संपर्क करा
तुमच्या प्रश्नांची उत्तरे मिळवा
तुमच्या घरात सकारात्मक ऊर्जा वाढविण्याचे ६ मार्ग
वास्तुशास्त्र हा संस्कृत शब्द आहे, ज्याचा अर्थ वास्तुरचनेचे शास्त्र. यात जागा, रचना, नकाशा, मोजमापे, इत्यादींसारख्या सर्व प्रकारच्या वास्तुरचनेविषयीच्या आणि आराखड्याविषयीच्या कल्पनांचा समावेश होतो. घराची वास्तू सकारात्मक ऊर्जा घेऊन येण्यात महत्त्वाची भूमिका बजावते.
वास्तुतज्ज्ञांनुसार पूजेच्या खोलीसाठी वास्तू
पूजेच्या खोलीसाठी वास्तुशास्त्र आणखीच महत्त्वाचे आहे, कारण यामुळे घराचे पूर्वादेश (ऑरा) आणि वास्तू ठरत असतात. वास्तुतज्ज्ञ असा आग्रह धरतात की, घरातील पूजेची खोली सकारात्मक ऊर्जेचे आणि लहरींचे केंद्र असते आणि म्हणूनच पूजेच्या खोलीसाठी वास्तू अत्यंत महत्त्वाची असते हे तुमचे घर बांधताना मनात ठेवायचे असते.
पूजेच्या खोलीसाठी वास्तूचे महत्त्व
पूजेची खोली घरातील सकारात्मक आणि प्रसन्न ऊर्जांचे केंद्र म्हणून कार्य करते, कारण तुमच्या घरातील देवतांच्या अस्तित्वामुळे तिच्यातून पवित्र ऊर्जा बाहेर पडत असते. फक्त देवतांसाठी स्वतंत्र जागा, म्हणजेच पूजेची खोली देणे - मग ती कितीही लहान असो वा मोठी - तुमच्या घरासाठी अत्यंत महत्त्वाचे असते आणि शांत, सकारात्मक ऊर्जा घेऊन येण्यात वास्तू महत्त्वाची भूमिका बजावीत असते आणि तुमच्या घरात कोणती ऊर्जा उत्सर्जित असते हे ठरवीत असते.
पूजेच्या खोलीमुळे केवळ चांगली कंपने निर्माण होण्यासच मदत होत नाही, तर तुम्हाला दिव्य शक्तींशी जोडले जाण्यासही मदत होते. नकारात्मक ऊर्जेचे निर्मूलन करण्यासाठी तुमचे घर आनंदाने आणि सकारात्मकतेने भरण्यासाठी वास्तू परिपूर्ण असायला हवी.
पूजेच्या खोलीसाठी वास्तूविषयक उपयुक्त सूचना
वास्तुशास्त्राच्या तत्त्वांनुसार पूजेच्या खोलीसाठी योग्य वास्तूमुळे तुमचे घर सकारात्मक आणि दिव्य ऊर्जेचे स्थान बनविण्यासाठी खालील उपयुक्त सूचनांची तुम्हाला मदत होईल :
- 1. पूजेच्या खोलीचे घरातील स्थान :
- पूजेच्या खोलीसाठीच्या वास्तूनुसार, पूजेच्या खोलीसाठी सुचविल्या गेलेल्या प्रत्येक दिशेचे काहीतरी महत्त्व असते आणि ती काही खास बाबींचे प्रतिनिधित्व करते, म्हणूनच पूजेच्या खोलीची जागा ही पूजेच्या खोलीसाठी वास्तूचा सर्वात महत्त्वाचा भाग असतो.
- पूजेच्या खोलीसाठी ईशान्य दिशा सर्वोत्तम समजली जाते, कारण ते भगवान शंकराचे ठिकाण समजले जाते व म्हणूनच जास्त पवित्र असते. त्यानंतर एकतर पूर्व किंवा उत्तर दिशा असली पाहिजे. दक्षिणेकडे तोंड असलेली पूजेच्या खोलीसाठी वास्तू ही अपवित्र समजली जाते.
- तुमची पूजेची खोली जिन्याखाली किंवा वॉशरूमजवळ करणे टाळा, कारण ह्या जागा पूजेच्या खोलीसाठी अपवित्र समजल्या जातात.
- पूजेची खोली तळमजल्यावर किंवा खूप वरच्या मजल्यावर असणार नाही ह्याची काळजी घ्या, कारण वास्तूनुसार ह्या जागा पूजेच्या खोलीसाठी उत्तम समजल्या जात नाहीत.
- पूजेच्या खोलीचा दरवाजा आणि खिडक्या उत्तर किंवा दक्षिण दिशेकडे उघडल्या पाहिजेत.
- पूजेच्या खोलीसाठीच्या वास्तूनुसार पूजेच्या खोलीत सकारात्मक कंपने यावीत म्हणून पिरॅमिडच्या आकाराच्या छताची शिफारस केली गेली आहे.
