ಸಂಪರ್ಕಲ್ಲಿರಿ
ನಿಮ್ಮ ಪ್ರಶ್ನೆಗಳಿಗೆ ಉತ್ತರ ಪಡೆಯಿರಿ
ನಿಮ್ಮ ಮನೆಯನ್ನು ಅದ್ಭುತವಾಗಿ ಪೇಂಟಿಂಗ್ ಮಾಡಲು ಸಲಹೆಗಳು ಮತ್ತು ತಂತ್ರಗಳು
ಕಡೆಯದಾಗಿ ಪರಿಗಣಿಸಬೇಕಾದ ಸಂಗತಿಯಾಗಿದ್ದರೂ ಸಹ ಮನೆಯ ಪೇಂಟಿಂಗ್, ಒಟ್ಟಾರೆ ಮನೆ ನಿರ್ಮಾಣದ ಅವಶ್ಯಕ ಭಾಗವಾಗಿದೆ. ಈ ಮನೆಯ ಪೇಂಟಿಂಗ್ ಸಲಹೆಗಳು ನಿಮ್ಮ ಮನೆಯನ್ನು ದಕ್ಷವಾಗಿ ಪೇಂಟಿಂಗ್ ಮಾಡಲು ಮಾರ್ಗದರ್ಶಿಯಾಗಿದೆ.
ನೀವು ಸಿಮೆಂಟ್‌ನಿಂದ ಹಿಡಿದು ಕಾಂಕ್ರೀಟ್‌ನ ಸಮಗ್ರ ಬಲದವರೆಗೆ ಮನೆ ನವೀಕರಣದ ಹಾದಿಯಲ್ಲಿ ತುಂಬಾ ಆಸಕ್ತಿ ವಹಿಸಿದವರಾಗಿದ್ದರೆ ಮತ್ತು ಮನೆಯ ಪೇಂಟಿಂಗ್ ಕೂಡ ಮಾಡಲು ಬಯಸಿದ್ದರೆ, ಸರಿಯಾದ ಬಣ್ಣ ಮತ್ತು ದೀರ್ಘಬಾಳಿಕೆಯ ಪೇಂಟ್ ಆಯ್ಕೆ ಮಾಡಲು ನಿಮಗಾಗಿ ಕೆಲವು ಮನೆ ಪೇಂಟಿಂಗ್ ಸಲಹೆಗಳನ್ನು ನಾವಿಲ್ಲಿ ಒದಗಿಸಿದ್ದೇವೆ. ಈ ಮನೆ ಪೇಂಟಿಂಗ್ ಮಾರ್ಗದರ್ಶಿ ಪೇಂಟಿಂಗ್ ಸಲಹೆಗಳಿಂದ ಹಿಡಿದು ಗೋಡೆಗಳನ್ನು ಪೇಂಟ್ ಮಾಡಲು ಬಳಸುವ ತಂತ್ರಗಳವರೆಗೆ ಎಲ್ಲವನ್ನೂ ಒಳಗೊಂಡಿದೆ. ಈಗ ಆರಂಭಿಸೋಣ!
ದೀರ್ಘ ಬಾಳಿಕೆಯ ಪೇಂಟ್‌ಗಾಗಿ ಮನೆ ಪೇಂಟಿಂಗ್ ಮಾರ್ಗದರ್ಶಿ
- 1. ಹವಾಮಾನ ಮತ್ತು ಗೋಡೆಯಲ್ಲಿನ ತೇವಾಂಶವನ್ನು ಪರಿಶೀಲಿಸಿ :
ನೀವು ಮಾಡಬೇಕಾದ ಕಾರ್ಯಗಳ ಯೋಜನೆ ಮಾಡಿಕೊಂಡಾಗ ಮತ್ತು ನಿಮ್ಮ ಮನೆಯ ಮೇಕ್‌ಓವರ್ ಅನ್ನು ಪ್ಲ್ಯಾನ್ ಮಾಡುವಾಗ, ಒಂದು ವೇಳೆ ನೀವೇ ಸ್ವತಃ ಮೊದಲ ಬಾರಿ ಮಾಡುತ್ತಿದ್ದರೆ ಸಾಕಷ್ಟು ಸಮಯವನ್ನು ನಿಯೋಜಿಸಿ. ಇದರ ಜೊತೆಗೆ, ಬೇಸಿಗೆ ಅಥವಾ ಚಳಿಗಾಲದ ಸಮಯವನ್ನು ಆಯ್ಕೆ ಮಾಡಿಕೊಳ್ಳಿ ಏಕೆಂದರೆ ಮಳೆಗಾಲದಲ್ಲಿ ಪೇಂಟ್ ಒಣಗುವುದಿಲ್ಲ. ನಿಮ್ಮ ಗೋಡೆಗಳಿಗೆ ಪೇಂಟ್ ಮಾಡಲು ಬೇಸಿಗೆ ಅತ್ಯುತ್ತಮ ಸಮಯವಾಗಿರುತ್ತದೆ.
