ଏକ ଘର ନିର୍ମାଣ ପାଇଁ ମୂଲ୍ୟ ଆକଳନ କରିବାକୁ ଦ୍ରୁତ ଗାଇଡ୍ (ନିର୍ମାଣ ଆକଳନ)
ମାର୍ଚ୍ଚ 25, 2019
ଆପଣଙ୍କ ଘର ନିର୍ମାଣ ପାଇଁ, ଆର୍ଥିକ ଯୋଜନା ବା ଫାଇନାନ୍ସିଆଲ୍ ପ୍ଲାନିଂ ଅତ୍ୟନ୍ତ ମହତ୍ତ୍ୱପୂର୍ଣ୍ଣ ହୋଇଥାଏ । ଆଶାଠାରୁ ଅଧିକ ଅର୍ଥ ଖର୍ଚ୍ଚ ହୋଇଯିବା କାରଣରୁ ଆପଣଙ୍କ ଘର ତିଆରି ଅଧୁରା ରହିଯାଉ, ଏହା କଦାପି ଆପଣ ଚାହିଁବେ ନାହିଁ ।
ଏପରି ଅନେକ କାରକ ରହିଛି ଯାହା ଆପଣଙ୍କ ଆର୍ଥିକ ପରିସ୍ଥିତିକୁ ପ୍ରଭାବିତ କରିପାରେ । ତେଣୁ, ଏକ ବିବେକପୂର୍ଣ୍ଣ ମାର୍ଗ ହେଉଛି ପଡ଼ୋଶୀ, ସମ୍ପର୍କୀୟ, ବନ୍ଧୁବାନ୍ଧବଙ୍କ ସହିତ ଆଲୋଚନା କରିବା ଓ ସେମାନଙ୍କ ଘର ତିଆରି ସମୟରେ ସେମାନେ ସେମାନଙ୍କର ପ୍ରାରମ୍ଭିକ ବଜେଟରୁ କେତେ ଅଧିକ ଖର୍ଚ୍ଚ କରିଥିଲେ ଓ କାହିଁକି କରିଥିଲେ ଏହା ଜାଣନ୍ତୁ ।
କାମ ଆରମ୍ଭ କରିବା ପୂର୍ବରୁ, ଷ୍ଟାମ୍ପ ଡ୍ୟୁଟି ଓ ରେଜିଷ୍ଟ୍ରେଶନ୍ ଶୁଳ୍କ ପାଇଁ ଟଙ୍କା ଅଲଗା କରି ରଖିବାକୁ ଭୁଲନ୍ତୁ ନାହିଁ ।
ନିଜର ବିଲଡିଂ ପ୍ଲାନ୍ ବିଷୟରେ ଠିକାଦାରଙ୍କ ସହିତ ଆଲୋଚନା କରନ୍ତୁ । ଏହା ଆପଣଙ୍କୁ ଶ୍ରମ, ନିର୍ମାଣ ସାମଗ୍ରୀ ଏବଂ ଠିକାଦାରଙ୍କ ଖର୍ଚ୍ଚ ବିଷୟରେ ଧାରଣା ପ୍ରଦାନ କରିବ ଏବଂ ଆପଣ ସେହି ଅନୁଯାୟୀ ନିଜର ପାରିବାରିକ ଖର୍ଚ୍ଚଗୁଡ଼ିକୁ ଆଡଜଷ୍ଟ କରିପାରିବେ ।
ଏକ ସଂଖ୍ୟାରେ ଉପନୀତ ହେବା ପୂର୍ବରୁ, ଘରର ଅଭ୍ୟନ୍ତରକୁ ଭୁଲନ୍ତୁ ନାହିଁ । ଆପଣଙ୍କ ଆକଳନରେ ପ୍ଲମ୍ବିଂ, ଟାଇଲିଂ, ପେଣ୍ଟିଂ, ଫ୍ଲୋରିଂ ଏବଂ ଆସବାବ ସାମଗ୍ରୀ ବାବଦୀୟ ଖର୍ଚ୍ଚକୁ ଯୋଡ଼ିବାକୁ ହେବ ।
ଶେଷରେ, କୌଣସି ଅପ୍ରତ୍ୟାଶିତ ଖର୍ଚ୍ଚ ପାଇଁ ଏକ ଆପାତକାଳୀନ ପାଣ୍ଠି ରଖନ୍ତୁ ।
ସମ୍ପର୍କ କରନ୍ତୁ |
ତୁମର ପ୍ରଶ୍ନର ଉତ୍ତର ପାଅ |
