ಸಂಪರ್ಕಲ್ಲಿರಿ
ನಿಮ್ಮ ಪ್ರಶ್ನೆಗಳಿಗೆ ಉತ್ತರ ಪಡೆಯಿರಿ
ವಾಸ್ತು ಅನುಸರಣೆಯ ಅಡುಗೆಮನೆ ವಿನ್ಯಾಸಕ್ಕೆ ಸುಲಭ ಸಲಹೆಗಳು
ನಿಸರ್ಗದ ಐದು ಅಂಶಗಳ ಪೈಕಿ ಒಂದಾದ ಅಗ್ನಿ ಇರುವ ಸ್ಥಳ, ಅಡುಗೆಮನೆ. ಈ ಅಂಶದ ಪ್ರಯೋಜನಗಳನ್ನು ಪಡೆದುಕೊಳ್ಳಲು ಅಡುಗೆಮನೆಗೆ ಸರಿಯಾದ ವಾಸ್ತುವನ್ನು ಅಳವಡಿಸುವುದು ಅತ್ಯಂತ ಮುಖ್ಯ, ಇಲ್ಲದಿದ್ದಲ್ಲಿ ಅಡುಗೆಮನೆಯಲ್ಲಿ ತೊಂದರೆಗಳು ಆಗಬಹುದು.
ವಾಸ್ತುಶಾಸ್ತ್ರದ ಪ್ರಕಾರ ನಿಮ್ಮ ಅಡುಗೆಮನೆ ನಿರ್ಮಿಸುವುದರ ಮಹತ್ವ
ಮನೆಯಲ್ಲಿ ಪೂಜಾ ಕೋಣೆಯ ಬಳಿಕ ಅಡುಗೆ ಕೋಣೆಯನ್ನು ಅತ್ಯಂತ ಪವಿತ್ರ ಎಂದು ಪರಿಗಣಿಸಲಾಗುತ್ತದೆ ಏಕೆಂದರೆ ಅನ್ನದೇವತೆ ಅನ್ನಪೂರ್ಣಾದೇವಿ ಇಲ್ಲಿ ನೆಲೆಸಿರುತ್ತಾಳೆ. ಅಡುಗೆಮನೆ ಎಂಬುದು ನಮ್ಮ ದೈನಂದಿನ ಕಾರ್ಯಗಳನ್ನು ಪೂರ್ಣಗೊಳಿಸಲು ನಮಗೆ ಶಕ್ತಿ ನೀಡುವ, ನಮ್ಮ ಹಸಿವನ್ನು ನೀಗಿಸುವ ಮತ್ತು ನಮ್ಮನ್ನು ಆರೋಗ್ಯಕರ ಮತ್ತು ಸದೃಢವಾಗಿ ಇರಿಸುವ ದೈನಂದಿನ ಊಟವನ್ನು ಸಿದ್ಧಪಡಿಸುವ ಸ್ಥಳವಾಗಿದೆ.
‘ಅಡುಗೆಮನೆಯ ಸರಿಯಾದ ವಾಸ್ತು, ನಕಾರಾತ್ಮಕ ಶಕ್ತಿಗಳನ್ನು ದೂರ ಇರಿಸುವ ಮೂಲಕ ಸಕಾರಾತ್ಮಕ ವಾತಾವರಣದೊಂದಿಗೆ ಆರೋಗ್ಯಕರ ಬದುಕನ್ನು ಖಾತ್ರಿಪಡಿಸುತ್ತದೆ. ವಾಸ್ತು ಪ್ರಕಾರ ನಿರ್ಮಿಸದೆ ಇರುವ ಅಡುಗೆಮನೆ ಆರ್ಥಿಕ ಹೊರೆ, ಕಾಯಿಲೆ ಮತ್ತು ಕುಟುಂಬದ ವ್ಯಾಜ್ಯ ಇತ್ಯಾದಿಗಳಿಗೆ ಆಹ್ವಾನ ನೀಡುವುದು ಕಂಡುಬಂದಿದೆ.
