संपर्क करा
तुमच्या प्रश्नांची उत्तरे मिळवा
तुमचे घर आकर्षकपणे रंगवून घेण्यासाठी उपयुक्त सूचना आणि युक्त्या
घराच्या एकूणच सजावटीतील आवश्यक भाग म्हणजे घराचे पेंटिंग, जरी त्याचा विचार सर्वात शेवटी करायचा असला तरीही! घराचे पेंटिंग करण्यासंबंधीच्या ह्या उपयुक्त सूचना म्हणजे तुमचे घर परिणामकारकपणे रंगवण्यासाठी तुमच्यासाठी मार्गदर्शक आहेत.
ज्यांनी सिमेंट ते काँक्रीटची काँप्रेहेन्सिव्ह स्ट्रेंथ इथपर्यंत नूतनीकरणाच्या कामात मनापासून स्वारस्य घेतलेले आहे त्यांच्यापैकी जर तुम्ही एक असलात आणि घराचे रंगकामही करवून घ्यायचे असेल, तर आम्ही घराच्या रंगकामाविषयी काही उपयुक्त सूचना तुमच्यासाठी देत आहोत, ज्यामुळे तुम्हाला योग्य रंग निवडता येईल आणि तुमचा रंगही दीर्घकाळपर्यंत टिकेल. घराच्या रंगकामाविषयीची ही मार्गदर्शिका तुम्हाला पेंटिंगविषयीच्या उपयुक्त सूचनांपासून ते भिंती रंगवण्याच्या तंत्रापर्यंत प्रत्येक गोष्ट सामावून घेईल. चला तर मग, सुरुवात करू या!
दीर्घकाळ टिकणाऱ्या रंगासाठी घराच्या पेंटिंगसाठी मार्गदर्शिका
- 1. हवामान विचारात घ्या आणि भिंतीचा ओलसरपणा तपासा :
जेव्हा तुम्ही काही गोष्टी करण्याची वेळ निश्चित करता आणि तुमच्या घराचे नूतनीकरण करण्याचे नियोजन करता, तेव्हा तुम्ही हे काम स्वत:च जर पहिल्यांदाच करीत असलात, तर घराच्या पेंटिंगसाठी पुरेसा वेळ द्या. शिवाय, तुमच्या देशात जेव्हा उन्हाळा किंवा हिवाळा असेल असा कालावधी निवडा, कारण पावसाळ्यात दमटपणामुळे रंग सुकणार नाही. तुमच्या भिंतींना रंग लावण्यासाठी उन्हाळा हा उत्तम ऋतू असतो.
भिंतीमध्ये किती ओलावा आहे, हे मोजण्यासाठी मॉईश्चर मीटर हे उपकरण तयार करण्यात आलेले आहे.
यामुळे काँक्रीट केलेल्या जमिनीत, भिंतींमध्ये आणि छतामध्ये किती प्रमाणात दमटपणा साठलेला आहे हे मोजता येते, जो गळकी छते, नादुरुस्त पाईप्स, पावसाचे पाणी किंवा जमिनीखालून येणारे पाणी यांमुळे आलेला असतो. मॉईश्चर मीटरच्या शास्त्रीय आणि अचूक निदानामुळे दमटपणामुळे झालेल्या हानीचे मूल्यमापन करता येते, ज्यामुळे तुम्ही रंगकाम करण्यापूर्वी घराच्या भिंतींना आणि छताला गळतीप्रतिबंधक बनविण्यासाठी योग्य ती पावले उचलू शकाल.
- 2. रंगकाम करण्यापूर्वी पृष्ठभाग स्वच्छ करा :
तुम्ही भिंती रंगवण्यापूर्वी त्यांचा पृष्ठभाग तुम्हाला मळलेला नको असतो. तुमच्या भिंतींवर जर धुळीचे कण/कोळिष्टके असतील, तर रंगकामाची प्रक्रिया सुरू करण्यापूर्वी ती काढून टाकणे चांगले. तुम्हाला पृष्ठभागावर काही घाण दिसली नाही, तरीही ती पुसून घेणे चांगले असते, ज्यामुळे तुम्ही रंगकाम करीत असताना कोणताही अडथळा येत नाही.
- 3. उच्च दर्जाच्या उपकरणांमध्ये आणि रंगांमध्ये गुंतवणूक करा :
रंगकामाविषयीच्या उपयुक्त सूचनांचा सार काढण्याची एकूणच कल्पना ही रंग दीर्घकाळ टिकावा यासाठी आहे, ज्यामुळे तुम्हाला प्रत्येक गोष्ट पुन्हा करावी लागत नाही. यासाठी तुम्हाला उच्च दर्जाच्या रंगामध्ये तसेच ब्रश, रोलर कव्हर आणि पेंटर्स टेप यांसारख्या रंगकामाच्या साहित्यामध्ये गुंतवणूक करावी लागेल. चांगल्या ब्रश आणि रोलर कव्हरमुळे चांगला रंग लागतो, ज्यामुळे तु्म्हाला पुन:पुन्हा रंग लावावा लागत नाही आणि तुमचा वेळ वाचतो व चांगल्या पेंटर्स टेपमुळे तुम्ही रंगाचे थेंब आणि डाग इतरत्र उडणार नाहीत याची काळजी घेऊ शकता.