- पूर्वेकडे तोंड असलेल्या घरांसाठी पूजेच्या खोलीसाठी अशी सूचना केली जाते की, पूजेची खोली दक्षिण किंवा पूर्व कोपऱ्यात असली पाहिजे.
- 2. मूर्ती किंवा देवांची जागा :
- पूजेच्या खोलीसाठीच्या वास्तूनुसार पूजेच्या खोलीतील मूर्तींची तोंडे एकमेकांकडे असू नयेत आणि त्या भिंतीच्या जास्त जवळ नसाव्यात.
- मूर्ती ईशान्य दिशेस असाव्यात.
- सगळ्या मूर्तींची तोंडे एकाच दिशेस असतील, पण दरवाजाकडे नसतील ह्याची काळजी घ्या.
- मूर्ती भिंतीवर ठेवलेल्या नसाव्यात, कारण त्यांच्याभोवती हवा पुरेशा प्रमाणात खेळती असायला हवी.
- पूजेच्या खोलीसाठी वास्तूमध्ये म्हटल्यानुसार मूर्ती जमिनीपासून किमान ६ इंच वर ठेवल्या पाहिजेत.
- या खोलीत मृत व्यक्तींच्या प्रतिमा किंवा हिंसाचार दर्शविणाऱ्या प्रतिमा ठेवणे टाळा.
- मूर्ती दबलेल्या किंवा तुटलेल्या नसतील ह्याची काळजी घ्या.
- दिवे आग्नेय दिशेस लावलेले असले पाहिजेत.
- 3. पवित्र वस्तू ठेवणे :
- पवित्र वस्तू आणि पूजेच्या खोलीतील इतर वस्तू वगळता पूजेच्या खोलीत इतर कोणत्याही वस्तू साठवून ठेवू नयेत. पूजेच्या खोलीत कोणताही पसारा नसावा.
- मूर्तींच्या वर कोणतीही वस्तू कधीही ठेवू नये.
- दिवा आणि अग्निकुंड आग्नेय दिशेस ठेवावेत.
- 4. पूजेच्या खोलीत कॅबिनेट्‌सची जागा :
- पूजेच्या खोलीत कोणत्याही प्रकारची कॅबिनेट्‌स आग्नेय दिशेस असावीत, ज्यामुळे वास्तुशास्त्रानुसार पूजेच्या खोलीत येणारा सूर्यप्रकाश अडवला जात नाही.
- पूजेचे साहित्य ठेवण्यासाठी तुम्ही पिरॅमिडच्या आकाराचा टॉवर किंवा कॅबिनेट्‌स बनवू शकता, कारण त्यातून सकारात्मक कंपने बाहेर पडतात.
- वास्तूनुसार पूजेच्या खोलीत मूर्तींच्या वर कॅबिनेट्‌स बनवलेली नसावीत.
- 5. पूजेच्या खोलीचा रंग :
- या खोलीसाठी फिकट रंग उत्तम असतात, कारण ते सकारात्मक कंपने उत्सर्जित करतात आणि पूजेसाठी आणि प्रार्थनेसाठी आदर्श असतात.
- पूजेच्या खोलीसाठी क्रीम कलर आदर्श असतो.
- निळा, पांढरा आणि फिकट पिवळा रंग शांत आणि ध्यानधारणेसाठी योग्य वातावरण निर्माण करतात.
- ईशान्य दिशेस असलेल्या पूजेच्या खोलीसाठी पांढरा रंग आदर्श असतो.
- 6. पूजेच्या खोलीमधील प्रकाशयोजना :
- दिवसा नीट प्रकाश असावा म्हणून पूजेच्या खोलीत किमान एक खिडकी असणे महत्त्वाचे असते. वास्तूनुसार, यामुळे सूर्याची सकारात्मक ऊर्जा आणि कंपने मोकळेपणाने आत येतात.
- सूर्यास्तानंतरही ह्या खोलीत भरपूर प्रकाश असेल ह्याची काळजी घ्या. पूजेच्या खोलीत पुरेसा प्रकाश असावा म्हणून लाईट लावा किंवा दिवा लावा.
पूजेची खोली ही अत्यंत पवित्र असते आणि तिची जागा वास्तूमधील तत्त्वांनुसार निश्चित केल्याने घर आनंदाने भरलेले राहते. तुमच्या घरात सकारात्मक ऊर्जा यावी म्हणून आणि तुमच्या पवित्र आणि आनंदी घरात नकारातमक ऊर्जेला अजिबात थारा नसावा म्हणून पूजेच्या खोलीसाठी वास्तूविषयक ह्या सर्व सूचनांचे पालन करा.
तुमच्या घरात जी ऊर्जा प्रवेश करते तिला तुमच्या घराच्या मुख्य दरवाजाची योग्य स्थिती (correct positioning of the main door of your home) च्या माध्यमातून नियंत्रित करा आणि तुमच्या घराचे नकारात्मक ऊर्जेपासून संरक्षण करा.
गृह निर्माणासाठी साधने
