗେ ପାଣିର ଉପଯୁକ୍ତ ପ୍ରବାହକୁ ସୁବିଧାଜନକ କରିବା ପାଇଁ ପର୍ଯ୍ୟାପ୍ତ ଗଡ଼ାଣିକୁ ସୁନିଶ୍ଚିତ କରାଯିବା ଆବଶ୍ୟକ । ସ୍ଲାବ୍ ଲିକ୍ ଯେକୌଣସି ଘରେ ଦେଖାଦେଇପାରେ, ଏହି କାରଣରୁ ନିଜ ଘରକୁ ଜଳନିରୋଧୀ (ୱାଟର ରେଜିଷ୍ଟାଣ୍ଟ) କରିବା ଅତ୍ୟନ୍ତ ଜରୁରୀ ଅଟେ ।

ୱାଟରପ୍ରୁଫିଂ କ’ଣ ଏବଂ
ଏହା କାହିଁକି ଗୁରୁତ୍ୱପୂର୍ଣ୍ଣ?
ୱାଟରପ୍ରୁଫିଂ କ’ଣ ଏବଂ
ଏହା କାହିଁକି ଗୁରୁତ୍ୱପୂର୍ଣ୍ଣ?

ଦୀର୍ଘ ସମୟ ପର୍ଯ୍ୟନ୍ତ ନିଜ ଘରକୁ ଜଳ କ୍ଷରଣରୁ ରକ୍ଷା କରିବାର ସବୁଠାରୁ ଉତ୍ତମ ଉପାୟ ହେଉଛି ୱାଟରପ୍ରୁଫିଂ । କଂକ୍ରିଟ୍ ୱାଟରପ୍ରୁଫିଂରେ କଂକ୍ରିଟ୍ କୁ ୱାଟରପ୍ରୁଫିଂ ସାମଗ୍ରୀରେ କୋଟ୍ କରାଯାଏ ଯାହା ପାଣି ଓ ଆର୍ଦ୍ରତାକୁ କାନ୍ଥ, ଛାତ, ଚଟାଣ ଇତ୍ୟାଦିରେ ଭେଦିବାରୁ ପ୍ରତିରୋଧ କରିଥାଏ । ୱାଟରପ୍ରୁଫିଂ କାହିଁକି ଗୁରୁତ୍ୱପୂର୍ଣ୍ଣ ଏହା ବୁଝିବା ପାଇଁ, ଆସନ୍ତୁ ନଜର ପକାଇବା ଯେ ଜଳ ଭେଦିବା ବାସ୍ତବରେ ଅବାଞ୍ଚିତ କାହିଁକି:

ଜଳ ଭେଦିବା କେବଳ ଏକ ସୌନ୍ଦର୍ଯ୍ୟଗତ ସମସ୍ୟା ନୁହେଁ । ଏହାକୁ ଅଣଦେଖା କଲେ, ଏହା କାନ୍ଥରେ ଶିଉଳି ସୃଷ୍ଟି କରିପାରେ, ଯାହା ଆପଣଙ୍କ ପରିବାରର ସ୍ୱାସ୍ଥ୍ୟକୁ ପ୍ରଭାବିତ କରିଥାଏ ।
ଏହାବ୍ୟତୀତ, ପାଣି ବିଜୁଳି ତାରଗୁଡ଼ିକ ସଂସ୍ପର୍ଶରେ ଆସିଲେ, ଶର୍ଟ ସର୍କିଟ୍ ଓ ଅଗ୍ନିକାଣ୍ଡ ସୃଷ୍ଟି କରିପାରେ । ଆର୍ଦ୍ରତା ଆପଣଙ୍କ ବ୍ୟକ୍ତିଗତ ଜିନିଷପତ୍ର ଓ ମୂଲ୍ୟବାନ ସାମଗ୍ରୀଗୁଡ଼ିକୁ ନଷ୍ଟ ମଧ୍ୟ କରିପାରେ ।
ସବୁଠାରୁ ଖରାପ ସ୍ଥିତିରେ, ପାଣି ଭେଦିବା ଗୁରୁତର ସଂରଚନାତ୍ମକ କ୍ଷତିର କାରଣ ସାଜିପାରେ ଯେପରିକି - କାନ୍ଥ ପଚିବା କିମ୍ବା ଫାଉଣ୍ଡେଶନ ଦବିବା । ଆଉ ଏପରି କ୍ଷତିକୁ ମରାମତି କରିବା ଏକ କଷ୍ଟକର ଓ ମହଙ୍ଗା ବ୍ୟାପାର ହୋଇଥାଏ ।

