ସମ୍ପର୍କ କରନ୍ତୁ |
ତୁମର ପ୍ରଶ୍ନର ଉତ୍ତର ପାଅ |
ନିଜ ଘରେ ସକାରାତ୍ମକ ଶକ୍ତିକୁ ବୃଦ୍ଧି କରିବାର 6ଟି ଉପାୟ
‘ବାସ୍ତୁ ଶାସ୍ତ୍ର’ ଏକ ସଂସ୍କୃତ ଶବ୍ଦ ଯାହା ‘ସ୍ଥାପତ୍ୟ ବିଜ୍ଞାନ’କୁ ସୂଚାଇଥାଏ । ଏହା ମଧ୍ୟରେ ସବୁ ପ୍ରକାର ସ୍ଥାପତ୍ୟ ଏବଂ ଡିଜାଇନ୍ ଧାରଣା ଯେପରିକି ଜାଗା, ବ୍ୟବସ୍ଥା, ସ୍ଥିତି, ମାପ ଇତ୍ୟାଦି ଅନ୍ତର୍ଭୁକ୍ତ ହୋଇଥାଏ । ଏକ ଘରର ବାସ୍ତୁ ସକାରାତ୍ମକ ଶକ୍ତିକୁ ଆଣିବାରେ ଏକ ମହତ୍ତ୍ୱପୂର୍ଣ୍ଣ ଭୂମିକା ନିର୍ବାହ କରିଥାଏ ।
ବାସ୍ତୁ ବିଶେଷଜ୍ଞଙ୍କ ଅନୁଯାୟୀ ପୂଜା କକ୍ଷ ପାଇଁ ବାସ୍ତୁ
ପୂଜା କକ୍ଷ ପାଇଁ ବାସ୍ତୁ ଆହୁରି ଅଧିକ ଗୁରୁତ୍ୱପୂର୍ଣ୍ଣ, କାରଣ ଏହା ସମଗ୍ର ଘରର ବାତାବରଣ ଏବଂ ବାସ୍ତୁକୁ ନିର୍ଦ୍ଧାରଣ କରିଥାଏ । ବାସ୍ତୁ ବିଶେଷଜ୍ଞଙ୍କ ମତରେ ଘରର ପୂଜା କକ୍ଷ ସକାରାତ୍ମକ ଶକ୍ତି ଓ ସ୍ପନ୍ଦନର କେନ୍ଦ୍ର ହୋଇଥାଏ ଏବଂ ଏହି କାରଣରୁ ନିଜ ଘର ତିଆରି କରିବା ସମୟରେ ପୂଜା କକ୍ଷର ବାସ୍ତୁକୁ ଧ୍ୟାନରେ ରଖାଯିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ ।
ପୂଜା କକ୍ଷ ପାଇଁ ବାସ୍ତୁର ମହତ୍ତ୍ୱ
ଘରେ ପୂଜା କକ୍ଷ ସକାରାତ୍ମକ ଓ ପ୍ରଶାନ୍ତ ଶକ୍ତିର କେନ୍ଦ୍ରସ୍ଥଳ ଭାବେ କାର୍ଯ୍ୟ କରିଥାଏ, କାରଣ ଆପଣଙ୍କ ଘରେ ଦେବାଦେବୀଙ୍କ ଉପସ୍ଥିତି ଯୋଗୁଁ ଏହା ଦୈବିକ ଶକ୍ତି ବିଚ୍ଛୁରିତ କରିଥାଏ । ଘର ଯେତେ ବଡ଼ କି ଛୋଟ ହୋଇଥାଉ, ଦେବାଦେବୀଙ୍କ ପାଇଁ ଏକ ସ୍ୱତନ୍ତ୍ର ସ୍ଥାନ ବା ପୂଜା କକ୍ଷ ନିର୍ଦ୍ଧାରଣ କରିବା ଆପଣଙ୍କ ଘର ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଅଟେ ଏବଂ ଆପଣଙ୍କ ଘରେ ଶାନ୍ତ, ସକାରାତ୍ମକ ଶକ୍ତିକୁ ଆଣିବା ଏବଂ ଆପଣଙ୍କ ଘରେ କେଉଁ ଧରଣର ଶକ୍ତି ବିଚ୍ଛୁରିତ ହେବ ତାହା ନିର୍ଦ୍ଧାରଣ କରିବାରେ ବାସ୍ତୁ ଏକ ମହତ୍ତ୍ୱପୂର୍ଣ୍ଣ ଭୂମିକା ନିର୍ବାହ କରିଥାଏ ।
ପୂଜା କକ୍ଷ କେବଳ ଯେ ଘରେ ଶୁଭ କମ୍ପନ ବିଚ୍ଛୁରିତ କରିବାରେ ସାହାଯ୍ୟ କରେ ତାହା ନୁହେଁ ବରଂ ଦୈବୀ ଶକ୍ତି ସହିତ ଆପଣଙ୍କ ସଂଯୋଗ ସ୍ଥାପନରେ ମଧ୍ୟ ସାହାଯ୍ୟ କରିଥାଏ । ନକାରାତ୍ମକ ଶକ୍ତିକୁ ଦୂର କରିବା ଏବଂ ଆପଣଙ୍କ ଘରକୁ ସୁଖ ଓ ସକାରାତ୍ମକତାରେ ପରିପୂର୍ଣ୍ଣ କରିବା ପାଇଁ ଘରର ବାସ୍ତୁ ସଠିକ୍ ହେବା ଆବଶ୍ୟକ ।
ପୂଜା କକ୍ଷ ପାଇଁ ବାସ୍ତୁ ସମ୍ବନ୍ଧୀୟ ଉପଦେଶ
ବାସ୍ତୁ ଶାସ୍ତ୍ରର ସିଦ୍ଧାନ୍ତ ଅନୁଯାୟୀ ପୂଜା କକ୍ଷ ପାଇଁ ସଠିକ୍ ବାସ୍ତୁ ସହିତ ନିଜ ଘରକୁ ସକାରାତ୍ମକ ଏବଂ ଦୈବିକ ଶକ୍ତିର କେନ୍ଦ୍ରରେ ପରିଣତ କରିବା ନିମନ୍ତେ ଆପଣଙ୍କ ପାଇଁ ସହାୟକ କେତୋଟି ଟିପ୍ସ :
- 1. ପୂଜା କକ୍ଷର ଅବସ୍ଥିତି :
- ପୂଜା କକ୍ଷ ପାଇଁ ଉଦ୍ଦିଷ୍ଟ ବାସ୍ତୁ ଅନୁସାରେ, ପୂଜା କକ୍ଷର ଅବସ୍ଥିତି ପାଇଁ ପ୍ରସ୍ତାବିତ ପ୍ରତ୍ୟେକ ଦିଗ ଏକ ସ୍ୱତନ୍ତ୍ର ମହତ୍ତ୍ୱ ରଖିଥାଏ, ତେଣୁ ପୂଜା କକ୍ଷର ଅବସ୍ଥିତି ପୂଜା କକ୍ଷର ବାସ୍ତୁର ସବୁଠାରୁ ଗୁରୁତ୍ୱପୂର୍ଣ୍ଣ ଅଂଶ ଅଟେ ।
- ପୂଜା କକ୍ଷର ଦିଗ ଉତ୍ତର-ପୂର୍ବରେ ରହିବାକୁ ସର୍ବଶ୍ରେଷ୍ଠ ବିବେଚନା କରାଯାଏ କାରଣ ତାହା ଭଗବାନ ଶିବଙ୍କ କ୍ଷେତ୍ର ଓ ସବୁଠାରୁ ପବିତ୍ର ଅଟେ । ତା’ପରେ ପୂର୍ବ ନଚେତ୍ ଉତ୍ତର ହେବା ଉଚିତ୍ । ଦକ୍ଷିଣକୁ ମୁହଁ କରିଥିବା ପୂଜା କକ୍ଷ ବାସ୍ତୁ ଅନୁସାରେ ଅଶୁଭ ଅଟେ ।
