નવા ઘરના બાંધકામના તબક્કાઓ

27 ઓક્ટોબર, 2020

પોતાનું ઘર બનાવવું એ જીવનનો સૌથી મોટા નિર્ણયોમાનો એક છે. તમારું ઘર તમારી ઓળખ છે. આમ, ઘરના બાંધકામના તમામ તબક્કાને સમજવું આવશ્યક છે, જેથી તમે તમારા નવા મકાનના બાંધકામનું આયોજન કરી અને તેની પ્રગતિ પર ધ્યાન આપી શકો.

શા માટે આયોજન મહત્વપૂર્ણ છે:

આયોજન તમને યોગ્ય ઘરનો નકશો, અંદાજપત્ર (બજેટ) ફાળવણી, પ્રોજેક્ટ સમયરેખા નક્કી કરવામાં મદદ કરે છે, અને તે રીતે તમારા ઘરની એકંદર ગુણવત્તાને સુનિશ્ચિત કરે છે. યોગ્ય આયોજન સાથે, તમે ફક્ત તમારા ઘરના નિર્માણની સફરના નિયંત્રણમાં નથી રહેતા, પરંતુ તમે તમારા બજેટના 30% જેટલી બચત પણ કરી શકો છો.

તમારા ઘરના નિર્માણના સફરની યોજના બનાવવામાં સહાય કરવા માટે, અહીં ઘરના બાંધકામના તબક્કાઓ આપેલ છે:

1. સ્થળ (સાઇટ) ને તૈયાર કરવું અને પાયો નાખવો

તમારું ઘર બનાવવાનું પ્રથમ પગલું છે એક મજબૂત અને નક્કર પાયો નાખવાનું. પ્રથમ, સ્થળને ખડકો અને કાટમાળથી સાફ કરવામાં આવે છે. ખોદકામ શરૂ કરતા પહેલા, સ્થળ પર જળ પરીક્ષણ કરાવો અને સુનિશ્ચિત ખાતરી કરો કે લેઆઉટનાં નિશાનો નકશા મુજબ છે. તમારી બાંધકામ ટીમ સ્થળને સમથળ બનાવશે અને પાયો નાખવા માટે ખાડા ખોદશે.

એકવાર કોંક્રિટ રેડવામાં આવે તે પછી, તેને સ્થાયી થઈ જવા અને સંપૂર્ણપણે જામી જવા છોડી દેવું જોઈએ જામી ગયા (ક્યોરિંગ) પછી, વોટરપ્રૂફિંગ અને ઊધઈ-વિરોધી સારવાર કરવા ઉત્તમ છે. અલ્ટ્રાટેક આઇએલડબલ્યુ+ ભેજ-પ્રૂફ આવરણ પૂરું પાડવા માટે આદર્શ છે. તે પછી, તમારી ટીમે કાદવ સાથે પાયાની દિવાલોની આસપાસના વિસ્તારમાં ભરાઈ (બેકફિલ) કરવી જોઈએ.

2. ઢાંચો (ફ્રેમિંગ)

એકવાર પાયો તૈયાર થઈ ગયા પછી, આગળનું પગલું ઘરનું માળખું બનાવવાનું છે. આમાં બારીઓ અને દરવાજા માટેના બારસાખ (ફ્રેમ્સ) ની સાથે પ્લીન્થ્સ, બીમ, કૉલમ, દિવાલો, છતનું કામ સામેલ છે. ઓરડાઓ વચ્ચેની દીવાલો ચણવામાં આવે છે, જે બતાવશે કે તમારું નવું બનાવેલું ઘર કેવું દેખાશે. ઘરની આજુબાજુ બીમ અને કોલમની નોંધ બનાવો, કારણ કે તે મોટાભાગના બંધારણનો બોજ ઉઠાવે છે. આ બાંધકામનો સૌથી મહત્વપૂર્ણ તબક્કો છે કારણ કે આ તમારા ઘરની મજબૂતી અને બંધારણ આનાથી નિર્ધારિત થાય છે. તેથી તમારા નવા ઘરના નિર્માણ માટે દેખરેખ રાખવી નિર્ણાયક છે.

3. દરવાજા અને બારીઓ લગાવવી

એક વાર દિવાલો પર આખરી પ્લાસ્ટર થઈ ગયા પછી, બારીઓ અને દરવાજા લગાવવાની જરૂર પડશે. બારીઓ અને દરવાજા ઇન્સ્યુલેશન અને હવાની મુક્ત અવરજવર (વેન્ટિલેશન) પૂરા પાડે છે, તેથી તમારા કોન્ટ્રાક્ટરને યોગ્ય સામગ્રીના ઉપયોગ કરવા વિષે કહો.

4. પ્લમ્બિંગ અને વાયરિંગ

તમારા ઘરનું કોંક્રિટ માળખું તૈયાર થઈ ગયા પછી, તમે પ્લમ્બિંગ અને ઇલેક્ટ્રિકલ સિસ્ટમ્સ લગાવવાની શરૂઆત કરી શકો છો. સુનિશ્ચિત કરો કે રહેવા જાઓ પછી તમે ઇલેક્ટ્રિકલ બોર્ડ અને સ્વીચો અનિયંત્રઇત રીતે હાથવગી હોય તે રીતે લગાવવામાં આવે. દૂષિત ન થાય તે માટે પાણીની પાઈપોની નીચે ગટરની પાઈપો હોવી જોઈએ.

5. આખરી ઓપ

છેલ્લે, તમારી બાંધકામ ટીમ ટાઇલ્સ લગાવે છે, ઇલેક્ટ્રિકલ બોર્ડ, કેબિનેટ્સ, રસોડું કાઉન્ટર ટોપ્સ વગેરે લગાવશે કરશે. તમારા ઘરના અંતિમ ઓપ વિશે તમારા પરિવારના સભ્યો સાથે ચર્ચા-મસલત કરો.

યાદ રાખો કે ઘરના બાંધકામના દરેક તબક્કા તમારા નિયંત્રણમાં હોય જેની ખાતરી કરવા માટે તેના પર દેખરેખ રાખવી એ મુખ્ય ચાવી છે. આદર્શ રીતે, તમારે કામની પ્રગતિ અને માલ-સામગ્રીનો સ્ટોક લેવા માટે દરરોજ સાઇટની મુલાકાત લેવી જોઈએ. જો તમને તમારા નવા ઘરના નિર્માણના કોઈપણ તબક્કે સહાયની જરૂર હોય, તો તમે નિષ્ણાતની સલાહ માટે અથવા નજીકમાં મકાન સામગ્રીને શોધવા માટે તમારા નજીકના અલ્ટ્રાટેક બિલ્ડિંગ સોલ્યુશન્સ સ્ટોરની મુલાકાત લઈ શકો છો.

વધુ ઘર બનાવવાની ટીપ્સ અને સલાહ માટે અલ્ટ્રાટેક સિમેન્ટ દ્વારા #વાત ઘરની છે પર સંપર્કમાં રહો