ୱାଟରପ୍ରୁଫିଂ ପ୍ରକ୍ରିୟାରେ
ସଂଶ୍ଳିଷ୍ଟ ପଦକ୍ଷେପଗୁଡ଼ିକ

1
ଆପଣ ନିଜର ୱାଟରପ୍ରୁଫିଂ ଏଜେଣ୍ଟ ଚୟନ କରିବା ପରେ, ଆପଣଙ୍କ ଘରର କାନ୍ଥକୁ ଚିକ୍କଣ କରିବା ପାଇଁ ଗ୍ରାଇଡିଂ କରାଯାଇଥାଏ ।
2
ଜଳରୋଧୀ ବନ୍ଧରେ ଯେକୌଣସି କୌଣସି ବ୍ୟବଧାନ ନ ରହେ ଏହା ସୁନିଶ୍ଚିତ କରିବା ଲାଗି କାନ୍ଥରେ ଥିବା ଫାଟଗୁଡ଼ିକୁ କଂକ୍ରିଟ୍ ପ୍ୟାଚ୍ ରେ ଭରିଦିଆଯାଏ ।
3
କାନ୍ଥକୁ ଭଲଭାବେ ସଫା କରାଯାଇଥାଏ, ଯାହାଦ୍ୱାରା ୱାଟରପ୍ରୁଫିଂ ଏଜେଣ୍ଟ କଂକ୍ରିଟ୍ ସହିତ ଭଲ ଭାବେ ବାନ୍ଧିହୋଇପାରିଥାଏ ।
4
ୱାଟରପ୍ରୁଫିଂର ଏକ କୋଟ୍ କାନ୍ଥରେ ଲଗାଯାଇଥାଏ ।

ୱାଟରପ୍ରୁଫିଂର ଲାଭ କ’ଣ?

ୱାଟରପ୍ରୁଫିଂ କାନ୍ଥରେ କଳଙ୍କି ଓ ଅବକ୍ଷୟକୁ ପ୍ରତିରୋଧ କରି ଆପଣଙ୍କ ସଂରଚନାର ସ୍ଥାୟିତ୍ୱ ବୃଦ୍ଧି କରିଥାଏ । ଏହା ଆଲର୍ଜି ଓ ଶ୍ୱାସରୋଗ ସୃଷ୍ଟି କରୁଥିବା କବକର ବୃଦ୍ଧିକୁ ମଧ୍ୟ ପ୍ରତିରୋଧ କରିଥାଏ । ଏହାଛଡ଼ା, ପାଣି କାରଣରୁ ଦେଖାଦେଇଥିବା କ୍ଷୟକ୍ଷତିର ମରାମତି ବାବଦୀୟ ଖର୍ଚ୍ଚକୁ ସଞ୍ଚୟ କରିବା ସହିତ ଆପଣଙ୍କ ସମ୍ପତ୍ତିର ମୂଲ୍ୟକୁ ଅକ୍ଷୂର୍ଣ୍ଣ ରଖିବାରେ ସାହାଯ୍ୟ କରିଥାଏ ।

ଘର ନିର୍ମାଣ ଉପରେ ଏପରି ଅଧିକ ଟିପ୍‌ସ ପାଇଁ, ଅଲଟ୍ରାଟେକ୍ ସିମେଣ୍ଟର #ବାଟଗାର୍କି | ସହିତ ଯୋଡ଼ି ହୋଇ ରୁହନ୍ତୁ ।

Get Answer to
your Queries

Enter a valid name
Enter a valid number
Enter a valid pincode
Select a valid category
Enter a valid sub category
Please check this box to proceed further
LOADING...