- ପୂଜା କକ୍ଷକୁ ପାହାଚ ତଳେ କିମ୍ବା ଶୌଚାଳୟ ନିକଟରେ ରଖନ୍ତୁ ନାହିଁ କାରଣ ଏହିସବୁ ସ୍ଥାନ ପୂଜା କକ୍ଷ ପାଇଁ ଅଶୁଭ ବିବେଚିତ ହୋଇଥାଏ ।
- ଗପୂଜା କକ୍ଷକୁ ତଳ ମହଲା କିମ୍ବା ଉଚ୍ଚତମ ମହଲାରେ ନ ରଖିବା ସୁନିଶ୍ଚିତ କରନ୍ତୁ, କାରଣ ବାସ୍ତୁ ଅନୁସାରେ ତାହା ସର୍ବୋତ୍ତମ ସ୍ଥାନ ନୁହେଁ ।
- ପୂଜା କକ୍ଷର କବାଟ ଓ ଝରକା ଉତ୍ତର କିମ୍ବା ପୂର୍ବ ଆଡ଼କୁ ଖୋଲୁଥିବା ଉଚିତ୍ ।
- ପୂଜା କକ୍ଷର ବାସ୍ତୁ ଅନୁଯାୟୀ ପୂଜା କକ୍ଷରେ ସକାରାତ୍ମକ କମ୍ପନ ପାଇଁ ଏକ ପିରାମିଡ୍ ଆକାରର ସିଲିଂ ରହିବା ଭଲ ।
- ପୂର୍ବ ଆଡ଼କୁ ମୁହଁ କରିଥିବା ଘରଗୁଡ଼ିକ ନିମନ୍ତେ ପୂଜା କକ୍ଷର ବାସ୍ତୁ ଏହା ପ୍ରସ୍ତାବ ଦେଇଥାଏ ଯେ ପୂଜା କକ୍ଷ ଉତ୍ତର ନଚେତ୍ ପୂର୍ବ କଣରେ ରହିବା ଉଚିତ୍ ।
- 2. ପ୍ରତିମା ବା ଦେବାଦେବୀଙ୍କ ସ୍ଥାପନା-କ୍ରମ :
- ପୂଜା କକ୍ଷର ବାସ୍ତୁ ଅନୁସାରେ, ପୂଜା କକ୍ଷରେ ଠାକୁରଙ୍କ ପ୍ରତିମାଗୁଡ଼ିକ ପରସ୍ପର ଆଡ଼କୁ ମୁହଁ ନ କରି ରହିବା ଏବଂ କାନ୍ଥର ସମୀପବର୍ତ୍ତୀ ନ ହେବା ଉଚିତ୍ ।
- ପ୍ରତିମାଗୁଡ଼ିକ ଉତ୍ତର-ପୂର୍ବ ଦିଗରେ ସ୍ଥାପନ କରାଯିବା ଆବଶ୍ୟକ ।
- ସୁନିଶ୍ଚିତ କରନ୍ତୁ ଯେ, ସମସ୍ତ ପ୍ରତିମା ଯେପରି ଗୋଟିଏ ଦିଗ ଆଡ଼କୁ ମୁହଁ କରି ରହିବେ ଏବଂ ଦ୍ୱାର ଆଡ଼କୁ ମୁହଁ କରି ରହିବେ ନାହିଁ ।
- ପ୍ରତିମା ଚତୁଃପାର୍ଶ୍ୱରେ ପର୍ଯ୍ୟାପ୍ତ ବାୟୁ ପ୍ରବାହକୁ ସୁନିଶ୍ଚିତ କରିବା ପାଇଁ ସେଗୁଡ଼ିକ ଯେପରି କାନ୍ଥରେ ଭରା ଦେଇ ନ ରହେ ତାହା ନିଶ୍ଚିତ କରନ୍ତୁ ।
- ପୂଜା କକ୍ଷ ପାଇଁ ବାସ୍ତୁ ଅନୁସାରେ, ପ୍ରତିମାଗୁଡ଼ିକ ଭୂମିରୁ ଅତି କମରେ 6 ଇଞ୍ଚ ଉପରେ ରହିବା ଆବଶ୍ୟକ ।
