સંપર્કમાં રહો
તમારા પ્રશ્નોના જવાબ મેળવો
તમારા બેડરૂમ માટે વાસ્તુને લગતા 5 મહત્વના સૂચનો
બેડરૂમ એ ઘરમાં વ્યક્તિનો એક અંગત ખૂણો હોય છે, જ્યાં તે આરામ કરે છે અને નવરાશના સમયમાં આનંદની પળો વિતાવે છે. નવરાશનો સમય વિતાવવા અને આરામ કરવા માટેની જગ્યા એક સલામત જગ્યા હોય છે, જે વ્યક્તિ માટે ખૂબ જ અંગત અને ખાસ હોય છે અને તેના માટે યોગ્ય ઊર્જાના તરંગોની જરૂર પડે છે, જેથી કરીને બેડરૂમમાં પોઝિટિવ અને શાંતિપૂર્ણ વાતાવરણ જળવાઈ રહે તેની ખાતરી થઈ શકે.
આ માટે વાસ્તુશાસ્ત્ર ખૂબ જ ઉપયોગી સાબિત થાય છે. બેડરૂમ માટે યોગ્ય વાસ્તુશાસ્ત્ર હોવું એ ખૂબ જ મહત્વપૂર્ણ છે, જેથી કરીને તે પોઝિટિવ ઊર્જા ફેલાવનારી સલામત જગ્યા બની રહે અને અહીં વ્યક્તિને શાંતિનો અનુભવ થાય.
તમારો બેડરૂમ વાસ્તુશાસ્ત્ર મુજબ બનાવવાનું મહત્વ
લોકો તેમના ઘરની રચના એ પ્રકારે કરે છે કે તેમને ઘર જેવી શાંતિ અનુભવાય અને યોગ્ય વાસ્તુ ધરાવતો બેડરૂમ વ્યક્તિ જ્યારે દિવસના અંતે થાકેલો-હારેલો ઘરે આવે છે ત્યારે તેમને આરામ કરતી વખતે કેવી અનુભૂતિ થશે, તે નિર્ધારિત કરે છે. એટલું જ નહીં, આપણો બેડરૂમ આપણને દુનિયાની ભાગદોડથી દૂર એક એવો અવકાશ આપે છે, જ્યાં આપણે શાંતિથી આપણું કામ કરી શકીએ, કંઇક લખી શકીએ, આપણી મનગમતી પ્રવૃત્તિ કરી શકીએ. બેડરૂમ માટેનું યોગ્ય વાસ્તુ આ રૂમમાં કેવા પ્રકારની ઊર્જા જળવાઈ રહેશે, તે નિર્ધારિત કરનારું મહત્વનું પરિબળ તો છે જ પરંતુ તેની સાથે-સાથે તે આપણાં આરોગ્ય, સુખાકારી અને સફળતા માટે પણ એટલું જ મહત્વનું પરિબળ છે.
વાસ્તુ મુજબનો માસ્ટર બેડરૂમ
દિશા : માસ્ટર બેડરૂમ માટેના વાસ્તુના સૂચનો મુજબ, બેડરૂમ દક્ષિણ-પશ્ચિમ (નેઋત્ય) દિશામાં હોવો જોઇએ.
મુખ્ય દરવાજાની સ્થિતિ :માસ્ટર બેડરૂમ માટેની વાસ્તુની માર્ગદર્શિકામાં સૂચવ્યાં મુજબ, બેડરૂમનો દરવાજો 90 અંશના ખૂણે ખુલતો હોવો જોઇએ, દરવાજો ખોલતી કે બંધ કરતી વખતે તેમાંથી કોઈ કર્કશ અવાજો આવવા જોઇએ નહીં અને તે પૂર્વ, પશ્ચિમ કે ઉત્તર દિશામાં આવેલો હોવો જોઇએ.
પલંગની ગોઠવણ :માસ્ટર બેડરૂમ માટેના વાસ્તુના સૂચનો મુજબ, વાસ્તુના સિદ્ધાંતોમાં પલંગને દક્ષિણ અથવા પશ્ચિમ દિશામાં ગોઠવવાની ભલામણ કરવામાં આવી છે, જેથી કરીને સૂતી વખતે તમારા પગ ઉત્તર અથવા પૂર્વ દિશામાં રહે. પલંગ રૂમના ખૂણાને બદલે વચ્ચે હોવો જોઇએ.