ಅಡುಗೆಮನೆ ವಾಸ್ತು ಸಲಹೆಗಳು ಮತ್ತು ಮಾರ್ಗಸೂಚಿಗಳು
ಅಡುಗೆಮನೆ ಇರಬೇಕಾದ ಸ್ಥಳ :
ಅಡುಗೆಮನೆ ಇರಬೇಕಾದ ಸ್ಥಳ :
- ಅಡುಗೆಮನೆ ವಾಸ್ತು ಸಲಹೆಗಳ ಪ್ರಕಾರ, ಮನೆಯ ಆಗ್ನೇಯ ಭಾಗವು ಅಗ್ನಿ ಅಂಶವನ್ನು ಒಳಗೊಂಡಿರುವುದರಿಂದ ಅಡುಗೆಮನೆ ನಿರ್ಮಿಸಲು ಅತ್ಯುತ್ತಮ ಸ್ಥಳವಾಗಿದೆ.
- ಸಮರ್ಪಕವಾದ ಅಡುಗೆಮನೆ ವಾಸ್ತು ದಿಕ್ಕು ವಾಯವ್ಯ ದಿಕ್ಕಾಗಿದೆ.
- ಅಡುಗೆಮನೆಗಾಗಿ ಉತ್ತರ, ಈಶಾನ್ಯ ಮತ್ತು ನೈರುತ್ಯ ದಿಕ್ಕುಗಳನ್ನು ಬಳಸಬಾರದು ಏಕೆಂದರೆ ವಾಸ್ತು ಪ್ರಕಾರ ಅವು ಅಡುಗೆಮನೆಗೆ ಸೂಕ್ತವಾದ ದಿಕ್ಕುಗಳಲ್ಲ.
- ಬಾತ್‌ರೂಂ ಮತ್ತು ಅಡುಗೆಮನೆಯನ್ನು ಜೊತೆಯಾಗಿ ನಿರ್ಮಿಸಬೇಡಿ ಏಕೆಂದರೆ ವಾಸ್ತು ಶಾಸ್ತ್ರದ ಪ್ರಕಾರ ಇದು ದೋಷವಾಗಿದೆ.
ಪ್ರವೇಶ :
ಪ್ರವೇಶ :
ಸೂಕ್ತ ಅಡುಗೆಮನೆ ವಾಸ್ತು ಸಲಹೆಗಳ ಪ್ರಕಾರ ಬಾಗಿಲು ಪಶ್ಚಿಮ ಅಥವಾ ಉತ್ತರ ದಿಕ್ಕಿನಲ್ಲಿರಬೇಕು. ಅಡುಗೆಮನೆಗೆ ಇದನ್ನು ಅತ್ಯಂತ ಶುಭಕರ ದಿಕ್ಕು ಎಂದು ಪರಿಗಣಿಸಲಾಗುತ್ತದೆ. ಒಂದು ವೇಳೆ, ಈ ದಿಕ್ಕುಗಳು ಲಭ್ಯವಿಲ್ಲದಿದ್ದರೆ, ಆಗ್ನೇಯ ದಿಕ್ಕನ್ನು ಕೂಡ ಬಳಸಬಹುದು.
ಗ್ಯಾಸ್ ಸ್ಟವ್ :
ಗ್ಯಾಸ್ ಸ್ಟವ್ :
- ಅಡುಗೆಮನೆಯ ನೈರುತ್ಯ ದಿಕ್ಕಿನಲ್ಲಿ ಗ್ಯಾಸ್ ಒಲೆ ಇರಿಸಬೇಕು ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ.
- ಅಡುಗೆ ಮಾಡುವಾಗ ನೀವು ಪೂರ್ವ ದಿಕ್ಕಿಗೆ ಮುಖ ಮಾಡಿರುವ ರೀತಿ ಗ್ಯಾಸ್ ಒಲೆಯನ್ನು ಇರಿಸಬೇಕು.