- ପୂଜା କକ୍ଷରେ ଦିବଙ୍ଗତ ପରିବାର ସଦସ୍ୟଙ୍କ ଛବି କିମ୍ବା ହିଂସା ଦର୍ଶାଉଥିବା ଛବି ରଖନ୍ତୁ ନାହିଁ ।
- ପ୍ରତିମାଗୁଡ଼ିକ ଯେପରି ଖଣ୍ଡିଆ କିମ୍ବା ଭଙ୍ଗା ନାହିଁ ତାହା ସୁନିଶ୍ଚିତ କରନ୍ତୁ ।
- ଦୀପଗୁଡ଼ିକୁ ଦକ୍ଷିଣ-ପୂର୍ବ ଦିଗରେ ରଖନ୍ତୁ ।
- 3. ପୂଜା ସାମଗ୍ରୀର ସ୍ଥାପନା :
- ପୂଜା କକ୍ଷରେ ପୂଜା ସାମଗ୍ରୀ ଓ ପୂଜା କକ୍ଷ ପାଇଁ ଉଦ୍ଦିଷ୍ଟ ବସ୍ତୁଗୁଡ଼ିକୁ ଛାଡ଼ି ଅନ୍ୟ କୌଣସି ବସ୍ତୁକୁ ରଖନ୍ତୁ ନାହିଁ । କକ୍ଷରେ ଅଳିଆ ଆବର୍ଜନା ନ ରହିବା ଉଚିତ୍ ।
- ମୂର୍ତ୍ତି ଉପରେ କୌଣସି ସାମଗ୍ରୀ ରଖାଯିବା କଦାପି ଉଚିତ୍ ନୁହେଁ ।
- ଦୀପ ଓ ଅଗ୍ନିକୁଣ୍ଡ ଦକ୍ଷିଣ-ପୂର୍ବ ଦିଗରେ ରଖାଯିବା ଆବଶ୍ୟକ ।
- 4. ପୂଜା କକ୍ଷରେ ଆଲମାରିର ସ୍ଥାପନା :
- ବାସ୍ତୁ ଅନୁସାରେ, ପୂଜା କକ୍ଷରେ ଯଦି କୌଣସି ଆଲମାରି ରଖାଯିବାର ଥାଏ, ତେବେ ତାହାକୁ ଦକ୍ଷିଣ-ପୂର୍ବ ଦିଗରେ ରଖନ୍ତୁ, ଏହାଦ୍ୱାରା ପୂଜା କକ୍ଷରେ ସୂର୍ଯ୍ୟକିରଣ ଅବରୁଦ୍ଧ ନ ହେବା ସୁନିଶ୍ଚିତ ହୋଇଥାଏ ।
- ଆପଣ ପୂଜା ସାମଗ୍ରୀ ରଖିବା ପାଇଁ ଏକ ପିରାମିଡ୍ ଆକୃତିର ଟାୱାର କିମ୍ବା ଆଲମାରି ତିଆରି କରିପାରନ୍ତି କାରଣ ଏହା ସକାରାତ୍ମକ କମ୍ପନ ବିଚ୍ଛୁରିତ କରିଥାଏ ।
- ବାସ୍ତୁ ଅନୁସାରେ, ପୂଜା କକ୍ଷରେ ଆଲମାରିକୁ ଦେବାଦେବୀଙ୍କ ମୂର୍ତ୍ତିରୁ ଉଚ୍ଚ ସ୍ଥାନରେ ତିଆରି କରା ନ ଯିବା ଉଚିତ୍ ।
- 5. ପୂଜା କକ୍ଷର ରଙ୍ଗ :
- କକ୍ଷ ପାଇଁ ହାଲୁକା ରଙ୍ଗ ସର୍ବୋତ୍ତମ କାରଣ ତାହା ସକାରାତ୍ମକ ଶକ୍ତି ବିଚ୍ଛୁରଣ କରିଥାଏ ଓ ପୂଜା ତଥା ଉପାସନା ପାଇଁ ଆଦର୍ଶ ହୋଇଥାଏ ।