રંગ :માસ્ટર બેડરૂમ માટેની વાસ્તુની માર્ગદર્શિકા મુજબ માસ્ટર બેડરૂમના આદર્શ રંગો આ મુજબ છેઃ રાખોડી, લીલો, ગુલાબી અને વાદળી તથા આઇવરી કે કોઇપણ આછા રંગો.
વૉર્ડરોબની ગોઠવણ :વૉર્ડરોબ પશ્ચિમ, દક્ષિણ-પશ્ચિમ (નેઋત્ય) અથવા દક્ષિણ દિશામાં મૂકેલું હોવું જોઇએ કારણ કે, આ દિશાઓ માસ્ટર બેડરૂમ માટેના વાસ્તુના સૂચનો મુજબ પોઝિટિવ ઊર્જા ફેલાવે છે.
સજાવટ :રૂમની દિવાલો પર સુંદર લેન્ડસ્કેપ કે સમુદ્રના મનને શાંતિ આપે તેવા પેઇન્ટિંગ્સ લગાવવાની ભલામણ કરવામાં આવે છે. માસ્ટર બેડરૂમ માટેના વાસ્તુની માર્ગદર્શિકા મુજબ હિંસાનું વર્ણન કરતા હોય તેવા કોઇપણ પેઇન્ટિંગને ટાળવા જોઇએ.
બેડરૂમ માટે વાસ્તુના સરળ સૂચનો
બેડરૂમની દિશા :
બેડરૂમની દિશા :
- વાસ્તુ મુજબ બેડરૂમની આદર્શ દિશા ઉત્તર દિશા છે, કારણ કે તે કારકિર્દી સંબંધિત સફળતા આપતી હોવાનું માનવામાં આવે છે.
- બેડરૂમ માટે પશ્ચિમ દિશાને પણ સારી માનવામાં આવે છે, કારણ કે, બેડરૂમ માટેના વાસ્તુના સૂચનો મુજબ સંપત્તિને આકર્ષે છે.
- બેડરૂમને ઘરની વચ્ચોવચ્ચ, ઉત્તર-પૂર્વ (ઇશાન) અને દક્ષિણ-પૂર્વ (અગ્નિ) દિશાઓમાં બનાવશો નહીં.
વાસ્તુ મુજબ પલંગની દિશા, આકાર અને સ્થિતિ :
વાસ્તુ મુજબ પલંગની દિશા, આકાર અને સ્થિતિ :
- વાસ્તુ મુજબ પલંગની આદર્શ દિશા રૂમની દક્ષિણ-પશ્ચિમ (નેઋત્ય) દિશા છે.
- પલંગ લાકડાંમાંથી બનાવેલો હોવો જોઇએ અને તે ચોરસ અથવા લંબચોરસ આકારનો હોવો જોઇએ.
- પલંગને ઘરના બીમની નીચે મૂકવો જોઇએ નહીં.
- પલંગની દિશાઓ માટે વાસ્તુ દ્વારા કરવામાં આવેલી ભલામણ મુજબ પલંગ રૂમની વચ્ચે હોવો જોઇએ, દિવાલોની નજીક નહીં.
વાસ્તુ મુજબ સૂવાની દિશા :
વાસ્તુ મુજબ સૂવાની દિશા :
અરીસો, વૉર્ડરોબ અને ડ્રેસર્સની ગોઠવણ :
અરીસો, વૉર્ડરોબ અને ડ્રેસર્સની ગોઠવણ :
- તમારું વૉર્ડરોબ બેડરૂમની દક્ષિણ-પશ્ચિમ (નેઋત્ય) દિશામાં ગોઠવેલું હોવું જોઇએ અને તેનો દરવાજો ઉત્તર અથવા પૂર્વ દિશામાં ખૂલતો હોવો જોઇએ.
- અરીસાની ગોઠવણ ઉત્તર અથવા પૂર્વ દિશામાં હોવી જોઇએ. તે પલંગની સામે ક્યારેય હોવો જોઇએ નહીં, કારણ કે, સૂતી વખતે અરીસામાં પોતાના જ પ્રતિબિંબને જોવું અશુભ માનવામાં આવે છે.
- મૂલ્યવાન ચીજોને ઉત્તર દિશામાં મૂકવી જોઇએ, કારણ કે, આ જ દિશામાં સંપત્તિના દેવનો વાસ માનવામાં આવે છે.