ಬಾಗಿಲುಗಳು ಮತ್ತು ಕಿಟಕಿಗಳು :
ಬಾಗಿಲುಗಳು ಮತ್ತು ಕಿಟಕಿಗಳು :
- ಅಡುಗೆಮನೆ ಪ್ರವೇಶಕ್ಕೆ ಆದರ್ಶವಾಗಿ ಒಂದೇ ಬಾಗಿಲಿರಬೇಕು ಮತ್ತು ಪರಸ್ಪರ ವಿರುದ್ಧವಾಗಿರುವ ಎರಡು ಬಾಗಿಲುಗಳನ್ನು ಎಂದಿಗೂ ನಿರ್ಮಿಸಬಾರದು. ಒಂದು ವೇಳೆ ಎರಡು ಬಾಗಿಲುಗಳಿದ್ದರೆ, ಉತ್ತರ ಅಥವಾ ಪಶ್ಚಿಮಕ್ಕೆ ಅಭಿಮುಖವಾಗಿರುವುದನ್ನು ತೆರೆದಿರಿಸಬೇಕು ಮತ್ತು ವಿರುದ್ಧ ದಿಕ್ಕಿನಲ್ಲಿರುವುದನ್ನು ಮುಚ್ಚಿರಬೇಕು.
- ವಾಸ್ತು ಪ್ರಕಾರ ಅಡುಗೆಮನೆಯ ಬಾಗಿಲು ಪ್ರದಕ್ಷಿಣಾಕಾರವಾಗಿ (ಬಲದಿಂದ ಎಡಕ್ಕೆ) ತೆರೆಯುವಂತಿರಬೇಕು ಇದು ಸಮೃದ್ಧಿ ಮತ್ತು ಸುಖವನ್ನು ತಂದುಕೊಡುತ್ತದೆ. ಅಪ್ರದಕ್ಷಿಣಾಕಾರವಾಗಿರುವ (ಎಡದಿಂದ ಬಲಕ್ಕೆ ತೆರೆಯುವ) ಬಾಗಿಲು ನಿಧಾನ ಪ್ರಗತಿ ಮತ್ತು ವಿಳಂಬಿತ ಫಲಿತಾಂಶಗಳನ್ನು ತರುತ್ತದೆ.
- ಕಿಟಕಿ ಹೊಂದಿರುವುದು ಅತ್ಯಂತ ಮುಖ್ಯವಾಗಿದೆ ಏಕೆಂದರೆ ಇದು ಸಕಾರಾತ್ಮಕ ಶಕ್ತಿಗಳಿಗೆ ಅನುಕೂಲ ಕಲ್ಪಿಸುತ್ತದೆ ಹಾಗೂ ಅಡುಗೆಮನೆಯಲ್ಲಿ ಸಾಕಷ್ಟು ಗಾಳಿ ಬೆಳಕು ಮತ್ತು ಪ್ರಕಾಶಕ್ಕೆ ಅವಕಾಶ ಕಲ್ಪಿಸುತ್ತದೆ.
- ಕಿಟಕಿಗಳನ್ನು ಅಡುಗೆಮನೆಯ ಪೂರ್ವ ಅಥವಾ ದಕ್ಷಿಣ ಭಾಗದಲ್ಲಿ ಇರಿಸಬೇಕು ಇದರಿಂದ ಸೂರ್ಯನ ಕಿರಣಗಳು ಮತ್ತು ಗಾಳಿ ಸುಲಭವಾಗಿ ಪ್ರವೇಶಿಸುತ್ತದೆ.
- ಒಂದು ವೇಳೆ ಅಡುಗೆಮನೆಯಲ್ಲಿ ಎರಡು ಕಿಟಕಿಗಳಿದ್ದರೆ, ಆಗ ಪರ್ಯಾಯ ವಾತಾನುಕೂಲಕ್ಕೆ ಅನುಕೂಲ ಕಲ್ಪಿಸಲು ಸಣ್ಣ ಕಿಟಕಿಯು ದೊಡ್ಡ ಕಿಟಕಿಯ ವಿರುದ್ಧ ದಿಕ್ಕಿನಲ್ಲಿ ಇರಬೇಕು.