ತೇವಾಂಶದ ಮೀಟರ್ ನಿಮ್ಮ ಗೋಡೆಯಲ್ಲಿ ಎಷ್ಟು ತೇವಾಂಶ ಇದೆ ಎನ್ನುವುದನ್ನು ಅಳೆಯಲು ವಿಶೇಷವಾಗಿ ವಿನ್ಯಾಸಗೊಳಿಸಿದ ಸಾಧನವಾಗಿದೆ.
ಇದು ಕಾಂಕ್ರೀಟ್ ಫ್ಲೋರ್‌ಗಳು, ಗೋಡೆಗಳು ಮತ್ತು ಸೀಲಿಂಗ್‌ಗಳಲ್ಲಿ ಅಡಗಿರುವ ತೇವಾಂಶವನ್ನು ಪತ್ತೆಮಾಡಬಲ್ಲದು, ಸೋರುವ ಛಾವಣಿ, ಹಾಳಾಗಿರುವ ಪೈಪ್‌ಗಳು, ಮಳೆ ನೀರು ಅಥವಾ ನೆಲದಡಿಯ ಸೀಪೇಜ್‌ ಈ ತೇವಾಂಶಕ್ಕೆ ಕಾರಣವಾಗಿರುವ ಸಾಧ್ಯತೆಯಿದೆ. ತೇವಾಂಶದ ಮೀಟರ್‌ನ ವೈಜ್ಞಾನಿಕ ಮತ್ತು ನಿಖರ ಪತ್ತೆಮಾಡುವಿಕೆ ತೇವಾಂಶದಿಂದ ಉಂಟಾದ ಹಾನಿಯನ್ನು ಮೌಲ್ಯಮಾಪನ ಮಾಡಲು ನಿಮಗೆ ಸಹಾಯ ಮಾಡುತ್ತದೆ, ಇದರಿಂದಾಗಿ ಮನೆಯ ಗೋಡೆಗಳು ಮತ್ತು ಛಾವಣಿಯನ್ನು ಪೇಂಟಿಂಗ್ ಮಾಡುವುದಕ್ಕೆ ಮುನ್ನ ವಾಟರ್‌ಪ್ರೂಫ್ ಮಾಡಲು ನೀವು ಸೂಕ್ತ ಕ್ರಮಗಳನ್ನು ಕೈಗೊಳ್ಳಬಹುದು.
