ନିଜ ପିତାଙ୍କ ଅକାଳ ବିୟୋଗ ପରେ, ଶ୍ରୀଯୁକ୍ତ ବିର୍ଲା 1995ରେ, 28 ବର୍ଷ ବୟସରେ ସମୂହର ଅଧ୍ୟକ୍ଷ ପଦର ଭାର ସମ୍ଭାଳିଥିଲେ । ଅଧ୍ୟକ୍ଷ ଭାବେ, ଶ୍ରୀ ବିର୍ଲା ଆଦିତ୍ୟ ବିର୍ଲା ଗ୍ରୁପ୍ କୁ ଅଭିବୃଦ୍ଧି ଅଭିମୁଖେ ମାର୍ଗରେ ଅବସ୍ଥାପିତ କରାଇପାରିଛନ୍ତି । ସମୂହର ମଙ୍ଗ ଧରିବାର 24 ବର୍ଷ ଅବଧିରେ, ସେ ଅଭିବୃଦ୍ଧିକୁ ତ୍ୱରାନ୍ୱିତ କରିଛନ୍ତି, ଯୋଗ୍ୟତାକୁ ସ୍ୱୀକୃତି ଦେଉଥିବା ପ୍ରଣାଳୀ ଗଠନ କରିଛନ୍ତି ଏବଂ ହିତଧାରକଙ୍କ ମୂଲ୍ୟାଙ୍କକୁ ବୃଦ୍ଧି କରିଛନ୍ତି ।
ଏହି ପ୍ରକ୍ରିୟାରେ, ସେ 1995ରେ ସମୂହର କାରବାରକୁ 2 ବିଲିୟନ୍ ଆମେରିକୀୟ ଡଲାରରୁ ବୃଦ୍ଧିକରି ବର୍ତ୍ତମାନ 48.3 ବିଲୟନ୍ ୟୁଏସ୍ ଡଲାରରେ ପହଞ୍ଚାଇପାରିଛନ୍ତି । ସମୂହ ଯେଉଁସବୁ କ୍ଷେତ୍ରରେ ସଞ୍ଚାଳିତ ହେଉଛି, ସେଥିରେ ବୈଶ୍ୱିକ/ରାଷ୍ଟ୍ରୀୟ ନେତା ରୂପେ ଅଭ୍ୟୁଦୟ ହେବା ପାଇଁ ଶ୍ରୀ ବିର୍ଲା ବିଭିନ୍ନ ବ୍ୟବସାୟର ଢାଞ୍ଚାର ପୁନର୍ଗଠନ କରିଛନ୍ତି । ସେ 20 ବର୍ଷରେ ଭାରତ ଓ ବିଶ୍ୱ ସ୍ତରରେ 36 ଗୋଟି ଅଧିଗ୍ରହଣ କରିଛନ୍ତି, ଯାହା ଭାରତରେ କୌଣସି ଭାରତୀୟ ବହୁରାଷ୍ଟ୍ରୀୟ କମ୍ପାନୀ ଦ୍ୱାରା କରାଯାଇଥିବା ସର୍ବୋଚ୍ଚ ଅଧିଗ୍ରହଣ ଅଟେ ।
କୌଣସି ଭାରତୀୟ କମ୍ପାନୀ ଦ୍ୱାରା କରାଯାଇଥିବା ସବୁଠାରୁ ବଡ଼ ଅଧିଗ୍ରହଣ, 2007ରେ ଧାତୁ ବ୍ୟବସାୟରେ ସମ୍ପୃକ୍ତ ପ୍ରମୁଖ ବୈଶ୍ୱିକ କମ୍ପାନୀ ମଧ୍ୟରୁ ଅନ୍ୟତମ - ନୋଭେଲିସ୍ ର ଅଧିଗ୍ରହଣ ଦ୍ୱାରା, ଭାରତୀୟ କମ୍ପାନୀଗୁଡ଼ିକ ପାଇଁ ସମ୍ମାନର ନବୀନ ଭାବନା ଉଦୟ ହୋଇଛି ଏବଂ ଏହାଦ୍ୱାରା ଦେଶ ପ୍ରତି ଉଚ୍ଚସ୍ତରୀୟ ରୁଚିର ବିକାଶ ମଧ୍ୟ ହୋଇଛି । ଏହା ପରେ ଯୁକ୍ତରାଷ୍ଟ୍ର ଆମେରିକା