- ಸಣ್ಣ ಕಿಟಕಿಯನ್ನು ಆದರ್ಶವಾಗಿ ದಕ್ಷಿಣ ಭಾಗದಲ್ಲಿ ಅಥವಾ ದೊಡ್ಡ ಕಿಟಕಿಯ ವಿರುದ್ಧ ದಿಕ್ಕಿನಲ್ಲಿ ನಿರ್ಮಿಸಬೇಕು.
ಅಡುಗೆಮನೆಯ ಸ್ಲ್ಯಾಬ್ :
ಅಡುಗೆಮನೆಯ ಸ್ಲ್ಯಾಬ್ :
- ಗ್ರಾನೈಟ್ ಬದಲು ಕಪ್ಪು ಮಾರ್ಬಲ್ ಅಥವಾ ಶಿಲೆಯಿಂದ ಸ್ಲ್ಯಾಬ್ ನಿರ್ಮಿಸಬೇಕು ಎಂದು ವಾಸ್ತುಶಾಸ್ತ್ರ ಹೇಳುತ್ತದೆ.
- ಅಡುಗೆಮನೆಯ ಸ್ಲ್ಯಾಬ್‌ನ ಬಣ್ಣವು ಅಡುಗೆಮನೆಯ ದಿಕ್ಕಿನ ಮೇಲೂ ಅವಲಂಬಿತವಾಗಿರುತ್ತದೆ.
- ಒಂದು ವೇಳೆ ಅಡುಗೆಮನೆ ಪೂರ್ವದಲ್ಲಿದ್ದರೆ, ಹಸಿರು ಅಥವಾ ಕಂದು ಬಣ್ಣದ ಸ್ಲ್ಯಾಬ್ ಅತ್ಯುತ್ತಮ.
- ಒಂದು ವೇಳೆ ಅಡುಗೆಮನೆ ಈಶಾನ್ಯದಲ್ಲಿದ್ದರೆ, ಹಳದಿ ಬಣ್ಣದ ಸ್ಲ್ಯಾಬ್ ಅತ್ಯುತ್ತಮ.
- ದಕ್ಷಿಣ ಅಥವಾ ಆಗ್ನೇಯ ದಿಕ್ಕಿನಲ್ಲಿರುವ ಅಡುಗೆಮನೆಗೆ, ವಾಸ್ತು ಪ್ರಕಾರ ಕಂದು, ಮರೂನ್ ಅಥವಾ ಹಸಿರು ಸ್ಲ್ಯಾಬ್ ಅನ್ನು ಶಿಫಾರಸು ಮಾಡಲಾಗಿದೆ.
- ಒಂದು ವೇಳೆ ಅಡುಗೆಮನೆ ಪಶ್ಚಿಮದಲ್ಲಿದ್ದರೆ, ಬೂದು ಅಥವಾ ಹಳದಿ ಬಣ್ಣದ ಸ್ಲ್ಯಾಬ್ ಅತ್ಯುತ್ತಮ.
- ಉತ್ತರ ದಿಕ್ಕಿನಲ್ಲಿರುವ ಅಡುಗೆಮನೆಗೆ, ಸ್ಲ್ಯಾಬ್ ಹಸಿರು ಬಣ್ಣದಲ್ಲಿರಬೇಕು ಆದರೆ ಉತ್ತರ ದಿಕ್ಕಿನಲ್ಲಿ ಅಡುಗೆಮನೆ ನಿರ್ಮಿಸದಂತೆ ವಾಸ್ತುಶಾಸ್ತ್ರ ಸಲಹೆ ನೀಡುತ್ತದೆ.