- તમારા રૂમમાં કોઇપણ પ્રકારની અવ્યવસ્થા ન હોવી જોઇએ, કારણ કે, અવ્યવસ્થિત રૂમ ઊર્જાના પ્રવાહને અવરોધે છે.
- ડ્રેસરને પલંગની બાજુમાં ગોઠવવું જોઇએ.
બેડરૂમની સીલિંગ :
બેડરૂમની સીલિંગ :
- અપ્રમાણસર કે ઢાળવાળી સીલિંગની રચના કરવાનું ટાળો કારણ કે તેનાથી માનસિક તણાવ આવે છે અને અનિંદ્રાની સમસ્યા સર્જાય છે.
- સીલિંગની ઊંચાઈ 10-12 ફૂટની હોવી જોઇએ, કારણ કે તે પોઝિટિવ ઊર્જાને ફેલાવા માટે પૂરતો અવકાશ આપે છે.
- સીલિંગ આછા રંગની હોવી જોઇએ, કારણ કે ઘેરા રંગની સીલિંગ દુર્ભાગ્ય અને અવરોધોને આમંત્રે છે.
- સીલિંગને ઝુમ્મર કે ડીઝાઇન વડે સુશોભિત કરવી જોઇએ નહીં, આદર્શ રીતે જોઇએ તો, તે સાવ સાદી હોવી જોઇએ, જેમાં લંબચોરસ કે ચોરસ પેટર્નમાં ત્રણ રેખાઓ ઘરના કેન્દ્ર સુધી જતી હોવી જોઇએ.
બેડરૂમમાં અગાસી :
બેડરૂમમાં અગાસી :
- અગાસીને ઉત્તર, ઉત્તર-પૂર્વ (ઇશાન) અથવા પૂર્વ દિશામાં બાંધવી જોઇએ.
- અગાસીની દિવાલો 90 અંશના ખૂણે હોવી જોઇએ.
- બાલ્કનીના ઉત્તર-પૂર્વ હિસ્સામાં નીચી બેઠક હોવી જોઇએ, જેમાં ફૂલો કે લહેરદાર પ્રિન્ટ હોય, કારણ કે તેનાથી સૌર ઊર્જા સરળતાથી પ્રવાહિત થઈ શકે છે, જે અગાસીની સાથે જોડાયેલા રૂમમાં પૂરતો પ્રકાશ પૂરો પાડવામાં મદદરૂપ થાય છે.
બેડરૂમનો રંગ :
બેડરૂમનો રંગ :
- તમારા બેડરૂમનો રંગ હળવા અને આછા શૅડનો હોવો જોઇએ.
- ઑફ-વ્હાઇટ, ક્રીમ, રાખોડી, ગુલાબી અને વાદળી એ બેડરૂમ માટેના આદર્શ રંગો છે.
- રૂમમાં હળવો અને વૈવિધ્યસભર રંગ રૂમમાં જીવંત અને તણાવમુક્ત વાતાવરણ જળવાઈ રહે તેની ખાતરી કરે છે અને તેનાથી મૂડ બદલાઈ શકે છે.
- તમારે તમારા રૂમમાં ઘેરા શૅડ્સનો ઉપયોગ કરવાનું ટાળવું જોઇએ, કારણ કે, તેનાથી નકારાત્મક ઊર્જા અને કંપનો આવતા હોવાનું માનવામાં આવે છે.
હવે તમે જ્યારે બેડરૂમ માટેના યોગ્ય વાસ્તુથી વાકેફ થઈ ગયાં છો, તો તમારી આ અંગત જગ્યાને પોઝિટિવ અને નિર્મળ કંપનોથી ભરી દો અને તેને તમારું અભયસ્થાન બનાવી દો.
બેડરૂમ સિવાય તમારો વૉશરૂમ પણ એક એવી જગ્યા છે, જ્યાં તમે તમારો નોંધપાત્ર સમય વિતાવો છો અને અહીં તમારી ઘણી બધી વૈચારિક પ્રક્રિયાઓ પણ થાય છે. વાસ્તુ મુજબ યોગ્ય રીતે તેનું નિર્માણ કરીને આ જગ્યા એક આરામદાયક જગ્યા બની રહે તેની ખાતરી કરો. વૉશરૂમ માટેના વાસ્તુ અંગે વધુ વાંચો.
ઘરનું નિર્માણ કરવાના સાધનો