- ପୂଜା କକ୍ଷ ପାଇଁ କ୍ରିମ୍ ରଙ୍ଗ ଆଦର୍ଶ ଅଟେ ।
- ଲାଇଟ୍ ବ୍ଲ୍ୟୁ, ଧଳା ଓ ହାଲୁକା ହଳଦିଆ ରଙ୍ଗ ଏକ ଶାନ୍ତ ଏବଂ ଧ୍ୟାନ ପାଇଁ ଉପଯୁକ୍ତ ବାତାବରଣ ସୃଷ୍ଟି କରିଥାଏ ।
- ଉତ୍ତର-ପୂର୍ବ ଦିଗରେ ରହିଥିବା ପୂଜା କକ୍ଷ ପାଇଁ, ଧଳା ରଙ୍ଗ ଆଦର୍ଶ ଅଟେ ।
- 6. ପୂଜା କକ୍ଷରେ ଆଲୋକ ବ୍ୟବସ୍ଥା :
- ଦିନବେଳା କକ୍ଷରେ ଆଲୋକକୁ ସୁନିଶ୍ଚିତ କରିବା ପାଇଁ ପୂଜା କକ୍ଷର ଅତି କମରେ ଗୋଟିଏ ଝରକା ଖୋଲା ରଖାଯିବା ଆବଶ୍ୟକ । ବାସ୍ତୁ ଅନୁଯାୟୀ, ଏହାଦ୍ୱାରା ସକାରାତ୍ମକ ଶକ୍ତି ଏବଂ ସୂର୍ଯ୍ୟର କମ୍ପନ ନିର୍ବିଘ୍ନରେ ପ୍ରବାହିତ ହେବା ସୁନିଶ୍ଚିତ ହୋଇଥାଏ ।
- ସୂର୍ଯ୍ୟାସ୍ତ ପରେ ମଧ୍ୟ କକ୍ଷରେ ପର୍ଯ୍ୟାପ୍ତ ଆଲୋକକୁ ସୁନିଶ୍ଚିତ କରନ୍ତୁ । ପୂଜା କକ୍ଷରେ ଏକ ବତୀ କିମ୍ବା ଦୀପ ଲଗାଇ ପର୍ଯ୍ୟାପ୍ତ ଆଲୋକକୁ ସୁନିଶ୍ଚିତ କରନ୍ତୁ ।
ପୂଜା କକ୍ଷ ଏକ ଅତ୍ୟନ୍ତ ପବିତ୍ର ସ୍ଥାନ ଅଟେ ଏବଂ ବାସ୍ତୁ ଅନୁସାରେ ତାହାକୁ ତିଆରି କରାଗଲେ ଘରେ ସୁଖଶାନ୍ତିର ବାସ ସୁନିଶ୍ଚିତ ହୋଇଥାଏ । ଘରେ ସକାରାତ୍ମକ ଶକ୍ତିକୁ ବୃଦ୍ଧି କରିବା ଏବଂ ଆପଣଙ୍କ ପବିତ୍ର ତଥା ସୁଖୀ ଘରେ ନକାରାତ୍ମକ ଶକ୍ତିକୁ ଦୂର କରିବା ସୁନିଶ୍ଚିତ କରିବା ପାଇଁ ପୂଜା କକ୍ଷ ଲାଗି ଏହି ସମସ୍ତ ବାସ୍ତୁ ଉପଦେଶକୁ ଅନୁସରଣ କରନ୍ତୁ ।
ଆପଣଙ୍କ ଘରର ମୁଖ୍ୟ ଦ୍ୱାରର ସଠିକ୍ ଅବସ୍ଥିତିକୁ ସୁନିଶ୍ଚିତ କରନ୍ତୁ ଏବଂ ଆପଣଙ୍କ ଘର ଭିତରକୁ ପ୍ରବେଶ କରୁଥିବା ଶକ୍ତିକୁ ନିୟନ୍ତ୍ରଣ କରି ନିଜ ଘରକୁ ନକାରାତ୍ମକ ଶକ୍ତିରୁ ସୁରକ୍ଷା ଦିଅନ୍ତୁ ।
ଗୃହ ନିର୍ମାଣ ପାଇଁ ସାଧନ