ಅಡುಗೆಮನೆ ಸಿಂಕ್ :
ಅಡುಗೆಮನೆ ಸಿಂಕ್ :
- ಆದರ್ಶವಾಗಿ, ಅಡುಗೆಮನೆ ಸಿಂಕ್ ಉತ್ತರ ಅಥವಾ ಈಶಾನ್ಯ ದಿಕ್ಕಿನಲ್ಲಿ ಇರಿಸಬೇಕು.
- ಸಿಂಕ್ ಒಲೆಗೆ ಸಮಾನಾಂತರವಾಗಿ ಅಥವಾ ಅದೇ ದಿಕ್ಕಿನಲ್ಲಿ ಇರಿಸಬೇಡಿ, ಏಕೆಂದರೆ ವಾಸ್ತು ಪ್ರಕಾರ, ಅಗ್ನಿ ಮತ್ತು ಜಲದ ಧಾತುಗಳು ಪರಸ್ಪರ ವಿರೋಧಿಯಾಗಿವೆ ಮತ್ತು ಜೊತೆಯಾಗಿ ನಕಾರಾತ್ಮಕ ಪರಿಣಾಮಗಳಿಗೆ ಕಾರಣವಾಗಬಹುದು.
- ಹಾನಿಕಾರಕ ಪರಿಣಾಮಗಳನ್ನು ನಿವಾರಿಸಲು, ಒಂದು ವೇಳೆ ಜೊತೆಯಾಗಿ ನಿರ್ಮಿಸಿದರೆ ಸಿಂಕ್ ಮತ್ತು ಒಲೆಯ ನಡುವೆ ಬೋನ್ ಚೈನಾ ವೇಸ್ ಇರಿಸುವಂತೆ ವಾಸ್ತು ಸಲಹೆಯಲ್ಲಿ ತಿಳಿಸಲಾಗಿದೆ.
ಕುಡಿಯುವ ನೀರು :
ಕುಡಿಯುವ ನೀರು :
- ವಾಸ್ತು ಶಾಸ್ತ್ರದ ಸಲಹೆಯ ಪ್ರಕಾರ, ಕುಡಿಯುವ ನೀರು ಮತ್ತು ಪಾತ್ರೆಗಳಿಗಾಗಿ ಸಲಕರಣೆಗಳನ್ನು ಕೂಡ ಅಡುಗೆಮನೆಯ ಒಳಗೆ ಇರಿಸಬೇಕು.
- ಮನೆಯ ಈಶಾನ್ಯ ಅಥವಾ ಉತ್ತರ ದಿಕ್ಕು ಕುಡಿಯುವ ನೀರು ಇರಿಸಲು ಸೂಕ್ತವಾದುದು ಎಂದು ವಾಸ್ತುಶಾಸ್ತ್ರದಲ್ಲಿ ಹೇಳಲಾಗಿದೆ.
- ಒಂದು ವೇಳೆ ಉತ್ತರ ಮತ್ತು ಈಶಾನ್ಯ ದಿಕ್ಕುಗಳು ಲಭ್ಯವಿಲ್ಲದಿದ್ದರೆ ಅದನ್ನು ಪೂರ್ವದ ಮೂಲೆಯಲ್ಲೂ ಇರಿಸಬಹುದು.
ಅಡುಗೆಮನೆ ಸಲಕರಣೆಗಳು :
ಅಡುಗೆಮನೆ ಸಲಕರಣೆಗಳು :
- ಅಡುಗೆಮನೆ ವಾಸ್ತು ಪ್ರಕಾರ, ಫ್ರಿಜ್ ಅನ್ನು ಅಡುಗೆಮನೆಯ ನೈರುತ್ಯ ಅಥವಾ ಬೇರೆ ಮೂಲೆಗಳಲ್ಲಿ ಇರಿಸಬೇಕು ಆದರೆ ಎಂದಿಗೂ ಈಶಾನ್ಯ ಮೂಲೆಯಲ್ಲಿ ಇರಿಸಬಾರದು.
