नवीन घराच्या बांधकामातले टप्पे

२७ ऑक्टोबर, २०२०

घराचे बांधकाम हा एखाद्या व्यक्तीच्या आयुष्यातला सर्वात मोठा निर्णय असतो. तुमचे घर ही तुमची ओळख असते. त्यामुळे घराच्या बांधकामामधल्या सर्व टप्प्यांना नीट समजून घेणे अतिशय महत्वाचे आहे. त्यामुळे तुम्ही प्रभावीपणे नियोजन करु शकता आणि तुमच्या नवीन घराच्या बांधकामाचा मागोवा ठेवू शकता.

नियोजन का महत्वाचे आहे

नियोजनामुळे तुम्हाला तुमच्यासाठी साजेसे गृह नियोजन करण्यात, बजेट ठरवण्यात, प्रोजेक्टचा कालावधी निश्चित करण्यात मदत मिळते, ज्यामुळे तुमच्या घराच्या एकंदरीत दर्जाची खात्री दिली जाते. नीट नियोजन केल्यामुळे तुम्ही तुमच्या गृह निर्माण यात्रेमध्ये केवळ नियंत्रणात राहत नाही तर, त्यामुळे तुमच्या बजेटच्या अंदाजे ३०% तुम्ही बचत देखील करु शकता.

इथे तुम्हाला तुमच्या गृह निर्माण यात्रेचे नियोजन करण्यात मदत करणारे गृह निर्माणाचे टप्पे दिलेले आहेत:

१. साईट तयार करणे आणि पाया घालणे

तुमच्या घराच्या निर्माणाचा सर्वात पहिला टप्पा म्हणजे मजबूत आणि कणखर पाया घालणे होय. सर्व प्रथम स्थळावरुन दगड व अवशेष (कचरा) काढून टाकावा. उत्खनन सुरु करण्याआधी स्थळावरच्या पाण्याची चाचणी करुन घ्यावी आणि प्लॅनप्रमाणे आराखड्याचे रेखांकन असण्याची शाश्वती करावी. तुमची बांधकाम टीम साईट समतल (लेव्हलिंग) करेल, पाया घालण्यासाठी छिद्रे पाडेल आणि चरे खणेल.

एकदा कॉंक्रीट ओतले की, त्याला सेट होण्यासाठी सोडले पाहिजे आणि नंतर ते नीट क्युअर व्हायला हवे. क्युअरींग नंतर वॉटरप्रुफिंग आणि वाळवी प्रतिबंधक उपचार करणे यथोचित असते. अल्ट्रा टेक ILW+ डॅंप प्रुफ (आर्द्रता प्रतिबंधक) कोर्स घालण्यासाठी आदर्श आहे. मग तुमच्या टीमने पायाच्या भिंतींच्या सभोवतालचा परिसर पुन्हा चिखलाने भरला पाहिजे.

2. फ्रेमिंग

पाया घातल्यावर पुढचा टप्पा म्हणजे घराचा ढाचा तयार करणे. यामध्ये प्लिंथ, बीम, कॉलम, भिंती, छताचे स्लॅब्स सोबत खिडक्या व दारांच्या चौकटी घालण्याचा समावेश असतो. खोल्यांची विभागणी केली जाईल, ज्यामुळे तुमचे नवीन घर नक्की कसे दिसेल हे कळेल. घराच्या बीम्स व कॉलमची योग्य दखल घ्या, कारण ते ढाच्याच्या बहुतांश भागाचा भार सहन करतात. हा बांधकामाचा सर्वात महत्वाचा टप्पा आहे, कारण यामध्ये तुमच्या घराची दृढता व ढाचा ठरतो. त्यामुळे तुमच्या नवीन घराच्या बांधकामाचे पर्यवेक्षण करणे अतिशय महत्वाचे आहे.

3. दारे आणि खिडक्या स्थापित करणे

एकदा वॉल फिनिशने भिंती प्लॅस्टर केल्या गेल्या की खिडक्या व दारे बसवावी लागतात. खिडक्या व दारे इन्सुलेशन आणि वायुविजन (वेंटिलेशन) प्रदान करतात, त्यामुळे तुमच्या कॉन्ट्रॅक्टरशी वापरल्या जाणाऱ्या यथोचित मटेरियल बद्दल बोला.

४.ब्लंबिंग आणि वायरींग

तुमच्या घराचा ढाचा तयार झाला की, तुम्ही प्लंबिंग व इलेक्ट्रिकल सिस्टिम इन्स्टॉल करणे सुरु करु शकता. तुम्ही इलेक्ट्रिकल बोर्ड व स्विचेसचा प्रवेशानंतर अनियंत्रित ॲक्सेस ठेवला असण्याची खात्री करा. प्रदूषण टाळण्यासाठी सांडपाण्याचे पाईप नेहमी पिण्याच्या पाण्याच्या पाईप्सच्या खाली असले पाहिजेत.

5 फिनिशिंग

शेवटी, तुमची बांधकाम टीम टाईल्स घालेल, इलेक्ट्रिक बोर्ड्स, कॅबिनेट्स, किचनमधल्या काउंटर टॉप्स इ. बसवेल. तुमच्या घराच्या फिनिशिंग डेकोरबद्दल घरातल्या मंडळींसोबत चर्चा करा.

लक्षात ठेवा, तुमच्या घराच्या बांधकामाचा प्रत्येक टप्पा नियंत्रणात असण्याची खात्री करण्यासाठी पर्यवेक्षण अतिशय महत्वाचे आहे. आदर्शपणे, तुम्ही दररोजची प्रगती आणि इनवेंटरीचा आढावा घेण्यासाठी साईटला भेट दिली पाहिजे. जर तुम्हाला कोणत्याही बांधकाम टप्प्यावर मदत हवी असेल तर तुम्ही नजीकच्या अल्ट्रा टेक बिल्डिंग सोल्युशन स्टोरला जाऊन तज्ञांचा सल्ला घेऊ शकता किंवा बांधकामाचे योग्य साहित्य (मटेरियल) घेऊ शकता.

गृह निर्माणाच्या अधिक टिप्स व सल्ल्यासाठी अल्ट्रा टेक सिमेंटच्या # गोष्ट घराची च्या संपर्कात रहा