घराच्या बाहेरील भिंतींसाठी रंग कसा निवडावा ?

तुमच्या घरबांधणीच्या प्रवासातील सर्वात महत्त्वाच्या उत्कंठावर्धक टप्प्यांपैकी एक म्हणजे तुमच्या घरासाठी रंगांची निवड करणे. तुम्ही जे रंग निवडाल, त्यावर तुमच्या घराचे दृश्य स्वरूप ठरेल. आणि घराच्या बाहेरील रंगाची निवड आणि प्रत्यक्षबोध यांवर प्रभाव टाकणारे अनेक घटक असतात. म्हणून तुम्ही लक्षात ठेवाव्यात अशा काही उपयुक्त सूचना आम्ही तुमच्यासाठी देत आहोत, ज्यामुळे तुम्हाला तुमच्या घरासाठी अगदी योग्य रंग निवडता येईल. :

• 1. रंगसंगतींचे एकत्रीकरण : जेवढे कमी तेवढे अधिक चांगले
  खूप जास्त रंगांचा वापर केल्यास ते खूप गच्च पसारा केल्यासारखे वाटते हे लक्षात ठेवणे महत्त्वाचे आहे. सर्वकाही साधेपणाने करून तुमच्या घरासाठी एक किंवा फारतर दोन रंग बाहेरून लावण्यासाठी निवडावेत. काहीसे कंटाळवाणे किंवा एकसुरी वाटतेय असे जर तुम्हाला वाटत असेल, तर तुम्ही एकाच रंगाच्या वेगवेगळ्या छटांचा विचार करू शकता.
  
  
• 2. रंगांची निवड :
  जेव्हा रंगांची निवड करण्याचा प्रश्न येतो, तेव्हा तुम्ही खरे म्हणजे अनेक पर्यायांचा शोध घेतला पाहिजे. तुम्हाला कोणते रंग आवडतात त्यांची अंतिम यादी तयार करण्याचा प्रयत्न करीत असतानाच तुमची अंत:प्रेरणा आणि दिलेले संदर्भ यांचा विचार करा आणि त्यासाठी कोणत्या रंगांचे मिश्रण योग्य वाटेल हे ठरवा. ज्यांच्यावर सहजपणे धूळ जमा होते असे काळे आणि गडद रंग टाळा.
  
  
• 3. प्रकाशामुळे रंगात पडणारा फरक :
  शेड कार्डवरील तुम्ही निवडलेला रंग आणि त्याची रंगच्छटा (शेड) जेव्हा शेवटी तुमच्या घराच्या बाहेरील भिंतीवर लावला जातो, तेव्हा तो भिंतीवर पडणाऱ्या प्रकाशाची गुणवत्ता आणि प्रकार यांनुसार वेगळा दिसू शकतो. भिंतीवर काही रंगांचे आणि रंगच्छटांचे नमुने लावून पाहणे कधीही उत्तम, ज्यामुळे तो शेवटी कसा दिसणार आहे ह्याची नीट कल्पना येते.
  
  
• 4. सभोवतालचा परिसरही महत्त्वाचा असतो :
  तुमच्या घराचे ठिकाण आणि त्याच्या सभोवतालच्या परिसरात काय आहे, ह्याचा विचारही बाहेरच्या भिंतींसाठी रंग निवडताना केला पाहिजे. तुमचे घर उठून दिसावे असे तुम्हाला वाटत असते, त्यामुळे तुम्ही जे रंग निवडाल ते असे असावेत की ते सभोवतालच्या परिसराची भावस्थिती आणि हवामान यांच्याशी जुळणारे हवेत.
  
  
•  5. फक्त रंगांचा विचार करण्याऐवजी त्याच्या पलीकडचा विचार करा :
  फक्त दरवाजे आणि खिडक्या यांच्याऐवजी काही फर्निशिंग्ज, आर्टेफॅक्ट्‌स आणि प्लँट्‌स यांच्या साह्याने तुमच्या घराच्या बाहेरील बाजूस जिवंतपणा येऊ शकतो. साहित्य आणि प्रकाशयोजना यांची निवड योग्यपणे करा, जी तुमच्या बाहेरील रंगाशी सुसंगत असेल. शिवाय, ट्रिम्स आणि ॲक्सेंट रंगांसाठी रंगांची उत्तम रंगसंगती निवडा.
  
  
• 6. टिकाऊपणा :
  तुमच्या घराच्या बाहेरील रंग व्यवस्थित राखणेही महत्त्वाचे आहे. रंगच्छटांचा विचार न करता, रंगांची निवड करताना टिकाऊ आणि देखभालीचा खर्च कमी असलेल्या रंगाची निवड करण्याची काळजी घ्या. खरे म्हणजे ‘‘सॅटिन’’ आणि ‘‘एगशेल’’ रंग खूप टिकाऊ असतात आणि ते सहजपणे साफ करता येतात. त्यांच्यामुळे तुमच्या रंगाला उत्तम फिनिश प्राप्त होते.
  
  
• 7. थीम :
  तुमच्या घराला बाहेरून लावण्यासाठी कोणता रंग वापरावा ह्या गोंधळातून बाहेर पडण्यासाठी तुम्ही प्रथम थीम निश्चित करण्यासाठी काम केले पाहिजे. घराच्या बाहेरील रंगाची थीम निश्चित केल्याने तुम्हाला फक्त बाहेरील भिंतींसाठी रंग निश्चित करणे शक्य होणार नाही, तर तुमचे घर म्हणजे एक घोडचूक वाटण्यापेक्षा त्याच्या सौंदर्यात भर पडेल.
  
  
• 8. हंगाम :
  योग्य हंगामात केल्यास घराच्या बाहेरील भागाचे रंगकाम म्हणजे कार्यक्षमपणे केलेले एक नीरस काम ठरू शकते. उन्हाळ्याच्या हंगामात रंगकाम केल्यास बाहेरील भागाच्या रंगाचे आयुर्मान वाढते. उन्हाळ्यात रंगकाम केल्यामुळे रंग योग्य प्रकारच्या तापमानात नीटपणे सुकतो. बाहेरील भागाला जर तुम्ही हिवाळ्यात किंवा पावसाळ्यात रंग लावला, तर तुम्हाला बाहेरील भागाला रंग लावण्याची प्रक्रिया पुन:पुन्हा करावी लागेल.
  
  
• 9. चाचणी :
  घराच्या बाहेरील भागाला लावण्यासाठी रंगांच्या काही पर्यायांची तुम्ही एकदा निवड केली की बाहेरील भिंतींवर या रंगांच्या नमुन्यांचे मोठाले पट्टे रंगवून बघा. ह्या पट्ट्यांकडे दिवसाच्या वेगवेगळ्या वेळी नीटपणे बघा. ह्या पट्ट्यांकडे उन्हात आणि सावलीत बघा; यामुळे तुम्हाला घराच्या बाहेरील भिंतींसाठी योग्य रंग निवडण्यास मदत होईल. अजूनही घराच्या बाहेरील भागास कोणता रंग वापरावा या बाबतीत तुम्ही गोंधळलेले असलात, तर तुम्ही व्यावसायिक डिझायनर्सची मदत घेऊ शकता किंवा जवळच्या मित्र-मैत्रिणींची मदत घेऊ शकता.