ଭିତ୍ତିକ କମ୍ପାନୀ ଏବଂ ବିଶ୍ୱର ତୃତୀୟ ସବୁଠାରୁ ବଡ଼ କାର୍ବନ ବ୍ଲାକ୍ ବିନିର୍ମାତା କମ୍ପାନୀ କଲମ୍ବିଆନ୍ କେମିକାଲ୍ସର ଅଧିଗ୍ରହଣ ଦ୍ୱାରା ଏହି ସମୂହକୁ ବର୍ତ୍ତମାନ ନିଜର ପର୍ଯ୍ୟାପ୍ତ ଆକାରର କାର୍ବନ ବ୍ଲାକ୍ ସଞ୍ଚାଳନ ଦୃଷ୍ଟିରୁ ଏହି କ୍ଷେତ୍ରରେ ପ୍ରଥମ ସ୍ଥାନର ପ୍ରତିଭାଗୀ ରୂପେ ପ୍ରତିଷ୍ଠା କରାଯାଇଛି । ସେହିଭଳି, ଅଗ୍ରଣୀ ସ୍ୱିଡିଶ୍ ବିଶେଷଜ୍ଞତା ପ୍ରାପ୍ତ ପଲ୍ପ ବିନିର୍ମାତା, ଡୋମ୍ସଜୋ ଫାବ୍ରିକରର ଅଧିଗ୍ରହଣ, ସମୂହର ପଲ୍ପ ଏବଂ ଫାଇବର ବ୍ୟବସାୟକୁ ନିଜର ସ୍ଥିତିକୁ ଆହୁରି ସୁଦୃଢ଼ କରିବାରେ ସକ୍ଷମ କରିଛି । ଜର୍ମାନୀରେ ସିଟିପି ଜିଏମବିଏଛ୍ - କେମିକାଲ୍ସ ଏଣ୍ଡ ଟେକ୍ନୋଲୋଜିସ୍ ଫର୍ ପଲିମର୍ସର ଅଧିଗ୍ରହଣ ଆଉ ଏକ ମାଇଲଖୁଣ୍ଟ ଥିଲା ।
ନିକଟ ଅତୀତରେ, ଶ୍ରୀ ବିର୍ଲା ଆମର ସମୂହ କମ୍ପାନୀ ନୋଭେଲିସ୍ ମାଧ୍ୟମରେ, ଯୁକ୍ତରାଷ୍ଟ୍ର ଆମେରିକାର ଏକ ପ୍ରମୁଖ ଧାତୁ କମ୍ପାନୀ - ଏଲେରିସ୍ କୁ ଅଧିଗ୍ରହଣ କରିବା ପାଇଁ 2.6 ବିଲିୟନ୍ ଡଲାରର ବିଡ୍ ଉପସ୍ଥାପନ କରିଥିଲେ ।
ଏହା ବ୍ୟତୀତ, ଶ୍ରୀଯୁକ୍ତ ବିର୍ଲା କାନାଡ଼ା, ଚାଇନା, ଇଣ୍ଡୋନେସିଆରେ ବିନିର୍ମାଣ କାରଖାନା ଏବଂ ଅଷ୍ଟ୍ରେଲିଆରେ ଖଣିଗୁଡ଼ିକର ଅଧିଗ୍ରହଣ କରିବା ସହିତ ଇଜିପ୍ଟ, ଥାଇଲାଣ୍ଡ ଓ ଚାଇନାରେ ନୂଆ କାରଖାନାମାନ ସ୍ଥାପନ କରିଛନ୍ତି । ଏହା ସହିତ, ସେ ସମୂହନର ସମସ୍ତ ବିନିର୍ମାଣ ଏକକଗୁଡ଼ିକରେ କ୍ଷମତାର ବିସ୍ତାର କରିଛନ୍ତି ।
ଭାରତରେ ମଧ୍ୟ, ସେ ଅନେକ ବଡ଼ ବଡ଼ ଅଧିଗ୍ରହଣ କରିଛନ୍ତି, ଯାହା ମଧ୍ୟରେ ସବୁଠାରୁ ଉଲ୍ଲେଖନୀୟ ହେଉଛି ଲାର୍ସନ୍ ଏଣ୍ଡ ଟୁବ୍ରୋ, ଆଲକାନ୍ ତରଫରୁ ଇନ୍ଦଲ, କୋଟ୍ସ ଭିୟେଲା ତରଫରୁ ମଦୁରା ଗାର୍ମେଣ୍ଟସ୍, କନୋରିଆ କେମିକାଲ୍ସ ଏବଂ ସୋଲାରିସ୍ ସିମେଣ୍ଟଟେକ୍ ଇଣ୍ଡଷ୍ଟ୍ରିଜ୍ ର କ୍ଲୋର୍ ଆଲକାଲୀ ଡିଭିଜନ ।