- 2. ಪೇಂಟ್ ಮಾಡುವ ಮೊದಲು ಮೇಲ್ಮೈ ಅನ್ನು ಸ್ವಚ್ಛಗೊಳಿಸಿ :
ಗೋಡೆಗಳನ್ನು ಪೇಂಟ್ ಮಾಡುವ ಮೊದಲು ಗೋಡೆಗಳು ಕೊಳೆಯಾಗಿಲ್ಲ ಎಂದು ಖಚಿತಪಡಿಸಿಕೊಳ್ಳಿ. ಒಂದು ವೇಳೆ ನಿಮ್ಮ ಗೋಡೆಗಳ ಮೇಲೆ ಯಾವುದೇ ಧೂಳಿನ ಕಣಗಳು/ಜೇಡರ ಬಲೆ ಇದ್ದಲ್ಲಿ, ಪೇಂಟಿಂಗ್ ಪ್ರಕ್ರಿಯೆ ಆರಂಭಿಸುವುದಕ್ಕೆ ಮುನ್ನ ಅವುಗಳನ್ನು ಸ್ವಚ್ಛಗೊಳಿಸುವುದು ಒಳ್ಳೆಯದು. ಒಂದು ವೇಳೆ ಮೇಲ್ಮೈ ಮೇಲೆ ಏನೂ ಕಾಣದಿದ್ದರೂ ಸಹ, ಪೇಂಟ್ ಮಾಡುವಾಗ ಯಾವುದೇ ಅಡಚಣೆ ಉಂಟಾಗುವುದನ್ನು ತಪ್ಪಿಸಲು ಮೇಲ್ಮೈ ಗೋಡೆಯನ್ನು ಒರೆಸಿಕೊಳ್ಳುವುದು ಉತ್ತಮ.
- 3. ಪ್ರೀಮಿಯಂ ಗುಣಮಟ್ಟದ ಸಲಕರಣೆ ಮತ್ತು ಪೇಂಟ್ ಖರೀದಿಸಿ :
ಪೇಂಟಿಂಗ್ ಸಲಹೆಗಳನ್ನು ನಿಮಗೆ ನೀಡುತ್ತಿರುವ ಮೂಲ ಉದ್ದೇಶವೆಂದರೆ ಪದೇಪದೇ ನೀವು ಮರುಕೆಲಸ ಮಾಡುವುದನ್ನು ತಪ್ಪಿಸುವಂತಹ ದೀರ್ಘಬಾಳಿಕೆಯ ಪೇಂಟಿಂಗ್ ಒದಗಿಸುವುದಾಗಿದೆ. ಇದಕ್ಕೆ ನೀವು ಉನ್ನತ ಗುಣಮಟ್ಟದ ಪೇಂಟ್ ಹಾಗೂ ಬ್ರಷ್‌ಗಳು, ರೋಲರ್ ಕವರ್‌ಗಳು ಮತ್ತು ಪೇಂಟರ್‌ ಟೇಪ್‌ನಂತಹ ಸಲಕರಣೆಗಳನ್ನು ಖರೀದಿಸಬೇಕಾಗುತ್ತದೆ. ಒಳ್ಳೆಯ ಬ್ರಷ್ ಮತ್ತು ರೋಲರ್ ಕವರ್‌ಗಳು ಒಳ್ಳೆಯ ಕವರೇಜ್ ಒದಗಿಸುತ್ತವೆ ಇದರಿಂದಾಗಿ ನೀವು ಮತ್ತೊಮ್ಮೆ ಬಣ್ಣ ಬಳಿಯುವುದಕ್ಕಾಗಿ ಸಮಯ ಮತ್ತು ಪೇಂಟ್ ಅನ್ನು ವ್ಯರ್ಥಮಾಡಬೇಕಾಗುವುದಿಲ್ಲ ಹಾಗೂ ಒಳ್ಳೆಯ ಗುಣಮಟ್ಟದ ಪೇಂಟರ್ಸ್‌ ಟೇಪ್, ಸೋರುವಿಕೆ ಮತ್ತು ಅಸಮರ್ಪಕ ಸಿಂಪಡಣೆಯನ್ನು ಸರಿಪಡಿಸಲು ಸಹಾಯ ಮಾಡುತ್ತದೆ.