- ವಾಸ್ತು ಪ್ರಕಾರ ಅಡುಗೆಮನೆಯನ್ನು ಎಂದಿಗೂ ಗೋಜಲಾಗಿ ಇರಿಸಿಕೊಳ್ಳಬಾರದು, ಆದ್ದರಿಂದ ಎಲ್ಲ ಪಾತ್ರೆಗಳನ್ನು ಅಡುಗೆಮನೆಯ ದಕ್ಷಿಣ ಅಥವಾ ಪಶ್ಚಿಮ ಮೂಲೆಯಲ್ಲಿ ಅಚ್ಷುಕಟ್ಟಾಗಿ ಜೋಡಿಸಿ.
- ಅಡುಗೆಮನೆಯ ಎಲ್ಲ ವಿದ್ಯುತ್ ಉಪಕರಣಗಳನ್ನು ಆಗ್ನೇಯ ಮೂಲೆಯಲ್ಲಿ ಇರಿಸಬೇಕು ಮತ್ತು ಈ ಸಲಕರಣೆಗಳು ಹಾಳಾಗುವುದಕ್ಕೆ ಕಾರಣವಾಗುವುದರಿಂದ ಈಶಾನ್ಯ ಮೂಲೆಯಲ್ಲಿ ಇರಿಸಬಾರದು.
ಅಡುಗೆಮನೆಯ ಬಣ್ಣ :
ಅಡುಗೆಮನೆಯ ಬಣ್ಣ :
- ಅಡುಗೆಮನೆ ವಾಸ್ತು ಪ್ರಕಾರ ಅಡುಗೆಮನೆಗೆ ತಿಳಿಬಣ್ಣಗಳನ್ನು ಶಿಫಾರಸು ಮಾಡಲಾಗಿದೆ.
- ವಾಸ್ತು ಪ್ರಕಾರ ಕೆಂಪು, ತಿಳಿ ಗುಲಾಬಿ, ಕಿತ್ತಳೆ ಮತ್ತು ಹಸಿರನ್ನು ಕೂಡ ಅಡುಗೆಮನೆ ಬಣ್ಣಗಳಾಗಿ ಬಳಸಬಹುದು.
- ಅಡುಗೆಮನೆಯ ವಾತಾವರಣವನ್ನು ಕತ್ತಲೆಯಾಗಿಸುವುದರಿಂದ ಗಾಢ ಬಣ್ಣಗಳನ್ನು ಬಳಸಬೇಡಿ.
ಈ ಮೇಲಿನವು, ವಾಸ್ತುಸ್ನೇಹಿಯಾದ ಮತ್ತು ಸಕಾರಾತ್ಮಕ ಲಹರಿಯನ್ನು ಸೃಷ್ಟಿಸುವ ಮತ್ತು ನಿಮ್ಮನ್ನು ಹಾಗೂ ನಿಮ್ಮ ಕುಟುಂಬಸದಸ್ಯರನ್ನು ಸದೃಢ ಮತ್ತು ಆರೋಗ್ಯಕರವಾಗಿ ಇರಿಸುವ ಅಡುಗೆಮನೆ ನಿರ್ಮಾಣಕ್ಕೆ ನೀವು ತಿಳಿದುಕೊಳ್ಳಬೇಕಾದ ವಾಸ್ತು ಸಲಹೆಗಳಾಗಿವೆ.
ಮನೆಯ ಇನ್ನೊಂದು ಮಂಗಳಕರ ಭಾಗವಾಗಿದ್ದು, ನಿಮ್ಮ ಮನೆಯಲ್ಲಿ ಪ್ರಶಾಂತತೆ ಮತ್ತು ನೆಮ್ಮದಿಯ ವಾತಾವರಣ ಸೃಷ್ಟಿಸಲು ನಿಮ್ಮ ಗಮನವನ್ನು ಬಯಸುತ್ತದೆ. ಪೂಜಾಕೋಣೆಯ ವಾಸ್ತು ಕುರಿತು ಇನ್ನಷ್ಟು ಓದಿ
ಮನೆ ನಿರ್ಮಾಣಕ್ಕಾಗಿ ಪರಿಕರಗಳು