ଶ୍ରୀଯୁକ୍ତ ବିର୍ଲାଙ୍କ ଦ୍ୱାରା ସମ୍ପାଦିତ ସବୁଠାରୁ ସଦ୍ୟତମ ଭୋଡ଼ାଫୋନ୍ ଓ ଆଇଡିଆର ସମ୍ମିଶ୍ରଣ ଦ୍ୱାରା ଭାରତରେ ସବୁଠାରୁ ବଡ଼ ଓ ବିଶ୍ୱର ଦ୍ୱିତୀୟ ସର୍ବବୃହତ୍ ଟେଲିକମ୍ ଅପରେଟର ସୃଷ୍ଟି ହୋଇଛି ।
ତାଙ୍କ ନେତୃତ୍ୱ ଅଧୀନରେ, ଆଦିତ୍ୟ ବିର୍ଲା ଗ୍ରୁପ୍ ଯେଉଁ ସବୁ ପ୍ରମୁଖ କ୍ଷେତ୍ରରେ ସଞ୍ଚାଳିତ ହେଉଛି ସେ ସମସ୍ତ କ୍ଷେତ୍ରରେ ନେତୃତ୍ୱ ସ୍ଥିତି ପ୍ରାପ୍ତ କରିପାରିଛି । ଏହି ବର୍ଷଗୁଡ଼ିକରେ, ଶ୍ରୀଯୁକ୍ତ ବିର୍ଲା 42 ଗୋଟି ଭିନ୍ନ ଜାତୀୟତାର 120,000 କର୍ମଚାରୀଙ୍କ ଅସାଧାରଣ କାର୍ଯ୍ୟବଳ ବିଶିଷ୍ଟ ଅତ୍ୟନ୍ତ ସଫଳ ଏବଂ ଗୁଣବତ୍ତାପୂର୍ଣ୍ଣ ସଂଗଠନର ନିର୍ମାଣ କରିଛନ୍ତି । ଆଦିତ୍ୟ ବିର୍ଲା ସମୂହକୁ ଏଓନ୍ ହେୱିଟ୍, ଫର୍ଚ୍ୟୁନ୍ ପତ୍ରିକା ଏବଂ ଆରବିଏଲ୍ (ଏକ ରଣନୀତିକ ମାନବ ସମ୍ବଳ ଏବଂ ନେତୃତ୍ୱ ଉପଦେଷ୍ଟା ସଂସ୍ଥା) ଦ୍ୱାରା ସଞ୍ଚାଳିତ ‘ନେତୃତ୍ୱକର୍ତ୍ତା ସୃଷ୍ଟି କରୁଥିବା ଶୀର୍ଷ କମ୍ପାନୀ’ ଅଧ୍ୟୟନ 2011ରେ ବିଶ୍ୱରେ ଚତୁର୍ଥ ଓ ଏସିଆ ପ୍ରଶାନ୍ତରେ ପ୍ରଥମ ସ୍ଥାନ ପ୍ରାପ୍ତ ହୋଇଛି । ସମୂହ ନୀଲସନ୍ ର କର୍ପୋରେଟ୍ ଇମେଜ୍ ମନିଟର 2014-15ରେ ଶୀର୍ଷ ସ୍ଥାନ ଅଧିକାର କରିବା ସହିତ ଲଗାତର ତୃତୀୟ ବର୍ଷ ପାଇଁ ପ୍ରଥମ ସ୍ଥାନ ଅଧିକାର କରିଥିବା ‘ନିଜ ଶ୍ରେଣୀରେ ସର୍ବଶ୍ରେଷ୍ଠ’ ଭାବେ ଉଭା ହୋଇଛି । ସମୂହ 2018ରେ ପୁଣିଥିରେ ସମ୍ମାନଜନକ ଏଓନ୍- ହେୱିଟ୍ ଦ୍ୱାରା ‘ଭାରତରେ କାମ କରିବା ପାଇଁ ସର୍ବୋତ୍ତମ ନିଯୋକ୍ତା’ର ସ୍ୱୀକୃତି ପାଇଛି ।