- 4. ಪ್ರೈಮರ್ ಬಳಿಯದೆ ಇರಬೇಡಿ :
ಒಂದು ವೇಳೆ ನೀವು ಹೊಸ ಗೋಡೆಗೆ ಬಣ್ಣ ಬಳಿಯುತ್ತಿದ್ದರೆ, ತಗ್ಗುಗಳನ್ನು ಮರೆ ಮಾಡಲು ಮತ್ತು ಸಮತಟ್ಟಾದ ಮೇಲ್ಮೈ ಒದಗಿಸಲು ಬಣ್ಣ ಬಳಿಯುವುದಕ್ಕೆ ಮೊದಲು ನೀರು ಆಧರಿತ ಪ್ರೈಮರ್ ಬಳಸಿ. ಒಂದು ವೇಳೆ ನೀವು ಪ್ಯಾನೆಲಿಂಗ್, ನೀರಿನಿಂದ ಹಾಳಾದ ಅಥವಾ ಹೊಗೆ ಹಿಡಿದಿರುವ ಗೋಡೆಗಳಿಗೆ ಪೇಂಟ್ ಮಾಡುತ್ತಿದ್ದರೆ, ಆಯ್ಲ್ ಆಧರಿತ ಪೇಂಟ್ ಬಳಸಿ.
- 5. ಸ್ಥಿರವಾದ ಬಣ್ಣಕ್ಕಾಗಿ ದೊಡ್ಡ ಬಕೆಟ್‌ನಲ್ಲಿ ಹಲವು ಕ್ಯಾನ್ ಬಣ್ಣಗಳನ್ನು ಮಿಶ್ರಣ ಮಾಡಿ :
ಪೇಂಟ್‌ಗಳು ಕ್ಯಾನ್‌ನಿಂದ ಕ್ಯಾನ್‌ಗೆ ತುಸು ವ್ಯತ್ಯಾಸವಾಗಬಹುದು, ಹಾಗಾಗಿ ಯಾವುದೇ ಅಸಮರೂಪತೆಯನ್ನು ನಿವಾರಿಸಲು, ಒಂದು ದೊಡ್ಡ ಬಕೆಟ್‌ನಲ್ಲಿ ಕ್ಯಾನ್‌ಗಳನ್ನು ಮಿಶ್ರಣ ಮಾಡಿ ನಂತರ ಬಳಸುವುದು ಉತ್ತಮ. ಅಗತ್ಯವಿರುವ ಪೇಂಟ್‌ನ ಪ್ರಮಾಣದ ಅಂದಾಜು ಮಾಡಿಕೊಂಡು ಅದಕ್ಕನುಸಾರ ಮುಂದುವರಿಯುವುದು ಯಾವಾಗಲೂ ಉತ್ತಮ, ಈ ಪ್ರಕ್ರಿಯೆಯನ್ನು 'ಬಾಕ್ಸಿಂಗ್' ಎನ್ನಲಾಗುತ್ತದೆ.
- 6. ಲ್ಯಾಪ್ ಮಾರ್ಕ್‌ಗಳನ್ನು ನಿವಾರಿಸಿ :
ಈಗಾಗಲೇ ಒಣಗಲು ಆರಂಭಿಸಿರುವ ಪೇಂಟ್ ಮೇಲೆ ರೋಲಿಂಗ್ ಮಾಡಿದ್ದರಿಂದ ಉಂಟಾಗಿರುವ ಪಟ್ಟೆಗಳ ಗುರುತನ್ನು ನಿವಾರಿಸಲು, ಗೋಡೆಯ ಪೂರ್ಣ ಎತ್ತರಕ್ಕೆ ಪೇಂಟ್ ಮಾಡುವ ಮೂಲಕ ಒದ್ದೆ ಅಂಚನ್ನು ಇರಿಸಿಕೊಳ್ಳಿ ಮತ್ತು ನಂತರ ಪಕ್ಕದಲ್ಲಿ ಪೇಂಟಿಂಗ್ ಮಾಡಿ ಇದರಿಂದಾಗಿ ನೀವು ಕೊನೆಯಲ್ಲಿ ಪೇಂಟ್ ಮಾಡಿದ ಅಂಚಿನಿಂದ ಓವರ್‌ಲ್ಯಾಪ್ ಮಾಡಿ ಬಣ್ಣ ಬಳಿಯುವುದನ್ನು ಮುಂದುವರಿಸಬಹುದು.