- 4. प्रायमर टाळू नका :
तुम्ही जर नवी कोरडी भिंत रंगवीत असलात, तर भिंतीवरील दोष लपविण्यासाठी पाण्यात मिसळणारा प्रायमर वापरा आणि रंग लावण्यापूर्वी एकसारखा बेस तयार करा. तुम्ही जर पॅनेलिंग, पाण्याने खराब झालेल्या किंवा धुरामुळे खराब झालेल्या भिंती रंगवीत असलात, तर त्यासाठी ऑईल-बेस्ड प्रायमरचा वापर करा.
- 5. संपूर्ण जागा एकसारख्या रंगाने रंगविण्यासाठी एकाच मोठ्या बादलीत अनेक कॅनच्या रंगांचे मिश्रण करा :
रंगाची छटा प्रत्येक कॅनमध्ये वेगवेगळी असू शकते, म्हणून असमानता दूर करण्यासाठी एकाच बादलीत अनेक कॅन रंग मिसळून तो रंग वापरणे चांगले असते. किती रंग लागेल ह्याचा अंदाज घेऊन त्यानुसार ही प्रक्रिया करणे केव्हाही चांगले असते, जिला ‘बॉक्सिंग’ असे म्हणतात.
- 6. रंगाचे थर एकमेकांवर चढल्याच्या खुणा टाळा :
जो रंग आधीच सुकायला सुरुवात झालेली आहे, त्यावर रोलिंग झाल्यामुळे दिसणारे पट्टे टाळण्यासाठी भिंतीची संपूर्ण उंची रंगवून एक ओली कडा शिल्लक ठेवा आणि त्यानंतर तिथूनच पुढे जा, ज्यामुळे तुम्ही शेवटच्या स्ट्रोकवर दुसरा स्ट्रोक मारू शकाल.
- 7. छोटे पट्टे (ट्रिम) आधी रंगवा :
रंगकाम करणाऱ्यांचा काम करण्याचा एक क्रम असतो आणि ते त्याचे पालन करतात. ते प्रथम सजावटीच्या लहान जागा (ट्रिम्स) रंगवतात, त्यानंतर छत आणि त्यानंतर भिंती. ह्याचे कारण म्हणजे भिंतींना टेप चिकटवण्यापेक्षा ट्रिम्सना रंग लावणे जोपे असते. ट्रिमला पेंटिंग करताना तुम्ही ते व्यवस्थित केलेच पाहिजे असे नाही, तुम्ही फक्त लाकडावर गुळगुळीत फिनिश करणे आवश्यक असते.
- 8. रंगाचा थर आणि स्मूद फिनिश यांच्यामध्ये सँड ट्रिम :
रंगाचा एकच थर दिल्याने बहुधा खालचा रंग आणि ट्रिमवरील चकाकी लपणार नाही. आणि तुम्ही जर दोन थरांच्या मध्ये पृष्ठभाग सँडपेपरने घासला नाही, तर फिनिशचा पोत दाणेदार दिसेल. गुळगुळीत फिनिशसाठी रंगाचा प्रत्येक थर देण्यापूर्वी ट्रिमला सँडपेपरने घासा.
रंगकामाविषयीच्या ह्या उपयुक्त सूचनांमुळे तुम्ही जर स्वत:च संपूर्ण रंगकामाची प्रक्रिया करण्यासाठी प्रेरित झालेले असलात, तर रंगकाम सुरू करण्यापूर्वी तुम्ही हा लेख वाचावा असे सुचवतो :
https://www.ultratechcement.com/home-building-explained-single/how-to-choose-the-right-exterior-paint-colours-for-your-home
वारंवार विचारले जाणारे प्रश्न
1. आपण जुन्या रंगावर पुन्हा थेट रंग लावू शकतो का ?
जुना रंग आणि नवीन रंग रासायनिकदृष्ट्या जर सारखेच (उदाहरणार्थ, ऑईल-बेस्ड) असतील, तर तुम्हाला शक्यतो प्रायमर लावण्याची गरज भासणार नाही. जर सध्याची भिंत गुळगुळीत आणि स्वच्छ असेल, तर तुम्ही जुन्या रंगावर नवीन रंग थेट लावू शकता.
2. तुम्ही रंगाचे कमीतकमी किती थर लावले पाहिजेत ?
रंगाचे कमीतकमी दोन थर लावले पाहिजेत असा मूळ नियम आहे. परंतु भिंतीसाठी वापरलेले साहित्य आणि आधीचा रंग हे या संख्येमध्ये महत्त्वाची भूमिका बजावतात. उदाहरणार्थ, फिनिशिंग न केलेल्या कोरड्या भिंतीसाठी तुम्हाला प्रायमर किंवा अंडरकोट पेंटची ही गरज भासू शकते.
3. भिंतीला रंग लावण्यापूर्वी प्रायमर लावला नाही, तर काय होईल ?
तुम्ही जर प्रायमर टाळला, तर तुमच्या रंगाचे पोपडे निघण्याची दाट शक्यता असते, विशेषत: दमट हवामानात. शिवाय, रंगाची चिकटून राहण्याची क्षमता नसेल, तर त्यामुळे रंग लावल्यानंतर काही महिन्यांनी साफ करणे अधिक अवघड होऊ शकते. तुम्ही जर धूळ किंवा बोटांचे ठसे पुसून काढण्याचा प्रयत्न केला, तर रंग निघून जाऊ शकतो.
गृह निर्माणासाठी साधने