- 7. ಮೊದಲು ಟ್ರಿಮ್‌ಗೆ ಪೇಂಟ್ ಮಾಡಿ :
ಪರಿಣಿತರು ಒಂದು ಅನುಕ್ರಮದಲ್ಲಿ ಪೇಂಟ್ ಮಾಡುತ್ತಾರೆ. ಅವರು ಮೊದಲು ಟ್ರಿಮ್‌ಗಳನ್ನು ಪೇಂಟ್ ಮಾಡುತ್ತಾರೆ, ನಂತರ ಛಾವಣಿ ಹಾಗೂ ಆ ಬಳಿಕ ಗೋಡೆಗಳಿಗೆ ಪೇಂಟ್ ಮಾಡುತ್ತಾರೆ. ಏಕೆಂದರೆ ಗೋಡೆಯನ್ನು ಟೇಪ್ ಆಫ್ ಮಾಡುವುದಕ್ಕಿಂತ ಟ್ರಿಮ್‌ಗಳನ್ನು ಪೇಂಟ್ ಮಾಡುವುದು ಸುಲಭ ಮತ್ತು ವೇಗವಾದ ಕೆಲಸ. ಟ್ರಿಮ್‌ಗೆ ಪೇಂಟ್ ಮಾಡುವಾಗ, ನೀವು ಪರಿಪೂರ್ಣತೆಯನ್ನು ಸಾಧಿಸಬೇಕಿಲ್ಲ, ನೀವು ಕೇವಲ ಮರದ ಮೇಲೆ ನಯವಾದ ಫಿನಿಶಿಂಗ್ ಮಾಡಿದರೆ ಸಾಕು.
- 8. ನುಣುಪಾದ ಫಿನಿಶ್‌ಗಾಗಿ ಕೋಟ್‌ಗಳ ನಡುವೆ ಸ್ಯಾಂಡ್ ಟ್ರಿಮ್ ಮಾಡಿ :
ಒಂದು ಕೋಟ್ ಪೇಂಟ್ ಬಹುಶಃ ಟ್ರಿಮ್‌ನ ಬಣ್ಣ ಮತ್ತು ಹೊಳಪನ್ನು ಮರೆಮಾಡಲಾರದು. ಮತ್ತು ಕೋಟ್‌ಗಳ ನಡುವೆ ನೀವು ಮೇಲ್ಮೈ ಅನ್ನು ಉಜ್ಜದಿದ್ದರೆ, ಫಿನಿಶಿಂಗ್ ನಯವಾಗಿಲ್ಲದಿರಬಹುದು. ನುಣುಪಾದ ಫಿನಿಶ್‌ಗಾಗಿ, ಪೇಂಟ್‌ನ ಪ್ರತಿ ಕೋಟ್ ಬಳಿಯುವುದಕ್ಕೆ ಮುನ್ನ ಟ್ರಿಮ್ ಅನ್ನು ಸ್ಯಾಂಡ್ ಪೇಪರ್‌ನಿಂದ ಉಜ್ಜಿ.
ಈ ಪೇಂಟಿಂಗ್ ಸಲಹೆಗಳು ಸ್ವತಃ ನೀವೇ ಸಂಪೂರ್ಣ ಪೇಂಟಿಂಗ್ ಕೈಗೊಳ್ಳಲು ನಿಮ್ಮನ್ನು ಪ್ರೇರೇಪಿಸಿದ್ದರೆ, ಆರಂಭಿಸುವುದಕ್ಕೆ ಮೊದಲು ಈ ಲೇಖನ ಓದುವಂತೆ ನಾವು ನಿಮಗೆ ಸಲಹೆ ನೀಡುತ್ತೇವೆ :
https://www.ultratechcement.com/home-building-explained-single/how-to-choose-the-right-exterior-paint-colours-for-your-home
ಪದೇಪದೇ ಕೇಳುವ ಪ್ರಶ್ನೆಗಳು
1. ಹಳೆಯ ಪೇಂಟ್ ಮೇಲೆ ನೇರವಾಗಿ ಪೇಂಟ್ ಮಾಡಬಹುದೇ ?
ಹಳೆಯ ಪೇಂಟ್ ಮತ್ತು ಹೊಸ ಪೇಂಟ್ ರಾಸಾಯನಿಕವಾಗಿ ಒಂದೇ ಆಗಿದ್ದರೆ (ಉದಾಹರಣೆಗೆ ಆಯ್ಲ್ ಆಧರಿತ) ಬಹುಶಃ ನಿಮಗೆ ಪ್ರೈಮರ್ ಅಗತ್ಯ ಬರುವುದಿಲ್ಲ. ಒಂದು ವೇಳೆ ಪ್ರಸ್ತುತ ಗೋಡೆ ನುಣುಪು ಮತ್ತು ಸ್ವಚ್ಛವಾಗಿದ್ದರೆ, ಹಳೆಯ ಪೇಂಟ್ ಮೇಲೆ ನೀವು ನೇರವಾಗಿ ಹೊಸ ಪೇಂಟ್ ಬಳಸಬಹುದು.
2. ನೀವು ಹಚ್ಚಬೇಕಾದ ಕನಿಷ್ಟ ಪೇಂಟ್ ಕೋಟ್ ಎಷ್ಟು ?
ಕನಿಷ್ಟ ಎರಡು ಕೋಟ್ ಪೇಂಟ್ ಹೊಡೆಯಬೇಕು ಎನ್ನುವುದು ನಿಯಮವಾಗಿದೆ. ಅದಾಗ್ಯೂ, ಸಾಮಗ್ರಿ ಮತ್ತು ಗೋಡೆಗೆ ಹಿಂದೆ ಹೊಡೆದಿರುವ ಬಣ್ಣ ಈ ವಿಷಯದಲ್ಲಿ ಪ್ರಮುಖ ಪಾತ್ರ ವಹಿಸಬಲ್ಲದು, ಉದಾಹರಣೆಗೆ, ಬಣ್ಣ ಹೊಡೆಯದೆ ಇರುವ ಒಣಗೋಡೆಗೆ, ನೀವು ಪ್ರೈಮರ್ ಅಥವಾ ಅಂಡರ್‌ಕೋಟ್ ಪೇಂಟ್ ಅನ್ನೂ ಬಳಿಯಬೇಕಾಗುತ್ತದೆ.
3. ಪೇಂಟ್ ಮಾಡುವುದಕ್ಕೆ ಮೊದಲು ನೀವು ನಿಮ್ಮ ಗೋಡೆಗೆ ಪ್ರೈಮರ್ ಹಚ್ಚದಿದ್ದರೆ ಏನಾಗುತ್ತದೆ ?
ಒಂದು ವೇಳೆ ಪ್ರೈಮರ್ ಹಚ್ಚದಿದ್ದರೆ, ನಿಮ್ಮ ಪೇಂಟ್ ಕಿತ್ತು ಬರುವ ಅಧಿಕ ಅಪಾಯವಿರುತ್ತದೆ, ವಿಶೇಷವಾಗಿ ಆರ್ದ್ರ ಪರಿಸ್ಥಿತಿಗಳಲ್ಲಿ. ಇದರ ಜೊತೆಗೆ, ಅಂಟಿಕೊಳ್ಳುವಿಕೆ ಇಲ್ಲದಿದ್ದಲ್ಲಿ ಪೇಂಟ್ ಒಣಗಿದ ತಿಂಗಳುಗಳ ಬಳಿಕ ಸ್ವಚ್ಛಗೊಳಿಸುವಿಕೆಯನ್ನು ಕಠಿಣವಾಗಿಸಬಹುದು. ಕೊಳೆ ಅಥವಾ ಬೆರಳಚ್ಚನ್ನು ನಿವಾರಿಸಲು ನೀವು ಪ್ರಯತ್ನಿಸುವಾಗ ಪೇಂಟ್ ಕಿತ್ತುಬರುವುದನ್ನು ನೀವು ಕಾಣಬಹುದು.
ಮನೆ ನಿರ್ಮಾಣಕ್ಕಾಗಿ ಪರಿಕರಗಳು
